Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62011CN0607

Kawża C-607/11: Talba għal deċiżjoni preliminari mressqa mill-High Court of Justice (Chancery Division) (Ir-Renju Unit) fit- 28 ta’ Novembru 2011 — ITV Broadcasting Limited et vs TV Catch Up Limited

ĠU C 65, 3.3.2012, p. 3–4 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

3.3.2012   

MT

Il-Ġurnal Uffiċjali tal-Unjoni Ewropea

C 65/3

Talba għal deċiżjoni preliminari mressqa mill-High Court of Justice (Chancery Division) (Ir-Renju Unit) fit-28 ta’ Novembru 2011 — ITV Broadcasting Limited et vs TV Catch Up Limited

(Kawża C-607/11)

2012/C 65/06

Lingwa tal-kawża: l-Ingliż

Qorti tar-rinviju

High Court of Justice (Chancery Division).

Partijiet fil-kawża prinċipali

Rikorrenti: ITV Broadcasting Limited et

Konvenuta: TV Catch Up Limited

Domandi preliminari

Fuq l-interpretazzjoni tad-Direttiva 2001/29/KE tal-Parlament Ewropew u tal-Kunsill, tat-22 ta’ Mejju 2001, dwar l-armonizzazzjoni ta’ ċerti aspetti ta’ drittijiet ta’ l-awtur u drittijiet relatati fis-soċjetà ta’ l-informazzjoni (iktar ’il quddiem id-“Direttiva Infosoc”) (1):

(1)

Id-dritt ta’ awtorizzazzjoni jew projbizzjoni tal-“komunikazzjoni lill-pubbliku tax-xogħolijiet tagħhom, bil-fili jew mezzi mingħajr fili” fl-Artikolu 3(1) tad-Direttiva jestendi għal każ fejn:

(i)

Awturi jawtorizzaw l-inklużjoni ta’ xogħlijiet tagħhom f’xandira televiżiva terrestri mingħajr ħlas li hija maħsuba għar-riċezzjoni jew fit-territorju kollu ta’ Stat Membru jew f’żona ġeografika fi ħdan Stat Membru;

(ii)

Parti terza (jiġifieri organizzazzjoni li ma hijiex ix-xandar oriġinali), tipprovdi servizz li bih abbonati individwali fiż-żona maħsuba għar-riċezzjoni tax-xandira li jistgħu legalment jirċievu x-xandira fuq riċevitur tat-televiżjoni fi djarhom stess jistgħu jaqbdu ma’ server tal-parti terza u jirċievu l-kontenut tax-xandira permezz ta’ streaming fuq l-internet?

Tagħmel xi differenza lir-risposta għad-domanda preċedenti jekk:

(a)

Is-server ta’ parti terza jippermetti biss konnessjoni “one-to-one” għal kull abbonat fejn kull abbonat individwali jistabbilixxi l-konnessjoni bl-internet tiegħu jew tagħha stess mas-server u kull pakkett ta’ data mibgħut mis-server fuq l-internet ikun indirizzat lil abbonat individwali wieħed biss?

(b)

Is-servizz tal-parti terza jkun iffinanzjat minn reklamar li huwa ppreżentat “pre-roll” (jiġifieri matul il-perjodu ta’ ħin wara li l-abbonat jagħmel login iżda qabel ma huwa jew hija jibdew jirċievu l-kontenut tax-xandira) jew “in-skin” (jiġifieri fi ħdan l-qafas tas-software użat għal wiri li juri l-programm riċevut fuq l-apparat viżiv tal-abbonat iżda barra l-istampa tal-programm) iżda r-reklami oriġinali li hemm fix-xandira jiġu ppreżentati lill-abbonat fil-punt fejn dawn huma mdaħħla fil-programm mix-xandar?

(c)

L-organizzazzjoni intervenjenti:

(i)

tipprovdi servizz alternattiv għal dak tax-xandar oriġinali, b’hekk taġixxi f’kompetizzjoni diretta max-xandar oriġinali għat-telespettaturi, jew

(ii)

taġixxi f’kompetizzjoni diretta max-xandar oriġinali għal dħul mir-reklamar?

(1)  ĠU Edizzjoni Speċjali bil-Malti, Kapitolu 17, Vol. 1, p. 230

Top