EUR-Lex Access to European Union law
This document is an excerpt from the EUR-Lex website
Document 32008D0125
Political and Security Committee Decision EULEX/1/2008 of 7 February 2008 concerning the appointment of the Head of Mission of the European Union Rule of Law Mission in Kosovo, EULEX KOSOVO
Deċiżjoni tal-Kumitat Politiku u ta’ Sigurtà EULEX/1/2008 tas- 7 ta’ Frar 2008 Dwar il-ħatra tal-Kap ta’ Missjoni tal-Missjoni ta’ l-Unjoni Ewropea dwar l-Istat tad-Dritt fil-Kosovo, EULEX KOSOVO
Deċiżjoni tal-Kumitat Politiku u ta’ Sigurtà EULEX/1/2008 tas- 7 ta’ Frar 2008 Dwar il-ħatra tal-Kap ta’ Missjoni tal-Missjoni ta’ l-Unjoni Ewropea dwar l-Istat tad-Dritt fil-Kosovo, EULEX KOSOVO
ĠU L 42, 16.2.2008, p. 99–99
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 26/07/2010
16.2.2008 |
MT |
Il-Ġurnal Uffiċjali ta’ l-Unjoni Ewropea |
L 42/99 |
DEĊIŻJONI TAL-KUMITAT POLITIKU U TA’ SIGURTÀ EULEX/1/2008
tas-7 ta’ Frar 2008
Dwar il-ħatra tal-Kap ta’ Missjoni tal-Missjoni ta’ l-Unjoni Ewropea dwar l-Istat tad-Dritt fil-Kosovo, EULEX KOSOVO
(2008/125/PESK)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea u b’mod partikolari t-tielet subparagrafu ta’ l-Artikolu 25 tiegħu,
Wara li kkunsidra l-Azzjoni Konġunta tal-Kunsill 2008/124/PESK (1) ta’ l-4 ta’ Frar 2008 dwar il-Missjoni ta’ l-Unjoni Ewropea dwar l-Istat tad-Dritt fil-Kosovo, EULEX KOSOVO, u b'mod partikolari l-Artikolu 12(2) tagħha,
Billi:
(1) |
Fl-4 ta’ Mejju 2007, il-Kumitat Politiku u ta’ Sigurtà (PSC) qabel fil-prinċipju mal-proposta tas-Segretarju Ġenerali/Rappreżantant Għoli biex is-Sur Yves de Kermabon jinħatar Kap tal-Missjoni ta’ l-Unjoni Ewropea dwar l-Istat tad-Dritt fil-Kosovo, u nnota li l-ħatra formali ssir wara l-adozzjoni ta’ l-Azzjoni Konġunta tal-Kunsill li tistabbilixxi l-missjoni. |
(2) |
Fl-4 ta’ Frar 2008, il-Kunsill adotta l-Azzjoni Konġunta dwar il-Missjoni ta’ l-Unjoni Ewropea dwar l-Istat tad-Dritt fil-Kosovo, EULEX KOSOVO. |
(3) |
Skond l-Artikolu 12(2) ta’ l-Azzjoni Konġunta ta’ l-4 ta’ Frar 2008, il-Kumitat Politiku u ta’ Sigurtà hu awtorizzat, skond l-Artikolu 25 tat-Trattat, biex jieħu d-deċiżjonijiet rilevanti għall-eżerċizzju tal-kontroll politiku u d-direzzjoni strateġika ta’ EULEX KOSOVO, inkluża d-deċiżjoni li jinħatar Kap ta’ Missjoni. |
IDDEĊIEDA KIF ĠEJ:
Artikolu 1
Is-Sur Yves de Kermabon hu b'dan maħtur Kap ta’ Missjoni tal-Missjoni ta’ l-Unjoni Ewropea dwar l-Istat tad-Dritt fil-Kosovo, EULEX KOSOVO.
Artikolu 2
Din id-Deċiżjoni għandha tieħu effett fil-jum ta’ l-adozzjoni tagħha.
Hija għandha tapplika sakemm tiskadi l-Azzjoni Konġunta tal-Kunsill ta’ l-4 ta’ Frar 2008.
Magħmul fi Brussell, 7 ta’ Frar 2008
Għall-Kumitat Politiku u ta’ Sigurtà
Il-President
M. IPAVIC
(1) Ara paġna 92 ta' dan il-Ġurnal Uffiċjali