13.6.2006   

MT

Il-Ġurnal Uffiċjali ta’ l-Unjoni Ewropea

371

(1)

Ir-responsabbiltà primarja għall-prevenzjoni, immaniġġar u riżoluzzjoni ta’ konflitti fil-kontinent Afrikan hija ta’ l-Afrikani stess.

(2)

Il-liġi internazzjonali tiddefinixxi l-qafas għall-attivitajiet imwettqa fil-kuntest tal-prevenzjoni, immaniġġar u riżoluzzjoni ta’ konflitti fl-Afrika.

(3)

Il-Kunsill tas-Sigurtà tan-Nazzjonijiet Uniti għandu r-responsabbiltà primarja għaż-żamma tal-paċi u tas-sigurtà internazzjonali taħt il-Karta tan-Nazzjonijiet Uniti.

(4)

Fit-tfassil tad-deċiżjonijiet tal-Kunsill tas-Sigurtà tan-NU, id-difiża tal-pożizzjonijiet u ta' l-interessi ta’ l-Unjoni Ewropea hija żgurata b’mod sħiħ bl-applikazzjoni ta’ l-Artikolu 19 tat-Trattat dwar l-Unjoni Ewropea.

(5)

Fis-26 ta’ Jannar 2004, il-Kunsill adotta l-Pożizzjoni Komuni 2004/85/PESK dwar il-prevenzjoni, immaniġġar u riżoluzzjoni ta’ konflitti fl-Afrika (1).

(6)

Fit-22 ta’ Novembru 2004, il-Kunsill approva l-Pjan ta’ Azzjoni għall-appoġġ tal-P E S D għall-Paċi u s-Sigurtà fl-Afrika u l-Konklużjonijiet dwar il-Paċi u s-Sigurtà fl-Afrika, u fit-13 ta’ Diċembru 2004 il-Kunsill approva l-Linji ta' Gwida għall-implimentazzjoni ta’ dak il-Pjan ta’ Azzjoni. F’dan il-kuntest, il-Kunsill saħaq dwar in-natura komplementari ta’ l-azzjonijiet fil-qafas tal-P E S K (anki permezz ta’ l-appoġġ tal-PESD), tal-Fond għall-Paċi fl-Afrika, ta' l-istrumenti Komunitarji u ta' l-azzjonijiet bilaterali ta' l-Istati Membri.

(7)

Il-promozzjoni tal-paċi, sigurtà u stabbiltà fil-kontinent hija waħda mill-għanijiet ta’ l-Unjoni Afrikana (UA) u r-riżoluzzjoni paċifika tal-konflitti fost l-Istati Membri hija waħda mill-prinċipji affermati fl-Att Kostituttiv ta’ l-UA. Il-prevenzjoni, l-immaniġġar u r-riżoluzzjoni tal-konflitti kienu s-suġġett ta’ djalogu ma’ l-Organizzazzjoni ta’ l-Unità Afrikana (OUA) u s-suċċessur tagħha, l-UA, u huma inklużi fid-Dikjarazzjoni tal-Kajr u fil-Pjan ta’ Azzjoni. L-UA u l-organizzazzjonijiet subreġjonali Afrikani huma l-partijiet prinċipali fil-prevenzjoni, immaniġġar u riżoluzzjoni ta’ konflitti fl-Afrika.

(8)

Il-prevenzjoni effettiva tal-konflitti teħtieġ strateġiji sabiex jinħolqu kondizzjonijiet li jagħmlu possibbli ambjent internazzjonali stabbli u iktar prevedibbli, kif ukoll għajnuna komprensiva u bilanċjata u programmi ta’ assistenza għall-iżvilupp sabiex jittaffew l-pressjonijiet li jikkaġunaw konflitti vjolenti; għandhom jiġu kkunsidrati wkoll l-importanza tal-fatturi ekonomiċi fil-konflitti fl-Afrika, kif ukoll il-potenzjal ta’ miżuri diplomatiċi u ekonomiċi għall-prevenzjoni u r-riżoluzzjoni ta’ konflitti vjolenti.

