EUR-Lex Access to European Union law
This document is an excerpt from the EUR-Lex website
Document 32008R0488
Commission Regulation (EC) No 488/2008 of 2 June 2008 imposing a provisional anti-dumping duty on imports of citric acid originating in the People's Republic of China
Regolament tal-Kummissjoni (KE) Nru 488/2008 tat- 2 ta’ Ġunju 2008 li jimponi dazju provviżorju ta’ anti-dumping fuq importazzjonijiet ta’ aċidu ċitriku li joriġinaw mir-Repubblika tal-Poplu taċ-Ċina
Regolament tal-Kummissjoni (KE) Nru 488/2008 tat- 2 ta’ Ġunju 2008 li jimponi dazju provviżorju ta’ anti-dumping fuq importazzjonijiet ta’ aċidu ċitriku li joriġinaw mir-Repubblika tal-Poplu taċ-Ċina
ĠU L 143, 3.6.2008, p. 13–29
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 03/01/2009
3.6.2008 |
MT |
Il-Ġurnal Uffiċjali ta’ l-Unjoni Ewropea |
L 143/13 |
REGOLAMENT TAL-KUMMISSJONI (KE) Nru 488/2008
tat-2 ta’ Ġunju 2008
li jimponi dazju provviżorju ta’ anti-dumping fuq importazzjonijiet ta’ aċidu ċitriku li joriġinaw mir-Repubblika tal-Poplu taċ-Ċina
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat r-Regolament tal-Kunsill (KE) Nru 384/96 tat-22 ta’ Diċembru 1995 dwar protezzjoni kontra importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku”), u b’mod partikulari l-Artikolu 7 tiegħu,
Wara li kkonsultat lill-Kumitat Konsultattiv,
Billi:
A. IL-PROĊEDURA
1. Inizjazzjoni
(1) |
Fit-23 ta’ Lulju 2007, tressaq ilment dwar importazzjonijiet ta’ aċidu ċitriku li joriġinaw fir-Repubblika tal-Poplu tac-Ċina mill-Kunsill Ewropew ta’ l-Industrija tal-Kimika (KEIK) (“il-kwerelant”) f'isem produttur li jirrappreżenta proporzjon ewlieni tal-produzzjoni totali tal-Komunità ta’ aċidu ċitriku, f'dan il-każ aktar minn 25 %. |
(2) |
L-ilment kellu xhieda ta’ dumping tal-prodott imsemmi u ta’ ħsara materjali li tirriżulta minn dan, li tqieset suffiċjenti biex jiġi ġustifikat l-inizjazzjoni ta’ proċedura. |
(3) |
Fl-4 ta’ Settembru 2007, il-proċedura nbdiet bil-pubblikazzjoni ta’ avviż ta’ inizjazzjoni fil-Ġurnal Uffiċjali ta’ l-Unjoni Ewropea (2). |
2. Il-partijiet ikkonċernati mill-proċedura
(4) |
Il-Kummissjoni avżat uffiċjalment lill-produtturi esportaturi, lill-importaturi, lill-utenti kkonċernati magħrufin u lill-assoċjazzjonijiet tagħhom, lill-assoċjazzjonijiet tal-konsumatur, lir-rappreżentanti tal-pajjiżi esportaturi u lill-produtturi Komunitarji bl-inizjazzjoni tal-proċedura ta’ anti-dumping. Il-partijiet interessati ngħataw l-opportunità li jikkomunikaw il-fehmiet tagħhom bil-miktub u li jitolbu seduta fil-limitu taż-żmien stipulat fl-avviż ta’ inizjazzjoni. |
(5) |
Biex il-produtturi esportaturi jkunu jistgħu jressqu talba għal trattament ta’ ekonomija tas-suq (“TES”) jew għal trattament individwali (“TI”), f'każ li xtaqu jagħmlu dan, il-Kummissjoni bagħtet formoli ta’ talba lill-produtturi esportaturi Ċiniżi kkonċernati magħrufin u lir-rappreżentanti tar-RPĊ. Tmien produtturi esportaturi, inklużi gruppi ta’ kumpanniji relatati, talbu TES skond l-Artikolu 2(7) tar-Regolament bażiku, jew b'mod alternattiv TI - f'każ li l-investigazzjoni tistabbilixxi li huma ma jissodisfawx il-kundizzjonijiet għal TES. |
(6) |
Minħabba n-numru apparentement kbir ta’ produtturi esportaturi u importaturi involuti f'din l-investigazzjoni, kien hemm konsiderazzjonijiet ta’ teħid ta’ kampjuni fl-avviż ta’ inizjazzjoni, skond l-Artikolu 17 tar-Regolament bażiku. |
(7) |
Biex il-Kummissjoni tkun tista’ tiddeċiedi jekk it-teħid ta’ kampjuni kienx se jkun meħtieġ u, jekk ikun il-każ, tagħżel kampjun, il-produtturi esportaturi u l-importaturi u r-rappreżentanti li jaġixxu f'isimhom intalbu jippreżentaw lilhom infushom u jipprovdu, kif speċifikat fl-avviż ta’ inizjazzjoni, tagħrif bażiku dwar l-attivitajiet tagħhom marbuta mal-prodott ikkonċernat fi żmien 15-il jum mid-data ta’ pubblikazzjoni ta’ l-avviż ta’ inizjazzjoni. |
(8) |
Safejn għandhom x’jaqsmu l-produtturi esportaturi, skond l-Artikolu 17 tar-Regolament bażiku, intgħażel kampjun fuq il-bażi ta’ l-akbar volum rappreżentattiv ta’ esportazzjonijiet ta’ aċidu ċitriku fil-Komunità, li raġjonevolment jista’ jiġi investigat fiż-żmien disponibbli. Fuq il-bażi ta’ l-informazzjoni li waslet mingħand il-produtturi esportaturi, intagħżel kampjun ta’ erba’ kumpaniji, jew gruppi ta’ kumpaniji relatati (“il-kumpaniji li ttieħdu għall-kampjun”) li għandhom l-akbar volum ta’ esportazzjonijiet lejn il-Komunità. F’termini ta’ volum ta’ esportazzjonijiet l-erba' kumpaniji li ttieħdu għall-kampjun jirrappreżentaw 79 % ta’ l-esportazzjonijiet totali ta’ aċidu ċitriku mir-RPĊ lejn il-Komunità matul il-perjodu ta’ investigazzjoni. Skond l-Artikolu 17(2) tar-Regolament bażiku, il-partijiet ikkonċernati ġew ikkonsultati u ma qajmu l-ebda oġġezzjoni. |
(9) |
L-erba' produtturi kollha kemm huma li tħallew barra mill-kampjun talbu marġini individwali, skond l-Artikolu 17(3) tar-Regolament bażiku. Kumpanija waħda biss, DSM Citric Acid (Wuxi) Ltd, bagħtet it-tagħrif meħtieġ fi żmien il-perjodu previst. Għaldaqstant, talba kompluta waħda biss waslet għal marġini individwali. Billi din it-talba ma tqisitx bħala waħda ta’ xkiel mhux xieraq u ma kinitx se twaqqaf l-investigazzjoni milli tiġi tterminata sew f'waqtha, it-talba ntlaqgħet. |
(10) |
Fir-rigward ta’ importaturi Komunitarji mhux relatati, skond l-Artikolu 17 tar-Regolament bażiku, intagħżel kampjun fuq il-bażi ta’ l-ikbar volum rappreżentattiv ta’ importazzjonijiet ta’ aċidu ċitriku lejn il-Komunità, li jista’ jkun investigat b’mod raġjonevoli fiż-żmien disponibbli. Fuq il-bażi ta’ l-informazzjoni li waslet mingħand l-importaturi Komunitarji mhux relatati, intagħżel kampjun ta’ erba’ kumpaniji, jew gruppi ta’ kumpaniji relatati (“il-kumpaniji li ttieħdu għall-kampjun”) li għandhom l-akbar volum ta’ importazzjonijiet lejn il-Komunità. F’termini ta’ volum ta’ importazzjoni l-erba' kumpaniji li ttieħdu għall-kampjun jirrappreżentaw 36 % ta’ l-importazzjonijiet totali ta’ aċidu ċitriku mir-RPĊ lejn il-Komunità matul il-perjodu ta’ investigazzjoni. Skond l-Artikolu 17(2) tar-Regolament bażiku, il-partijiet ikkonċernati ġew ikkonsultati u ma qajmu l-ebda oġġezzjoni. Wieħed mill-importaturi li kien fil-kampjun ma setax jipprovdi l-informazzjoni meħtieġa. It-tliet importaturi li fadal jirrappreżentaw 29 % ta’ l-importazzjonijiet totali ta’ aċidu ċitriku mir-RPĊ lejn il-Komunità matul il-perjodu ta’ investigazzjoni. |
(11) |
Il-Kummissjoni fittxet u vverifikat it-tagħrif kollu li qieset meħtieġ gћad-determinazzjoni provviżorja ta’ dumping, ћsara li rriżultat kif ukoll l-interess tal-Komunità u wettqet żjarat ta’ verifika fuq il-post fil-kumpaniji li ġejjin:
|
(12) |
Il-partijiet interessati kollha, li talbu dan u wrew li kien hemm raġunijiet partikolari għaliex għandhom jinstemgħu, ingћataw seduta ta’ smigħ. |
(13) |
Minћabba l-ћtieġa li jiġi stabbilit valur normali gћall-produtturi esportaturi li jista’ ma jingћatalhomx TES, saret verifika biex jiġi stabbilit il-valur normali fuq il-bażi tad-data minn pajjiż ta’ analoġija, f’dan il-każ il-Kanada (ara l-premessi (40) sa (44), fuq il-post tal-kumpanji li ġejjin:
|
3. Il-perjodu ta’ investigazzjoni
(14) |
L-investigazzjoni ta’ dumping u ħsara kopriet il-perjodu mill-1 ta’ Lulju 2006 sat-30 ta’ Ġunju 2007 (“il-perjodu ta’ l-investigazzjoni” jew il-“PI”). Fir-rigward tat-tendenzi rilevanti għall-istima tal-ħsara, il-Kummissjoni analizzat id-data li tkopri l-perjodu mill-1 ta’ Jannar 2004 sal-30 ta’ Ġunju 2007 (“il-perjodu meqjus”). |
B. IL-PRODOTT IKKONĊERNAT U PRODOTT SIMILI
1. Il-Prodott ikkonċernat
(15) |
Il-prodott ikkonċernat huwa aċidu ċitriku (inkluż iċ-ċitrat tas-sodju), aċidifikant u regolatur tal-pH għal ħafna applikazzjonijiet bħal xarbiet, ikel, deterġenti, kosmetiċi u farmaċewtiċi. Prinċipalment huwa magħmul miz-zokkor/ġulepp, it-tapjoka, il-qamħ jew il-glukożju (miksub miċ-ċereali) u aġenti differenti għall-fermentazzjoni mikrobika taħt l-ilma tal-karboidrati. |
(16) |
