Edizzjoni speċjali bil-Kroat: Kapitolu 11 Volum 111 P. 207 - 208
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32008D0803
2008/803/EC: Commission Decision of 14 October 2008 providing for the initiation of an investigation pursuant to Article 18(2) of Council Regulation (EC) No 980/2005 with respect to the effective implementation of certain human rights conventions in Sri Lanka
2008/803/KE: Deċiżjoni tal-Kummissjoni ta’ l- 14 ta’ Ottubru 2008 li tistipula l-bidu ta’ investigazzjoni skont l-Artikolu 18(2) tar-Regolament tal-Kunsill (KE) Nru 980/2005 fir-rigward tal-implimentazzjoni ta’ ċerti konvenzjonijiet tad-drittijiet tal-bniedem fis-Sri Lanka
2008/803/KE: Deċiżjoni tal-Kummissjoni ta’ l- 14 ta’ Ottubru 2008 li tistipula l-bidu ta’ investigazzjoni skont l-Artikolu 18(2) tar-Regolament tal-Kunsill (KE) Nru 980/2005 fir-rigward tal-implimentazzjoni ta’ ċerti konvenzjonijiet tad-drittijiet tal-bniedem fis-Sri Lanka
ĠU L 277, 18.10.2008, p. 34–35
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
18.10.2008 |
MT |
Il-Ġurnal Uffiċjali ta’ l-Unjoni Ewropea |
L 277/34 |
DEĊIŻJONI TAL-KUMMISSJONI
ta’ l-14 ta’ Ottubru 2008
li tistipula l-bidu ta’ investigazzjoni skont l-Artikolu 18(2) tar-Regolament tal-Kunsill (KE) Nru 980/2005 fir-rigward tal-implimentazzjoni ta’ ċerti konvenzjonijiet tad-drittijiet tal-bniedem fis-Sri Lanka
(2008/803/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 980/2005 tas-27 ta’ Ġunju 2005 li japplika skema ta’ preferenzi tariffarji ġeneralizzati (1), u b’mod partikolari l-Artikolu 18(2) tiegħu,
Wara li kkonsultat il-Kumitat għall-Preferenzi Ġeneralizzati,
Billi:
|
(1) |
Rapporti, stqarrijiet u tagħrif tan-Nazzjonijiet Uniti (NU) għad-dispożizzjoni tal-Kummissjoni, inkluż ir-rapport tar-Relatur Speċjali dwar l-Eżekuzzjonijiet Ekstraġudizzjarji tas-27 ta’ Marzu 2006, l-istqarrija tal-Konsulent Speċjali għar-Rappreżentant Speċjali għat-Tfal u l-Kunflitti Armati tat-13 ta’ Novembru 2006 u l-istqarrija tar-Relatur Speċjali dwar it-tortura u trattament krudili, inuman u degradanti ieħor, tad-29 ta’ Ottubru 2007, kif ukoll rapporti oħrajn disponibbli pubblikament u tagħrif minn sorsi rilevanti oħrajn, inklużi organizzazzjonijiet mhux governattivi, jindikaw li l-leġiżlazzjoni nazzjonali tar-Repubblika Soċjalista Demokratika tas-Sri Lanka, li tinkorpora konvenzjonijiet internazzjonali tad-Drittijiet tal-Bniedem, b’mod partikolari il-Patt Internazzjonali dwar id-Drittijiet Ċivili u Politiċi, il-Konvenzjoni kontra t-Tortura u Trattamenti jew Kastigi Krudili, Inumani jew Degradanti oħrajn u l-Konvenzjoni dwar id-Drittijiet tat-Tfal, mhix qed tiġi implimentata b’mod effettiv. |
|
(2) |
Il-Patt Internazzjonali dwar id-Drittijiet Ċivili u Politiċi, il-Konvenzjoni kontra t-Tortura u Trattamenti jew Kastigi Krudili, Inumani jew Degradanti oħrajn, u l-Konvenzjoni dwar id-Drittijiet tat-Tfal, huma elenkati bħala konvenzjonijiet essenzjali tad-drittijiet tal-bniedem fil-punti 1, 5 u 6 rispettivament tal-Anness III, il-Parti A tar-Regolament (KE) Nru 980/2005. |
|
(3) |
L-Artikolu 16(2) tar-Regolament (KE) Nru 980/2005 jistipula l-irtirar temporanju tal-arranġament speċjali tal-inċentiv imsemmi fit-Taqsima 2 tal-Kapitolu II ta’ dak ir-Regolament, jekk il-leġiżlazzjoni nazzjonali li tinkorpora dawk il-konvenzjonijiet imsemmija fl-Anness III tar-Regolament li ġew ratifikati bi twettiq tar-rekwiżiti tal-Artikolu 9(1) u (2) ma jkunux implimentati b’mod effettiv. |
|
(4) |
Il-Kummissjoni eżaminat it-tagħrif li waslilha u sabet li dan jikkostitwixxi bażi suffiċjenti għall-ftuħ ta’ investigazzjoni bl-għan li jiġi ddeterminat jekk il-leġiżlazzjoni tas-Sri Lanka dwar ir-rikonoxximent u l-ħarsien tad-drittijiet tal-bniedem humiex implimentati b’mod effettiv. Dan jippermetti wkoll li jiġi ddeterminat jekk ikunx iġġustifikat l-irtirar tal-arranġament speċjali ta’ inċentiv. |
|
(5) |
Il-konsultazzjonijiet mal-Kumitat tal-Preferenzi Ġeneralizzati saru fit-23 ta’ Settembru 2008, |
IDDEĊIDIET KIF ĠEJ:
Artikolu Uniku
Il-Kummissoni għandha tibda investigazzjoni sabiex tistabbilixxi jekk il-leġiżlazzjoni nazzjonali tar-Repubblika Soċjalista Demokratika tas-Sri Lanka, li tinkorpora l-Patt Internazzjonali dwar id-Drittijiet Ċivili u Politiċi, il-Konvenzjoni kontra t-Tortura u Trattamenti jew Kastigi Krudili, Inumani jew Degradanti oħrajn, u l-Konvenzjoni dwar id-Drittijiet tat-Tfal, hijiex implimentata b’mod effettiv.
Magħmula fi Brussell, 14 ta’ Ottubru 2008.
Għall-Kummissjoni
Catherine ASHTON
Membru tal-Kummissjoni
(1) ĠU L 169, 30.6.2005, p. 1.