IL-AZZJONI KONĠUNTA TAL-KUNSILL 2004/523/PESK

tat-28 ta' Ġunju 2004

dwar il-Missjoni ta' l-Istat tad-Dritt ta' l-Unjoni Ewropea fil-Ġeorġja; EUJUST THEMIS

IL-KUNSILL TA' L-UNJONI EWROPEA,

Wara li kkunsidra t-Trattat dwar l-Unjoni Ewropea u b'mod partikolari l-Artikolu 14, l-Artikolu 25, it-tielet paragrafu u l-Artikolu 26 tiegħu,

Billi:

ADOTTA DIN L-AZZJONI KONĠUNTA:

Artikolu 1

Missjoni

1.   L-Unjoni Ewropea hawnhekk tistabbilixxi Missjoni ta' l-Istat tad-Dritt ta' l-UE fil-Ġeorġja, fil-kuntest ta' fil-kuntest tal-PESD, EUJUST THEMIS tikkomprendi fażi ta' ppjanar li tibda mhux aktar tard mill-1 ta' Lulju 2004 u fażi operazzjonali li tibda mhux aktar tard mill-15 ta' Lulju 2004.

2.   L-EUJUST THEMIS għandha topera skond l-għanijiet u disposizzjonijiet oħra hekk kif jinstabu fil-mandat tal-missjoni stabbilit fl-Artikolu 2.

Artikolu 2

Mandat tal-missjoni

1.   L-EUJUST THEMIS, għandha, f'koordinazzjoni sħiħa ma', u f'komplementarjetà ma', il-programmi tal-KE, kif ukoll programmi oħra tad-donaturi, tgħin fl-iżvilupp ta' strateġija orrizzontali tal-gvern li tiggwida l-proċess ta' riforma għal kull stakeholder rilevanti fi ħdan is-settur tal-ġustizzja kriminali, inkluż l-istabbiliment ta' mekkaniżmu għall-koordinazzjoni u l-iffissar ta' prijoritajiet għar-riforma tal-ġustizzja kriminali.

2.   B'mod iżjed speċifiku, l-EUJUST THEMIS tista', skond il-possibilitajiet u l-kapaċitajiet tagħha:

L-ewwelnett:

3.   L-EUJUST THEMIS għandha tgħin fl-iżvilupp ta' politika ġenerali u ttejjeb l-ippjanar ta' l-ogħla livell u l-kapaċitajiet ta' prestazzjoni fl-oqsma identifikati bħala dawk li jeħtieġu għajnuna urġenti.

Artikolu 3

Struttura

1.   Fil-prinċipju, l-EUJUST THEMIS għandha tkun strutturata kif ġej:

2.   L-insedjament eżatt jiddependi fuq valutazzjoni tal-ħtiġijiet iżjed dettaljata fil-bidu tal-missjoni, li għandha titwettaq f'koordinazzjoni mill-qrib ma' l-awtoritajiet tal-Ġeorġja kif ukoll mal-Kummissjoni u mad-donaturi internazzjonali.

Artikolu 4

Il-Kap tal-Missjoni u l-esperti tal-missjoni

1.   Il-Kap tal-Missjoni għandu jieħu f'idejh l-amministrazzjoni ta' kuljum ta' l-attivitajiet ta' l-EUJUST THEMIS u għandu jkun responsabbli għall-kwistjonijiet ta' persunal u dixxiplina.

2.   Il-Kap tal-Missjoni għandu jiffirma kuntratt mal-Kummissjoni.

3.   L-esperti kollha tal-missjoni fost il-persunal ta' l-EUJUST THEMIS għandhom jibqgħu taħt l-awtorità ta' l-Istat Membru jew istituzzjoni ta' l-UE xierqa u għandhom jaqdu dmirijiethom u jaġixxu fl-interess tal-missjoni. Kemm waqt, kif ukoll wara l-missjoni, l-esperti tal-missjoni għandhom jeżerċitaw l-akbar diskrezzjoni dwar il-fatti kollha u l-informazzjoni kollha relatati mal-missjoni.