Il-prodott ikkonċernat jinkludi l-monoidrat ta’ l-aċidu ċitriku (“MAĊ”), aċidu ċitriku anidrus (“AĊA”) u d-deidrat taċ-ċitrat tat-trisodju (“DĊT”). Dawn it-tliet tipi jiffurmaw il-prodott ikkonċernat billi għandhom karatteristiċi kimiċi bażiċi komuni u użu li jixxiebaħ. It-tipi ta’ prodott jaqgħu fi ħdan il-Kodiċijiet NM 2918 14 00 (CAM, CAA) u ex 2918 15 00 (TSC). Il-Kodiċi NM 2918 15 00 jinkludi wkoll imluħa oħrajn u esteri, li m'humiex il-prodott ikkonċernat. |
(17) |
L-investigazzjoni wriet li t-tipi differenti tal-prodott ikkonċernat kollha għandhom l-istess karatteristiċi tekniċi u kimiċi bażiċi u bażikament jintużaw għall-istess għanijiet. Għalhekk dawn jitqiesu bħala li jikkostitwixxu prodott wieħed għall-fini ta’ din il-proċedura. |
2. Il-prodott simili
(18) |
L-aċidu ċitriku prodott u mibjugħ fil-Komunità mill-industrija tal-Komunità u l-aċidu ċitriku prodott u mibjugħ fir-RPĊ u fil-Kanada, li għamilha ta’ pajjiż ta’ analoġija, instabu li essenzjalment kellhom l-istess karatteristiċi tekniċi u kimiċi u l-istess użi bażiċi prodotti fir-RPĊ u mibjugħa għall-esportazzjoni lill-Komunità. Għalhekk huma provviżorjament meqjusa li jixxiebhu skond it-tifsira ta’ l-Artikolu 1(4) tar-Regolament bażiku. |
C. ID-DUMPING
1. Ġenerali
(19) |
Kif imsemmi fil-premessa (5) hawn fuq, kien hemm konsiderazzjonijiet ta’ teħid ta’ kampjuni għall-produtturi esportaturi fir-RPĊ fl-avviż ta’ inizjazzjoni. B'kollox tmien gruppi ta’ kumpaniji wieġbu l-kwestjonarju tat-teħid ta’ kampjuni fiż-żmien stabbilit u pprovdew it-tagħrif mitlub. Huma rrappreżentaw 96 % ta’ l-importazzjonijiet totali li ġew irrappurtati mill-Eurostat. Għaldaqstant il-livell ta’ kooperazzjoni jitqies għoli. Il-produtturi esportaturi kollha talbu TES u TI. Kif issemma fil-premessa (7) hawn fuq, erba’ gruppi ta’ kumpaniji ntgħażlu fil-kampjun fuq il-bażi tal-volum ta’ esportazzjoni tagħhom lejn il-Komunità. |
2. Trattament ta’ Ekonomija tas-Suq (“TES”)
(20) |
Skond l-Artikolu 2(7)(b) tar-Regolament bażiku, fl-istħarriġiet ta’ anti-dumping dwar l-importazzjonijiet li joriġinaw fir-RPĊ, il-valur normali gћal dawk il-produtturi li nstabu li qed jissodisfaw il-kriterji stabbiliti fl-Artikolu 2(7)(c) tar-Regolament bażiku gћandu jiġi ddeterminat skond il-paragrafi 1 sa 6 ta’ l-imsemmi Artikolu. |
(21) |
Fil-qosor, u għal faċilità ta’ referenza biss, il-kriterji tat-TES qed jingħataw f’forma mqassra hawn taħt:
|
(22) |
It-tmien kumpaniji jew gruppi ta’ kumpaniji kollha ta’ produtturi esportaturi Ċiniżi li kkoperaw f'din il-proċedura talbu t-TES skond l-Artikolu 2(7)(b) tar-Regolament bażiku u wieġbu l-formola ta’ talba għal TES għall-produtturi esportaturi fl-iskadenzi mogħtija. Dawn il-gruppi kollha kienu jinkludu kemm il-produtturi tal-prodott ikkonċernat kif ukoll il-kumpaniji relatati mal-produtturi u involuti fin-negozju ta’ l-aċidu ċitriku. Tabilħaqq, hija l-prassi konsistenti tal-Kummissjoni li teżamina jekk grupp ta’ kumpaniji relatati, kumplessivament, jissodisfax il-kundizzjonijiet għat-TES. Il-gruppi li ġejjin kienu talbu TES:
|
(23) |
Għall-produtturi esportaturi li kkooperaw imsemmija aktar 'il fuq, il-Kummissjoni fittxet l-informazzjoni kollha li qieset li kienet meħtieġa u vverifikat l-informazzjoni mressqa fit-talba għal TES fil-bini tal-kumpaniji in kwistjoni kif tqies li kien meħtieġ. |
(24) |
Żewġ kumpaniji jew gruppi ta’ kumpaniji (Laiwu Taihe u DSM Wuxi) issodisfaw il-kriterji kollha kif issemma fil-qosor fil-premessa (20) hawn fuq u setgħu jingħataw TES. |
(25) |
Tliet kumpaniji jew gruppi ta’ kumpaniji (RZBC Co Ltd, TTCA Co., Ltd. u Yixing Union Biochemical) ipotekaw bosta mill-assi tagħhom biex jirċievu self. Minkejja li ipotekaw il-biċċa l-kbira mill-assi tagħhom, kienu xorta f'qagħda li jiggarantixxu self li ngħata lil kumpaniji oħra. Bħala kumpens, RZBC, TTCA Co., Ltd. u Yixing Union Biochemical irċevew garanziji simili għas-self tagħhom mill-istess kumpaniji li għalihom għamluha ta’ garanti. Il-kumpaniji użaw dawn il-garanziji biex jiksbu aktar self li jammonta għal 25 %-50 % ta’ l-assi totali tagħhom. Dawn il-kumpaniji argumentaw li sistema bħal din hi applikata wkoll f'pajjiżi li għandhom ekonomija tas-suq u hi prevista b’mod espliċitu fil-leġiżlazzjoni bankarja Ċiniża. Madankollu, l-informazzjoni miġbura matul l-investigazzjoni wriet li l-politika bankarja normalment tkun tipprovdi self għal frazzjoni biss tal-valur ta’ l-assi użati bħala garanzija u mhux għal ammont li jaqbeż dan il-valur. Barra minn hekk, is-sistema bankarja li minnha nkiseb is-self kienet taħt influwenza sostanzjali ta’ l-Istat. Għalhekk, ġie konkluż li t-tliet kumpaniji msemmija hawn fuq ma ssodisfawx il-kriterju 1 kif issemma fil-qosor fil-premessa (20) hawn fuq. Għal din ir-raġuni, ma setgħux għaldaqstant jingħataw TES. |
(26) |
Għal żewġ kumpaniji (TTCA Co., Ltd. and Weifang Ensign), il-valur tad-dritt ta’ l-użu ta’ l-art u/jew assi fissi żdied b'mod sostanzjali (500 %-1 500 %) tul perjodu ta’ żmien relattivament qasir, bejn dakinhar li nxtraw jew saru tal-kumpanija bħala kontribuzzjoni ta’ kapital u f'data aktar 'il quddiem (bejn 1 u 5 snin aktar 'il quddiem) meta reġgħu ġew evalwati. Dan juri li l-assi rispettivi nkisbu b'valur taħt il-prezz tas-suq u dan jirrappreżenta sussidju moħbi. Iż-żewġ kumpaniji sostnew li ż-żieda ma kinitx daqshekk sostanzjali u kienet pjuttost konformi maż-żieda normalment osservata fiċ-Ċina għal assi komparabbli. Madankollu, ma ngħatat l-ebda evidenza għal dan. Minħabba l-vantaġġ li rċevew dawn il-kumpaniji b'kisba ta’ assi bi prezzijiet sostanzjalment taħt il-valur tas-suq, il-konformità tal-kriterju 3 kif jidher fil-qosor fil-premessa (20) hawn fuq ma ntlaħqitx. |
(27) |
Kumpanija fost l-oħrajn, Anhui BBCA Biochemical Co Ltd, irċeviet somma sinifikanti ta’ flus matul il-PI (qrib 10 % ta’ l-assi totali tagħha jew 15 % tal-fatturat annwali tagħha). Barra minn hekk, ċerti kerrejja waslu mingħajr ħlas. Fid-dawl ta’ dan u l-livell sinifikanti ta’ sussidju mħallas, jitqies li l-kriterji 1 u 3 kif imsemmi fil-qosor fil-premessa (20) hawn fuq mhumiex sodisfatti. Il-kummenti tal-kumpanija f’dan ir-rigward ma kinux tali li jbiddlu n-natura tas-sejbiet. |
(28) |
Kumpanija fost l-oħrajn, Shanxi Ruicheng, irċeviet self privat li jiswa madwar 20 % ta’ l-assi. Għal dan is-self kollu, ma kienx hemm ftehim dwar kundizzjonijiet ta’ ħlas lura (s'issa), u ma kienx hemm ebda akkumulu jew ħlas ta’ interessi. Għalhekk, l-ispejjeż ta’ kreditu tal-kumpanija kienu soġġetti għal tgħawwiġ konsiderevoli. Billi l-kumpanija ma setgħetx tippreżenta kuntratti għal dan is-self, ma jistax jiġi eskluż li kien hemm indħil mill-Istat fir-rigward ta’ dan is-self, u dan ifisser li l-kriterju 1 kif imsemmi fil-qosor fil-premessa (20) hawn fuq ma ntlaħaqx. Il-kummenti tal-kumpanija f’dan ir-rigward ma kinux tali li jbiddlu n-natura tas-sejbiet. |
(29) |
Fuq il-bażi ta’ dak li ngħad aktar 'il fuq, sitta mit-tmien kumpaniji jew gruppi ta’ kumpaniji Ċiniżi li kienu talbu TES ma setgħux juru li jissodisfaw il-kriterji kollha stabbiliti fl-Artikolu 2(7)(c) tar-Regolament Bażiku. |
(30) |
Għalhekk tqies li TES għandu jingħata lil żewġ kumpaniji (Laiwu Taihe u DSM Wuxi) u jiġi miċħud lis-sitt kumpaniji/gruppi ta’ kumpaniji li jifdal. Il-Kumitat Konsultattiv ġie kkonsultat u ma oġġezzjonax għal dawn konklużjonijiet. |
3. It-trattament individwali (“TI”)
(31) |
Skond l-Artikolu 2(7)(a) tar-Regolament Bażiku, dazju għall-pajjiż kollu, jekk ikun hemm, huwa stabbilit għal pajjiżi li jaqgħu taħt dan l-Artikolu, ħlief f’dawk il-każi fejn il-kumpaniji jistgħu juru li jissodisfaw il-kriterji kollha stabbiliti fl-Artikolu 9(5) tar-Regolament bażiku. |
(32) |
Il-produtturi esportaturi kollha li talbu TES talbu wkoll TI f'każ li ma jingħatawx TES. |
(33) |
Mis-sitt kumpaniji jew gruppi ta’ kumpaniji li ma ngħatawx TES, kull waħda minnhom ssodisfat il-kriterji kollha stabbiliti fl-Artikolu 9(5) u ngħatat TI. |
4. Il-valur normali
(34) |
Il-valur normali kellu jiġi stabbilit għall-erba' kumpaniji kollha kemm huma li ntagħżlu fil-kampjun, flimkien mal-kumpanija unika li bagħtet talba kompluta għal marġini individwali, kif spjegat fil-premessa (8) hawn fuq (il-“kumpaniji eżaminati”). |
4.1. Il-kumpaniji jew il-gruppi ta’ kumpaniji li setgħu jingħataw TES
(35) |
