13.4.2016   

MT

Il-Ġurnal Uffiċjali tal-Unjoni Ewropea

C 130/11

1.

Fil-5 ta’ April 2016, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi APG Strategic Real Estate Pool (“APG”, il-Pajjiżi l-Baxxi), DV4 Limited (“DV4”, il-Gżejjer Virgin Brittaniċi) u Qatar Diar Real Estate Investment Company (“QDREIC”, il-Qatar), proprjetà kollha kemm hi tal-Awtorità tal-Investiment tal-Qatar, jakkwistaw fit-tifsira tal-Artikolu 3(4) tar-Regolament dwar l-Għaqdiet il-kontroll konġunt ta’ impriża konġunta (joint venture, JV) maħluqa ġdida attiva fis-settur tal-proprjetà immobbli fi Greater London (“JV”, ir-Renju Unit) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal APG: depożitarju għal fond ta’ investiment fejn is-sid benefiċjarju aħħari huwa Stichting Pensioenfonds ABP, organizzazzjoni li tamministra l-pensjonijiet u li tispeċjalizza fil-qasam tal-pensjonijiet kollettivi fis-settur pubbliku,

—   għal DV4: fond ta’ investiment fil-proprjetà immobbli,

—   għal QDREIC: kumpanija tal-investiment u l-iżvilupp ta’ proprjetà immobbli,

—   għall-JV (l-impriża konġunta): is-sjieda, l-iżvilupp, il-ġestjoni u l-kiri ta’ proprjetà immobbli residenzjali f’siti qrib l-istazzjon tal-ferrovija Elephant & Castleu l-Olympic Park, fi Greater London.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7959 — DV4/APG/QDREIC/JV, f’dan l-indirizz: