Edizzjoni speċjali bil-Kroat: Kapitolu 03 Volum 057 P. 50 - 50
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32007D0329
2007/329/EC: Commission Decision of 2 May 2007 laying down transitional measures derogating from Council Directive 2002/53/EC as regards the marketing of seed of Helianthus annuus of varieties which have not been assessed as resistant to Orobanche spp., by reason of the accession of Bulgaria (notified under document number C(2007) 1822) (Text with EEA relevance)
2007/329/KE: Deċiżjoni tal-Kummissjoni tat- 2 ta’ Mejju 2007 li tistabbilixxi miżuri transitorji li jidderogaw mid-Direttiva tal-Kunsill 2002/53/KE fir-rigward tat-tqegħid fis-suq taż-żrieragħ ta’ Helianthus annuus ta’ varjetajiet li ma ġewx ivvalutati bħala reżistenti għal Orobanche spp., minħabba l-adeżjoni tal-Bulgarija (notifikata taħt id-dokument numru C(2007) 1822) (Test b’relevanza għaż-ŻEE)
2007/329/KE: Deċiżjoni tal-Kummissjoni tat- 2 ta’ Mejju 2007 li tistabbilixxi miżuri transitorji li jidderogaw mid-Direttiva tal-Kunsill 2002/53/KE fir-rigward tat-tqegħid fis-suq taż-żrieragħ ta’ Helianthus annuus ta’ varjetajiet li ma ġewx ivvalutati bħala reżistenti għal Orobanche spp., minħabba l-adeżjoni tal-Bulgarija (notifikata taħt id-dokument numru C(2007) 1822) (Test b’relevanza għaż-ŻEE)
ĠU L 122, 11.5.2007, p. 59–59
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
11.5.2007 |
MT |
Il-Ġurnal Uffiċjali ta’ l-Unjoni Ewropea |
L 122/59 |
DEĊIŻJONI TAL-KUMMISSJONI
tat-2 ta’ Mejju 2007
li tistabbilixxi miżuri transitorji li jidderogaw mid-Direttiva tal-Kunsill 2002/53/KE fir-rigward tat-tqegħid fis-suq taż-żrieragħ ta’ Helianthus annuus ta’ varjetajiet li ma ġewx ivvalutati bħala reżistenti għal Orobanche spp., minħabba l-adeżjoni tal-Bulgarija
(notifikata taħt id-dokument numru C(2007) 1822)
(Test b’relevanza għaż-ŻEE)
(2007/329/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat ta’ l-Adeżjoni tal-Bulgarija u r-Rumanija,
Wara li kkunsidrat l-Att ta’ Adeżjoni tal-Bulgarija u tar-Rumanija, u b’mod partikolari l-Artikolu 42 tiegħu,
Billi:
|
(1) |
Skond id-Direttiva tal-Kunsill 2002/53/KE tat-13 ta’ Ġunju 2002 dwar il-katalgu komuni ta’ varjetajiet ta’ speċi ta’ pjanti agrikoli (1), iż-żrieragħ ta’ varjetajiet ta’ speċi ta’ pjanti agrikoli aċċettati f’konformità ma’ dik id-Direttiva jew skond il-prinċipji li jikkorrispondu għal dawk ta’ dik id-Direttiva, f’dak li jirrigwarda t-tqegħid fis-suq tagħhom, mhumiex suġġetti għal xi restrizzjonijiet. Il-varjetajiet ta’ dan it-tip huma ppubblikati f’katalgu komuni ta’ varjetajiet ta’ speċi ta’ pjanti agrikoli, minn issa ‘l quddiem imsejjaħ ‘il-katalgu komuni’, li huwa kkumpilat fuq il-bażi tal-katalgi nazzjonali ta’ l-Istati Membri. |
|
(2) |
Ir-reżistenza għal Orobanche spp. ta’ varjetajiet ta’ Helianthus annuus tirrappreżenta fattur importanti għall-kultivazzjoni ta’ din l-ispeċi fil-Bulgarija u varjetajiet li m’humiex reżistenti m’għandhomx jitqiesu bħala adattati. Madankollu, m’huwiex magħruf jekk il-varjetajiet li huma aċċettati mill-Istati Membri l-oħra għall-inklużjoni fil-katalgi nazzjonali tagħhom humiex reżistenti għal Orobanche spp. |
|
(3) |
Għalhekk il-Bulgarija għandha tiġi awtorizzata li tipprojbixxi fit-territorju tagħha, sal-31 ta’ Diċembru 2009, it-tqegħid fis-suq ta’ żrieragħ ta’ varjetajiet imniżżla fil-katalgu komuni li ma ġewx ivvalutati bħala reżistenti għal Orobanche spp. Dan il-perjodu għandu jippermetti lill-Bulgarija li tivvaluta, permezz ta’ testijiet u l-ġbir ta’ tagħrif, jekk il-varjetatjiet ta’ Helianthus annuus elenkati fil-katalgu komuni humiex reżistenti għal Orobanche spp., u jekk ikun meħtieġ li tieħu l-miżuri xierqa skond id-Direttiva 2002/53/KE. |
|
(4) |
Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar iż-Żrieragħ u l-Materjal ta’ Propagazzjoni għall-Agrikoltura, l-Ortikoltura u l-Forestrija, |
ADOTTAT DIN ID-DEĊIŻJONI:
Artikolu 1
1. B’deroga mill-Artikolu 16(1) tad-Direttiva 2002/53/KE, il-Bulgarija tista’ tipprojbixxi t-tqegħid fis-suq fit-territorju tagħha, sal-31 ta’ Diċembru 2009, ta’ żrieragħ ta’ varjetajiet ta’ Helianthus annuus imniżżla fil-katalgu komuni ta’ varjetajiet ta’ speċi ta’ pjanti agrikoli li, fil-qafas ta’ l-ammissjoni tal-varjetà għall-katalgu nazzjonali, ma ġewx ivvalutati bħala reżistenti għal Orobanche spp.
2. L-Istati Membri għandhom jinnotifikaw il-lista ta’ varjetajiet li ġew hekk ivvalutati bħala reżistenti għal Orobanche spp. lill-Istati Membri l-oħra u lill-Kummissjoni mhux aktar tard minn 20 jum wara n-notifika ta’ din id-Deċiżjoni. Huma għandhom jaġġornaw dik il-lista b’mod regolari.
Il-katalgu komuni ta’ varjetajiet ta’ speċi ta’ pjanti agrikoli għandu jindika l-varjetajiet ta’ Helianthus annuus li kienu ġew hekk ivvalutati bħala reżistenti għal Orobanche spp.
Artikolu 2
Din id-Deċiżjoni hija indirizzata lill-Istati Membri.
Magħmula fi Brussell, 2 ta’ Mejju 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 193, 20.7.2002, p. 1. Id-Direttiva kif emendata l-aħħar bir-Regolament (KE) Nru 1829/2003 tal-Parlament Ewropew u tal-Kunsill (ĠU L 268, 18.10.2003, p. 1).