Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62020TN0024

Kawża T-24/20: Rikors ippreżentat fis-17 ta’ Jannar 2020 – Junqueras i Vies vs Il-Parlament

ĠU C 68, 2.3.2020, p. 66–67 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

2.3.2020   

MT

Il-Ġurnal Uffiċjali tal-Unjoni Ewropea

C 68/66

Rikors ippreżentat fis-17 ta’ Jannar 2020 – Junqueras i Vies vs Il-Parlament

(Kawża T-24/20)

(2020/C 68/74)

Lingwa tal-kawża: l-Ispanjol

Partijiet

Rikorrent: Oriol Junqueras i Vies (Sant Joan de Vilatorrada, Spanja) (rappreżentant: A. Van den Eynde Adroer, avukat)

Konvenut: Il-Parlament Ewropew

Talbiet

Ir-rikorrent jitlob li l-Qorti Ġenerali tikkunsidra t-talba mressqa permezz ta’ rikors kontra l-atti kkontestati bid-dokumenti mehmuża tagħha, tammettiha u, fil-mertu tagħhom, tiddikjara l-atti kkontestati li huma s-suġġett ta’ din il-proċedura nulli u bla effett, bl-ispejjeż għall-konvenut.

Motivi u argumenti prinċipali

Dan ir-rikors huwa intiż kontra d-Deċiżjoni tal-Parlament Ewropew imħabbra mill-President Sassoli fil-Plenarja tat-13 ta’ Jannar 2020, li, meta ttieħdet inkunsiderazzjoni d-deċiżjoni tal-Junta Electoral Central (il-Kummissjoni Elettorali Ċentrali) tat-3 ta’ Jannar 2020 segwita mid-deċiżjoni tat-Tribunal Supremo (il-Qorti Suprema, Spanja) tad-9 ta’ Jannar 2020, tikkonstata li s-siġġu ta’ Oriol Junqueras i Vies huwa vakanti b’effett mit-3 ta’ Jannar 2020 skont ir-Regolament tal-Parlament, kif ukoll kontra ċ-ċaħda, permezz tad-deċiżjoni preċedenti, tat-talba urġenti għall-protezzjoni tal-immunità ta’ O. Junqueras i Vies, imressqa f’isem O. Junqueras i Vies, fl-20 ta’ Diċembru 2019 (20/12/2019) minn Riba i Giner (MPE).

Insostenn tar-rikors tiegħu, ir-rikorrent jinvoka ħames motivi.

1.

L-ewwel motiv ibbażat fuq ksur tal-Artikoli 41(1) u 41(2) tal-Karta tad-Drittijiet Fundamentali tal-Unjoni Ewropea, peress li l-Artikoli 13(3) tal-Att Elettorali Ewropew (1976) u 4(7) tar-Regoli tal-Proċedura tal-Parlament għandhom jiġu interpretati fis-sens li jirrikjedu proċedura li tirrispetta l-imsemmija drittijiet li tippermetti li tiġi ssostanzjata u pprovata l-eżistenza tal-eċċezzjonijiet għad-dikjarazzjoni li s-siġġu ta’ Oriol Junqueras i Vies huwa vakanti.

2.

It-tieni motiv ibbażat fuq ksur tal-Artikoli 39(1) u 39(2) tal-Karta tad-Drittijiet Fundamentali tal-Unjoni Ewropea, tal-Artikolu 4(3) TUE, tal-Artikolu 1(3) tal-Att Elettorali Ewropew (1976), tal-prinċipju ta’ kooperazzjoni leali tat-tielet paragrafu tal-Artikolu 4 TUE (f’dan il-każ mill-Qorti Suprema), tal-prinċipju ta’ supremazija tad-dritt tal-Unjoni, tal-Artikolu 9 (it-tieni paragrafu) tal-Protokoll 7 dwar il-Privileġġi u l-Immunitajiet u 6 tar-Regoli tal-Proċedura tal-Parlament Ewropew, wara li ma ta ebda effett prattiku għas-sentenza tal-Qorti tal-Ġustizzja tal-Unjoni Ewropea tad-19 ta’ Diċembru 2019, mogħtija fil-Kawża C-502/19 preċiżament fir-rigward ta’ Oriol Junqueras i Vies, li kienet tirrikjedi titressaq talba (tneħħija tal-immunità) lill-Parlament Ewropew. Sussidjarjament huwa sostnut li l-interpretazzjoni li għandha tingħata skont l-Artikoli 13(3) tal-Att Elettorali Ewropew u 4(7) tar-Regoli tal-Proċedura tal-Parlament Ewropew hija fis-sens li l-Parlament Ewropew jista’ jivverifika l-eċċezzjonijiet previsti fl-imsemmija artikoli għas-siġġu vakanti meta l-motiv huwa evalwat mingħajr ma jkun hemm ksur tad-dritt intern tal-Istat.

3.

It-tielet motiv ibbażat fuq ksur tal-Artikoli 39(1) u 39(2) tal-Karta tad-Drittijiet Fundamentali tal-Unjoni Ewropea u tal-Artikolu4(7) tar-Regoli tal-Proċedura tal-Parlament Ewropew, peress li d-deċiżjonijiet tal-Istat li fuqhom hija bbażata d-dikjarazzjoni ta’ siġġu vakanti ma humiex finali.

4.

Ir-raba’ motiv ibbażat fuq il-ksur tal-Artikoli 39(1) u 39(2) tal-Karta tad-Drittijiet Fundamentali tal-Unjoni Ewropea, tal-Artikolu 3 tal-Protokoll 1 tal-Konvenzjoni Ewropea dwar id-Drittijiet tal-Bniedem u l-Libertajiet Fundamentali (KEDB) u tal-Artikolu 9 (l-ewwel paragrafu (a) u (b) tal-Protokoll 7 dwar il-Privileġġi u l-Immunitajiet u l-Artikolu 6 tar-Regoli tal-Proċedura tal-Parlament, billi ostakola illegalment l-effettività għal Oriol Junqueras i Vies tal-immunitajiet li r-rikorrenti huwa intitolat għalihom.

5.

Il-ħames motiv ibbażat fuq ksur tal-Artikolu 9 (l-ewwel paragrafu (a)) tal-Protokoll 7 dwar il-Privileġġi u l-Immunitajiet, tal-Artikoli 39(1) u 39(2) tal-Karta tad-Drittijiet Fundamentali tal-Unjoni Ewropea u l-Artikolu 3 tal-Protokoll 1 tal-KEDB u l-Artikoli 6 tar-Regoli tal-Proċedura tal-Parlament u 13(3) tal-Att Elettorali Uniku (1976), billi tirrikjedi leġiżlazzjoni supplimentari Spanjola minn qabel sabiex jittieħdu proċeduri kontra d-deputati eletti, peress li l-ġurisprudenza kuntrarja tal-Qorti Suprema hija contra legem u maħluqa ad hoc u ad homine, mingħajr ma hemm ebda preċedent kif irikonoxxiet l-istess Qorti Suprema.
Top