This document is an excerpt from the EUR-Lex website
Document 62013TN0463
Case T-463/13: Action brought on 30 August 2013 — Comunidad Autónoma de Galicia v Commission
Kawża T-463/13: Rikors ippreżentat fit- 30 ta’ Awwissu 2013 — Comunidad Autónoma de Galicia vs Il-Kummissjoni
Kawża T-463/13: Rikors ippreżentat fit- 30 ta’ Awwissu 2013 — Comunidad Autónoma de Galicia vs Il-Kummissjoni
ĠU C 304, 19.10.2013, p. 25–25
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
19.10.2013 |
MT |
Il-Ġurnal Uffiċjali tal-Unjoni Ewropea |
C 304/25 |
Rikors ippreżentat fit-30 ta’ Awwissu 2013 — Comunidad Autónoma de Galicia vs Il-Kummissjoni
(Kawża T-463/13)
2013/C 304/43
Lingwa tal-kawża: l-Ispanjol
Partijiet
Rikorrenti: Comunidad Autónoma de Galicia (Santiago de Compostela, Spanja) (rappreżentanti: M. Lorenzo Outón, P. Egerique Mosquera, avukati)
Konvenuta: Il-Kummissjoni Ewropea
Talbiet tar-rikorrenti
|
— |
tannulla d-deċiżjoni kkontestata fis-sens li tiddikjara li fil-każ tal-Komunità Awtonoma ta’ Galicia l-miżuri implementati ma kkostitwixxewx għajnuna mill-Istat illegali; |
|
— |
sussidjarjament, fil-każ li t-talba preċedenti ma tintlaqax, tannulla d-deċiżjoni kkontestata sabiex jiġi ddikjarat li RETEGAL ma bbenefikatx direttament jew indirettament minn għajnuna mill-Istat illegali; u |
|
— |
tikkundanna lill-Kummissjoni għall-ispejjeż ta’ dawn il-proċeduri. |
Motivi u argumenti prinċipali
Id-deċiżjoni kkontestata f’dan il-każ hija l-istess bħal dik fil-Kawżi T-461/13, Spanja vs Il-Kummissjoni, u T-462/13, Comunidad Autónoma del País Vasco u Itelazpi vs Il-Kummissjoni.
Il-motivi u l-argumenti prinċipali huma simili għal dawk imressqa f’dawn il-kawżi.
Huwa b’mod partikolari allegat li:
|
(1) |
Il-Kummissjoni wettqet żball ta’ liġi meta ddikjarat li kien hemm għajnuna mill-Istat fis-sens tal-Artikolu 107(1) TFUE. |
|
(2) |
Il-Kummissjoni kisret l-Artikolu 106(2) TFUE, meta qieset li l-miżuri inkwistjoni huma inkompatibbli mas-suq intern. |
|
(3) |
Il-Kummissjoni kisret l-Artikolu 107(3)(ċ) TFUE, sa fejn id-deċiżjoni kkontestata, filwaqt li tirrikonoxxi li fis-settur pubbliku inkwistjoni jeżisti nuqqas strutturali u li l-intervent pubbliku kkontestat għandu għan ta’ interess ġenerali, tikklassifika l-għajnuna mill-Istat bħala inkompatibbli mas-suq intern minħabba ksur tal-kriterju tan-newtralità teknoloġika. |
|
(4) |
Il-Kummissjoni wettqet żball ta’ evalwazzjoni billi qieset li għajnuna mill-Istat illegali kienet tħallset lil RETEGAL, impriża tat-telekomunikazzjoni instrumentali tal-Komunità Awtonoma ta’ Galicia, sa fejn din l-impriża llimitat ruħha għall-akkwist u għall-installazzjoni ta’ tagħmir iffinanzjat mill-fondi pubbliċi inkwistjoni, li l-użu tiegħu sussegwentement ġie ċedut lill-komuni sabiex dawn tal-aħħar ikunu jistgħu jiżguraw is-servizz pubbliku ta’ xandir televiżiv fiż-żoni rurali u remoti u għaldaqstant ikopru n-nuqqas fis-suq li kien jeżisti f’dawn iż-żoni. |