This document is an excerpt from the EUR-Lex website
Document 62008CN0354
Case C-354/08: Action brought on 30 July 2008 — Commission of the European Communities v French Republic
Kawża C-354/08: Rikors ippreżentat fit- 30 ta' Lulju 2008 — Il-Kummissjoni tal-Komunitajiet Ewropej vs Ir-Repubblika ta' Franza
Kawża C-354/08: Rikors ippreżentat fit- 30 ta' Lulju 2008 — Il-Kummissjoni tal-Komunitajiet Ewropej vs Ir-Repubblika ta' Franza
ĠU C 285, 8.11.2008, p. 18–19
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
8.11.2008 |
MT |
Il-Ġurnal Uffiċjali ta’ l-Unjoni Ewropea |
C 285/18 |
Rikors ippreżentat fit-30 ta' Lulju 2008 — Il-Kummissjoni tal-Komunitajiet Ewropej vs Ir-Repubblika ta' Franza
(Kawża C-354/08)
(2008/C 285/31)
Lingwa tal-kawża: Il-Franċiż
Partijiet
Rikorrenti: Il-Kummissjoni tal-Komunitajiet Ewropej (rappreżentanti: E. Traversa u J. Sénéchal, aġenti)
Konvenuta: Ir-Repubblika ta' Franza
Talbiet tal-parti rikorrenti
|
— |
tikkonstata li, billi pprovdiet dritt ta' preferenza għall-konċessjonarju li jkun qed jirtira mill-attività tiegħu fil-kuntest tal-avviżi għal sejħiet għal offerti tax-xogħlijiet li jużaw l-enerġija idrawlika, b'mod partikolari billi adottat id-dispożizzjonijiet tal-Artikolu 29(3) tad-Digriet Nru 99/225 tat-22 ta' Marzu 1999, dwar il-konċessjoni u għad-dikjarazzjoni ta' utilità pubblika tax-xogħlijiet li jużaw l-enerġija idrawlika, ir-Repubblika Franċiża naqset milli twettaq l-obbligi tagħha taħt l-Artikolu 43 KE; |
|
— |
tikkundanna lir-Repubblika Franċiża għall-ispejjeż. |
Motivi u argumenti prinċipali
Il-Kummissjoni ssostni li l-għoti ta' dritt ta' preferenza lil konċessjonarju li jkun qed jirtira mill-attività tiegħu, matul it-tiġdid u l-assenjazzjoni tal-konċessjonijiet tax-xogħlijiet li jużaw l-enerġija idrawlika, jikkostitwixxi ksur tal-prinċipju ta' non-diskriminazzjoni u jostakola l-libertà ta' stabbiliment. Billi essenzjalment tat preferenza lil kumpanniji li għandhom konċessjoni u li, minħabba dan il-fatt, huma diġà stabbiliti fi Franza, il-leġiżlazzjoni Franċiża tagħmel aktar diffiċli l-istabbiliment ta' kumpanniji stabbiliti fi Stati Membri oħra.
Minbarra dan, l-awtoritajiet Franċiżi ma kinux invokaw id-derogi previsti fl-Artikoli 45 u 46 tat-Trattat jew raġunijiet imperattivi ta' interess ġenerali, sabiex jiġġustifikaw il-miżura in kwistjoni, li hija, fi kwalunkwe każ, disproporzjonata fir-rigward tal-għan segwit. B'hekk, l-ispejjeż finanzjarji sostnuti mill-konċessjonarju li jkun qed jirtira mill-attività tiegħu jistgħu per eżempju jiġu kkumpensati minn obbligi oħra imposti fuq kull kompetitur ġdid.