Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62016TN0307

Kawża T-307/16: Rikors ippreżentat fis-17 ta’ Ġunju 2016 – CEE Bankwatch Network vs Il-Kummissjoni

ĠU C 305, 22.8.2016, p. 39–40 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Date of document:
17/06/2016
Date lodged:
17/06/2016
Author:
Il-Qorti Ġenerali
Form:
Informazzjoni ġudizzjarja
Authentic language:
Ingliż
Type of procedure:
Rikors għal annullament
Link
Select all documents mentioning this document
Instruments cited in case law:
Link

22.8.2016   

MT

Il-Ġurnal Uffiċjali tal-Unjoni Ewropea

C 305/39

Rikors ippreżentat fis-17 ta’ Ġunju 2016 – CEE Bankwatch Network vs Il-Kummissjoni

(Kawża T-307/16)

(2016/C 305/54)

Lingwa tal-kawża: l-Ingliż

Partijiet

Rikorrenti: CEE Bankwatch Network (Praga, ir-Repubblika Ċeka) (rappreżentant: C. Kiss, avukat)

Konvenuta: Il-Kummissjoni Ewropea

Talbiet

—

tiddikjara n-nullità tad-deċiżjoni kkontestata tal-Kummissjoni tal-15 ta’ April 2016, bir-referenza Ref. GestDem Nru 2015/5866; u

—

tikkundanna lill-Kummissjoni għall-ispejjeż tal-proċedura.

Motivi u argumenti prinċipali

Insostenn tar-rikors tagħha, ir-rikorrenti tinvoka tliet motivi.

1.

L-ewwel motiv huwa bbażat fuq l-applikabbiltà tar-Regolament (KE) Nru 1367/2006 (1) għad-dokumenti Euratom:

—

it-terminu “Trattat” ma għandux jinftiehem b’mod differenti skont il-kuntest ta’ kull att leġiżlattiv tal-Unjoni, iżda għandu jkollu tifsira uniformi.

2.

It-tieni motiv huwa bbażat fuq l-illegalità tad-deċiżjoni kkontestata:

—

l-aċċess għad-dokumenti mitluba ma jipperikolax l-interess tas-sigurtà nukleari peress li t-talba għal informazzjoni ma affettwatx kwistjonijiet ta’ sigurtà nukleari;

—

il-konvenuta wettqet ksur serju tal-obbligu tagħha li jirriżulta mir-Regolament (KE) Nru 1049/2001 (2) kif ukoll mill-ġurisprudenza tal-Qorti tal-Ġustizzja dwar in-neċessità li jingħataw raġunijiet speċifiċi għan-nuqqas ta’ żvelar.

3.

It-tielet motiv huwa bbażat fuq il-fatt li r-riferiment mill-konvenuta għall-protezzjoni tal-interessi kummerċjali huwa żbaljat u jonqos milli jispeċifika l-kunsiderazzjonijiet ġenerali li fuqhom hija tibbaża l-preżunzjoni li tgħid li l-iżvelar tad-dokumenti mitluba jkun jikkomprometti l-interessi kummerċjali:

—

l-informazzjoni li r-rikorrenti tirrifjuta li tikkomunika minħabba li tikkomprometti l-interessi kummerċjali ma tissodisfax il-kriterji ta’ informazzjoni kummerċjali u l-anzjanità tagħha ma hijiex meħuda inkunsiderazzjoni mill-konvenuta waqt id-deċiżjoni dwar it-talba konfermatorja;

—

hemm interess pubbliku superjuri għall-iżvelar tad-data mitluba sa fejn l-interess pubbliku jinsab fl-iżvelar ta’ informazzjoni nukleari.

(1)  Regolament (KE) Nru 1367/2006 tal-Parlament Ewropew u tal-Kunsill, tas- 6 ta’ Settembru 2006, dwar l-applikazzjoni għall-istituzzjonijiet u l-korpi tal-Komunità tad-disposizzjonijiet tal-Konvenzjoni ta’ Aarhus dwar l-Aċċess għall-Informazzjoni, il-Parteċipazzjoni tal-Pubbliku fit-Teħid ta’ Deċiżjonijiet u l-Aċċess għall-Ġustizzja fi Kwistjonijiet Ambjentali (ĠU L 264, 25.9.2006, p. 13)

(2)  Regolament (KE) Nru 1049/2001 tal-Parlament Ewropew u tal-Kunsill, tat-30 ta’ Mejju 2001, dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni Speċjali bil-Malti, Kapitolu 1, Vol. 3, p. 331)

Top