This document is an excerpt from the EUR-Lex website
Document 62015TN0551
Case T-551/15: Action brought on 25 September 2015 — Portugal v Commission
Kawża T-551/15: Rikors ippreżentat fil-25 ta’ Settembru 2015 – Il-Portugall vs Il-Kummissjoni
Kawża T-551/15: Rikors ippreżentat fil-25 ta’ Settembru 2015 – Il-Portugall vs Il-Kummissjoni
ĠU C 389, 23.11.2015, p. 62–63
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
- Date of document:
- 25/09/2015
- Date lodged:
- 25/09/2015
- Author:
- Il-Qorti Ġenerali
- Form:
- Informazzjoni ġudizzjarja
- Authentic language:
- Portugiż
- Type of procedure:
- Rikors għal annullament
- Link
- Select all documents mentioning this document
- Case affecting:
-
- Partial annulment request 32015D1119
- Instruments cited in case law:
- Link
- EUROVOC descriptor:
|
23.11.2015 |
MT |
Il-Ġurnal Uffiċjali tal-Unjoni Ewropea |
C 389/62 |
Rikors ippreżentat fil-25 ta’ Settembru 2015 – Il-Portugall vs Il-Kummissjoni
(Kawża T-551/15)
(2015/C 389/70)
Lingwa tal-kawża: il-Portugiż
Partijiet
Rikorrenti: Ir-Repubblika Portugiża (rappreżentanti: L. Inez Fernandes, M. Figueiredo, P. Estêvão u J. Saraiva de Almeida, aġenti)
Konvenuta: Il-Kummissjoni Ewropea
Talbiet
|
— |
tannulla d-Deċiżjoni tal-Kummissjoni C(2015) 4076 (1), sa fejn hija eskludiet mill-finanzjament tal-Unjoni Ewropea l-ammont ta’ EUR 5 01 445,57 relatat mal-ispejjeż iddikjarati mir-Repubblika Portugiża taħt kittien u qanneb għas-sena 1999/2000, |
|
— |
tikkundanna lill-Kummissjoni Ewropea għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka tliet motivi li jirrigwardaw:
|
1) |
Ksur tal-Artikolu 5(2) tar-Regolament Nru 729/70 (2): Il-Kummissjoni ma pprovatx l-eżistenza ta’ ksur tar-regoli ta’ organizzazzjoni komuni tas-swieq agrikoli; |
|
2) |
Ksur tal-Artikolu 5(2) tar-Regolament Nru 729/70, talli ma ġewx sodisfatti r-rekwiżiti stabbiliti mill-Kummissjoni fil-linji gwida uniformi li jirriżultaw fid-Dokument Nru VI/5330/97 (3), għall-applikazzjoni ta’ korrezzjoni finanzjarja b’rata fissa ta’ 25 %; |
|
3) |
Ksur tal-Artikolu 31 tar-Regolament Nru 1290/2005 (4): Spejjeż imwettqa iktar minn 24 xahar ilu – peress li d-deċiżjoni kkontestata, billi eskludiet mill-finanzjament Komunitarju spejjeż imwettqa fis-snin 1999 u 2000, tiċħad il-finanzjament tal-ispejjeż imwettqa iktar minn 24 xahar qabel il-komunikazzjoni tal-Kummissjoni lill-awtoritajiet Portugiżi, bil-miktub, tar-riżultati tal-verifiki li jirriżultaw mill-annullament tad-Deċiżjoni tal-Kummissjoni tat-28 ta’ April 2006 (5). |
(1) Deċiżjoni ta’ Implimentazzjoni tal-Kummissjoni (UE) 2015/1119, tat-22 ta’ Ġunju 2015, li teskludi mill-finanzjament tal-Unjoni Ewropea ċertu nfiq imġarrab mill-Istati Membri skont il-Fond Agrikolu Ewropew ta’ Garanzija (FAEG) u skont il-Fond Agrikolu Ewropew għall-Iżvilupp Rurali (FAEŻR) (ĠU L 182, p. 39).
(2) Regolament tal-Kunsill (KEE) Nru 729/70, tal-21 ta’ April 1970, dwar il-finanzjament tal-Politika Agrikola Komuni (ĠU L 94, p. 13).
(3) Dokument VI/5330/97, tat-23 ta’ Diċembru 1997, Linji gwida tal-Kummissjoni li jirrigwardaw il-kalkolu tal-konsegwenzi finanzjarji fil-preparazzjoni tad-deċiżjoni ta’ clearance tal-kontijiet tal-FAEGG-Garanzija.
(4) Regolament tal-Kunsill (KE) Nru 1290/2005, tal-21 ta’ Ġunju 2005, dwar il-finanzjament tal-Politika Agrikola Komuni (ĠU L 209, p. 1).
(5) Deċiżjoni tal-Kummissjoni, tat-28 ta’ April 2006, li teskludi mill-finanzjament Komunitarju ċerti spejjeż imwettqa mill-Istati Membri taħt il-Fond Agrikolu Ewropew ta’ Gwida u Garanzija (FAEGG), Taqsima Garanzija (ĠU L 124, p. 21).