Safejn għandha x’taqsam id-determinazzjoni tal-valur normali, għal dawk il-produtturi esportaturi li setgħu jingħataw TES, il-Kummissjoni l-ewwelnett stabbiliet, skond l-Artikolu 2(2) tar-Regolament bażiku, jekk il-bejgħ domestiku tagħhom tal-prodott ikkonċernat kienx rappreżentattiv, jiġifieri jekk il-volum totali ta’ bejgħ ta’ din ix-xorta kienx jirrappreżenta mill-inqas 5 % mill-volum ta’ bejgħ totali ta’ esportazzjoni tal-prodott ikkonċernat lill-Komunità. Waħha (DSM Wuxi) mill-ħames kumpaniji eżaminati setgħet tingħata TES. Għal din il-kumpanija li setgħet tingħata TES, il-bejgħ domestiku tal-prodott ikkonċernat instab li kien rappreżentattiv. |
(36) |
Il-Kummissjoni sussegwentement eżaminat jekk il-bejgħ domestiku ta’ kull tip tal- prodott ikkonċernat, mibjugħ fis-suq domestiku fi kwantitajiet rappreżentattivi, setax jitqies li sar tul l-andament normali ta’ kummerċ skond l-Artikolu 2(4) tar-Regolament bażiku. Dan sar billi ġie stabbilit il-proporzjon ta’ bejgћ domestiku bi qligħ lill-klijenti indipendenti, tat-tip ta’ prodott uniku esportat. |
(37) |
Għal DSM Wuxi, l-investigazzjoni wriet li l-bejgħ tat-tip ta’ prodott uniku esportat ma sarx fl-andament normali ta’ kummerċ. Billi l-bejgħ domestiku ma setax jintuża biex ikun stabbilit il-valur normali, kellu jiġi applikat metodu ieħor. F'dan ir-rigward, il-valur normali nbena skond l-Artikolu 2(3) tar-Regolament bażiku fuq il-bażi ta’ l-ispejjeż ta’ manifattura tal-kumpanija tal-prodott ikkonċernat. Fil-bini ta’ valur normali skond l-Artikolu 2(3) tar-Regolament bażiku, ammont raġjonevoli għal spejjeż ta’ bejgħ, ġenerali u amministrattivi (“BĠ&A”) u l-profitt jiżdiedu ma’ l-ispejjeż ta’ manifattura. |
(38) |
Billi DSM Wuxi ma kellhiex bejgħ domestiku tal-prodott simili fl-andament normali ta’ kummerċ, BĠ&A u l-profitt ma setgħux jiġu stabbiliti skond il-metodotoloġija stabbilita fix-chapeau ta’ l-Art. 2(6) tar-Regolament bażiku. Billi ebda produttur esportatur fil-kampjun ma ngħata TES, BĠ&A u l-profitt ukoll ma setgħux jiġu stabbiliti skond il-metodotoloġija stabbilita fl-Art 2(6)(a) tar-Regolament bażiku. Barra minn hekk, billi DSM Wuxi tbiegħ kważi esklużivament aċidu ċitriku, BĠ&A u l-profitt ukoll ma setgħux jiġu stabbiliti skond il-metodotoloġija stabbilita fl-Art 2(6)(a) tar-Regolament bażiku. Għalhekk ittieħdet id-deċiżjoni li jiġu stabbiliti BĠ&A u l-profitt skond l-Art 2(6)(c) tar-Regolament bażiku. F'dan ir-rigward, intużaw l-ammonti għal BĠ&A u l-profitt għal bejgħ domestiku tal-prodott simili stabbiliti għall-kumpanija li kkooperat fil-pajjiż ta’ analoġija. |
(39) |
Fejn xieraq, l-ispejjeż ta’ manifattura u l-ispejjeż BĠ&A kif ivverifikat intużaw fil-bini tal-valuri normali. |
4.2. Il-kumpaniji jew il-gruppi ta’ kumpaniji li ma setgħux jingħataw TES
(40) |
Skond l-Artikolu 2(7)(a) tar-Regolament bażiku, il-valur normali għall-produtturi esportaturi li ma ngħatawx TES irid jiġi stabbilit fuq il-bażi tal-prezzijiet jew tal-valur mibni f’pajjiż analogu. |
(41) |
Fl-avviż ta’ bidu, il-Kummissjoni indikat li hija kienet qed tipprevedi li tuża lill-Istati Uniti ta’ l-Amerika bħala pajjiż analogu xieraq biex ikun stabbilit valur normali għar-RPĊ. Il-partijiet interessati ġew mistiedna jikkumentaw dwar dan. Żewġ partijiet interessati oġġezzjonaw għal din il-proposta. RZBC Co ipproponiet lit-Tajlandja bħala pajjiż analogu. |
(42) |
Fir-rigward tat-Tajlandja, it-tagħrif disponibbli jissuġġerixxi li l-produzzjoni totali taż-żewġ produtturi Tajlandiżi huwa biss madwar 10 000 tunnellata, li minnhom 5 000 tunnelata huma esportazzjonijiet (l-aktar lejn il-Ġappun). Jekk dan il-bejgħ domestiku (medja ta’ 2 500 tunnellata kull kumpanija) jitqabbel ma’ l-esportazzjonijiet Ċiniżi lejn il-Komunità (aktar minn 50 000 tunnellata għall-akbar esportaturi), x'aktarx li ebda wieħed mill-produtturi tat-Tajlandja ma għandu bejgħ domestiku rappreżentattiv. Barra minn dan, RZBC tgħid li l-istruttura ta’ l-ispejjeż tal-kumpaniji Tajlandiżi x'aktarx aktar tista’ titqabbel mal-qagħda fir-RPĊ. L-argument ewlieni li jsosni dan ix-xebħ huwa, iżda, li kemm it-Tajlandja kif ukoll ir-RPĊ huma pajjiżi Ażjatiċi. ta’ min jinnota li l-ispejjeż tax-xogħol tipikament jirrappreżentaw 5-10 % tal-fatturat, għalhekk bla dubju m'humiex element ewlieni fl-istruttura ta’ l-ispejjeż ta’ kwalunkwe produttur ta’ l-aċidu ċitriku. |
(43) |
Tajjeb li wieħed jinnota li l-kumpaniji Tajlandiżi huma b'mod sinifikanti iżgħar mill-kumpaniji fil-pajjiżi ewlenin ta’ produzzjoni (iċ-Ċina, l-UE, l-Istati Uniti, il-Kanada u l-Brażil). Il-produtturi Ċiniżi ewlenin huma madwar minn 10-20 darba ikbar mill-produtturi Tajlandiżi filwaqt li d-daqs tal-produttur Kanadiż u l-produtturi Ċiniżi ewlenin huwa komparabbli. |
(44) |
L-Istati Uniti ntgħażlet oriġinarjament bħala pajjiż ta’ analoġija, u ż-żewġ kumpaniji ta’ l-Istati Uniti għall-bidu qablu li jikkooperaw. Wara, iż-żewġ kumpaniji ta’ l-Istati Uniti msemmija hawn fuq irtiraw il-kooperazzjoni tagħhom. L-uniku produttur fil-Kanada u ż-żewġ produtturi fil-Brażil għalhekk ġew ikkuntattjati u ntalbu jikkooperaw fl-investigazzjoni. Madankollu, il-produttur uniku Kanadiż biss ikkoopera fl-investigazzjoni. Għaldaqstant, il-prezzijiet fis-suq Kanadiż ta’ aċidu ċitriku mibjugħ fl-andament normali ta’ negozju ntużaw bħala bażi biex ikun stabbilit valur normali għat-tipi ta’ prodott komparabbli tal-produtturi esportaturi li ma ngħatawx TES. |
5. Il-prezz ta’ esportazzjoni
(45) |
Il-produtturi esportaturi biegħu esportazzjonijiet lejn il-Komunità jew direttament lil klijenti indipendenti jew permezz ta’ kumpaniji kummerċjali relatati jew mhux relatati li jinsabu fi ħdan u barra mill-Komunità. Il-kumpaniji kollha jew il-gruppi ta’ kumpaniji setgħu jingħataw TES jew TI |
(46) |
Fejn il-bejgħ mill-esportazzjoni lejn il-Komunità sar jew direttament lil klijenti indipendenti fil-Komunità jew permezz ta’ kumpaniji kummerċjali mhux relatati, il-prezzijiet ta’ l-esportazzjoni kienu stabbiliti fuq il-bażi tal-prezzijiet effettivament imħallsa jew li għandhom jitħallsu għall-prodott ikkonċernat skond l-Artikolu 2(8) tar-Regolament bażiku. |
(47) |
Fejn il-bejgħ mill-esportazzjoni lejn il-Komunità sar permezz ta’ kumpaniji kummerċjali relatati li jinsabu fil-Komunità, il-prezzijiet ta’ l-esportazzjoni kienu stabbiliti fuq il-bażi ta’ l-ewwel prezzijiet tal-bejgħ mill-ġdid ta’ dawn in-negozjanti relatati lil klijenti indipendenti fil-Komunità, skond l-Artikolu 2(9) tar-Regolament bażiku. |
6. Il-paragun
(48) |
Il-valur normali u l-prezzijiet ta’ esportazzjoni tqabblu fuq bażi ta’ kif joħorġu mill-fabbrika u fuq l-istess livell ta’ kummerċ. Biex ikun żgurat paragun ġust bejn il-valur normali u l-prezzijiet ta’ esportazzjoni, saret konċessjoni xierqa, fil-forma ta’ aġġustamenti, għad-differenzi li jaffettwaw il-prezzijiet u l-paragunabbiltà tal-prezzijiet skond l-Artikolu 2(10) tar-Regolament bażiku. |
(49) |
Fuq il-bażi ta’ dan, konċessjonijiet ta’ trasport u spejjeż ta’ assikurazzjoni, amministrazzjoni, tagħbija u spejjeż anċillari, spejjeż ta’ ppakkjar, spejjeż ta’ kreditu saru fejn kien applikabbli u ġustifikat. |
(50) |
Għall-bejgħ li sar permezz ta’ importaturi relatati bbażati fil-Komunità, ġie applikat aġġustament skond l-Artikolu 2(10)(i) tar-Regolament bażiku, fejn intwera li dawn il-kumpaniji jwettqu funzjonijiet simili għal dawk ta’ importatur indipendenti. Dan l-aġġustament kien ibbażat fuq l-BĠ&A ta’ l-importaturi flimkien ma’ profitt, ibbażat fuq data miksuba mingħand importaturi mhux relatati fil-Komunità. |
7. Il-marġnijiet ta’ dumping
(51) |
Għall-produtturi esportaturi fil-kampjun, il-marġnijiet ta’ dumping individwali ġew stabbiliti fuq il-bażi ta’ paragun bejn valur normali medju differenzjat u prezz ta’ esportazzjoni medju differenzjat, skond l-Artikolu 2(11) u (12) tar-Regolament bażiku. Għall-RZBC, billi dan il-grupp ta’ kumpaniji jinkludi żewġ produtturi esportaturi, ġie stabbilit marġini wieħed ta’ dumping bħala medja tal-marġnijiet ta’ dumping taż-żewġ kumpaniji. |
(52) |
Għall-kumpaniji li kkooperaw li mhumiex inklużi fil-kampjun u li ma ngħatawx eżami individwali, il-marġni ta’ dumping ġie kkalkulat bħala medja differenzjata tal-marġnijiet stabbiliti għall-kumpaniji kollha fil-kampjun. |