(9)

Hemm rabta bejn il-prevenzjoni tal-konflitti u d-demokrazija, id-drittijiet tal-bniedem, l-istat tad-dritt u l-iggvernar tajjeb, fejn il-koperazzjoni fl-iżvilupp għandha rwol strateġiku fit-tisħiħ tal-kapaċitajiet sabiex jiġu mmaniġġati l-konflitti b’modi paċifiċi.

(10)

Ir-rabtiet bejn l-HIV/AIDS u l-konflitti għandhom jiġu ndirizzati fil-linji politiċi kollha li jikkonċernaw il-paċi u s-sigurtà. Fil-fażijiet kollha ta' konflitt, mill-prevenzjoni sar-rikostruzzjoni, l-instabbiltà toħloq il-kondizzjonijiet għal tixrid aċċellerat tal-pandemija. It-tixrid ta’ l-HIV/AIDS fih innifsu għandu konsegwenzi soċjo-ekonomiċi u politiċi serji kemm għal termini ta' żmien qosra kif ukoll twal.

(11)

Il-Komunità Ewropea u l-Istati Membri tagħha daħlu fi Ftehim ta’ Sħubija ma’ l-Istati ta’ l-ACP f'Kotonù fit-23 ta’ Ġunju 2000.

(12)

Il-Parlament Ewropew adotta fit-30 ta’ Novembru 2000 Riżoluzzjoni dwar il-Parteċipazzjoni tan-Nisa fir-Riżoluzzjoni Paċifika tal-Konflitti; u l-Assemblea Parlamentari Konġunta ta’ l-ACP-UE adottat fil-21 ta’ Marzu 2002 Riżoluzzjoni dwar Kwistjonijiet tas-Sessi.

(13)

Fit-8 ta’ Diċembru 2003 l-Kunsill adotta Linji ta' Gwida dwar it-Tfal u l-Konflitti Armati,

—

il-prevenzjoni tal-konflitti billi tfittex li tindirizza l-kawżi strutturali aktar fundamentali filwaqt li timmira lejn il-kawżi diretti - il-fatturi kawżali - tal-konflitti vjolenti,

—

l-immaniġġar ta’ kriżijiet billi tindirizza fażijiet akuti ta’ konflitti u tappoġġa sforzi sabiex tintemm il-vjolenza, bl-użu tal-miżuri kollha possibbli inklużi l-appoġġ politiku u prattiku lil inizjattivi reġjonali u subreġjonali sabiex jinkiseb u jiġi appoġġat ftehim ta’ waqfien mill-ġlied bejn il-partijiet kollha involuti u, fejn ikun opportun, l-insedjament ta' operazzjoni ta’ l-immaniġġar ta’ kriżijiet.

—

il-kostruzzjoni tal-paċi billi tfittex li tappoġġa inizjattivi għal-limitazzjoni ta' konflitti vjolenti u li tipprepara għal, u ssostni, soluzzjonijiet paċifiċi għal tali konflitti,

—

ir-rikostruzzjoni billi tappoġġa r-rikostruzzjoni ekonomika, politika u soċjali ta’ Stati u soċjetajiet li ġarrbu konflitt sabiex tipprevjeni l-qawmien mill-ġdid tal-vjolenza u tippromwovi paċi sostenibbli.

—

l-iżvilupp ta’ sistemi legali internazzjonali, ta' mekkaniżmi għar-riżoluzzjoni ta’ vertenzi, u ta' arranġamenti koperattivi fil-livell reġjonali, b’mod partikolari, l-istabbiliment tal-Kunsill tal-Paċi u s-Sigurtà ta’ l-UA f'Ġunju 2004.

