This document is an excerpt from the EUR-Lex website
Document 32012D0488
2012/488/EU: Council Decision of 22 June 2012 on the position to be taken by the European Union within the Committee on Trade and Sustainable Development set up by the Free Trade Agreement between the European Union and its Member States, of the one part, and the Republic of Korea, of the other part, as regards the operation of the Civil Society Forum and the establishment of the Panel of Experts to examine the matters in the areas falling within the scope of the Committee on Trade and Sustainable Development
2012/488/UE: Deċiżjoni tal-Kunsill tat- 22 ta’ Ġunju 2012 dwar il-pożizzjoni li għandha tieħu l-Unjoni Ewropea fil-Kumitat għall-Kummerċ u l-Iżvilupp Sostenibbli stabbilit bil-Ftehim ta’ Kummerċ Ħieles bejn l-Unjoni Ewropea u l-Istati Membri tagħha minn naħa, u r-Repubblika tal-Korea min-naħa l-oħra, fir-rigward tal-operat tal-Forum tas-Soċjetà Ċivili u t-twaqqif tal-Bord ta’ Esperti li jeżamina l-kwistjonijiet fl-oqsma li jaqgħu fl-ambitu tal-Kumitat għall-Kummerċ u l-Iżvilupp Sostenibbli
2012/488/UE: Deċiżjoni tal-Kunsill tat- 22 ta’ Ġunju 2012 dwar il-pożizzjoni li għandha tieħu l-Unjoni Ewropea fil-Kumitat għall-Kummerċ u l-Iżvilupp Sostenibbli stabbilit bil-Ftehim ta’ Kummerċ Ħieles bejn l-Unjoni Ewropea u l-Istati Membri tagħha minn naħa, u r-Repubblika tal-Korea min-naħa l-oħra, fir-rigward tal-operat tal-Forum tas-Soċjetà Ċivili u t-twaqqif tal-Bord ta’ Esperti li jeżamina l-kwistjonijiet fl-oqsma li jaqgħu fl-ambitu tal-Kumitat għall-Kummerċ u l-Iżvilupp Sostenibbli
ĠU L 231, 28.8.2012, pp. 1–5
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
28.8.2012 |
MT |
Il-Ġurnal Uffiċjali tal-Unjoni Ewropea |
L 231/1 |
DEĊIŻJONI TAL-KUNSILL
tat-22 ta’ Ġunju 2012
dwar il-pożizzjoni li għandha tieħu l-Unjoni Ewropea fil-Kumitat għall-Kummerċ u l-Iżvilupp Sostenibbli stabbilit bil-Ftehim ta’ Kummerċ Ħieles bejn l-Unjoni Ewropea u l-Istati Membri tagħha minn naħa, u r-Repubblika tal-Korea min-naħa l-oħra, fir-rigward tal-operat tal-Forum tas-Soċjetà Ċivili u t-twaqqif tal-Bord ta’ Esperti li jeżamina l-kwistjonijiet fl-oqsma li jaqgħu fl-ambitu tal-Kumitat għall-Kummerċ u l-Iżvilupp Sostenibbli
(2012/488/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(4), l-ewwel subparagrafu, flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Fit-23 ta’ April 2007 l-Kunsill awtorizza lill-Kummissjoni biex tinnegozja ftehim ta’ kummerċ ħieles mar-Repubblika tal-Korea f’isem l-Unjoni Ewropea u l-Istati Membri tagħha. |
|
(2) |
Fis-6 ta’ Ottubru 2010 ġie ffirmat il-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra (1) (“il-Ftehim”). |
|
(3) |
B’konformità mal-Artikolu 15.10(5) tal-Ftehim, il-Ftehim ġie applikat provviżorjament mill-1 ta’ Lulju 2011 suġġett għal li jiġi konkluż aktar tard. |
|
(4) |
L-Artikolu 13.13(1) tal-Ftehim jistipula li l-partijiet għandhom jaqblu b’deċiżjoni tal-Kumitat għall-Kummerċ u l-Iżvilupp Sostenibbli (TSD) (“il-Kumitat għall-Kummerċ u l-Iżvilupp Sostenibbli”) dwar l-operat tal-Forum tas-Soċjetà Ċivili sa mhux aktar tard minn sena wara d-dħul fis-seħħ tal-Ftehim. |
|
(5) |
L-Artikolu 13.15(3) jipprevedi li titwaqqaf lista ta’ persuni li jistgħu jiġu msejħa biex iservu f’Bord ta’ Esperti biex jeżaminaw kwalunkwe kwistjoni li tista’ tinqala’ skont il-kapitolu TSD li ma tistax tiġi indirizzata b’mod sodisfaċenti permezz ta’ konsultazzjonijiet mal-gvern. |
|
(6) |
L-Unjoni għandha tiddetermina l-pożizzjoni li għandha tieħu dwar l-operat tal-Forum tas-Soċjetà Ċivili u l-lista ta’ persuni li jitsgħu jiġu msejħa biex iservu bħala esperti, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tieħu l-Unjoni fil-Kumitat għall-Kummerċ u l-Iżvilupp Sostenibbli UE-Korea stabbilit bil-Ftehim ta’ Kummerċ Ħieles bejn l-Unjoni Ewropea u l-Istati Membri tagħha minn naħa, u r-Repubblika tal-Korea min-naħa l-oħra, dwar:
|
(a) |
l-operat tal-Forum tas-Soċjetà Ċivili previst fl-Artikolu 13.13(1) tal-Ftehim u |
|
(b) |
it-twaqqif ta’ lista ta’ persuni kkwalifikati biex iservu bħala membri ta’ Bord, skont l-Artikolu 13.15(3) tal-Ftehim, |
għandha tissejjes fuq l-abbożż tad-deċiżjonijiet tal-Kumitat għall-Kummerċ u l-Iżvilupp Sostenibbli UE-Korea mehmuża ma’ din id-Deċiżjoni.