(53) |
Minħabba l-livell għoli ta’ kooperazzjoni (96 %), li jissemma fil-premessa 0 hawn fuq, ġie ffissat marġini ta’ dumping għall-pajjiż kollu fuq l-istess livell bħal ta’ l-ogħla marġini misjub għal kumpanija li tikkoopera. |
(54) |
Fuq din il-bażi, il-marġnijiet ta’ dumping provviżorju, espressi bћala perċentwali tal-prezz CIF fil-fruntiera tal-Komunità, dazju mhux imħallas, huma:
|
D. ID-DANNU
1. Produzzjoni tal-Komunità u industrija tal-Komunità
(55) |
Fi ħdan il-Komunità, il-prodott simili huwa mmanifatturat minn żewġ kumpaniji. Jungbunzlauer, Austria u S.A. Citrique Belge fil-Belġju (parti mill-grupp DSM, bil-kwartieri ġenerali fl-Iżvizzera). Il-kwerelant Jungbunzlauer jirrappreżenta proporzjon prinċipali tal-produzzjoni Komunitarja totali magħrufa tal-prodott simili, jiġifieri f’dan il-każ aktar minn 25 %. Iż-żewġ produtturi kkooperaw fis-sħiħ fl-investigazzjoni, iżda t-tieni produttur Ewropew ħa pożizzjoni newtrali fl-investigazzjoni. |
(56) |
S.A. Citrique Belge N.V. kienet għamlet xi importazzjonijiet mir-RPĊ fil-PI. Iżda, il-volumi ta’ importazzjonijiet ma kinux sinifikanti (bejn 1 % u 6 % ta’ produzzjoni matul il-PI - din il-medda tingħata għal raġunijiet ta’ kunfidenzjalità), għalhekk ma tqiesx xieraq li jiġi eskluż dan il-produttur mid-definizzjoni ta’ l-industrija tal-Komunità. |
(57) |
Billi ż-żewġ produtturi li kkooperaw imsemmija fil-premessa (10) hawn fuq kienu jirrappreżentaw 100 % tal-produzzjoni totali tal-Komunità matul il-PI, jitqiesu li jikkostitwixxu l-industrija tal-Komunità fi ħdan it-tifsira ta’ l-Artikolu 4(1) u l-Artikolu 5(4) tar-Regolament bażiku u minn issa 'l quddiem se jissejħu l-“industrija tal-Komunità”. |
(58) |
Billi l-industrija tal-Komunità tikkonsisti biss f'żewġ produtturi, id-data marbuta ma’ l-industrija tal-Komunità kellha tintrabat ma’ indiċi jew intużaw medded biex tinżamm il-kunfidenzjalità skond l-Artikolu 19 tar-Regolament bażiku. |
2. Konsum Komunitarju
(59) |
Il-konsum tal-Komunità ġie stabbilit fuq il-bażi tal-volumi ta’ bejgħ tal-produzzjoni proprja ta’ l-industrija tal-Komunità fis-suq tal-Komunità u d-data dwar il-volumi ta’ importazzjoni tal-Komunità miksuba mill-Eurostat. |
(60) |
Bejn l-2004 u l-PI, is-suq tal-Komunità għall-prodott ikkonċernat u l-prodott simili żdied sewwa bi 15 %, u dan minħabba żieda fl-applikazzjonijiet ta’ l-aċidu ċitriku.
|
3. Importazzjonijiet mill-pajjiż ikkonċernat
(a) Volum ta’ l-importazzjonijiet ikkonċernati
(61) |
Il-volum ta’ importazzjonijiet tal-prodott ikkonċernat mir-RPĊ lejn il-Komunità żdied b’mod sinifikanti matul il-perjodu meqjus kollu. L-importazzjonijiet fl-UE żdiedu b’37 % mill-2004 lilhawn.
|
(b) Sehem tas-suq ta’ l-importazzjonijiet ikkonċernati
(62) |
Is-sehem tas-suq ta’ l-importazzjonijiet mir-RPĊ żdiedu sewwa b'seba’ punti perċentwali matul il-perjodu kkonċernat. Fid-dettall, tela' b'żewġ punti perċentwali bejn l-2004 u l-2005, b'żewġ punti perċentwali oħra bejn l-2005 u l-2006 u bi tliet punti perċentwali matul il-PI. Fil-PI, is-sehem tas-suq ta’ l-importazzjonijiet Ċiniżi kien ta’ 46 %. |
(c) Il-prezzijiet
(i) L-evoluzzjoni tal-prezzijiet
(63) |
Mill-2004 sa l-2005, il-prezz medju ta’ importazzjonijiet tal-prodott ikkonċernat li joriġina fir-RPĊ żdied bi 3 % imbagħad waqa' f'daqqa b'disa' punti perċentwali mill-2005 sa l-2006. Matul il-PI, il-prezz baqa' fil-livell baxx ta’ l-2006. Globalment, il-prezzijiet ta’ l-importazzjonijiet mill-pajjiżi kkonċernati naqas bi 6 % matul il-perjodu kkonsidrat.
|
(ii) It-twaqqigħ tal-prezzijiet
(64) |
Għad-determinazzjoni ta’ twaqqigħ fil-prezz, ġiet analizzata d-data tal-prezz li tirreferi għall-PI. Il-prezzijiet rilevanti tal-bejgħ ta’ l-industrija tal-Komunità kienu prezzijiet netti wara t-tnaqqis ta’ skonti u rifużjonijiet. Fejn meħtieġ, dawn il-prezzijiet kienu aġġustati għal livell ex-fabbrika, jiġifieri bl-esklużjoni ta’ l-ispiża tal-ġarr tal-merkanzija fil-Komunità. Il-prezzijiet ta’ importazzjoni tar-RPĊ tneħħewlhom ukoll l-iskontijiet u r-rifużjonijiet u ġew aġġustati, fejn kien meħtieġ, għal valur cif fuq il-fruntiera tal-Komunità b’aġġustament xieraq għad-dazji doganali (6,5 %) u l-ispejjeż post-importazzjoni. Dawn ta’ l-aħħar kienu jinkludu aġġustament għal spejjeż ta’ trattament speċjali mġarrba mill-importaturi fil-Komunità biex jinqatgħu ċerti volumi tal-prodott ikkonċernat qabel ma jsir aktar bejgħ. Il-prezzijiet tal-bejgħ ta’ l-industrija tal-Komunità u l-prezzijiet ta’ l-importazzjoni tar-RPĊ tqabblu fl-istess livell ta’ kummerċ, jiġifieri ma’ konsumaturi indipendenti fi ħdan is-suq tal-Komunità. Matul il-PI, il-medja differenzjata tal-marġni ta’ twaqqigħ ta’ prezz ikkalkulata b’dan il-mod, espressa bħala perċentwali tal-prezzijiet tal-bejgħ ta’ l-industrija tal-Komunità, kienet ta’ 17,42 % għar-RPĊ. |
4. Is-Sitwazzjoni ta’ l-industrija Komunitarja
(65) |
Skond l-Artikolu 3(5) tar-Regolament bażiku, l-eżami ta’ l-impatt ta’ l-importazzjonijiet li kienu oġġett ta’ dumping fuq l-industrija Komunitarja ġab żieda fil-valutazzjoni tal-fatturi ekonomiċi kollha li għandhom rilevanza għall-istat ta’ l-industrija Komunitarja matul il-perjodu meqjus. Għal raġunijiet ta’ kunfidenzjalità, minћabba li l-analiżi tikkonċerna żewġ kumpaniji biss, ћafna mill-indikaturi huma ppreżentati taħt forma ta’ indiċi jew inkella jingħataw firxiet. |
(a) Produzzjoni, kapaċità u utilizzazzjoni tal-kapaċità
(66) |
Il-produzzjoni ta’ l-industrija tal-Komunità żdiedet bi 5 % matul il-perjodu kkonsidrat u l-kapaċità ta’ produzzjoni żdiedet ukoll bi 3 % biex tibbenefika mill-konsum miżjud. Matul il-perjodu kkonsidrat l-utilizzazzjoni tal-kapaċità żdiedet naqra bi 2 %.
|
(b) Volumi tal-bejgħ u s-sehem mis-suq fil-Komunità
(67) |
Billi l-industrija tal-Komunità hija magħmula minn żewġ produtturi biss u s-suq tal-Komunità għall-aċidu ċitriku huwa fornit minn tliet postijiet/għejjun biss (l-industrija tal-Komunità, ir-RPĊ, l-Iżrael), id-data marbuta ma’ l-ishma tas-suq ta’ l-industrija tal-Komunità hija ppreżentata taħt format ta’ indiċi biex tinżamm il-kunfidenzjalità tad-data li ntbagħtet b'kunfidenzjalità mill-industrija tal-Komunità, skond l-Artikolu 19 tar-Regolament bażiku. |
(68) |
It-tabella ta’ hawn taħt turi l-andament ta’ l-industrija tal-Komunità fir-rigward tal-bejgħ tagħha lil klijenti indipendenti fil-Komunità. Il-volumi tal-bejgħ ta’ l-industrija Komunitarja lil klijenti indipendenti fil-Komunità żdiedu b'5 % mill-2004 sal-PI. Dan għandu jitqies fid-dawl ta’ żieda ta’ 15 % fil-konsum fil-Komunità. F'dan l-isfond, is-sehem tas-suq ta’ l-industrija tal-Komunità ilhu nieżel b'ritmu sostnut mill-2004 sal-PI u bħala total kien ħames punti perċentwali inqas fil-PI.
|
(69) |
Il-prezzijiet ta’ bejgħ ta’ unità żviluppaw kif ġej:
It-tabella turi li l-prezz żdied xi ftit bi 3 % matul il-perjodu kkunsidrat. Huwa nnutat li l-materja prima ewlenija għall-produzzjoni ta’ l-aċidu ċitriku hija z-zokkor/ġulepp jew glukożju (miksub miċ-ċereali). Barra minn hekk, l-enerġija hija wkoll spiża maġġuri fil-produzzjoni ta’ l-aċidu ċitriku. Il-piż totali ta’ l-ispiża ta’ enerġija fil-produzzjoni ta’ l-aċidu ċitriku sussegwentement jammonta għal 16 % u għalhekk, f'ċirkostanzi normali, bidla sinifikanti fil-prezzijiet taż-żejt u l-gass hija mistennija jkollha impatt dirett fuq il-prezz tal-bejgħ ta’ l-aċidu ċitriku. |
(70) |
Instab li l-prezzijiet tas-suq dinji ta’ l-elementi maġġuri (zokkor/ġulepp, glukożju u enerġija) żdiedu b'mod sinifikanti matul il-perjodu kkonsidrat, u dan wassal għal spejjeż ta’ produzzjoni konsiderevolment ogħla. Din l-evoluzzjoni ma kinitx riflessa fil-prezzijiet ta’ bejgħ ta’ l-industrija tal-Komunità billi dawn il-prezzijiet żdiedu biss bi 3 % matul l-istess perjodu. Għalhekk, biex ma titlifx klijienti, l-industrija tal-Komunità għaddietilhom biss frazzjoni żgħira ta’ l-ispejjeż ogħla tagħha. |
(c) Stokk
(71) |
Iċ-ċifri ta’ hawn taћt jirrappreżentaw il-volumi ta’ l-istokk fi tmiem kull perjodu. Il-livell ta’ stokk naqas bi 28 % biex tiġi sodisfatta d-domanda li qed tiżdied fis-suq.
