30.5.2006   

MT

Il-Ġurnal Uffiċjali ta’ l-Unjoni Ewropea

73

(1)

Bir-Regolament tal-Kunsill (KE) Nru 656/2000 (1), il-Kunsill fetaħ kwoti bla dazju tat-tariffa Komunitarja għal ċerti prodotti tas-sajd li joriġinaw f'Ċeuta, li skadew fil-31 ta' Diċembru 2002.

(2)

F'Ottubru 2002 Spanja talbet li l-validità tal-kwoti msemmija fir-Regolament (KE) Nru 656/2000 tiġi mtawwla u sostniet it-talba tagħha b'argumenti soċjali u ekonomiċi dwar Ċeuta, fejn uriet ir-restrizzjoniet li fihom qed topera l-ekonomija tagħha u d-diffikultajiet li magħhom l-industrija lokali tas-sajd qed ikollha tħabbat wiċċha. It-talba hija ġġustifikata minħabba li s-sitwazzjoni ekonomika f'Ċeuta tirrikjedi l-adozzjoni ta' miżuri preferenzjali sabiex tiġi ffaċilitata l-esportazzjoni lejn il-Komunità.

(3)

Bid-Deċiżjoni tal-Kunsill u tal-Kummissjoni 2000/204/KE ta'-24 ta' Jannar 2000 dwar il-konklużjoni tal-Ftehim Euro-Mediterranju li jistabbilixxi Assocjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Renju tal-Marokk, min-naħa l-oħra (2) il-Komunità ssospendiet bis-sħiħ id-dazji tat-Tariffa Doganali Komuni fuq l-importazzjoni għal firxa wiesgħa ta' prodotti tas-sajd li joriġinaw mill-Marokk. L-importazzjoni ta' dawn il-prodotti fil-Komunità ma hi suġġetta għall-ebda limitazzjoni kwantitattiva u l-firxa tagħhom hija ħafna usa' mill-firxa ta' prodotti li huma koperti mill-kwoti ta' tariffi miftuħa għal Ċeuta. Meta jitqies li l-Marokk idawwar it-territorji ta' Ċeuta u Melilla min-naħa ta' l-art, huwa approprjat li tiġi mwaqqfa kull diskriminazzjoni oħra u li Ċeuta u Melilla jingħataw trattament preferenzjali għall-istess firxa ta' prodotti tas-sajd biex jipprovdi għal opportunitajiet ta' kummerċ simili u biex jiġi promoss l-iżvilupp ekonomiku f'dawk it-territorji.

(4)

Peress li l-ftehim ta' assoċjazzjoni mal-Marokk ma jipprevedi l-ebda limiti ta' żmien għall- applikazzjoni tat-trattament preferenzjali għall-prodotti tas-sajd ebda limitu ta' żmien ma għandu jkun introdott għal dan ir-Regolament.

(5)

L-eliġibiltà għas-sospenzjonijiet tat-tariffi mdaħħla minn dan ir-Regolament hija soġġetta għar-regoli ta' oriġini stabbiliti fir-Regolament tal-Kunsill (KE) Nru 82/2001 tal-5 ta' Diċembru 2000 dwar id-definizzjoni tal-kunċett ta' “prodotti li joriġinaw” u metodi ta' kooperazzjoni amministrattiva fil-kummerċ bejn it-territorji doganali tal-Komunità u Ċeuta u Melilla (3),