—

il-bini ta’ istituzzjonijiet billi tiżdied l-effikaċja ta’ l-istituzzjonijiet tas-sigurtà u ġudizzjarji nazzjonali Afrikani inklużi dawk li jeżerċitaw attivitajiet kontra t-terroriżmu kif ukoll bl-identifikazzjoni ta’ azzjoni speċifika sabiex tassisti lil pajjiżi Afrikani fl-implimentazzjoni ta’ l-impenji tagħhom taħt l-istrumenti internazzjonali eżistenti fl-oqsma kollha rilevanti, inkluża l-ġlieda kontra t-terroriżmu u t-traffikar illeċitu,

—

l-appoġġ għar-ratifika u l-implimentazzjoni sħiħa ta’ l-Istatut ta’ Ruma tal-Qorti Kriminali Internazzjonali, li jista’ jkollu rwol importanti fit-tiswir ta’ istituzzjonijiet nazzjonali għall-ġlieda kontra l-impunità. Dan jinkludi r-rinfurzar ta’ l-istituzzjonijiet ġudizzjarji li għandhom rwol komplementari importanti f’dan il-kuntest. Għandha tingħata attenzjoni speċjali lil reati konnessi mal-gwerra inklużi fl-Istatut ta' Ruma tal-Qorti Kriminali Internazzjonali, bħar-reklutament bil-lieva jew l-arrwolament ta’ tfal, li għandu impatt serju fuq pajjizi milquta minn konflitti.

—

tappoġġa l-integrazzjoni ta’ perspettivi ta’ prevenzjoni tal-konflitti fil-qafas tal-politika Komunitarja dwar l-iżvilupp u l-kummerċ u ta' l-istrateġiji nazzjonali u reġjonali assoċjati magħha,

—

tintroduċi, skond il-ħtieġa, fil-koperazzjoni għall-iżvilupp u l-kummerċ, indikaturi ta’ konflitt u strumenti għall-valutazzjoni ta’ l-impatt tal-paċi u tal-konflitti stess sabiex jitnaqqas ir-riskju li l-għajnuna u l-kummerċ jalimentaw il-konflitti, u sabiex jiġi massimizzat l-impatt pożittiv tagħha fuq il-kostruzzjoni tal-paċi,

—

tiżgura li benefiċċji tanġibbli jilħqu malajr lill-popolazzjoni kollha kemm hi,

—

ittejjeb il-koordinazzjoni bejn l-isforzi tal-Komunità u dawk ta’ l-Istati Membri tagħha f’dan il-qasam,

—

ittejjeb il-koperazzjoni fl-iżvilupp u l-kummerċ ma’ partijiet reġjonali, subreġjonali u lokali sabiex tiġi żgurata konsistenza bejn l-inizjattivi u sabiex tappoġġa attivitajiet Afrikani,

—

tikkoordina l-isforzi tagħha ma’ l-istituzzjonijiet finanzjarji internazzjonali.

—

jikkoperaw fil-promozzjoni tar-rispett internazzjonali għal embargi fuq l-armi u għal deċiżjonijiet oħra rilevanti tal-Kunsill tas-Sigurtà tan-NU u jappoġġaw inizjattivi sabiex jimplimentaw tali miżuri b’mod effettiv,

—

ikomplu jappoġġaw u jirrispettaw b’mod attiv inizjattivi li jikkontribwixxu għall-prevenzjoni u l-ġlieda kontra t-traffiku illeċitu ta’ l-armi,

—

jikkoperaw sabiex jinkoraġġixxu pajjiżi assoċjati jallinjaw ruħhom mal-prinċipji adottati u l-miżuri meħuda mill-UE. L-UE għandha wkoll tikkunsidra li tappoġġa sforzi Afrikani sabiex jitjiebu l-kontrolli fuq il-manifattura, l-importazzjoni u l-esportazzjoni ta’ l-armi, u li tappoġġa l-kontroll jew l-eliminazzjoni ta’ armi żgħar żejda, kif ukoll tappoġġa sforzi Afrikani sabiex jingħelbu problemi konnessi ma’ armi żgħar skond l-Azzjoni Konġunta tal-Kunsill 2002/589/PESK tat-12 ta’ Lulju 2002 dwar il-kontribut ta’ l-Unjoni Ewropea għall-ġlieda kontra l-akkumulazzjoni u t-tixrid destabilizzanti ta’ armi żgħar u armamenti ħfief (2),