|
(d) L-investimenti u l-ħila li jinġabar kapital
(72) |
L-investimenti annwali ta’ l-industrija tal-Komunità fil-produzzjoni tal-prodott simili naqsu b'mod qawwi matul il-perjodu kkonsidrat u kienu limitati fil-PI għal xogħlijiet ta’ manutenzjoni biss.
|
(e) Profittabbilità, dħul fuq l-investiment u likwidità
(73) |
Fid-dawl ta’ spejjeż għolja ħafna u straordinarji ta’ struttur mill-ġdid imġarrba minn produttur Komunitarju, ma tqiesx raġjonevoli li l-profittabbiltà tiġi stabbilita fuq il-bażi tal-profitt nett qabel it-taxxa. Għaldaqstant, il-profittabbiltà ta’ l-industrija Komunitarja ġiet stabbilita bl-espressjoni tal-profitt operattiv fuq il-bejgħ tal-prodott simili lil klijenti mhux relatati bħala perċentwali tal-fatturat ta’ dan il-bejgħ.
|
(74) |
Matul il-perjodu meqjus, il-profittabbilità ta’ l-industrija Komunitarja ddeterjorat b'mod sinifikanti. Ir-redditu fuq l-investiment totali ġie kkalkolat bl-espressjoni tal-profitt operattiv tal-prodott simili bħala perċentwali tal-valur nett ta’ kontabilità ta’ assi fissi allokati lill-prodott simili. Dan l-indikatur żviluppa skond il-profittabbiltà, u naqas sewwa matul il-perjodu meqjus. F'dak li għandu x'jaqsam mal-likwidità nstabet xejra negattiva simili, li rriżultat f'deterjorazzjoni ġenerali drammatika tal-qagħda finanzjarja ta’ l-industrija tal-Komunità fil-PI. |
(f) L-impjieg, il-produttività u l-pagi
(75) |
L-għadd ta’ impjegati ta’ l-industrija Komunitarja li kienu involuti fil-prodott simili naqas b'9 % bejn l-2004 u l-PI. L-ispiżaq medja tax-xogħol għal kull impjegat, naqas bi 11 %.
|
(76) |
L-isforzi ta’ ri-strutturazzjoni biex titnaqqas l-ispiża ta’ produzzjoni, ir-razzjonalizzazzjoni u t-tnaqqis fl-għadd ta’ impjegati rriżultaw f’żieda fl-output għal kull ħaddiem (żieda ta’ 15 % tul il-perjodu meqjus). Għalhekk, jista’ jiġi konkluż li, matul il-perjodu meqjus, l-industrija Komunitarja għamlet progress sinifikanti ħafna fir-rigward ta’ l-effiċjenza fl-infiq. |
(g) Id-daqs tal-marġni tad-dumping
(77) |
Għal dak li għandu x’jaqsam ma’ l-impatt fuq l-industrija Komunitarja tal-kobor tal-marġini ta’ dumping attwali, fid-dawl tal-volum u l-prezzijiet ta’ l-importazzjonijiet mill-pajjiż kkonċernat, dan l-impatt ma jistax jitqies bħala negliġibbli. |
(h) L-irkupru minn dumping fl-imgħoddi
(78) |
Fin-nuqqas ta’ kwalunkwe informazzjoni dwar l-eżistenza ta’ dumping qabel is-sitwazzjoni evalwata fil-proċedura preżenti, din il-kwistjoni titqies li hija irrelevanti. |
5. Konklużjoni dwar id-dannu
(79) |
Matul il-perjodu meqjus għadd ta’ indikaturi ta’ dannu kellhom żviluppi pożittivi li jidhru: l-industrija tal-Komunità, fi sforz biex ittejjeb l-effettività tagħha, irnexxielha żżid il-volum ta’ bejgħ u produzzjoni, il-kapaċità ta’ produzzjoni, l-utilizzazzjoni tal-kapaċità u l-produttività filwaqt li naqqset l-istokk u x-xogħol annwali. |
(80) |
Iżda, fi sfond ta’ konsum li żdied, is-sehem tas-suq tagħha nxtorob b'9 % matul il-perjodu meqjus. Madankollu, l-indikaturi finanzjarji tagħha żviluppaw b'mod negattiv: il-profittabbilità naqset bla waqfin. Id-dħul fuq l-investiment u l-qagħda tal-likwidità żviluppaw ukoll b'mod negattiv. Ir-raġuni għal dan l-iżvilupp hija li ż-żieda qawwija fil-prezzijiet tal-materja prima kienet riflessa b'mod parzjali biss fil-prezzijiet tal-bejgħ tal-prodott simili. Iż-żieda żgħira fil-prezzijiet tal-bejgħ ma kinitx biżżejjed biex l-industrija tal-Komunità żżomm il-marġini tagħha ta’ profitt. |
(81) |
Fid-dawl ta’ dak li ntqal, huwa konkluż provviżorjament li l-industrija Komunitarja soffriet ħsara materjali fis-sens ta’ l-Artikolu 3(5) tar-Regolament bażiku. |
E. IL-KAWŻALITÀ
1. Introduzzjoni
(82) |
Skond l-Artikolu 3(6) u (7) tar-Regolament bażiku, il-Kummissjoni eżaminat jekk l-importazzjonijiet li kienu soġġetti għal dumping ikkawżawx dannu lill-industrija Komunitarju sa tali punt li jkun jista’ jiġi kklassifikat bħala materjali. Fatturi magħrufa għajr l-importazzjonijiet li kienu suġġetti għal dumping, li fl-istess ħin setgħu kienu qed jagħmlu dannu lill-industrija Komunitarja, kienu eżaminati wkoll biex ikun żgurat li d-dannu possibbli kkawżat minn dawn il-fatturi l-oħra ma kienx attribwit lill-importazzjonijiet li kienu suġġetti għal dumping. |
2. Effett ta’ l-importazzjonijiet li huma l-oġġett ta’ dumping
(83) |
Bejn l-2004 u l-PI, iż-żieda sinifikanti fil-volum ta’ l-importazzjonijiet li kienu oġġett ta’ dumping b’37 % u fis-sehem tas-suq Komunitarju korrispondenti, jiġifieri b’seba' punti perċentwali, kif ukoll il-qtugħ fil-prezzijiet li nstab (bejn 15 % u 21 % matul il-PI) ikkoinċidew mad-deterjorament tas-sitwazzjoni ekonomika ta’ l-industrija Komunitarja, filwaqt li l-prezzijiet medji tal-produtturi esportaturi fir-RPĊ naqsu b'6 %. |
(84) |
Għalhekk, l-effett ta’ dan l-aġir ta’ ipprezzar inġust ta’ l-importazzjonijiet li huma l-oġġett ta’ dumping mill-RPĊ kien li l-prezzijiet ta’ l-industrija tal-Komunità trażżnu u li l-industrija tal-Komunità tilfet is-sehem tas-suq minħabba l-importazzjonijiet bil- prezz imwaqqa'. L-industrija tal-Komunità biex ma titlifx aktar sehem tas-suq ma setgħetx tgħaddi ż-żieda fil-prezzijiet lill-klijenti tagħha sal-punt meħtieġ biex tibqa' tagħmel profitt. |
(85) |
Minħabba l-koinċidenza fiż-żmien li ġiet stabbilita b’mod ċar bejn, min-naħa waħda, iż-żieda fl-importazzjonijiet li kienu oġġett ta’ dumping bi prezzijiet li kienu ferm irħas mill-prezzijiet ta’ l-industrija Komunitarja, u min-naħa l-oħra, it-tnaqqis ta’ profittabbilità u t-tiħżin ta’ indikaturi oħra finanzjarji ta’ l-industrija Komunitarja, qed jiġi konkluż b’mod provviżorju li l-importazzjonijiet li kienu oġġett ta’ dumping kellhom rwol determinanti fis-sitwazzjoni ta’ ħsara ta’ l-industrija Komunitarja. |
3. Effett ta’ fatturi oħra
(a) Importazzjonijiet li joriġinaw f’pajjiżi terzi minbarra r-RPĊ
(86) |
Skond l-Eurostat, it-tielet pajjiż prinċipali minn fejn jiġi impurtat l-aċidu ċitriku huwa Iżrael. Iżda, is-sehem tas-suq li għandhom l-importazzjonijiet minn Iżrael huwa limitat u għan-niżla tul il-perjodu meqjus, minn 5 % fl-2004 sa 3 % biss matul il-PI. Barra minn hekk, il-prezzijiet medji ta’ importazzjonijiet minn Iżrael huma fl-istess livell jekk mhux ogħla mill-prezzijiet tal-Komunità tul il-perjodu meqjus.