Artikolu 2
Din id-Deċiżjoni għandha tidħol fis-seħħ dakinhar tal-adozzjoni tagħha.
Magħmul fil-Lussemburgu, it-22 ta’ Ġunju 2012.
Għall-Kunsill
Il-President
M. VESTAGER
ABBOZZ
DEĊIŻJONI Nru …/2012 TAL-KUMITAT GĦALL-KUMMERĊ U L-IŻVILUPP SOSTENIBBLI UE-KOREA
ta’
dwar l-adozzjoni tar-regoli ta’ operat tal-Forum tas-Soċjetà Ċivili kif meħtieġ bl-Artikolu 13.13 tal-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, minn naħa, u r-Repubblika tal-Korea, min-naħa l-oħra
IL-KUMITAT GĦALL-KUMMERĊ U L-IŻVILUPP SOSTENIBBLI,
Wara li kkunsidra l-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, minn naħa, u r-Repubblika tal-Korea, min-naħa l-oħra, iffirmat fi Brussell fis-6 ta’ Ottubru 2010 (“il-Ftehim”), u b’mod partikolari l-Artikolu 13.13 tiegħu,
Billi:
|
(1) |
L-Artikolu 13.13 tal-Ftehim jistipula li l-membri tal-Grupp(i) ta’ Konsultazzjoni Domestika minn kull Parti għandhom jiltaqgħu f’Forum tas-Soċjetà Ċivili. |
|
(2) |
L-għamla tal-Forum tas-Soċjetà Ċivili għandha tkun b’mod li jkun hemm rappreżentanza bbilanċjata tal-membri tal-Grupp(i) ta’ Konsultazzjoni Domestika. |
|
(3) |
Il-Partijiet għandhom jaqblu b’deċiżjoni tal-Kumitat għall-Kummerċ u l-Iżvilupp Sostenibbli UE-Korea dwar l-operat tal-Forum tas-Soċjetà Ċivili sa mhux aktar tard minn sena wara d-dħul fis-seħħ ta’ dan il-Ftehim, |
ADOTTA DIN ID-DEĊIŻJONI:
Artikolu 1
Ir-regoli tal-operat tal-Forum tas-Soċjetà Ċivili, kif imfassla fl-Anness ta’ din id-Deċiżjoni huma b’dan stabbiliti.
Artikolu 2
Din id-Deċiżjoni għandha tidħol fis-seħħ dakinhar tal-adozzjoni tagħha.
Magħmul fi… nhar …
Għall-Kumitat għall-Kummerċ u l-Iżvilupp Sostenibbli UE-Korea
Kopresidenza tal-Kumitat għall-Kummerċ u l-Iżvilupp Sostenibbli UE-Korea tar-Repubblika tal-Korea
Kopresidenza tal-Kumitat għall-Kummerċ u l-Iżvilupp Sostenibbli UE-Korea tal-Unjoni Ewropea
ANNESS
REGOLI TA’ OPERAT TAL-FORUM TAS-SOĊJETÀ ĊIVILI
Artikolu 1
Il-Forum tas-Soċjetà Ċivili se jkun magħmul minn 12-il membru tal-Grupp ta’ Konsultazzjoni Domestika tal-UE u 12-il membru tal-Grupp ta’ Konsultazzjoni Domestika tal-Korea maħtura mill-Gruppi ta’ Konsultazzjoni Domestika nfushom. Il-membri jistgħu jkunu akkumpanjati minn konsulenti esperti. Ir-rappreżentanti tal-Forum tas-Soċjetà Ċivili minn kull Parti għandhom jinkludu tal-inqas tliet (3) rappreżentanti ta’ organizzazzjonijiet tan-negozju, trejdjunjins u organizzazzjonijiet tal-ambjent mhux governattivi rispettivament.
