30.5.2006   

MT

Il-Ġurnal Uffiċjali ta’ l-Unjoni Ewropea

76

(1)

Mill-1 ta' Mejju 2004, l-Unjoni Ewropea tinkludi għaxar Stati Membri ġodda, li huma: Ċipru, ir-Repubblika Ċeka, l-Estonja, l-Ungerija, il-Litwanja, il-Latvja, Malta, il-Polonja, is-Slovenja u s-Slovakkja. L-Att ta' Adeżjoni ta' l-2003 jistipula fl-Artikolu 6(8) tiegħu li r-restrizzjonijiet kwantitattivi applikati mill-Komunità għall-importazzjoni ta' prodotti ta' l-azzar għandhom jiġu aġġustati fuq il-bażi ta' l-importazzjoni ta' Stati Membri ġodda matul dawn l-aħħar snin.

(2)

Bid-Deċiżjoni 2003/893/KE (1), il-Kunsill adotta limiti kwantitattivi fuq l-importazzjoni fil-Komunità ta' ċerti prodotti ta' l-azzar li joriġinaw mill-Ukrajna.

(3)

Peress li n-negozjati ma' l-Ukrajna dwar il-konklużjoni ta' Ftehim bilaterali dwar l-Azzar għadhom ma ġewx konklużi, u skond l-Artikolu 6(8) tielet subparagrafu ta' l-Att ta' Adeżjoni ta' l-2003, huwa meħtieġ li jiġi maħsub għaż-żieda ta' limiti kwantitattivi eżistenti sabiex jiġi żgurat li l-kummerċ tradizzjonali ikun miżmum wara t-tkabbir ta' l-Unjoni Ewropea. Din iż-żieda hija bbażata fuq il-medja ta' l-importazzjoni tal-prodotti ta' l-azzar relevanti mill-Istati Membri ġodda matul is-snin 2000, 2001 u 2002, aġġustati pro rata temporis ladarba t-tkabbir ikun effettiv mill-1 ta' Mejju 2004, u aġġustat ulterjorment billi jiġi applikat l-istess fattur ta' tnaqqis ta' 30 % diġà applikat għal-limiti kwantitattivi adottati minħabba l-ostakli imposti mill-Ukrajna għall-esportazzjoni ta' ruttam tal-ħadid. Dawn il-limiti kwantitattivi se jiġu aġġustati ulterjorment kif meħtieġ wara l-konklużjoni ta' Ftehim.

(4)

Għalhekk l-Anness II tad-Deċiżjoni tal-Kunsill 2003/893/KE għandu jiġi emendat,