18.10.2005   

MT

Il-Ġurnal Uffiċjali ta’ l-Unjoni Ewropea

86

(1)

Kien hemm tfaqqigħa tal-marda ta' l-ilsien u d-dwiefer fir-Renju Unit fl-2001. L-emerġenza ta' din il-marda rrapreżentat riskju serju għall-popolazzjoni ta' bhejjem tal-Komunità.

(2)

Skond id-Deċiżjonijiet tal-Kummissjoni 2001/654/KE (2) u 2003/23/KE (3), ġiet mogħtija kontribuzzjoni finanzjarja tal-Komunità għall-kumpens lis-sidien għall-valur ta' bhejjem li kellhom obbligatorjament jiġu maqtula minħabba miżuri ta' eradikazzjoni relatati mat-tfaqqigħ tal-marda ta' l-ilsien u d-dwiefer fl-2001.

(3)

Skond id-Deċiżjoni tal-Kummissjoni 2003/676/KE (4) ġiet awtorizzata kontribuzzjoni finanzjarja addizzjonali mill-Komunità lejn l-ispejjeż operattivi u spejjeż oħra għall-eradikazzjoni tal-marda ta' l-ilsien u d-dwiefer fir-Renju Unit ta' l-2001.

(4)

Skond l-Artikolu 1 ta' din l-aħħar Deċiżjoni sar pagament bil-quddiem ta' EUR 40 miljun lejn il-kontribuzzjoni addizzjonali.

(5)

Skond din l-istess Deċiżjoni, il-bilanċ tal-kontribuzzjoni finanzjarja mill-Komunità kellha tkun ibbażata fuq it-talba sottomessa mir-Renju Unit fis-27 ta' Frar 2003, permezz ta' dokumenti dettaljati li jikkonfermaw il-figuri li jidhru fit-talba, u fuq ir-riżultati mill-kontrolli fuq il-post minn naħa tal-Kummissjoni.

(6)

Wara li ttieħdu in konsiderazzjoni l-elementi hawn fuq, il-kontribuzzjoni finanzjarja mill-Komunità lejn spejjeż operattivi għall-eradikazzjoni tal-marda ta' l-ilsien u d-dwiefer fir-Renju Unit fl-2001 għandha issa tkun ffissata.

(7)

Il-miżuri pprovduti f'din id-Deċiżjoni huma stipulati b'konformità ma' l-opinjoni tal-Kumitat Permanenti fuq il-Katina Alimentari u s-Saħħa ta' l-Annimal;