This document is an excerpt from the EUR-Lex website
Document 62015TN0111
Case T-111/15: Action brought on 1 March 2015 — Ryanair et Airport Marketing Services v Commission
Kawża T-111/15: Rikors ippreżentat fl-1 ta’ Marzu 2015 – Ryanair et Airport Marketing Services vs Il-Kummissjoni
Kawża T-111/15: Rikors ippreżentat fl-1 ta’ Marzu 2015 – Ryanair et Airport Marketing Services vs Il-Kummissjoni
ĠU C 178, 1.6.2015, p. 13–14
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
1.6.2015 |
MT |
Il-Ġurnal Uffiċjali tal-Unjoni Ewropea |
C 178/13 |
Rikors ippreżentat fl-1 ta’ Marzu 2015 – Ryanair et Airport Marketing Services vs Il-Kummissjoni
(Kawża T-111/15)
(2015/C 178/15)
Lingwa tal-kawża: l-Ingliż
Partijiet
Rikorrenti: Ryanair Ltd (Dublin, l-Irlanda) u Airport Marketing Services Ltd (Dublin, l-Irlanda) (rappreżentanti: G. Berrisch, E. Vahida, I. Metaxas-Maragkidis, avukati, u B. Byrne, Solicitor)
Konvenuta: Il-Kummissjoni Ewropea
Talbiet
Ir-rikorrenti jitolubu lill-Qorti Ġenerali jogħġobha:
— |
tannulla l-Artikoli 1(2), 2(4), 3, 4 u 5 tad-deċiżjoni tal-Kummissjoni Ewropea tat-23 ta’ Lulju 2014 dwar l-għajuna mill-istat SA.33963 (2012/C) (ex 2012/NN) implimentata minn Franza favur il-Kamra tal-Kummerċ u l-Industrija ta’ Angouleme, SNC-Lavalin, Ryanair u Airport Marketing Services; |
— |
tikkundanna lill-Kummissjoni għall-ispejjeż tal-proċeduri |
Motivi u argumenti prinċipali
Insostenn tar-rikors tagħhom, ir-rikorrenti jinvokaw erba’ motivi.
1. |
L-ewwel motiv, li jallega ksur tal-prinċipju ta’ amministrazzjoni tajba stabbilit fl-Artikolu 41 tal-Karta tad-Drittijiet Fundamentali tal-Unjoni Ewropea u tad-dritt għad-difiża tar-rikorrenti, peress li l-Kummissjoni naqset li tippermetti aċċess għall-fajl tal-investigazzjoni u li tpoġġihom f’pożizzjoni fejn effettivament ikunu jistgħu jesponu l-fehmiet tagħhom. |
2. |
It-tieni motiv li jallega ksur tal-Artikolu 107(1) TFUE peress li l-Kummissjoni attrubwiet inġustament il-konklużjoni tal-Ftehim tal-Airport Service u l-Ftehim tal-Market Services lill-Istat Franċiż |
3. |
It-tielet motiv li jallega ksur tal-Artikolu 107/(1) TFUE peress li l-Kummissjoni naqset li tapplika korrettement it-test ta’ “investitur f’ekonomija tas-suq”. Ir-rikorrent isostni li l-Kummissjoni erronjament irrifjutat li toqgħod fuq analiżi komparattiva, li kienet twassal għall-konklużjoni ta’ assenza ta’ għajnuna lir-rikorrenti. Sussidjarjament, il-Kummissjoni użat data li kienet manifestament insuffiċjenti, mhux verifikata u inaffidabbli għal kalkolu tagħha tal-profitabilità tal-ajruport, applikat perjodu ta’ żmien eċċessivament qasir, injorat l-esternalitajiet tan-network li l-ajruport seta’ jiggwadanja mir-relazzjoni tiegħu ma’ Ryanair, naqset li tatribwixxi valur xieraq għal servizzi ta’ kummerċjalizzazzjoni, u ċaħdet ir-razzjonal wara d-deċiżjoni tal-ajruport li jixtri dawn is-servizzi. |
4. |
Ir-raba’ motiv, li jallega ksur tal-Artikoli 107(1) u 108(2) TFUE billi l-Kummissjoni wettqed żball manifest u żball legali billi sabet li l-għajnuna lil Ryanair u Airport Marketing Services kien ugwali għat-telf marġinali akkumulat tal-ajruport ta’ Angouleme minflok il-benefiċċju attwali għal Ryanair u Airport Marketing Services. Il-Kummissjoni jmissha eżaminat l-estent sa fejn l-allegat benefiċċju kien fil-fatt mgħoddi lill-passiġieri ta’ Ryanair. Barra minn hekk, il-Kummissjoni naqset milli tikkwantifika il-vantaġġ kompetittiv li kienet tgawdi Ryanair bis-saħħa tal-flussi ta’ pagament baxxi (allegatament) tal-ajruport ta’ Angouleme. Finalment, il-Kummissjoni naqset li tispjega adegwatament għaliex l-irkupru tal-ammont ta’ għajnuna speċifikat fid-deċiżjoni kien meħtieġ sabiex tassigura l-istabbiliment mill-ġdid tas-sitwazzjoni qabel il-ħlas tal-għajnuna. |