29.6.2013   

MT

Il-Ġurnal Uffiċjali tal-Unjoni Ewropea

C 189/5

(1)

Ir-regola, li tirriżulta mid-dispożizzjonijiet magħquda tal-Artikolu 57 tal-liġi dwar ir-regoli tal-impjegati (Estatuto de los Trabajadores) u tal-Artikolu 116(2) tal-verżjoni kkonsolidata tal-liġi dwar il-proċedura fil-qasam ta’ dritt industrijali (Ley de Procedimiento Laboral), li abbażi tagħha l-Istat tar-Renju ta’ Spanja għandu bħala prattika li jħallas direttament lill-impjegati, f’każ ta’ insolvenza tal-persuna li timpjegahom, is-salarji dovuti matul il-proċedura ta’ kontestazzjoni tat-tkeċċija tagħhom lil hinn mis-60 (illum: mid-90) ġurnata ta’ xogħol wara li titressaq it-talba quddiem il-qorti kompetenti, taqa taħt il-kamp ta’ applikazzjoni tad-Direttiva 2008/94/KE (1) tal-Parlament Ewropew u tal-Kunsill, tat-22 ta’ Ottubru 2008, dwar il-protezzjoni tal-impjegati fil-każ tal-insolvenza ta’ min iħaddimhom u, b’mod partikolari, taqa’ taħt l-Artikolu 1(1), l-Artikolu 2(3) u (4) u l-Artikoli 3, 5 u 11 tagħha?

(2)

Fl-ipoteżi fejn il-Qorti tal-Ġustizzja tirrispondi għall-ewwel domanda fl-affermattiv, il-prattika li tikkonsisti, għall-Istat tar-Renju ta’ Spanja, li jitħallsu direttament lill-impjegati, f’każ ta’ insolvenza tal-persuna li timpjegahom, is-salarji dovuti matul il-proċedura ta’ kontestazzjoni tat-tkeċċija tagħhom lil hinn mis-60 (illum: mid-90) ġurnata ta’ xogħol wara li titressaq it-talba, iżda unikament fil-każ ta’ tkeċċijiet li n-natura abbużiva tagħhom ġiet ikkonstatata permezz tal-qrati, bl-esklużjoni tal-każijiet li fihom hija n-nullità tat-tkeċċijiet li ġiet ikkonstatata permezz tal-qrati, għandha tiġi kkunsidrata bħala li tmur kontra l-Artikolu 20 tal-Karta tad-Drittijiet tal-Bniedem tal-Unjoni Ewropea (2) u f’kull każ kontra l-prinċipju ġenerali ta’ ugwaljanza u ta’ nondiskriminazzjoni tad-dritt tal-Unjoni Ewropea?

(3)

Bl-istess mod, korp ġuridiku bħall-qorti tar-rinviju jista’ ma japplikax regola li tippermetti lill-Istat tar-Renju ta’ Spanja li jħallas direttament lill-impjegati, f’każ ta’ insolvenza tal-persuna li timpjegahom, is-salarji dovuti matul il-proċedura ta’ kontestazzjoni tat-tkeċċija tagħhom lil hinn mis-60 (illum: mid-90) ġurnata ta’ xogħol wara li titressaq it-talba, iżda unikament fil-każ ta’ tkeċċijiet li n-natura abbużiva tagħhom ġiet ikkonstatata permzz tal-qrati, bl-eskużjoni tal-każijiet li fihom hija n-nullità tat-tkeċċijiet li ġiet ikkonstatata permezz tal-qrati, meta ma ġiet ikkonstatata ebda differenza oġġettiva bejn l-ewwel xenarju jew it-tieni, f’din il-kwistjoni tas-salarji dovuti matul il-proċedura ta’ kontestazzjoni tat-tkeċċijiet?