Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62011TN0663

Kawża T-663/11: Rikors ippreżentat fis- 27 ta’ Diċembru 2011 — Spa Monopole vs UASI — Royal Mediterranea (THAI SPA)

ĠU C 65, 3.3.2012, p. 16–16 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

3.3.2012   

MT

Il-Ġurnal Uffiċjali tal-Unjoni Ewropea

C 65/16

Rikors ippreżentat fis-27 ta’ Diċembru 2011 — Spa Monopole vs UASI — Royal Mediterranea (THAI SPA)

(Kawża T-663/11)

2012/C 65/30

Lingwa tar-rikors: il-Franċiż

Partijiet

Rikorrenti: Spa Monopole, compagnie fermière de Spa SA/NV (Spa, il-Belġju) (rappreżentanti: L. De Brouwer, E. Cornu u E. De Gryse, avukati)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Partijet oħra quddiem il-Bord tal-Appell: Royal Mediterranea, SA (Madrid, Spanja)

Talbiet

Ir-rikorrenti jitlobu lill-Qorti Ġenerali jogħġobha:

—

tannulla d-deċiżjoni tar-Raba’ Awla tal-Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tal-20 ta’ Ottubru 2011, fil-Każ R 1238/2010-4;

—

tikkundanna lill-konvenuta għall-ispejjeż.

Motivi u argumenti prinċipali

Applikanti għat-trade mark Komunitarja: Royal Mediterranea, SA.

Trade mark Komunitarja kkonċernata: Trade mark figurattiva li tinkludi l-element verbali “THAI SPA” għal prodotti u servizzi fil-klassijiet 16, 41 u 43.

Proprjetarju tat-trade mark jew tas-sinjal invokat insostenn tal-oppożizzjoni: ir-rikorrenti.

Trade mark jew sinjal invokat: Reġistrazzjonijiet Benelux tat-trade marks verbali “SPA” u “Les Thermes de Spa” għal prodotti u servizzi fil-klassijiet 32 u 42 (li issa saret il-klassi 44).

Deċiżjoni tad-Diviżjoni tal-Oppożizzjoni: Oppożizzjoni miċħuda.

Deċiżjoni tal-Bord tal-Appell: Appell miċħud.

Motivi invokati: Ksur tal-Artikolu 8(1)(b) tar-Regolament Nru 207/2009 sa fejn il-Bord tal-Appell ma aċċettax xebh bejn “servizzi ta’ ristoranti (ikel)” fil-klassi 43 indikati fit-trade mark li għaliha saret l-applikazzjoni u l-“ilma minerali u bil-gass u xorb ieħor mhux alkoħoliku, xiropp u preparamenti oħrajn sabiex isir xorb” indikati fit-trade mark verbali “SPA” li hija s-suġġett tar-reġistrazzjoni Benelux; ksur tal-Artikolu 8(5) tal-imsemmi Regolament Nru 207/2009 sa fejn ir-Raba’ Awla tal-Bord tal-Appell ma aċċettatx l-eżistenza ta’ “rabta” bejn it-trade marks “SPA” fil-klassi 32 u “THAI SPA” fil-klassi 42; u ksur tad-drittijiet tad-difiża u tal-Artikolu 75 tal-imsemmi Regolament Nru 207/2009.

Top