This document is an excerpt from the EUR-Lex website
Document 32011R1131
Commission Regulation (EU) No 1131/2011 of 11 November 2011 amending Annex II to Regulation (EC) No 1333/2008 of the European Parliament and of the Council with regard to steviol glycosides Text with EEA relevance
Regolament tal-Kummissjoni (UE) Nru 1131/2011 tal- 11 ta’ Novembru 2011 li jemenda l-Anness II għar-Regolament (KE) Nru 1333/2008 tal-Parlament Ewropew u tal-Kunsill rigward il-glikosidi tal-istevjol Test b’relevanza għaż-ŻEE
Regolament tal-Kummissjoni (UE) Nru 1131/2011 tal- 11 ta’ Novembru 2011 li jemenda l-Anness II għar-Regolament (KE) Nru 1333/2008 tal-Parlament Ewropew u tal-Kunsill rigward il-glikosidi tal-istevjol Test b’relevanza għaż-ŻEE
ĠU L 295, 12.11.2011, p. 205–211
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32008R1333 | Emenda | anness II | 02/12/2011 |
Relation | Act | Comment | Subdivision concerned | From | To |
---|---|---|---|---|---|
Corrected by | 32011R1131R(01) | (HU) | |||
Corrected by | 32011R1131R(02) | (ES) | |||
Corrected by | 32011R1131R(03) | (PT) |
12.11.2011 |
MT |
Il-Ġurnal Uffiċjali tal-Unjoni Ewropea |
L 295/205 |
REGOLAMENT TAL-KUMMISSJONI (UE) Nru 1131/2011
tal-11 ta’ Novembru 2011
li jemenda l-Anness II għar-Regolament (KE) Nru 1333/2008 tal-Parlament Ewropew u tal-Kunsill rigward il-glikosidi tal-istevjol
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikolari l-Artikolu 10, u l-Artikolu 30(5) tiegħu,
Billi:
(1) |
Ir-Regolament (KE) Nru 1333/2008 jistipula lista tal-Unjoni ta' addittivi tal-ikel approvati għall-użu fl-ikel u l-kundizzjonijiet tal-użu tagħhom. |
(2) |
L-Awtorità Ewropea dwar is-Sigurtà fl-Ikel (minn issa ‘l quddiem tissejjaħ l-Awtorità) evalwat is-sigurtà tal-glikosidi tal-istevjol, estratti mill-weraq tal-pjanta Bertoni Stevia rebaudiana, bħala dolċifikant u esprimiet il-fehma tagħha fl-10 ta' Marzu 2010 (2). L-Awtorità stabbilixxiet Doża Aċċettabbli ta’ Kuljum (ADI) għall-glikosidi tal-istevjol, espressa bħala ekwivalenti għall-istevjol, ta’ 4mg/kg tal-piż tal-ġisem/jum. Stimi konservattivi tal-espożizzjoni għall-glikosidi tal-istevjol, kemm fil-kbar kif ukoll fit-tfal, jissuġġerixxu li x’aktarx l-ADI tinqabeż fil-livelli ta’ użu massimu propost. |
(3) |
Wara li kkunsidraw il-konklużjoni tal-Awtorità, f’Settembru 2010 l-applikanti bagħtu reviżjoni tal-użi u l-Awtorità ntalbet tikkunsidra dawn l-użi. Ġiet ippubblikata stqarrija dwar stima ġdida tal-espożizzjoni f’Jannar 2011. (3) Minkejja l-użi riveduti, il-konklużjoni kienet simili ħafna, jiġifieri li kemm fil-kbar kif ukoll fit-tfal l-ADI tista’ tinqabeż għall-konsumaturi ta’ livelli għoljin. Il-kontributuri ewlenin għall-espożizzjoni totali antiċipata għall-glikosidi tal-istevjol huma x-xarbiet mhux alkoħoliċi aromatizzati (minerali). |
(4) |