|
(87) |
Barra l-importazzjonijiet mill-Iżrael, ma hemmx importazzjonijiet sinifikanti minn pajjiżi oħra. Fuq il-bażi tas-sejbiet fir-rigward ta’ dawn l-importazzjonijiet, jista’ jiġi konkluż provviżorjament li importazzjonijiet li mhux ġejjin mir-RPĊ mhumiex ta’ kontribut għall-ħsara materjali li soffriet l-industrija Komunitarja. |
(b) Żieda fl-ispejjeż tal-materja prima minħabba r-riforma tas-suq taz-zokkor ta’ l-UE
(88) |
Xi partijiet interessati sostnew li kull dannu mġarrab mill-industrija tal-Komunità kien marbut maż-żieda fil-prezz taz-zokkor, li huwa użat bħala materja prima ewlenija għall-produzzjoni tal-prodott simili, minħabba r-riforma tar-reġim taz-zokkor fl-UE u t-tneħħija sussegwenti tal-rifuzjoni ta’ produzzjoni mogħtija lill-industrija tal-kimika. |
(89) |
F'dan ir-rigward huwa nnutat li produttur fil-Komunità juża bħala materja prima ewlenija l-aktar il-ġulepp, li qatt ma kien suġġett għal rifużjonijiet ta’ produzzjoni minkejja li formalment jaqa' taħt il-politika agrikola komuni għaz-zokkor. |
(90) |
L-investigazzjoni wriet li fir-rigward ta’ l-użu tagħha taz-zokkor bħala materja prima, l-industrija tal-Komunità kienet tabilħaqq intitolata għal rifużjoni ta’ produzzjoni skond l-organizzazzjoni tas-suq Komuni għaz-zokkor biex iżżomm il-kompetittività tagħha fis-suq dinji. Ir-rifużjonijiet ta’ produzzjoni kienu jikkorrispondu mad-differenza bejn il-prezz ta’ intervent taz-zokkor ta’ l-UE wara li jitnaqqas il-prezz taz-zokkor fis-suq dinji miżjud ma’ l-ammont standard li jikkorrispondi ma’ l-ispejjeż ta’ trasport għall-esportazzjoni taz-zokkor tal-Komunità. Permezz ta’ dan l-industrija tal-Komunità kisbet il-provvisti tagħha ta’ zokkor bi prezzijiet tas-suq dinji. |
(91) |
Minn Lulju 2006 din is-sistema ġiet riformata billi tnaqqas id-daqs tal-protezzjoni għas-settur taz-zokkor. Skond is-sistema l-ġdida, kif stipulat fir-Regolament tal-Kunsill (KE) Nru 318/2006 ta’ l-20 ta’ Frar 2006 dwar l-organizzazzjoni komuni tas-swieq fis-settur taz-zokkor (3), l-ewwelnett l-industrija tal-kimika titħalla tinnegozja b'mod ħieles kwantitajiet u prezzijiet ta’ zokkor industrijali mal-produtturi taz-zokkor u l-koltivaturi tal-pitrava zokkrija, jiġifieri l-metodoloġija ta’ referenza ta’ prezzijiet u l-kwoti f'dan is-settur ġew abbandunati. It-tieni, l-industrija tal-Komunità tista’ wkoll tixtri ċerti kwantitajiet ta’ zokkor industrijali fis-suq dinji mingħajr dazju. Fl-aħħarnett, jekk ma jkunx hemm zokkor disponibbli bi prezz li jikkorrispondi mal-prezz tas-suq dinji, l-industrija tal-kimika tkun intitolata li titlob l-għotja ta’ rifużjoni ta’ produzzjoni. Minn Lulju 2006 l-għoti ta’ dawn ir-rifużjonijiet ta’ produzzjoni qatt ma seħħ, minkejja li għadhom jeżistu. Dan jista’ jitqies bħala indikazzjoni qawwija li kien hemm biżżejjed kwantitajiet ta’ zokkor disponibbli bi prezzijiet tas-suq dinji. |
(92) |
Barra minn hekk, l-analiżi wriet li skond il-qsim fil-materja prima ta’ l-industrija tal-Komunità użata fil-manifattura tal-prodott simili, iz-zokkor ikkostitwixxa minn 6 sa 21 % (il-firxa qed tingħata minħabba raġunijiet ta’ kunfidenzjalità) ta’ l-ispiża ta’ manifattura minn Jannar sa Ġunju 2006 u dan ma żdiedx matul il-PI aktar miż-żieda fil-prezzijiet tas-suq dinji għaz-zokkor. |
(93) |
Għalhekk, l-investigazzjoni wriet li r-riforma tas-suq taz-zokkor ma kellha ebda impatt konsiderevoli fuq il-qagħda ta’ l-ispiża ta’ l-industrija tal-Komunità. |
(94) |
Fid-dawl ta’ dan ta’ hawn fuq, qed jiġi provviżorjament konkluż li r-riforma tas-suq taz-zokkor ma kkontribwitx għad-danni materjali mġarrba mill-industrija tal-Komunità. |
(c) Prezzijiet ta’ l-enerġija dejjem jiżdiedu
(95) |
Xi partijiet interessati sostnew li kwalunkwe dannu mġarrab mill-industrija tal-Komunità kien marbut maż-żieda fl-ispejjeż ta’ l-enerġija. |
(96) |
F'dan ir-rigward ta’ min jinnota li l-produzzjoni ta’ l-aċidu ċitriku għandha konsum għoli ta’ enerġija fejn il-piż totali ta’ l-ispiża ta’ enerġija fil-produzzjoni jammonta għal 16 % (ara premessa (69) hawn fuq). L-ispiża ta’ l-enerġija tabilħaqq għola relativament b'mod moderat matul il-perjodu meqjus u dan deher fl-ispiża ta’ produzzjoni. |
(97) |
Kien x'kien il-każ, mhix iż-żieda fl-ispiża ta’ enerġija bħala tali li kellha impatt negattiv fuq il-qagħda finanzjarja ta’ l-industrija tal-Komunità, iżda in-nuqqas li dawk l-ispejjeż żejda ta’ enerġija jgħaddu sal-punt meħtieġ għand il-klijenti minħabba li l-prezzijiet waqgħu kawża tal-volumi sinifikanti ta’ importazzjonijiet bi prezz baxx. |
(98) |
Barra minn hekk, ġie allegat li ż-żieda fil-prezzijiet ta’ l-enerġija taffettwa b'mod indirett il-produzzjoni ta’ l-aċidu ċitriku billi l-industrija ta’ l-aċidu ċitriku Ewropea tikkompeti ma’ l-industrija tal-bijokarburanti għall-karboidrati li huwa wieħed mis-sustanzi komposti użati fil-produzzjoni ta’ l-aċidu ċitriku. Billi d-domanda għall-enerġija qed tiżdied u daqstant dik għall-bijokarburanti wkoll, il-produtturi tal-bijokarburanti jkunu f'qagħda li jħallsu aktar għal dawn il-karboidrati (jiġifieri zokkor u l-ġulepp residwu, il-glukożju). Dan jgħolli l-ispiża ta’ dawn il-karboidrati għall-industrija tal-Komunità. Iżda, kif uriet l-analiżi ta’ l-ispiża ta’ manifattura ta’ l-industrija tal-Komunità, ara l-premessi (69) u (92) hawn fuq, ma kienx hemm żieda fl-ispiża ta’ manifattura għaz-zokkor jew ġulepp li ma kinitx marbuta maż-żieda ġenerali taz-zokkor fis-suq dinji. Għaldaqstant, ebda impatt dirett ta’ l-industrija tal-bijokarburanti fuq il-produtturi ta’ l-aċidu ċitriku ma seta' jiġi stabbilit. Dan l-argument huwa għalhekk irrifjutat. |
(99) |
Fid-dawl ta’ dan ta’ hawn fuq, qed jiġi provviżorjament konkluż li l-konsegwenzi taż-żieda fl-ispejjeż ta’ l-enerġija ma kkontribwewx għad-danni materjali mġarrba mill-industrija tal-Komunità. |
(d) Kartell ta’ prezzijiet ta’ l-industrija tal-Komunità
(100) |
Xi partijiet interessati sostnew li t-telf fis-sehem tas-suq għall-produtturi Ewropej kien tort tagħhom stess minħabba l-kartell ta’ l-aċidu ċitriku (1991-1995) li fih ħadu sehem kemm il-kwerelant kif ukoll il-produttur Ewropew l-ieħor, taħt is-sjieda preċedenti. Huma jsostnu li minħabba l-prassi anti-kompetittiva, il-prezz tal-bejgħ kien għoli b'mod artifiċjali u ppermetta lill-produtturi Ċiniżi jidħlu fis-suq. Analiżi ta’ l-istatistika turi li l-mewġa l-kbira fl-importazzjonijiet ta’ l-aċidu ċitriku Ċiniż seħħet bejn l-1998 u 1999 (64 %) u anki iktar bejn l-2002 u l-2004 (137 %), bosta snin wara li kien spiċċa l-kartell. |
(101) |
Fid-dawl ta’ dan ta’ hawn fuq, qed jiġi provviżorjament konkluż li l-konsegwenzi tal-prassi anti-kompetittiva li fiha ħadet sehem l-industrija tal-Komunità ma kkontribwewx għad-danni materjali mġarrba mill-industrija tal-Komunità. |
(e) Iċ-ċaqliq fil-kambju
(102) |
Xi partijiet interessati sostnew li d-devalwazzjoni tad-dollaru Amerikan ma’ l-euro kienet favorevoli għall-importazzjonijiet ta’ aċidu ċitriku fil-Komunità Ewropea. |
(103) |
Bejn l-2004 u tmiem il-PI, id-dollaru Amerikan tilef 6,1 % tal-valur tiegħu ma’ l-Euro. La l-iżvilupp tal-prezz ta’ l-industrija Komunitarja lanqas il-volumi ta’ importazzjoni mill-pajjiż kkonċernat jew minn pajjiżi terzi oħra ma jirriflettu d-devalwazzjoni tad-dollaru Amerikan ma’ l-euro. |
(104) |
Għalhekk id-devalwazzjoni tad-dollaru Amerikan ma’ l-euro trid titqies bħala negliġibbli u ma tistax titqies bħala kawża prinċipali tat-telf tas-sehem tas-suq ta’ l-industrija Komunitarja. |
(105) |
Barra dan, ta’ min jiftakar li l-investigazzjoni għandha teżamina jekk l-importazzjonijiet li huma l-oġġett ta’ dumping (f’termini ta’ prezzijiet u volumi) għamlux ħsara materjali lill-industrija Komunitarja jew jekk ħsara materjali bħal din saritx minħabba fatturi oħra. F’dan ir-rigward, għal dak li għandu x’jaqsam mal-prezzijiet, l-Artikolu 3(6) tar-Regolament bażiku jiddikjara li huwa meħtieġ li turi li l-livell tal-prezzijiet ta’ l-importazzjonijiet li huma l-oġġett ta’ dumping joħloq ħsara. Dan għalhekk jirreferi sempliċement għad-differenza bejn il-livelli tal-prezzijiet, u għalhekk m’hemmx il-ħtieġa għall-analiżi tal-fatturi li jaffettwaw il-livell ta’ dawk il-prezzijiet. |
(106) |
Iżda, anki jekk jitqies iċ-ċaqliq fil-kambju Dollaru Amerikan/Euro bejn l-2004 u l-PI u anki jekk wieħed jassumi li l-bejgħ kollu ta’ esportazzjoni lejn il-Komunità sar fl-Amerika, xorta jibqa' aktar minn10 % ta’ qtugħ fil-prezz. |
