EUR-Lex

Access to European Union law

This document is an excerpt from the EUR-Lex website

Search tips

Need more search options? Use the Advanced search

Document 62014TN0589

Kawża T-589/14: Rikors ippreżentat fit- 8 ta’ Awwissu 2014 – Musso vs Il-Parlament

ĠU C 351, 6.10.2014, p. 22–23 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Official Journal

6.10.2014

Il-Ġurnal Uffiċjali tal-Unjoni Ewropea

C 351/22

Rikors ippreżentat fit-8 ta’ Awwissu 2014 – Musso vs Il-Parlament

(Kawża T-589/14)

2014/C 351/28

Lingwa tal-kawża: il-Franċiż

Partijiet

Rikorrent: François Musso (Ajaccio, Franza) (rappreżentant: A. Gross, avukat)

Konvenut: Il-Parlament Ewropew

Talbiet tar-rikorrent

—	tilqa’ dan ir-rikors u tiddikjarah fondat;

—

tannulla d-deċiżjoni tas-26 ta’ Ġunju 2014:

—	prinċipalment, abbażi tal-irregolarità proċedurali minħabba fin-nuqqas ta’ firma tal-President;

—	inkella abbażi tal-ksur tad-drittijiet tad-difiża għall-assenza ta’ pubbliċità tad-deċiżjoni tas-17 ta’ Lulju 1996 li sservi bħala bażi għad-deċiżjoni tas-26 ta’ Ġunju 2014;

—	inkella abbażi tal-ksur tal-prinċipju ta’ kontradittorju;

—	inkella abbażi ta’ insuffiċjenza ta’ motivi għad-deċiżjoni tas-26 ta’ Ġunju 2014;

—	inkella abbażi tal-ksur tal-prinċipju tat-terminu raġonevoli li jaffettwa l-eżerċizzju tad-drittijiet tad-difiża;

—	inkella abbażi tal-ksur tal-prinċipju tad-dritt akkwistat;

—	tirreżerva lir-rikorrent id-drittijiet, il-ħlas, il-mezzi u l-azzjonijiet l-oħra kollha dovuti;

—	tikkundanna lill-konvenut għall-ispejjeż kollha ta’ din l-istanza.

Motivi u argumenti prinċipali

Insostenn tar-rikors tiegħu, ir-rikorrent jinvoka sitt motivi.

1.	L-ewwel motiv ibbażat fuq irregolarità proċedurali tad-deċiżjoni kkontestata tas-26 ta’ Ġunju 2014, peress li din tal-aħħar ma kinitx ġiet iffirmata mill-President tal-Parlament skont regolament intern tal-Parlament Ewropew.

2.	It-tieni motiv ibbażat fuq ksur tad-drittijiet tad-difiża tar-rikorrent, sa fejn id-deċiżjoni tas-17 ta’ Lulju 1996 li kienet isservi bħala bażi għad-deċiżjoni kkontestata tas-26 ta’ Ġunju 2014, allegatament ma kinitx ġiet ippubblikata, bi ksur tal-Artikolu 28 tar-regolament intern tal-membri.

3.	It-tielet motiv ibbażat fuq ksur tal-prinċipju ta’ kontradittorju.

4.	Ir-raba’ motiv ibbażat fuq insuffiċjenza ta’ motivi tad-deċiżjoni kkontestata.

5.	Il-ħames motiv ibbażat fuq ksur tal-prinċipju tat-terminu raġonevoli, peress li Parlament stenna tmien snin qabel ma beda l-proċedura ta’ rkupru kontra r-rikorrent.

6.	Is-sitt motiv ibbażat fuq ksur tal-prinċipju tad-dritt miksub, sa fejn id-deċiżjoni kkontestata tippreġudika d-drittijiet għall-pensjoni li r-rikorrent allegatament kiseb fit-3 ta’ Awwissu 1994.

Top