Artikolu 2
Il-Forum tas-Soċjetà Ċivili għandu jkollu ko-presidenza mill-UE u mill-Korea. Il-ko-presidenzi se jkunu maħtura mill-Grupp ta’ Konsultazzjoni Domestika tal-UE u l-Grupp(i) ta’ Konsultazzjoni Domestika tal-Korea, rispettivament, fost il-parteċipanti tagħhom fil-Forum tas-Soċjetà Ċivili.
Il-kopresidenzi se jfasslu l-aġenda tal-laqgħat tal-Forum tas-Soċjetà Ċivili, abbażi tat-talbiet mill-Gruppi ta’ Konsultazzjoni Domestika rispettivi tagħhom. Barra minn hekk, l-aġenda għandha tinkludi dawn il-punti regolari li ġejjin:
|
(a) |
Informazzjoni mill-Partijiet fuq l-implimentazzjoni tal-Kapitolu dwar il-Kummerċ u l-Iżvilupp Sostenibbli; |
|
(b) |
Rapporti tal-konsultazzjonijiet magħmula skont l-Artikolu 13.14 u dwar il-ħidma tal-Bord ta’ Esperti skont l-Artikolu 13.15. |
Artikolu 3
Il-Forum tas-Soċjetà Ċivili għandu jiltaqa’ tal-inqas darba f’sena, alternattivament fi Brussell u Seoul, sakemm ma jsirx ftehim mod ieħor mill-Partijiet. Tista’ tissejjaħ laqgħa straordinarja fuq talba ta’ wieħed mill-Gruppi ta’ Konsultazzjoni Domestika.
ABBOZZ
DEĊIŻJONI Nru …/2012 TAL-KUMITAT GĦALL-KUMMERĊ U L-IŻVILUPP SOSTENIBBLI UE-KOREA
ta’
dwar it-twaqqif ta’ Bord ta’ Esperti kif imsemmi fl-Artikolu 13.15 tal-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, minn naħa, u r-Repubblika tal-Korea, min-naħa l-oħra
IL-KUMITAT GĦALL-KUMMERĊ U L-IŻVILUPP SOSTENIBBLI UE-KOREA,
Wara li kkunsidra l-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, minn naħa, u r-Repubblika tal-Korea, min-naħa l-oħra, iffirmat fi Brussell fis-6 ta’ Ottubru 2010 (“il-Partijiet” u “il-Ftehim”) u b’mod partikolari l-Artikolu 13.15 tiegħu,
Billi:
|
(1) |
Parti tista’ titlob li jitlaqqa’ Bord ta’ Esperti biex jeżamina kwistjoni li ma tkunx ġiet indirizzata b’mod sodisfaċenti permezz tal-konsultazzjonijiet governattivi. |
|
(2) |
L-implimentazzjoni tar-rakkomandazzjonijiet tal-Bord tal-Esperti għandha tiġi monitorjata mill-Kumitat għall-Kummerċ u l-Iżvilupp Sostenibbli UE-Korea. |
|
(3) |
Il-Partijiet fasslu lista ta’ 18-il isem, kif speċifikat fl-Anness 2. |
ADOTTA DIN ID-DEĊIŻJONI:
Artikolu 1
Il-lista ta’ esperti li jistgħu jservu bħala membri tal-bord għall-finijiet tal-Artikolu 13.15 tal-Ftehim hija stabbilita fl-Anness ta’ din id-Deċiżjoni, u hemm qbil dwarha b’dan.
Artikolu 2
Din id-Deċiżjoni għandha tidħol fis-seħħ dakinhar li tiġi adottata u għandu jsir rapport dwarha lill-Kumitat għall-Kummerċ UE-Korea.
Magħmul fi… nhar …
Għall-Kumitat għall-Kummerċ u l-Iżvilupp Sostenibbli UE-Korea
Kopresidenza tal-Kumitat għall-Kummerċ u l-Iżvilupp Sostenibbli UE-Korea tar-Repubblika tal-Korea
Kopresidenza tal-Kumitat għall-Kummerċ u l-Iżvilupp Sostenibbli UE-Korea tal-Unjoni Ewropea
ANNESS
LISTA TA’ ESPERTI
Esperti proposti mill-Korea
|
|
Kee-whahn CHAH |
|
|
Young Gil CHO |
|
|
Weon Jung KIM |
|
|
Suh-Yong CHUNG |
|
|
Taek-Whan HAN |
|
|
Won-Mog CHOI |
Esperti proposti mill-UE
|
|
Eddy LAURIJSSEN |
|
|
Jorge CARDONA |
|
|
Karin LUKAS |
|
|
Hélène RUIZ FABRI |
|
|
Laurence BOISSON DE CHAZOURNES |
|
|
Geert VAN CALSTER |
Presidenti
|
|
Thomas P. PINANSKY |
|
|
Nguyen Van TAI |
|
|
Le HA THANH |
|
|
Jill MURRAY |
|
|
Ricardo MELÉNDEZ-ORTIZ |
|
|
Nathalie BERNASCONI-OSTERWALDER |