(a)

jistabbilixxi u jżomm kuntatt mill-qrib mal-partijiet kollha għall-proċess ta' paċi u transizzjoni fir-Reġjun tal-Lagi l-Kbar ta' l-Afrika, pajjiżi oħra tar-reġjun, l-Istati Uniti ta' l-Amerika, pajjiżi rilevanti oħra, kif ukoll in-Nazzjonijiet Uniti (NU) u organizzazzjonijiet internazzjonali rilevanti oħra, l-Unjoni Afrikana (AU) u organizzazzjonijiet sub-reġjonali u r-rappreżentanti tagħhom kif ukoll kapijiet reġjonali prominenti oħra sabiex jaħdem magħhom fit-tisħiħ tal-proċessi ta' paċi ta' Lusaka u Arusha u l-ftehim ta' paċi konklużi fi Pretoria u Luanda;

(b)

josserva l-proċess ta' paċi u transizzjoni bejn il-partijiet u joffri l-konsulenza u l-esperjenza tajba ta' l-Unjoni Ewropea kif xieraq;

(ċ)

jikkontribwixxi, fejn mitlub, għall-implimentazzjoni ta' ftehim ta' paċi u ta' waqfien mill-ġlied milħuqa bejn il-partijiet u jinvolvi ruħu magħhom diplomatikament fil-każ ta' non-konformità mat-termini ta' dawn il-ftehim;

(d)

jinvolvi ruħu b'mod kostruttiv ma' firmatarji għal ftehim fil-qafas tal-proċessi ta' paċi sabiex jippromwovi konformità man-normi bażiċi tad-demokrazija u l-governanza tajba, inkluż ir-rispett għad-drittijiet tal-bniedem u l-istat tad-dritt;

(e)

jikkontribwixxi għall-implimentazzjoni tal-Linji Gwida ta' l-UE dwar it-Tfal u l-Konflitti Armati;

(f)

jikkontribwixxi għal u jikkoopera mar-Rappreżentant Speċjali tas-Segretarjat Ġenerali tan-NU għar-Reġjun tal-Lagi l-Kbar u l-Mibgħut Speċjali tal-President ta' l-AU dwar il-preparazzjoni ta' Konferenza dwar paċi, sigurtà, demokrazija u żvilupp fir-Reġjun tal-Lagi l-Kbar;

(g)

jirrapporta dwar il-possibiltajiet għall-appoġġ ta' l-Unjoni Ewropea għall-proċess ta' paċi u transizzjoni u dwar l-aħjar mod kif jitwettqu l-inizzjattivi ta' l-Unjoni Ewropea;

(h)

jissorvelja l-azzjonijiet mill-partijiet kollha tal-konflitti, li jistgħu jippreġudikaw l-eżitu tal-proċessi ta' paċi li għaddejjin;

(i)

jikkontribwixxi għal fehim aħjar tar-rwol ta' l-Unjoni Ewropea fost dawk il-mexxejja li għandhom influwenza kbira fuq l-opinjoni tan-nies fir-reġjun;

(j)

jipprovdi konsulenza u għajnuna, kif meħtieġ, għal riforma fis-settur ta' sigurtà fir-Repubblika Demokratika tal-Kongo, b'mod partikolari jagħti gwida politika lill-Kapijiet ta' Missjoni, sabiex iwettqu dmirijiethom fuq il-livell lokali, tal-Missjoni tal-Pulizija ta' l-UE (‘EUPOL Kinshasa’) u tal-Missjoni ta' l-UE li tagħti konsulenza u tgħin lill-awtoritajiet tal-Kongo fir-riforma fis-settur ta' sigurtà (‘EUSEC RD Kongo’).”