Edizzjoni speċjali bil-Kroat: Kapitolu 03 Volum 037 P. 50 - 50
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32009R0386
Commission Regulation (EC) No 386/2009 of 12 May 2009 amending Regulation (EC) No 1831/2003 of the European Parliament and of the Council as regards the establishment of a new functional group of feed additives (Text with EEA relevance)
Regolament tal-Kummissjoni (KE) Nru 386/2009 tat- 12 ta’ Mejju 2009 li jemenda r-Regolament (KE) Nru 1831/2003 tal-Parlament Ewropew u tal-Kunsill fir-rigward tat-twaqqif ta’ grupp funzjonali ġdid ta’ additivi tal-għalf (Test b’relevanza għaż-ŻEE)
Regolament tal-Kummissjoni (KE) Nru 386/2009 tat- 12 ta’ Mejju 2009 li jemenda r-Regolament (KE) Nru 1831/2003 tal-Parlament Ewropew u tal-Kunsill fir-rigward tat-twaqqif ta’ grupp funzjonali ġdid ta’ additivi tal-għalf (Test b’relevanza għaż-ŻEE)
ĠU L 118, 13.5.2009, p. 66–66
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
13.5.2009 |
MT |
Il-Ġurnal Uffiċjali tal-Unjoni Ewropea |
L 118/66 |
REGOLAMENT TAL-KUMMISSJONI (KE) Nru 386/2009
tat-12 ta’ Mejju 2009
li jemenda r-Regolament (KE) Nru 1831/2003 tal-Parlament Ewropew u tal-Kunsill fir-rigward tat-twaqqif ta’ grupp funzjonali ġdid ta’ additivi tal-għalf
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 6(3) tiegħu,
Billi:
|
(1) |
Ir-Regolament (KE) Nru 1831/2003 jistipula l-allokazzjoni tal-addittivi fl-għalf f'kategoriji u anke fi gruppi funzjonali fi ħdan dawk il-kategoriji skont il-funzjonijiet u l-proprjetajiet tagħhom. |
|
(2) |
Ġew żviluppati addittivi ġodda tal-għalf li jissupprimu jew inaqqsu l-assorbiment, jippromwovu l-eskriment tal-mikotossini jew jimmodifikaw l-mod ta’ kif jaġixxu u b'hekk inaqqsu l-effetti avversi possibbli tal-mikotossini fuq saħħet l-annimali. |
|
(3) |
L-użu ta’ prodotti bħal dawn jista’ ma jirriżultax f'żieda tal-livelli massimi jew ta’ gwida eżistenti stabbiliti fil-kuntest tad-Direttiva 2002/32/KE tal-Parlament Ewropew u tal-Kunsill (2), imma għandu jtejjeb il-kwalità tal-għalf għan-nutriment li huwa legalment fis-suq, filwaqt li jipprovdi garanziji addizzjonali għall-ħarsien tas-saħħa pubblika u tal-annimali. |
|
(4) |
Peress li additivi tal-għalf bħal dawn ma jistgħux ikunu allokati lil ebda wieħed mill-gruppi funzjonali previsti mir-Regolament (KE) Nru 1831/2003, hemm bżonn li jiżdied grupp funzjonali ieħor fil-kategorija tal-addittivi teknoloġiċi. |
|
(5) |
Ir-Regolament (KE) Nru 1831/2003 għandu jiġi emendat skont dan. |
|
(6) |
Il-miżuri stipulati f'dan ir-Regolament huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Fil-punt 1 tal-Anness I mar-Regolament (KE) Nru 1831/2003, jiżdied il-punt li ġej:
|
“m) |
sustanzi għat-tnaqqis tal-kontaminazzjoni tal-għalf bil-mikotossini: sustanzi li jistgħu jissupprimu jew inaqqsu l-assorbiment, jippromwovu l-eskriment ta’ mikotossini jew il-mod ta’ kif jaġixxu.” |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u huwa applikabbli direttament fl-Istati Membri kollha.
Magħmul fi Brussell, 12 ta’ Mejju 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU L 268, 18.10.2003, p. 29.
(2) ĠU L 140, 30.5.2002, p. 10.