Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

Deterġenti aktar sikuri għall-konsumaturi Ewropej

Date of last review:
30/04/2026
Author:
Uffiċċju tal-Pubblikazzjonijiet tal-Unjoni Ewropea
Responsible entity(ies):
Id-Direttorat Ġenerali għas-Suq Intern, l-Industrija, l-Intraprenditorija u l-SMEs
Summarised document(s):

Deterġenti aktar sikuri għall-konsumaturi Ewropej

SOMMARJU TA’:

Ir-Regolament (KE) Nru 648/2004 dwar id-deterġenti

X’INHU L-GĦAN TAR-REGOLAMENT?

  • Ir-Regolament (KE) Nru 648/2004 jistabbilixxi regoli komuni li jippermettu li d-deterġenti1 u t-tensjoattivi2 jinbiegħu u jintużaw madwar l-Unjoni Ewropea (UE) filwaqt li jipprovdi livell għoli ta’ protezzjoni għall-ambjent u għas-saħħa tal-bniedem.
  • Id-deterġenti jista’ jkun fihom ingredjenti msejħa tensjoattivi li jagħmluhom nodfa b’mod aktar effiċjenti iżda jistgħu jagħmlu ħsara lill-kwalità tal-ilma meta jiġu rilaxxati fl-ambjent naturali. Għalhekk l-użu tagħhom għandu jiġi kkontrollat sew.
  • Ir-regolament jippermetti biss aġenti tensjoattivi li jissodisfaw il-kriterju ta’ bijodegradabilità finali3 biex jitqiegħed fis-suq, waħedhom (eż. bħala taħlitiet kostitwenti użati fil-manifattura tad-deterġenti) jew bħala ingredjenti f’deterġenti.
  • Ir-regolament huwa mħassar bir-Regolament (UE) 2026/405 dwar id-deterġenti u l-aġenti tensjoattivi mit-.

PUNTI EWLENIN

  • Il-leġiżlazzjoni tarmonizza l-metodi ta’ ttestjar sabiex tiddetermina l-bijodegradabilità tal-aġenti tensjoattivi kollha li jintużaw fid-deterġenti. Dawn ikopru l-bijodegradabilità primarjau finali4.
  • It-testijiet iridu jitwettqu f’laboratorji li jissodisfaw standards rikonoxxuti fuq il-livell internazzjonali.
  • Il-manifatturi huma responsabbli sabiex jiżguraw li l-prodotti tagħhom jissodisfaw ir-rekwiżiti tal-leġiżlazzjoni.
  • Il-manifatturi jridu jagħmlu disponibbli l-fajls dwar ir-riżultati tat-testijiet lill-awtoritajiet rilevanti u karta ta’ tagħrif dwar l-ingredjenti lill-persunal mediku, mingħajr dewmien u fuq talba.
  • L-informazzjoni fuq l-ippakkjar tad-deterġenti trid tkun tista’ tinqara, viżibbli u ma tkunx tista’ titħassar. Din tinkludi d-dettalji ta’ kuntatt għall-manifattur u l-karta ta’ tagħrif.
  • It-tikketti fuq id-deterġenti mibjugħa għall-użu mill-pubbliku jridu jipprovdu dettalji ta’ dożaġġi rakkomandati għal ħasliet differenti f’magna tal-ħasil standard.
  • L-awtoritajiet nazzjonali jistgħu jipprojbixxu deterġent speċifiku jekk iqisu li huwa ta’ riskju għas-saħħa tal-bniedem jew tal-annimali jew għall-ambjent. Huma jridu jinfurmaw lill-Kummissjoni Ewropea u lill-Istati Membri l-oħra tal-UE bid-deċiżjoni.

Fl-2012, il-leġiżlazzjoni ġiet emendata sabiex tarmonizza regoli biex jiġi limitat il-kontenut ta’ fosfati u komposti tal-fosfru oħrajn f’deterġenti għall-ħasil domestiku tal-ħwejjeġ u magni għall-ħasil tal-platti.

MINN META JAPPLIKA R-REGOLAMENT?

Ilu japplika mit-.

Tħassir

Ir-Regolament (KE) Nru 648/2004 jitħassar bir-Regolament (UE) 2026/405 (ara s-sommarju) mit-.

SFOND

  • Il-leġiżlazzjoni preċedenti kienet tkopri biss il-bijodegradabilità primarja tal-aġent tensjoattiv fid-deterġenti. Dan ir-regolament jissostitwixxiha billi jagħmel enfasi fuq il-bijodegradabilità finali.
  • L-emenda tal-2012 tintroduċi limiti ġodda sabiex titnaqqas il-ħsara li l-fosfati mid-deterġenti jista’ jkollhom fuq l-ekosistemi u l-kwalità tal-ilma, li huwa magħruf bħala “ewtrofikazzjoni”.
  • Għal aktar informazzjoni, ara:

TERMINI EWLENIN

  1. Deterġent. Kwalunkwe sustanza jew preparazzjoni, kemm likwida, f’forma ta’ trab jew forma oħra, li fiha sapun u/jew aġenti tensjoattivi għall-ħasil jew għat-tindif.
  2. Aġent tensjoattiv. Wieħed mill-ħafna komposti differenti li huwa magħmul minnhom deterġent. L-aġenti tensjoattivi jiġu miżjuda sabiex ineħħu l-ħmieġ mill-ġilda, ħwejjeġ u oġġetti tad-dar, b’mod partikolari fil-kċejjen u l-kmamar tal-banju. Dawn ibaxxu t-tensjoni tal-wiċċ bejn żewġ likwidi jew bejn likwidu u solidu. Jistgħu jaġixxu wkoll bħala aġenti li jnaqqsu t-tensjoni tas-superifċje, emulsifikaturi jew aġenti li jagħmlu r-ragħwa. It-terminu ġej minn “aġent attiv fil-wiċċ”.
  3. Bijodegradabilità finali. Meta aġent tensjoattiv jitkisser f’diossidu tal-karbonju, ilma u melħ minerali u jiġi assorbit fl-ambjent.
  4. Bijodegradabilità primarja. Meta aġent tensjoattiv jitlef il-kapaċità tiegħu ta’ aġent attiv fil-wiċċ. Huwa importanti li din il-kapaċità tintilef biex jitnaqqsu kemm jista’ jkun l-effetti negattivi fuq impjanti tat-trattament tal-ilma.

DOKUMENT PRINĊIPALI

Ir-Regolament (KE) Nru 648/2004 tal-Parlament Ewropew u tal-Kunsill tal- dwar diterġenti (ĠU L 104, , pp. 1–35).

L-emendi suċċessivi Regolament (KE) Nru 648/2004 ġew inkorporati fit-test oriġinali. Din il-verżjoni konsolidata għandha valur dokumentarju biss.

l-aħħar aġġornament

Top