This document is an excerpt from the EUR-Lex website
Document 62013TN0260
Case T-260/13: Action brought on 8 May 2013 — Ryanair Holdings v Commission
Kawża T-260/13: Rikors ippreżentat fit- 8 ta’ Mejju 2013 — Ryanair Holdings vs Il-Kummissjoni
Kawża T-260/13: Rikors ippreżentat fit- 8 ta’ Mejju 2013 — Ryanair Holdings vs Il-Kummissjoni
ĠU C 189, 29.6.2013, p. 28–28
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
- Date of document:
- 08/05/2013
- Date lodged:
- 08/05/2013
- Author:
- Il-Qorti Ġenerali
- Form:
- Informazzjoni ġudizzjarja
- Authentic language:
- Ingliż
- EUROVOC descriptor:
|
29.6.2013 |
MT |
Il-Ġurnal Uffiċjali tal-Unjoni Ewropea |
C 189/28 |
Rikors ippreżentat fit-8 ta’ Mejju 2013 — Ryanair Holdings vs Il-Kummissjoni
(Kawża T-260/13)
2013/C 189/58
Lingwa tal-kawża: l-Ingliż
Partijiet
Rikorrenti: Ryanair Holdings (Dublin, l-Irlanda) (rappreżentanti: G. Berrisch avukat, u D. Hull, Solicitor)
Konvenuta: Il-Kummissjoni Ewropea
Talbiet tar-rikorrenti
|
— |
tannulla d-Deċiżjoni tal-Kummissjoni Ewropea C(2013) 1106 finali, tas-27 ta’ Frar 2013, li tiddikjara amalgamazzjoni inkompatibbli mas-suq intern u mal-Ftehim ŻEE (Każ COMP/M.6663 — Ryanair/Aer Lingus III); |
|
— |
tikkundanna lill-konvenuta għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka motiv wieħed, li jallega li l-Kummissjoni wettqet żball billi ddeċidiet, u naqset milli turi b’mod suffiċjenti fid-dritt, li l-amalgamazzjoni, kif emendata mill-impenji offruti mir-rikorrenti, jostakolaw il-kompetizzjoni fis-suq komuni b’mod sinjifikattiv. Ir-rikorrenti ssostni wkoll li l-Kummissjoni kisret il-prinċipju ta’ proporzjnalità, il-prinċipju ta’ amministrazzjoni tajba u l-obbligu ta’ motivazzjoni.
Insostenn tat-talbiet tagħha, ir-rikorrenti ssostni li l-Kummissjoni wettqet żbalji manifesti ta’ evalwazzjoni u kisret il-prinċipji msemmijin iktar ’il fuq fir-rigward (a) tal-impenji li jirrigwardaw it-trasferiment tal-operazzjonijiet ta’ Aer Lingus fuq 43 rotta li jikkoinċidu, lil Flybe Group plc; (b) l-impenji li jirrgwardaw ir-rotot Dublin-Londra, Cork-Londra, u Shannon-Londra; (ċ) l-impenji li jirrigwardaw l-operazzjonijiet ta’ Aer Arann fuq 43 rotta li jikkoinċidu fuq liema Flybe topera, u (d) l-impenji li jirrigwardaw ir-rotot li fuqhom il-Kummissjoni identifikat tħassib potenzjali dwar il-kompetitzzjoni.