—

ikomplu jappoġġaw il-Programm ta’ Azzjoni tan-NU dwar il-kummerċ illeċitu ta’ l-armi żgħar u armamenti ħfief fl-aspetti kollha tiegħu kif ukoll in-negozjati dwar il-Protokoll Kontra l-Manifattura u t-Traffiku Illeċitu ta’ l-Armi tan-Nar, tal-Partijiet u tal-Komponenti u tal-Munizzjoni tagħhom, li jissupplementa l-Konvenzjoni tan-NU kontra l-Kriminalità Organizzata Transnazzjonali, adottata mill-Assemblea Ġenerali tan-NU fil-31 ta’ Mejju 2001.

—

tfittex li tindirizza l-fatturi ekonomiċi li jalimentaw il-konflitti,

—

tfittex li tippromwovi l-integrazzjoni ulterjuri ta’ l-Afrika fl-ekonomija dinjija, u li tappoġġa l-aċċess indaqs għall-benefiċċji u l-opportunitajiet ta’ din bejn is-soċjetajiet,

—

tappoġġa l-koperazzjoni ekonomika u politika, bħal arranġamenti ta’ stabbilizzazzjoni reġjonali, sabiex issaħħaħ ir-relazzjonijiet bejn il-partijiet bħala miżura preventiva u kostruttiva tal-paċi postkonflittwali,

—

taħdem sabiex tiżgura li l-miżuri ta’ integrazzjoni kummerċjali reġjonali, fil-kuntest ta' politika li tinkludi mezzi ta' garanzija ta' protezzjoni għall-gruppi vulnerabbli, jappoġġaw il-prevenzjoni u r-riżoluzzjoni tal-konflitti.

—

tikkopera fil-promozzjoni tar-rispett universali għal embargi konnessi ma’ l-esplojtazzjoni u l-kummerċ illegali ta' beni ta’ valur għoli u għal deċiżjonijiet rilevanti oħra tal-Kunsill tas-Sigurta tan-NU; u tappoġġa inizjattivi li jimplimentaw tali miżuri b’mod effettiv,

—

taħdem attivament fit-tiftix ta’ mezzi li jrażżnu l-esplojtazzjoni illegali ta’ riżorsi naturali li tikkontribwixxi għall-bidu, eskalazzjoni u kontinwazzjoni ta’ konflitti vjolenti,

—

fejn ikun opportun, tuża miżuri restrittivi, inklużi sanzjonijiet ekonomiċi u finanzjarji, immirati lejn partijiet li japprofittaw minn konflitti vjolenti u li jħarrxuhom. F’dan il-kuntest, hemm il-ħtieġa ta' riflessjoni ulterjuri dwar ir-rwol (pożittiv jew negattiv) li għandu jkollu s-settur privat fil-qasam tal-prevenzjoni u r-riżoluzzjoni tal-konflitti.

—

tevalwa r-rwol importanti li “l-partijiet mhux statali” jistgħu jkollhom kemm sabiex jalimentaw il-konflitt kif ukoll sabiex jgħinu jirriżolvuh jew ma jħalluhx iseħħ. Fiż-żewġ xenarji, għandu jittieħed kont tar-rwol tagħhom u l-kontribut pożittiv li jistgħu jagħmlu,