Ikkunsidrata l-ħtieġa ta' prodotti ġodda fis-suq li jkunu b’valuri enerġetiċi mnaqqsa, l-użu tal-glikosidi tal-istevjol bħala dolċifikant għandu jkun awtorizzat fil-livelli massimi xierqa ta’ użu. Meqjus il-kontribut sinifikanti potenzjali tax-xarbiet minerali fil-konsum ta’ glikosidi tal-istevjol, għandu jiġi stabbilit tnaqqis fil-livell ta’ użu għax-xarbiet aromatizzati, bi tqabbil mal-livelli ta’ użu proposti ta’ qabel li ġew ikkunsidrati mill-Awtorità. |
(5) |
Il-Kummissjoni se titlob mill-produtturi u l-utenti tal-glikosidi tal-istevjol tagħrif dwar l-użu attwali tal-addittiv tal-ikel wara l-awtorizzazzjoni tagħha. Dan it-tagħrif il-Kummissjoni se tagħmlu disponibbli għall-Istati Membri. Meta jkun meħtieġ, il-Kummissjoni se titlob lill-Awtorità twettaq stima oħra fid-dettall tal-espożizzjoni, filwaqt li tqis l-użi reali tal-glikosidi tal-istevjol fis-sottokategoriji differenti tal-oġġetti tal-ikel u l-konsum ta’ oġġetti tal-ikel normali kontra dawk b’valuri enerġetiċi mnaqqsa. |
(6) |
L-Awtorità fil-fehma tagħha esprimiet l-ADI għall-glikosidi tal-istevjol bħala ekwalenti tal-istevjol. L-espożizzjoni djetetika għall-glikosidi tal-istevjol ukoll ġiet espressa bħala ekwivalenti tal-istevjol. Għalhekk huwa xieraq li l-livelli massimi ta’ użu permessi jiġu espressi wkoll bħala ekwivalenti tal-istevjol. Il-livelli massimi tal-glikosidi tal-istevjol huma espressi bħala s-somma tal-glikosidi kollha msemmija tal-istevjol fl-ispeċifikazzjonijiet u jistgħu jinqalbu għal ekwivalenti tal-istevjol bl-użu tal-koeffiċjenti ta’ konverżjoni msemmija fl-ispeċifikazzjonijiet. |
(7) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
Emenda għar-Regolament (KE) Nru 1333/2008
L-Anness II tar-Regolament (KE) Nru 1333/2008 huwa emendat skont l-Anness ta’ dan ir-Regolament.
Artikolu 2
Dispożizzjoni tranżitorja
B’deroga mill-Artikolu 2(1) tar-Regolament tal-Kummissjoni (UE) Nru 1129/2011 tal-11 ta' Novembru 2011 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill billi jistabbilixxi lista tal-Unjoni ta’ addittivi tal-ikel (4), l-annotazzjonijiet fil-Parti B u l-Parti E tal-Anness II tar-Regolament (KE) Nru 1333/2008 dwar il-glikosidi tal-istevjol (E 960) għandhom japplikaw mid-data tad-dħul fis-seħħ ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri.
Magħmul fi Brussell, il-11 ta’ Novembru 2011.
Għall-Kummissjoni
Il-President
José Manuel BARROSO
(1) ĠU L 354, 31.12.2008, p. 16.
(2) Opinjoni Xjentifika tal-Bord dwar l-Addittivi tal-Ikel u s-Sorsi Nutrijenti miżjuda mal-ikel dwar ir-sigurtà tal-glikosidi tal-istevjol għall-użi proposti bħala addittiv tal-ikel. EFSA Journal (2010); 8(4):1537.
(3) Stqarrija tal-EFSA: “Stima tal-espożizzjoni riveduta għall-glikosidi tal-istevjol għall-użi proposti bħala addittiv tal-ikel.”EFSA Journal (2011); 9(01):1972.
(4) Ara paġna 1 ta' dan il-Ġurnal Uffiċjali.
ANNESS
L-Anness II għar-Regolament (KE) Nru 1333/2008 huwa emendat kif ġej:
(1) |
Fil-Parti B2 l-annotazzjoni li ġejja għal E 960 tidħol wara l-annotazzjoni għal E 959:
|
(2) |
Fil-Parti E l-annotazzjonijiet li ġejjin għal E 960 jidħlu f’ordni numerika fil-kategoriji tal-ikel msemmija: PARTI E: ADDITTIVI TAL-IKEL AWTORIZZATI U KUNDIZZJONIJIET GĦALL-UŻU FIL-KATEGORIJI TAL-IKEL
|