Artikolu 5

Fażi ta' l-Ippjanar

1.   Matul il-fażi ta' l-ippjanar tal-missjoni, grupp ta' l-ippjanar għandu jiġi stabbilit u għandu jinkludi l-Kap tal-Missjoni, li għandu jmexxi l-grupp ta' l-ippjanar, u l-persunal meħtieġ biex jittratta il-funzjonijiet li jirriżultaw mill-ħtiġijiet tal-missjoni.

2.   Valutazzjoni komprensiva tas-sitwazzjoni titwettaq bħala prijorità fil-proċess ta' l-ippjanar u tista' tiġi aġġornata kif meħtieġ.

3.   Il-grupp ta' l-ippjanar għandu jfassal OPLAN u jiżviluppa l-istrumenti tekniċi kollha meħtieġa biex tiġi eżegwita l-EUJUST THEMIS. L-OPLAN ser iqis il-valutazzjoni komprensiva tas-sitwazzjoni. Il-Kunsill għandu japprova l-OPLAN.

4.   Il-grupp ta' l-ippjanar għandu jaħdem f'koordinazzjoni mill-qrib ma' l-atturi internazzjonali rilevanti, inklużi l-OSCE, il-Kunsill ta' l-Ewropa u d-donaturi bilaterali.

Artikolu 6

Il-Persunal

1.   In-numri u l-kompetenzi tal-persunal ta' l-EUJUST THEMIS għandhom ikunu konsistenti mal-mandat tal-missjoni stabbilit fl-Artikolu 2 u l-istruttura stabbilita fl-Artikolu 3.

2.   L-esperti tal-missjoni għandhom jiġu ssekondati mill-Istati Membri jew mill-istituzzjonijiet ta' l-UE. Il-perijodu ta' l-issekondament għandu jkun ta' sena. Kull Stat Membru għandu jħallas l-ispejjeż relatati ma' l-esperti tal-missjoni ssekondati minnu, inklużi l-pagi, l-kopertura medika, l-allowances barra dawk per diem u l-ispejjeż għall-ivvjaġġar lejn u mill-Ġeorġja.

3.   Il-persunal internazzjonali u dak lokali għandu jiġi rreklutat fuq bażi kontrattwali mill-EUJUST THEMIS kif meħtieġ.

Artikolu 7

Status tal-persunal

1.   L-istatus tal-persunal ta' l-EUJUST THEMIS fil-Ġeorġja, inklużi fejn xieraq il-privileġġi, l-immunitajiet u garanziji oħra meħtieġa għall-ikkompletar u l-funzjonament bla xkiel ta' l-EUJUST THEMIS għandhom jiġu miftehma skond il-proċedura stabbilita fl-Artikolu 24 tat-TUE. Is-SĠ/RGħ, filwaqt li jgħin lill-Presidenza, jista' jinnegozja tali arranġament f'isimha.

2.   L-Istat Membru jew istituzzjoni ta' l-UE li ssekonda/t membru tal-persunal għandu/ha j/tkun responsabbli biex i/twieġeb kwalunkwe pretensjoni marbuta mas-sekondament, minn jew dwar il-membru tal-persunal. L-Istat Membru jew istituzzjoni ta' l-UE in kwistjoni għandu/ha j/tkun responsabbli biex tinbeda kwalunkwe azzjoni kontra l-issekondat.

Artikolu 8

Linja ta' Kmand

1.   L-istruttura ta' l-EUJUST THEMIS, bħala parti mill-approċċ usa' ta' l-Istat tad-Dritt ta' l-UE fil-Ġeorġja għandha jkollha linja ta' kmand unifikata, bħala operazzjoni ta' mmaniġġjar ta' kriżijiet.

2.   l-EUSR għandu jirraporta lill-Kunsill permezz tas-SĠ/RGħ,

3.   il-PSC għandu jipprovdi l-kontroll politiku u d-direzzjoni strateġika,

4.   il-Kap tal-Missjoni għandu jmexxi l-EUJUST THEMIS u jieħu f'idejh l-amministrazzjoni tagħha ta' kuljum,

5.   il-Kap tal-Missjoni għandu jirraporta lis-SĠ/RGħ permezz ta' l-EUSR,

6.   is-SĠ/RGħ għandu jiggwida lill-Kap tal-Missjoni permezz ta' l-EUSR.