—

tinkoraġġixxi l-applikazzjoni tar-Riżoluzzjoni 1325 tal-Kunsill tas-Sigurtà tan-NU dwar in-Nisa, il-Paċi u s-Sigurtà, billi tiżgura li l-perspettiva tas-sessi tispira l-ippjanar, l-implimentazzjoni u l-evalwazzjoni ta’ l-impatt tal-konflitt, tal-ħtiġijiet tal-partijiet differenti fil-konflitt u tal-livell u n-natura tal-parteċipazzjoni deċiżjonali fil-prevenzjoni, immaniġġar u riżoluzzjoni tal-konflitti, inklużi l-proċessi u n-negozjati għall-paċi,

—

tindirizza l-impatt ta’ konflitti armati, għall-perjodu qasir, medju u fit-tul, fuq it-tfal b’mod effettiv u komprensiv, billi tuża l-varjetà ta’ għodda għad-dispożizzjoni tagħha, u tibni fuq attivitajiet imgħoddija u attwali, skond ir-Riżoluzzjonijiet 1460 u 1539 tal-Kunsill tas-Sigurtà tan-NU dwar it-Tfal u l-Konflitti Armati u l-Linji ta' Gwida ta’ l-UE dwar it-Tfal u l-Konflitti Armati. Hija għandha wkoll tipprova tinfluwenza partijiet minn pajjiżi terzi (gvernijiet kif ukoll partijiet mhux Statali inklużi gruppi armati) sabiex jieħdu miżuri effettivi għall-protezzjoni tad-drittijiet tat-tfal milquta minn konflitti armati.

—

tiżviluppa u torganizza l-kapaċitajiet tagħha stess sabiex tkun lesta tappoġġa riforma fis-settur tas-sigurtà fi ħdan il-qafas tal-prinċipji demokratiċi, tar-rispett għad-drittijiet tal-bniedem, ta' l-istat tad-dritt, u ta' ggvernar tajjeb, b’mod partikolari f’pajjiżi fi transizzjoni minn konflitt vjolenti għal paċi sostenibbli,

—

tkompli u tikkonsolida l-appoġġ tagħha sabiex jiġu ttrattati l-problemi ta’ l-akkumulazzjoni u t-tixrid bla kontroll destabbilizzanti ta’ armi żgħar,

—

ittejjeb l-appoġġ tagħha għad-diżarmament u r-reintegrazzjoni sostenibbli ta’ ex-kombattenti demobilizzati b’attenzjoni partikolari għall-ħtiġijiet ibbażati fuq is-sessi u għall-ħtiġijiet tat-tfal reklutati sabiex jieħdu sehem f’attivitajiet militari,

—

iżżid l-assistenza tagħha sabiex jitneħħew il-mini ta’ l-art eżistenti, tippromwovi sensibilizzazzjoni dwar il-mini u tinkoraġġixxi u tappoġġa l-iżvilupp ta’ kapaċitajiet Afrikani fit-tneħħija tal-mini,

—

tkompli tappoġġa attivitajiet immirati lejn il-faċilitazzjoni tar-reintegrazzjoni f’sitwazzjonijiet postkonflittwali ta’ popolazzjonijiet maqlugħin minn posthom, filwaqt li tieħu kont tal-Prinċipji Gwida rilevanti dwar Spostament Intern, tar-Rappreżentant tas-Segretarju Ġenerali tan-NU,

—

tinkoraġġixxi r-rikonċiljazzoni u tappoġġa r-rikostruzzjoni meħtieġa sabiex tippermetti lill-pajjiżi li ħerġin minn konflitt jerġgħu jagħtu bidu għal politika ta’ żvilupp għal perjodu twil,

—

skond il-Pożizzjoni Komuni tal-Kunsill 2003/444/PESK tas-16 ta’ Ġunju 2003 dwar il-Qorti Kriminali Internazzjonali (3), ittenni fid-djalogu politiku tagħha mal-kontropartijiet Afrikani tagħha l-impenn qawwi tagħha li tappoġġa l-Qorti Kriminali Internazzjonali u l-pożizzjoni tagħha dwar il-ftehim bilaterali proposti mill-Istati Uniti kontra l-għoti ta' persuni għall-eżerċizzju ta' ġustizzja internazzjonali.