(107) |
Għaldaqstant il-konklużjoni provviżorja kienet li l-apprezzament ta’ l-Euro fir-rigward tad-Dollaru Amerikan ma kienx tali li jikser ir-rabta każwali bejn id-dannu stabbilit u l-importazzjonijiet ikkonċernati lejn l-industrija tal-Komunità u għalhekk it-talba kienet miċħuda. |
4. Konklużjoni dwar il-kawżalità
(108) |
Bħala konklużjoni, l-analiżi ta’ hawn fuq uriet li kien hemm żieda sostanzjali fil-volum u s-sehem tas-suq ta’ l-importazzjonijiet li joriġinaw fil-pajjiż ikkonċernat matul il-perjodu meqjus, flimkien ma’ tnaqqis konsiderevoli fil-prezzijiet tagħhom ta’ bejgħ u livell għoli ta’ bejgħ taħt il-prezz normali matul il-PI. Din iż-żieda fis-sehem tas-suq ta’ l-importazzjonijiet bi prezz baxx ikkoinċidiet ma’ waqgħafis-sehem tas-suq ta’ l-industrija tal-Komunità u kriżi fil-prezzijiet b'waqgħa fil-profittabbilità. |
(109) |
Min-naħa l-oħra, l-eżami tal-fatturi l-oħra li setgħu kienu ta’ ħsara għall-industrija Komunitarja wera li ebda minnhom ma seta’ kellu impatt negattiv sinifikanti. |
(110) |
Fuq il-bażi ta’ l-analiżi hawn fuq, li ddistingwiet u sseparat b’mod xieraq l-effetti tal-fatturi kollha magħrufa fuq is-sitwazzjoni ta’ l-industrija Komunitarja mill-effetti ta’ ħsara ta’ l-importazzjonijiet oġġett ta’ dumping, huwa konkluż provviżorjament li l-importazzjonijiet mill-pajjiż ikkonċernat ikkawżaw ħsara materjali lill-industrja tal-Komunità fis-sens ta’ l-Artikolu 3(6) tar-Regolament bażiku. |
F. INTERESS TAL-KOMUNITÀ
(111) |
Il-Kummissjoni eżaminat jekk, minkejja l-konklużjonijiet dwar id-dumping, il-ħsara u l-kawżalità, kienx hemm raġunijiet konvinċenti li jwasslu għall-konklużjoni li ma jkunx fl-interess tal-Komunità li jiġu imposti miżuri f'dan il-każ partikolari. Għal dan l-iskop, u skond l-Artikolu 21 tar-Regolament bażiku, il-Kummissjoni qieset l-impatt li x’aktarx ikollhom il-miżuri għall-partijiet kollha kkonċernati. |
1. Interess ta’ l-industrija Komunitarja
(112) |
Kif indikat fil-premessa (10) hawn fuq, l-industrija Komunitarja hija magħmula minn żewġ kumpaniji, b’faċilitajiet ta’ produzzjoni fl-Awstrija u l-Belġju, li jimpjegaw madwar 500 sa 600 persuna direttament involuti fil-produzzjoni, il-bejgħ u l-amministrazzjoni tal-prodott simili. Jekk il-miżuri jiġu imposti, huwa mistenni li t-tnaqqis tal-prezz fuq is-suq Komunitarju jiġi fi tmiem u li l-prezzijiet tal-bejgħ ta’ l-industrija Komunitarja jibdew jirkupraw u, b’konsegwenza ta’ dan, is-sitwazzjoni finanzjarja ta’ l-industrija Komunitarja għandha titjieb. |
(113) |
Min-naħa l-oħra, jekk ma jiġux imposti miżuri anti-dumping, aktarx li x-xejra negattiva fl-iżvilupp ta’ l-indikaturi finanzjarji ta’ l-industrija Komunitarja u partikolarment il-profittabbiltà tagħha, jissoktaw. L-industrija Komunitarja mbagħad tissokta titlef is-sehem sinifikanti tagħha mis-suq għaliex ma tkunx tista’ tkompli ssegwi l-prezzijiet tas-suq baxxi b'mod artifiċjali stabbiliti mill-importazzjonijiet mir-RPĊ. Għaldaqstant, ir-riżultat x'aktarx ikun tnaqqis fil-produzzjoni u l-investimenti, l-għeluq ta’ ċerti kapaċitajiet ta’ produzzjoni u tnaqqis ta’ impjiegi fil-Komunità. |
(114) |
F'dan ir-rigward, ta’ min isemmi li mill-2004 lilhawn tliet produtturi ta’ l-aċidu ċitriku fil-Komunità għalqu. |
(115) |
Bħala konklużjoni, l-impożizzjoni ta’ miżuri anti-dumping jippermettu lill-industrija tal-Komunità li tirkupra mill-effetti dannużi tad-dumping li nstab. |
2. L-interess ta’ l-importaturi mhux relatati
(116) |
Kif deskritt fil-premessa (9) hawn fuq, erba’ importaturi fil-kampjun bagħtu tweġibiet għall-kwestjonarju u kienu jirrappreżentaw madwar 36 % ta’ l-importazzjonijiet tal-Komunità tal-prodott ikkonċernat matul il-PI. Wieħed mill-importaturi fil-kampjun ma kienx f'qagħda li jipprovdi t-tagħrif meħtieġ. Għalhekk, il-kwestjonarju tiegħu li ntbagħat ma tqiesx. It-tliet tweġibiet l-oħra għall-kwestjonarju ġew ivverifikati fuq il-post. |
(117) |
Il-piż globali rrappreżentat mill-aċidu ċitriku fil-fatturat totali ta’ l-attivitajiet ta’ dawn l-importaturi kien żgħir ħafna. Fuq bażi medja, madwar 1 % ta’ dawn l-attivitajiet ta’ l-importaturi jistgħu jintrabtu ma’ importazzjonijiet ta’ aċidu ċitriku mir-RPĊ, u dan xorta waħda jitqies importanti biex il-firxa ta’ prodotti tagħhom tkun kompluta. Ċerti importaturi jixtru l-prodott investigat mhux biss mir-RPĊ iżda wkoll minn sorsi oħra fil-Komunità u barra, inkluż mill-industrija Komunitarja. Il-marġni ta’ profitt medju miksub mill-importaturi fil-kampjun fil-kummerċ tagħhom ta’ l-aċidu ċitriku, huwa madwar 4,4 %. |
(118) |
L-importaturi fil-Komunità ma jaqblux ma’ l-impożizzjoni tal-miżuri. L-importaturi li kkooperaw sostenw li l-impożizzjoni ta’ miżuri tista’ tagħmel ħsara serja lill-attività tagħhom, għaliex ma jkunux jistgħu jgħaddu ż-żieda fil-prezz lill-utenti. F’dan ir-rigward, l-impożizzjoni ta’ dazju anti-dumping fuq importazzjonijiet mir-RPĊ aktarx twassal għal korrezzjoni 'l fuq tal-prezzijiet tas-suq. L-effett tad-dazji x'aktarx jitlef mis-saħħa tiegħu fir-riżultat ġenerali ta’ l-importaturi billi l-aċidu ċitriku jirrappreżenta biss parti żgħira mill-fatturat totali tagħhom. Il-bejgħ bi prezzijiet aktar baxxi li baqa' jseħħ wara aġġustament tal-prezzijiet cif fuq il-fruntiera Komunitarja minħabba spejjeż ta’ wara l-importazzjoni wkoll jissuġġerixxi li hemm lok għal żieda fil-prezz. Għalhekk ma jistax jiġi eskluż li l-importaturi jistgħu jgħaddu parti mid-dazji lill-klijenti tagħhom fl-industrija ta’ l-ikel u x-xorb. Ikun xi jkun il-każ, minħabba l-piż limitat ta’ bejgħ ta’ dan il-prodott fl-attivitajiet ta’ l-importaturi, u l-marġni ta’ profitt attwalment miksub kemm globalment kif ukoll minħabba l-bejgħ tagħhom ta’ l-aċidu ċitriku biss, huwa mistenni li d-dazju kif stabbilit provviżorjament mhux se jaffettwa s-sitwazzjoni finanzjarja ta’ dawn l-operaturi ekonomiċi b’mod sinifikanti. |
(119) |
Barra minn hekk, ġie sostnut li jekk jiġu imposti dazji, dan jista’ jwassal għal qagħda ta’ suq duwopolistika fis-suq tal-Komunità, u tiġi eskluża l-kompetizzjoni minn pajjiżi terzi. Xi partijiet interessati qajmu tħassib dwar kemm il-produtturi Ewropej jistgħux jissodisfaw id-domanda fl-Ewropa li dejjem tiżdied. Din l-investigazzjoni wriet li, anki kieku operat bil-kapaċità kollha tagħha, l-industrija tal-Komunità kienet tkun f'qagħda li tissodisfa biss 75 % tad-domanda Ewropea matul il-PI. F'dan ir-rigward, ta’ min jenfażizza li d-dazji anti-dumping ma għandhomx ikollhom l-effett li jwaqqfu l-importazzjonijiet kollha, iżda li jerġgħu jġibu qagħda ta’ kompetizzjoni ġusta. Flimkien ma’ l-importazzjonijiet minn pajjiżi terzi bħall-Iżrael, qed jiġi konkluż provviżorjament li dan jiżgura provvista suffiċjenti li tissodisfa d-domanda tal-Komunità. Madankollu, il-livell ta’ importazzjonijiet Ċiniżi se jiġi eżaminat mill-qrib wara l-impożizzjoni ta’ miżuri provviżorji biex tiġi analizzata l-qagħda tal-provvista fis-suq ta’ l-UE. |
(120) |
Minkejja li l-importaturi/distributuri huma kontra l-impożizzjoni ta’ miżuri, jista’ jiġi konkluż fuq il-bażi ta’ l-informazzjoni disponibbli li kwalunkwe vantaġġ li jistgħu jiksbu jekk ma jiġux imposti miżuri anti-dumping ikun ferm inqas mill-interess ta’ l-industrija Komunitarja billi l-effett ta’ prassi inġusta u dannuża mir-RPĊ jiġi newtralizzat. |
3. Interess ta’ l-utenti
(121) |
Għaxar utenti mlew kwestjonarju ta’ l-utenti. It-tweġibiet ma kinux kompluti u għalhekk ma setgħux jiġu inklużi kompletament fl-analiżi, għalkemm jidher ċar li l-aċidu ċitriku jintuża f'ħafna applikazzjonijiet differenti iżda fi kwantitajiet żgħar. Għalhekk, l-impatt ta’ kull dazju anti-dumping ma jkunx sinifikanti għall-ispiża totali tagħhom ta’ produzzjoni. Utent wieħed biss fost dawk li kkooperaw wera li l-impożizzjoni ta’ xi miżuri jkollha impatt kbir fuq in-negozju tiegħu mingħajr ma saħħaħ aktar dan l-argument. |
(122) |
Fid-dawl ta’ dan ta’ hawn fuq u minħabba l-livell baxx ta’ kooperazzjoni ġenerali, il-qagħda ta’ l-utenti fil-Komunità x'aktarx li għalhekk mhux se tkun affettwata b'mod sostanzjali mill-miżuri proposti. |
4. Konklużjoni dwar l-interess tal-Komunità
(123) |
