Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32012R1117

Regolament ta’ Implimentazzjoni tal-Kunsill (UE) Nru 1117/2012 tad- 29 ta’ Novembru 2012 li jimplimenta l-Artikolu 32(1) tar-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja

ĠU L 330, 30.11.2012, p. 9–11 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/reg_impl/2012/1117/oj

30.11.2012   

MT

Il-Ġurnal Uffiċjali tal-Unjoni Ewropea

L 330/9

REGOLAMENT TA’ IMPLIMENTAZZJONI TAL-KUNSILL (UE) Nru 1117/2012

tad-29 ta’ Novembru 2012

li jimplimenta l-Artikolu 32(1) tar-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea.

Wara li kkunsidra r-Regolament tal-Kunsill (UE) Nru 36/2012 tat-18 ta’ Jannar 2012 dwar miżuri restrittivi fid-dawl tas-sitwazzjoni fis-Sirja (1), u b’mod partikolari l-Artikolu 32(1) tiegħu,

Billi:

(1)

Fit-18 ta’ Jannar 2012, il-Kunsill adotta r-Regolament (UE) Nru 36/2012.

(2)

F’konformità mad-Deċiżjoni tal-Kunsill 2012/739/PESK tad-29 ta' Novembru 2012 dwar miżuri restrittivi kontra s-Sirja (2), il-lista ta’ persuni, entitajiet u korpi soġġetti għall-miżuri restrittivi li tinsab fl-Anness II għar-Regolament (IE) Nru 36/2012 għandha tiġi aġġornata kif adatt,

ADOTTA DAN IR-REGOLAMENT:

Artikolu 1

L-Anness II għar-Regolament (UE) Nru 36/2012 għandu jiġi emendat kif jinsab fl-Anness għal dan ir-Regolament.

Artikolu 2

Ir-Regolament għandu jidħol fis-seħħ fid-data tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Novembru 2012.

Għall-Kunsill

Il-President

N. SYLIKIOTIS

(1)  ĠU L 16, 19.1.2012, p. 1.

(2)  Ara paġna 21 ta' dan il-Ġurnal Uffiċjali.

ANNESS

I.

L-entrati għall-persuni fil-lista ta' persuni fiżiċi u ġuridiċi, entitajiet jew korpi li jinsabu fl-Anness II għar-Regolament (UE) Nru 36/2012 elenkati hawn taħt għandhom jiġu sostitwiti bl-entrati segwenti.

A.   Persuni

 

Isem

Informazzjoni ta’ identifikazzjoni

Raġunijiet

Data ta’ elenkar

1.

Fares Chehabi (magħruf ukoll bħala Fares Shihabi; Fares Chihabi)

Iben Ahmad Chehabi;

Data tat-twelid: 7 ta' Mejju 1972

President tal-Kamra tal-Industrija ta' Aleppo. Viċi President ta' Cham Holding. Jipprovdi appoġġ ekonomiku lir-reġim Sirjan.

2.9.2011

2.

Nasser Al-Ali (magħruf ukoll bħala Brigadier Ġeneral Nasr al-Ali)

Kap tal-Fergħa Reġjonali ta' Deraa (Direttorat għas-Sigurtà Politika)

Bħala l-Kap tal-Fergħa Reġjonali ta' Deraa tad-Direttorat għas-Sigurtà Politika, responsabbli għad-detenzjoni u t-tortura tad-detenuti. Minn April 2012 huwa l-Kap tas-sit ta' Deraa tad-Direttorat għas-Sigurtà Politika (ex-kap tal-fergħa ta' Homs).

23.1.2012

3.

Sulieman Maarouf (magħruf ukoll bħala Suleiman Maarouf, Sulayman Mahmud Ma'ruf, Sleiman Maarouf, Mahmoud Soleiman Maarouf; Sulaiman Maarouf)

Passaport: għandu passaport tar-Renju Unit

Negozjant qrib tal-familja tal-President Al-Assad. Għandu ishma fl-istazzjon tat-televiżjoni elenkat Dounja TV. Qrib ta' Muhammad Nasif Khayrbik, li ġie nominat. Jappoġġa lir-reġim Sirjan.

16.10.2012

4.

Razan Othman

Mart Rami Makhlouf, bint Walif Othman;

Data tat-twelid: 31 ta' Jannar 1977;

Post tat-twelid: gvernaturat ta' Latakia;

Nru tal-ID: 06090034007

Hija għandha relazzjonijiet personali u finanzjarji mill-qrib ma' Rami Makhlouf, kuġin tal-president Bashar Al-Assad u finanzjatur prinċipali tar-reġim, li ġie nominat. Bħala tali, hija assoċjata mar-reġim Sirjan, u qed tibbenefika minnu.

16.10.2012

B.   Entitajiet

 

Isem

Informazzjoni ta’ identifikazzjoni

Raġunijiet

Data ta’ elenkar

1.

Centre d'études et de recherches syrien (CERS) (magħruf ukoll bħala; Centre d'Etude et de Recherche Scientifique (CERS); Scientific Studies and Research Center (SSRC); Centre de Recherche de Kaboun)

Barzeh Street, P.O. Box 4470, Damasku

Jagħti appoġġ lill-armata Sirjana għall-kisba ta' materjali li jservu direttament għas-sorveljanza u għar-repressjoni tad-dimostranti.

1.12.2011

2.

Megatrade

Indirizz: Aleppo Street, P.O. Box 5966, Damasku, Sirja;

Fax: 963114471081

Taġixxi f'isem iċ-Ċentru tal-Istudji u r-Riċerka Xjentifika (SSRC), li huwa elenkat. Involuta fil-kummerċ ta' prodotti b'użu doppju pprojbiti minn sanzjonijiet tal-UE għall-gvern Sirjan.

16.10.2012

3.

Expert Partners

Indirizz: Rukn Addin, Saladin Street, Building 5, P.O. Box: 7006, Damasku, Sirja

Taġixxi f'isem iċ-Ċentru tal-Istudji u r-Riċerka Xjentifika (SSRC), li huwa elenkat. Involuta fil-kummerċ ta' prodotti b'użu doppju pprojbiti minn sanzjonijiet tal-UE għall-gvern Sirjan.

16.10.2012

II.

Il-persuna elenkata hawn taħt għandha titneħħa mil-lista ta’ persuni fiżiċi u ġuridiċi, entitajiet jew korpi li tinsab fl-Anness II għar-Regolament (UE) Nru 36/2012.

Il-Brigadier Ġeneral Nasr al-Ali
Top