EUR-Lex Access to European Union law
This document is an excerpt from the EUR-Lex website
Document 32011D0710
2011/710/: Council Decision of 20 October 2011 on the conclusion of the Memorandum of Cooperation NAT-I-9406 between the United States of America and the European Union
2011/710/: Deċiżjoni tal-Kunsill tal- 20 ta’ Ottubru 2011 dwar il-konklużjoni tal-Memorandum ta’ Kooperazzjoni NAT-I-9406 bejn l-Istati Uniti tal-Amerika u l-Unjoni Ewropea
2011/710/: Deċiżjoni tal-Kunsill tal- 20 ta’ Ottubru 2011 dwar il-konklużjoni tal-Memorandum ta’ Kooperazzjoni NAT-I-9406 bejn l-Istati Uniti tal-Amerika u l-Unjoni Ewropea
ĠU L 283, 29.10.2011, p. 26–26
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
29.10.2011 |
MT |
Il-Ġurnal Uffiċjali tal-Unjoni Ewropea |
L 283/26 |
DEĊIŻJONI TAL-KUNSILL
tal-20 ta’ Ottubru 2011
dwar il-konklużjoni tal-Memorandum ta’ Kooperazzjoni NAT-I-9406 bejn l-Istati Uniti tal-Amerika u l-Unjoni Ewropea
(2011/710/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u partikolarment l-Artikolu 100(2), flimkien mal-punt (a) tal-Artikolu 218(6), l-Artikolu 218(7) u l-ewwel subparagrafu tal-Artikolu 218(8) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
(1) |
F’isem l-Unjoni, il-Kummissjoni nnegozjat il-Memorandum ta’ Kooperazzjoni NAT-I-9406 bejn l-Istati Uniti tal-Amerika u l-Unjoni Ewropea (minn hawn ’il quddiem “il-Memorandum”) fir-riċerka u l-iżvilupp fil-qasam tal-avjazzjoni ċivili. |
(2) |
Il-Memorandum ġie ffirmat fit-3 ta’ Marzu 2011. |
(3) |
Il-Memorandum għandu jiġi approvat mill-Unjoni. |
(4) |
Huwa meħtieġ li jiġu stabbiliti arranġamenti proċedurali għall-parteċipazzjoni tal-Unjoni fil-Kumitat Konġunt stabbilit mill-Memorandum, u r-riżoluzzjoni ta’ nuqqas ta’ qbil, |
ADOTTA DIN ID-DEĊIŻJONI:
Artikolu 1
Il-Memorandum ta’ Kooperazzjoni NAT-I-9406 bejn l-Istati Uniti tal-Amerika u l-Unjoni Ewropea (minn hawn ‘il quddiem “il-Memorandum”) huwa b’dan approvat f’isem l-Unjoni (1).
Artikolu 2
Il-President tal-Kunsill huwa b’dan awtorizzat sabiex jaħtar il-persuna(i) bis-setgħa li twettaq/jwettqu in-notifika prevista fl-Artikolu XII(B) tal-Memorandum (2).
Artikolu 3
L-Unjoni għandha tkun rappreżentata fil-Kumitat Konġunt stabbilit skont l-Artikolu III tal-Memorandum mill-Kummissjoni, assistita minn rappreżentanti tal-Istati Membri.
Artikolu 4
1. Il-Kummissjoni, wara li tikkonsulta mal-Kumitat Speċjali maħtur mill-Kunsill, għandha tiddetermina l-pożizzjoni li għandha tittieħed mill-Unjoni fil-Kumitat Konġunt, inkluż fir-rigward tal-adozzjoni ta’:
— |
Annessi addizzjonali għall-Memorandum u l-Appendiċi tagħhom kif imsemmija fil-paragrafu 2 tal-Artikolu III.E. tal-Memorandum; |
— |
emendi għal Annessi għall-Memorandum u l-Appendiċi tagħhom, kif imsemmija fil-paragrafu 3 tal-Artikolu III.E. tal-Memorandum. |
2. Il-Kummissjoni għandha tiddetermina l-pożizzjoni li għandha tittieħed mill-Unjoni fil-Kumitat Konġunt għall-iżvilupp u l-adozzjoni tal-proċeduri interni ta’ ggvernar tal-Kumitat Konġunt kif previst fl-Artikolu III.C. tal-Memorandum.
3. Il-Kummissjoni tista’ tieħu kwalunkwe azzjoni adatta skont l-Artikoli II (B), IV, V, VII u VIII tal-Memorandum.
4. Il-Kummissjoni għandha tirrappreżenta lill-Unjoni fil-konsultazzjonijiet skont l-Artikolu XI tal-Memorandum.
Artikolu 5
Il-Kummissjoni għandha tinforma lill-Kunsill regolarment dwar l-implimentazzjoni tal-Memorandum.
Artikolu 6
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fil-Lussemburgu, l-20 ta’ Ottubru 2011.
Għall-Kunsill
Il-President
M. SAWICKI
(1) Il-Memorandum ġie ppubblikat fil-Ġurnal Uffiċjali tal-Unjoni Ewropea flimkien mad-Deċiżjoni dwar l-iffirmar (ĠU L 89, 5.4.2011, p. 3).
(2) Id-data tad-dħul fis-seħħ tal-Memorandum ser tkun ippubblikata f’Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.