Artikolu 9

Kontroll politiku u direzzjoni strateġika

1.   Il-PSC għandu jeżerċita, taħt ir-responsabbiltà tal-Kunsill, il-kontroll politiku u d-direzzjoni strateġika tal-missjoni. Il-Kunsill hawnhekk jawtorizza lill-PSC biex jieħu d-deċiżjonijiet rilevanti skond l-Artikolu 25 tat-TUE. Din l-awtorizzazzjoni għandha tinkludi s-setgħat li jaħtar, fuq proposta mis-SĠ/RGħ, Kap tal-Missjoni, u li jemenda l-OPLAN u l-Linja ta' Kmand. Is-setgħat ta' deċiżjoni fir-rigward ta' l-għanijiet u t-tmiem ta' l-operazzjoni għandhom jibqgħu mogħtija lill-Kunsill, megħjun mis-SĠ/RGħ.

2.   Il-PSC għandu jirraporta lill-Kunsill f'intervalli regolari.

3.   Il-PSC għandu jirċievi, f'intervalli regolari, rapporti mill-Kap tal-Missjoni dwar kif qed timxi l-missjoni. Il-PSC jista' jistieden lill-Kap tal-Missjoni għal-laqgħat tiegħu kif xieraq.

Artikolu 10

Arranġamenti finanzjarji

1.   L-ammont ta' referenza finanzjarju maħsub sabiex ikopri l-ispiża relatata mal-missjoni għandu jkun ta' 2 050 000 EUR.

2.   L-ispiża ffinanzjata mill-ammont stipulat fil-paragrafu 1 għandha tkun amministrata skond il-proċeduri u r-regoli applikabbli għall-budget ġenerali ta' l-Unjoni Ewropea bl-eċċezzjoni li kwalunkwe finanzjament minn qabel ma għandux jibqa' proprjetà tal-Komunità. Ċittadini ta' pajjiżi terzi għandhom jitħallew jagħmlu offerti għall-kuntratti.

3.   Il-Kap tal-Missjoni għandu jirraporta b'mod sħiħ lil, u jiġi sorveljat mill-Kummissjoni dwar l-attivitajiet magħmula fil-qafas tal-kuntratt tiegħu.

4.   L-arranġamenti finanzjarji għandhom jirrispettaw il-ħtiġiet operazzjonali ta' l-EUJUST THEMIS, inkluża l-kompatibilità tat-tagħmir.

5.   L-ispiża għandha tkun eliġibbli sa mid-data tad-dħul fis-seħħ ta' din l-Azzjoni Konġunta.

Artikolu 11

Azzjoni Komunitarja

1.   Il-Kunsill jinnota l-intenzjoni tal-Kummissjoni li tindirizza l-azzjoni tagħha lejn il-kisba tal-għanijiet ta' din l-Azzjoni Konġunta, fejn xieraq, permezz ta' strumenti Komunitarji rilevanti.

2.   Il-Kunsill jinnnota wkoll li huma meħtieġa arranġamenti ta' koordinazzjoni f'Tblisi kif ukoll fi Brussell.

Artikolu 12

Rilaxx ta' informazzjoni sigrieta

Is-SĠ/RGħ huwa awtorizzat li jirrilaxxa lill-istat ospitanti, lill-OSCE u lill-Kunsill ta' l-Ewropa, u lin-NU, kif xieraq u skond il-ħtiġijiet operazzjonali tal-Missjoni, informazzjoni u dokumenti klassifikati ta' l-UE sal-livell “RESTREINT UE” maħluqa għall-għanijiet ta' l-operazzjoni, skond ir-regolamenti ta' sigurtà tal-Kunsill. Arranġamenti lokali jiġu mfassla għal dan il-għan.

Artikolu 13

Dħul fis-seħħ

Din l-Azzjoni Konġunta għandha tidħol fis-seħħ fid-data ta' l-adozzjoni tagħha

Hi għandha tintemm fl-14 ta' Lulju 2005.

Artikolu 14

Pubblikazzjoni

Din l-Azzjoni Konġunta għandha tiġi pubblikata fil-Ġurnal Uffiċjali ta' l-Unjoni Ewropea.