Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62020TN0010

Kawża T-10/20: Rikors ippreżentat fit-8 ta’ Jannar 2020 – L-Italja vs Il-Kummissjoni

ĠU C 68, 2.3.2020, p. 58–59 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

2.3.2020   

MT

Il-Ġurnal Uffiċjali tal-Unjoni Ewropea

C 68/58

Rikors ippreżentat fit-8 ta’ Jannar 2020 – L-Italja vs Il-Kummissjoni

(Kawża T-10/20)

(2020/C 68/66)

Lingwa tal-kawża: it-Taljan

Partijiet

Rikorrenti: Ir-Repubblika Taljana (rappreżentanti: G. Palmieri, aġent u G. Rocchitta, C. Gerardis, E. Feola, avvocati dello Stato)

Konvenuta: Il-Kummissjoni Ewropea

Talbiet

Ir-rikorrenti titlob li l-Qorti Ġenerali jogħġobha:

—

tannulla d-Deċiżjoni ta’ Impimentazzjoni tal-Kummissjoni C(2019)7815 tat-30 ta’ Ottubru 2019, sa fejn tapplika, fir-rigward tal-Italja, il-korrezzjonijiet finanzjarji relatati mal-ispezzjonijiet ta’ awditjar AA/2016/012, AA/2016/003, AA/2016/015/IT, FV/2016/002/IT u RD1/2016/803/IT;

—

sussidjarjament, tannulla l-imsemmija deċiżjoni sa fejn tapplika r-rettifika b’rata fissa ta’ EUR 143 924 279,14, relatata mas-snin finanzjarji 2015, 2016 (spezzjonijiet AA/2016/012, AA/2016/003, AA/2016/015/IT), minflok ir-rettifika preċiża kkwantifikata ta’ AGEA ta’ EUR 64.860.193.65;

—

fi kwalunkwe każ, tikkundanna lill-Kummissjoni għall-ispejjeż ġudizzjarji.

Motivi u argumenti prinċipali

L-Italja tikkontesta d-deċiżjoni li hija s-suġġett ta’ dan ir-rikors sa fejn din ipprovdiet, fir-rigward tagħha, korrezzjonijiet finanzjarji fil-kuntest tal-Fond Agrikolu Ewropew ta’ Garanzija (FAEG) u tal-Fond Agrikolu Ewropew għall-Iżvilupp Rurali (FAEŻR).

Insostenn tar-rikors tagħha, ir-rikorrenti tinvoka sitt motivi.

a)

Motivi relatati mal-korrezzjoni li tirriżulta mill-ispezzjonijiet AA/2016/012, AA/2016/003 u AA/2016/015 IT, dwar għajnuna għal żoni;

1.

L-ewwel motiv huwa bbażat fuq ksur tar-Regolament (UE) Nru 1307/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi regoli għal pagamenti diretti lill-bdiewa taħt skemi ta’ appoġġ fil-qafas tal-politika agrikola komuni u li jħassar ir-Regolament tal-Kunsill (KE) Nru 637/2008 u r-Regolament tal-Kunsill (KE) Nru 73/2009 (1), fir-rigward tad-definizzjoni ta’ “bwar permanenti” adottata fuq livell nazzjonali, abbażi ta’ D.M. 18/11/2014.

2.

It-tieni motiv huwa bbażat fuq ksur tal-Artikolu 52(2) tar-Regolament (UE) Nru 1306/2013 tal-Parlament Ewropew u tal-Kunsill tas-17 ta’ Diċembru 2013 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolamenti tal-Kunsill (KEE) Nru 352/78, (KE) Nru 165/94, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 (2), u tal-Artikolu 12(2) u (6) tar-Regolament ta’ Delega tal-Kummissjoni (UE) Nru 907/2014 tal-11 ta’ Marzu 2014 li jissupplimenta r-Regolament (UE) Nru 1306/2013 tal-Parlament Ewropew u tal-Kunsill rigward l-aġenziji tal-pagamenti u korpi oħra, il-ġestjoni finanzjarja, l-approvazzjoni tal-kontijiet, il-garanziji u l-użu tal-euro (3), fir-rigward tal-applikazzjoni ta’ rata fissa, minkejja li r-riskju effettiv għall-baġit tal-Unjoni jista’ jiġi kkalkolat.

3.

It-tielet motiv huwa bbażat fuq ksur tal-Artikolu 292(2) TFUE u tal-Artikolu 41 tal-Karta tad-Drittijiet Fundamentali tal-Unjoni Ewropea, b’kunsiderazzjoni għall-applikazzjoni tal-klawżola ġenerali ta’ “sforz sproporzjonat” li abbażi tiegħu hija ġġustifikata r-rettifika b’rata fissa.

b)

Motivi relatati mal-korrezzjoni li tirriżulta mill-ispezzjoni FV/2016/002/IT, dwar l-organizzazzjoni tal-produtturi u programmi operazzjonali:

4.

Ir-raba’ motiv huwa bbażat fuq ksur tal-Artikoli 26, 27 u 106 tar-Regolament ta’ Implimentazzjoni tal-Kummissjoni (UE) Nru 543/2011 tas-7 ta’ Ġunju 2011 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1234/2007 għas-setturi tal-frott u l-ħaxix u tal-frott u l-ħaxix ipproċessat (4), kif ukoll tal-Artikolu 155 tar-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (5), fir-rigward tan-nuqqas sistematiku ta’ informazzjoni ddettaljata dwar l-eżami tal-validità tal-istimi mogħtija mill-organizzazzjonijiet tal-produtturi, kif ukoll tal-allegat nuqqas ta’ kontroll fir-rigward tar-rikonoxximent tal-organizzazzjonijiet.

5.

Il-ħames motiv huwa bbażat fuq ksur tal-Artikoli 31 u 106 tar-Regolament (UE) Nru 543/2011, kif ukoll tar-Regolament ta’ Delega tal-Kummissjoni (UE) Nru 499/2014 tal-11 ta’ Marzu 2014 li jissupplimenta r-Regolamenti (UE) Nru 1308/2013 u (UE) Nru 1306/2013 tal-Parlament Ewropew u tal-Kunsill billi jemenda r-Regolament ta’ Implimentazzjoni tal-Kummissjoni (UE) Nru 543/2011 dwar is-setturi tal-frott u l-ħxejjex u tal-frott u l-ħxejjex ipproċessati (6), fir-rigward tal-allegat nuqqas ta’ kontroll tal-kriterju ta’ “demokratiċità”.

c)

Motiv relatat mal-korrezzjoni li tirriżulta mill-ispezzjoni RD1/2016/803/IT, dwar miżuri ta’ żvilupp rurali:

6.

Is-sitt motiv huwa bbażat fuq nuqqas tal-irregolarità fil-proċeduri ta’ għoti ta’ kuntratti pubbliċi, b’kunsiderazzjoni għall-allegat nuqqas ta’ osservanza tar-regoli tal-għoti ta’ kuntratti pubbliċi f’żewġ każijiet meħuda inkunsiderazzjoni.

(1)  ĠU 2013, L 347, P. 608

(2)  ĠU 2013, L 347, p. 549

(3)  ĠU 2014, L 255, p. 18

(4)  ĠU 2011, L 157, p. 1

(5)  ĠU 2013, L 347. P. 671

(6)  ĠU 2014, L 145, p. 5

Top