L-effetti ta’ l-impożizzjoni ta’ miżuri mistennija li jippermettu lill-industrija tal-Komunità li tikseb mill-ġdid il-bejgћ u l-ishma tas-suq mitlufa kif ukoll li ttejjeb il-profittabilità tagћha. Minћabba s-sitwazzjoni finanzjarja ta’ deterjorament ta’ l-industrija tal-Komunità, hemm riskju reali li, fin-nuqqas ta’ miżuri, l-industrija tal-Komunità jista’ jkollha tagћlaq il-faċilitajiet ta’ produzzjoni tagћha u tagћti s-sensji lill-ћaddiema. B'mod ġenerali, l-utenti fil-Komunità jibbenefikaw ukoll mill-impożiżzjoni ta’ miżuri, fis-sens li l-provvista ta’ volumi suffiċjenti ta’ aċidu ċitriku ma tkunx fil-periklu filwaqt li ż-żieda ġenerali fil-prezz tax-xiri ta’ l-aċidu ċitriku tkun moderata. Fid-dawl ta’ dak li ntqal hawn fuq, huwa provviżorjament konkluż li ma jeżistux raġunijiet konvinċenti biex ma jiġux imposti miżuri fil-każ preżenti minħabba raġunijiet ta’ interess Komunitarju. |
G. PROPOSTA GĦALL-MIŻURI PROVIŻORJI ANTI-DUMPING
(124) |
Fid-dawl tal-konklużjonijiet li ntlaћqu dwar id-dumping, il-ћsara, il-kawżalità u l-interess tal-Komunità, gћandhom jiġu imposti miżuri provviżorji biex tiġi evitata aktar ћsara lill-industrija tal-Komunità mill-importazzjonijiet li huma l-oġġett ta’ dumping. |
1. Livell ta’ eliminazzjoni ta’ ħsara
(125) |
Il-livell tal-miżuri anti-dumping provviżorji għandu jkun biżżejjed biex tkun eliminata l-ħsara lill-industrija Komunitarja kkawżata mill-importazzjonijiet li kienu oġġett ta’ dumping, mingħajr ma jinqabżu l-marġnijiet tad-dumping misjuba. Meta jiġi kkalkulat l-ammont ta’ dazju meħtieġ biex jitneħħew l-effetti dannużi tad-dumping, tqies li kwalunkwe miżura għandha tħalli lill-industrija Komunitarja tagħmel profitt qabel it-taxxa li jista’ jinkiseb b’mod raġjonevoli f’kundizzjonijiet normali ta’ kompetizzjoni, jiġifieri fin-nuqqas ta’ importazzjonijiet bi prezz ta’ dumping. F'dan ir-rigward, ġiet applikata mira ta’ profitt ta’ 9 %, fuq il-bażi tal-profitt li sar qabel iż-żieda kbira fl-importazzjonijiet Ċiniżi ta’ aċidu ċitriku. |
2. Miżuri provviżorji
(126) |
Fid-dawl ta’ dan li ntqal hawnhekk u skond l-Artikolu 7(2) tar-Regolament bażiku, qiegħed jitqies li għandu jiġi impost dazju provviżorju anti-dumping fil-livell l-aktar baxx li nstab tal-marġini tad-dumping u tal-ħsara, skond ir-regola ta’ inqas dazju, li huwa l-marġini ta’ dannu li nstab fil-każijiet kollha. |
(127) |
Il-livell ta’ kooperazzjoni kienu għoli ħafna, għalhekk instab xieraq li d-dazju għall-kumpaniji li fadal, li ma kkooperawx fl-investigazzjoni, jiġi stabbilit fil-livell ta’ l-ogħla dazju li għandu jiġi impost fuq il-kumpaniji li kkooperaw fl-investigazzjoni. Għaldaqstant, id-dazju residwu ġie stabbilit għar-rata ta’ 49,3 %. |
(128) |
Bħala konsegwenza, id-dazji provviżorji ta’ anti-dumping għandhom ikunu kif ġej:
|
(129) |
Il-miżuri ta’ anti-dumping ta’ hawn fuq huma stabbiliti b'mod provviżorju taħt sura ta’ dazji ad valorem. Minħabba li l-kapaċità ta’ produzzjoni ta’ l-industrija tal-Komunità tista’ ma tkunx biżżejjed biex tissodisfa l-ħtiġijiet tas-suq tal-Komunità (ara premessa 119), il-livell ta’ importazzjonijiet mir-RPĊ wara l-impożizzjoni ta’ dazji provviżorji se jiġi eżaminat mill-qrib. Jekk jidher li hemm xi diffikultajiet fil-provvista ta’ l-aċidu ċitriku fis-suq tal-Komunità, titqies l-applikazzjoni ta’ forma alternattiva ta’ miżuri. |
3. Dispożizzjoni Finali
(130) |
Fl-interess ta’ amministrazzjoni tajba, gћandu jiġi ffissat perjodu li fih il-partijiet interessati li gћamlu lilhom infushom magћrufa fil-limitu taż-żmien speċifikat fl-avviż ta’ ftugħ ikunu jistgћu jagћtu l-opinjonijiet tagћhom bil-miktub u jitolbu seduta. Barra minn hekk, wieħed għandu jgħid li s-sejbiet li jikkonċernaw l-impożizzjoni ta’ dazji magħmula għall-finijiet ta’ dan ir-Regolament huma provviżorji u jistgħu jerġgħu jitqiesu għall-finijiet ta’ kull miżura definittiva. |
(131) |
Ir-rati tad-dazju ta’ anti-dumping individwali speċifikati f’dan ir-Regolament ġew stabbiliti fuq il-bażi tas-sejbiet ta’ l-investigazzjoni attwali. Gћalhekk, jirriflettu l-qagħda misjuba matul din l-investigazzjoni fir-rigward ta’ dawn il-kumpaniji. Dawn ir-rati ta’ dazju (bil-maqlub tad-dazju komuni għall-pajjiż kollu applikabbli għall-“kumpaniji l-oħra kollha”) huma għalhekk esklużivament applikabbli għal importazzjonijiet ta’ prodotti li joriġinaw fir-RPĊ u li jiġu prodotti minn dawn il-kumpaniji u għalhekk mill-entitajiet legali speċifiċi msemmija. Prodotti importati li huma mmanifatturati minn kwalunkwe kumpanija oћra li ma tissemmix speċifikament fil-parti operattiva ta’ dan ir-Regolament b’isimha u bl-indirizz tagћha, inklużi l-entitajiet relatati ma dik imsemmija speċifikament, ma jistgћux igawdu minn din ir-rata u gћandhom ikunu suġġetti gћar-rata ta’ dazju li tapplika gћall-pajjiż kollu. |
(132) |
Kwalunkwe talba gћall-applikazzjoni ta’ din ir-rata ta’ dazju ta’ anti-dumping gћal kumpaniji individwali (eż. wara bdil fl-isem ta’ l-entità jew wara li jiġu stabbiliti entitajiet ġodda ta’ produzzjoni jew ta’ bejgћ) gћandha tiġi indirizzata minnufih lill-Kummissjoni bit-tagħrif kollu rilevanti, b’mod partikolari fir-rigward ta’ kwalunkwe modifika fl-attivitajiet tal-kumpanija marbuta mal-produzzjoni, mal-bejgћ domestiku u ma’ dak ta’ l-esportazzjoni u li jkunu assoċjati, pereżempju, ma’ dik il-bidla fl-isem jew ma’ dik il-bidla fl-entitajiet ta’ produzzjoni u ta’ bejgћ. Jekk ikun xieraq, ir-Regolament jiġi għalhekk emendat billi tiġi aġġornata l-lista ta’ kumpaniji li jibbenefikaw minn dazji individwali. |
ADOTTAT DAN IR-REGOLAMENT:
Artikolu 1
1. Dazju provviżorju ta’ anti-dumping huwa b'dan impost fuq importazzjonijiet ta’ aċidu ċitriku u taċ-ċitrat tat-trisodju li jaqgħu taħt il-kodiċijiet NM 2918 14 00 u ex 2918 15 00 (Kodiċi TARIC 2918150010) u li joriġinaw fir-Repubblika tal-Poplu taċ-Ċina.
2. Ir-rata ta’ dazju anti-dumping provviżorja applikabbli għall-prezz nett, ħieles fil-fruntiera Komunitarja, qabel id-dazju, tal-prodotti deskritti fil-paragrafu 1 u prodotti mill-kumpaniji mniżżla hawn taħt għandha tkun kif ġej:
Il-kumpanija |
Dazju anti-dumping (%) |
Il-Kodiċi Addizzjonali TARIC |
Anhui BBCA Biochemical Co Ltd - No 73, Fengyuandadao Road, Bengbu City 233010, Provinċja ta’ Anhui, ir-RPĊ |
42,2 |
A874 |
DSM Citric Acid (Wuxi) Ltd - West Side of Jincheng Bridge, Wuxi 214024, Provinċja ta’ Jiangsu, ir-RPĊ |
13,2 |
A875 |
RZBC Co Ltd - No 9 Xinghai West Road, Rizhao, Provinċja ta’ Shandong, ir-RPĊ |
43,2 |
A876 |
RZBC (Juxian) Co Ltd, West Wing, Chenyang North Road, Provinċja ta’ Ju County Shandong, ir-RPĊ |
43,2 |
A877 |
TTCA Co., Ltd. – West, Wenhe Bridge North, Anqiu City, Provinċja ta’ Shandong, ir-RPĊ |
49,3 |
A878 |
Yixing Union Biochemical Co Ltd – Industry Zone Yixing City 214203, Provinċja ta’ Jiangsu, ir-RPĊ |
38,8 |
A879 |
Laiwu Taihe Biochemistry Co Ltd, ir-RPĊ |
43,2 |
A880 |
Shanxi Ruicheng Yellow River Chemicals Co Ltd, ir-RPĊ |
43,2 |
A881 |
Weifang Ensign Industry Co Ltd, ir-RPĊ |
43,2 |
A882 |
Il-kumpaniji l-oħra kollha |
49,3 |
A999 |
3. Ir-rilaxx għaċ-ċirkolazzjoni ħielsa fil-komunità tal-prodott imsemmi f’paragrafu 1 għandu jkun soġġett għall-proviżjoni ta’ garanzija, ekwivalenti għall-ammont tad-dazju provviżorju.
4. Sakemm ma jkunx speċifikat mod ieћor, għandhom japplikaw id-dispożizzjonijiet dwar id-dazji doganali fis-seħħ.
Artikolu 2
Mingћajr ħsara gћall-Artikolu 20 tar-Regolament tal-Kunsill (KE) Nru 384/96, fi żmien xahar mid-data tad-dћul fis-seћћ ta’ dan ir-Regolament, il-partijiet interessati jistgћu jagħmlu rikjesta għall-iżvelar tal-fatti u tal-konsiderazzjonijiet essenzjali li fuq il-bażi tagћhom ġie adottat dan ir-Regolament, jagћtu l-opinjonijiet tagћhom bil-miktub u japplikaw biex jinstemgћu oralment mill-Kummissjoni.
Skond l-Artikolu 21(4) tar-Regolament (KE) Nru 384/96, il-partijiet ikkonċernati jistgћu jikkummentaw dwar l-applikazzjoni ta’ dan ir-Regolament fi żmien xahar mid-data tad-dћul fis-seћћ tiegћu.
Artikolu 3
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
L-Artikolu 1 ta’ dan ir-Regolament għandu japplika għal perjodu ta’ sitt xhur.
Dan ir-Regolament għandu jorbot fl-intier tiegħu u għandu jkun direttament applikabbli fl-Istati Membri kollha.
Magħmul fi Brussell, 2 ta’ Ġunju 2008.
Għall-Kummissjoni
Peter MANDELSON
Membru tal-Kummissjoni
(1) ĠU L 56, 6.3.1996, p. 1. Ir-Regolament kif emendat l-aħħar bir-Regolament (KE) Nru 2117/2005 (ĠU L 340, 23.12.2005, p. 17).
(2) ĠU C 205, 4.9.2007, p. 14.
(3) ĠU L 58, 28.2.2006, p. 1. Ir-Regolament kif emendat l-aħħar bir-Regolament (KE) Nru 1260/2007 (ĠU L 283, 27.10.2007, p.1)