Šis dokuments ir izvilkums no tīmekļa vietnes EUR-Lex.
Dokuments C2009/130/05
Call for proposals — EACEA No 09/09 — Media — Promotion/access to the market
Sejħa għall-offerti – EACEA Nru 09/09 – Media – Promozzjoni/Aċċess għas–Suq
Sejħa għall-offerti – EACEA Nru 09/09 – Media – Promozzjoni/Aċċess għas–Suq
ĠU C 130, 9.6.2009., 6./7. lpp.
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
9.6.2009 |
MT |
Il-Ġurnal Uffiċjali tal-Unjoni Ewropea |
C 130/6 |
1. Għanijiet u deskrizzjoni
Dan l-avviż ta’ seħja għall-offerti huwa bbażat fuq id-Deċiżjoni Nru 1718/2006/KE tal-Parlament Ewropew u tal-Kunsill tal-15 ta’ Novembru 2006 dwar l-implimentazzjoni ta’ programm ta’ appoġġ għas-settur awdjoviżiv Ewropew (MEDIA 2007).
Fost l-għanijiet tad-Deċiżjoni tal-Kunsill imsemmija hawn fuq, hemm:
— |
li tiffaċilita u tħeġġeġ il-promozzjoni u ċ-ċirkulazzjoni tax-xogħlijiet awdjoviżivi u ċinematografiċi Ewropej fil-qafas ta’ avvenimenti kummerċjali, ta’ swieq professjonali u ta’ festivals awdjoviżivi fl-Ewropa u fid-dinja, peress li dawn l-avvenimenti jista’ jkollhom rwol importanti fil-promozzjoni tax-xogħlijiet Ewropej u n-netwerking tal-professjonisti, |
— |
li tħeġġeġ in-netwerking tal-operaturi Ewropej, billi jiġu appoġġati azzjonijiet komuni, impriżi fis-suq Ewropew u internazzjonali, minn organizzazzjonijiet nazzjonali ta’ promozzjoni, pubbliċi jew privati. |
2. Kandidati eliġibbli
Din is-sejħa għall-offerti hija indirizzata lill-kumpaniji Ewropej li l-attivitajiet tagħhom jikkontribwixxu sabiex jintlaħqu l-għanijiet tal-programm MEDIA skont id-deskrizzjoni mogħtija fid-Deċiżjoni tal-Kunsill.
Il-kandidati għandhom ikunu stabbiliti f’wieħed mill-pajjiżi li ġejjin:
— |
Is-27 pajjiż tal-Unjoni Ewropea; |
— |
il-pajjiżi tal-EFTA u ż-ŻEE: l-Iżlanda, il-Liechtenstein, in-Norveġja; |
— |
l-Iżvizzera u l-Kroazja. |
3. Azzjonijiet eliġibbli
L-obbjettiv ta’ din is-sejħa għall-offerti huwa li tappoġġa l-azzjonijiet u l-attivitajiet li jsiru fil-pajjiżi membri tal-Programm MEDIA.
L-għanijiet huma li jiġu appoġġati l-azzjonijiet li għandhom l-iskopijiet li ġejjin:
— |
Titjieb iċ-ċirkolazzjoni tax-xogħlijiet awdjoviżivi Ewropej billi jiġi żgurat li s-settur awdjoviżiv Ewropew ikollu aċċess għas-swieq professjonali Ewropej u internazzjonali; |
— |
Jiġu mħeġġa azzjonijiet komuni bejn organizzazzjonijiet nazzjonali ta’ promozzjoni ta’ films u ta’ programmi awdjoviżivi. |
It-tul massimu għall-proġetti huwa 12-il xahar.
L-attivitajiet għandhom jibdew bejn l-1 ta’ Jannar 2010 u l-31 Mejju 2010. L-attivitajiet għandhom jintemmu qabel il-31 Diċembru 2010.
4. Kriterji għall-għoti
Il-kandidati/proġetti eliġibbli ser ikunu evalwati fuq 100 punt skont il-kriterji li ġejjin:
Dimensjoni Ewropea tal-azzjoni |
30 punt |
Impatt fuq il-promozzjoni u ċ-ċirkolazzjoni tax-xogħlijiet awdjoviżivi Ewropej |
30 punt |
Kwalità u nfiq/effikaċja tal-pjan tal-azzjoni ppreżentat |
25 punt |
Aspetti innovattivi tal-azzjoni |
5 punti |
Promozzjoni tax-xogħlijiet awdjoviżivi li ġejjin minn pajjiżi Ewropej li għandhom kapaċità żgħira ta’ produzzjoni awdjoviżiva |
10 punti |
5. Baġit
Il-baġit totali stmat allokat għall-kofinanzjament ta’ proġetti huwa ta’ 1 500 000 EUR.
L-għajnuna finanzjarja tal-Kummissjoni ma tistax tkun aktar minn 50 % tal-ispejjeż totali tal-azzjoni.
L-Aġenzija żżomm il-possibbiltà li ma tattribwix il-fondi kollha disponibbli.
6. Data ta’ għeluq għall-preżentazzjoni
Id-data ta’ għeluq biex jintbagħtu l-applikazzjonijiet hija s-7 ta’ Awwissu 2009. L-applikazzjonijiet għandhom jintbagħtu fl-indirizz li ġej:
Agence Exécutive «Education, Audiovisuel et Culture» |
Appel à propositions EACEA/09/09 |
Att. M. Costas DASKALAKIS |
BOUR 03/30 |
Avenue du Bourget 1 |
1040 Brusselles/Brussel |
BELGIQUE/BELGIË |
L-applikazzjonijiet ippreżentati fuq il-formola adegwata, mimlijin kif xieraq, ddatati u ffirmati mill-persuna bis-setgħa li tirrappreżenta legalment il-korp li qiegħed jagħmel it-talba biss jistgħu jiġu aċċettati.
L-applikazzjonijiet li jintbagħtu bil-feks jew bil-posta elettronika ma jiġux aċċettati.
7. Tagħrif sħiħ
Il-linji gwida ddettaljati għall-kandidati, kif ukoll il-formoli tal-applikazzjoni, jistgħu jinkisbu mill-indirizz li ġej http://eacea.ec.europa.eu Huwa obbligatorju li l-applikazzjonijiet jintbagħtu fuq il-formola pprovduta u jkollhom l-Annessi u l-informazzjoni kollha mitluba.