—

tannulla d-Deċiżjoni ta’ Implementazzjoni tal-Kummissjoni Ewropea C(2019) 7094 final, tas-7 ta’ Ottubru 2019, dwar il-miżuri SA.39119 (2016/C) (ex 2015/NN) (ex 2014/CP) li r-Repubblika Ellenika implimentat fil-forma ta’ tnaqqis tal-interessi u ta’ garanziji, konnessi man-nirien tal-2017, li tirrigwarda unikament is-settur agrikolu; u

—

tikkundanna lill-konvenuta għall-ispejjeż.

1.

L-ewwel motiv ibbażat fuq l-ineżistenza ta’ għajnuna mill-Istat skont l-Artikolu 107(1) TFUE: applikazzjoni u interpretazzjoni żbaljata tal-kundizzjonijiet li taħthom l-għajnuna mill-Istat hija inkompatibbli mas-suq intern, żball ta’ fatt, nuqqas ta’ motivazzjoni tad-deċiżjoni kkontestata u ksur mill-Kummissjoni tal-prinċipju ta’ aspettattivi leġittimi.

2.

It-tieni motiv ibbażat fuq il-fatt li l-għajnuna inkwistjoni hija kompatibbli mas-suq intern, peress li tikkostitwixxi għajnuna intiża sabiex ittaffi d-danni kkawżati minn katastrofi naturali. Applikazzjoni u interpretazzjoni żbaljata tal-Artikolu 107(2)(b) TFUE, żball ta’ fatt u nuqqas ta’ motivazzjoni.

3.

It-tielet motiv ibbażat fuq il-fatt li d-deċiżjoni kkontestata ġiet adottata barra mill-kompetenza ratione temporis tal-Kummissjoni, skont id-delimitazzjoni fl-Artikolu 17 tar-Regolament Nru 2015/1589 (1), u preċedentement fl-Artikolu 15 tar-Regolament Nru 659/1999 (2), u, fi kwalunkwe każ, bi ksur tal-prinċipju ta’ ċertezza legali, tat-terminu raġonevoli tal-proċedimenti, tad-drittijiet tad-difiża u tal-amministrazzjoni tajba. It-talba għall-ħlas lura tmur kontra l-prinċipji ta’ proporzjonalità u ta’ ċertezza tad-dritt.