EUR-Lex Access to European Union law
This document is an excerpt from the EUR-Lex website
Document 62008TN0378
Case T-378/08: Action brought on 10 September 2008 — Portugal v Commission
Kawża T-378/08: Rikors ippreżentat fl- 10 ta' Settembru 2008 — Il-Portugall vs Il-Kummisjoni
Kawża T-378/08: Rikors ippreżentat fl- 10 ta' Settembru 2008 — Il-Portugall vs Il-Kummisjoni
ĠU C 285, 8.11.2008, p. 51–51
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
8.11.2008 |
MT |
Il-Ġurnal Uffiċjali ta’ l-Unjoni Ewropea |
C 285/51 |
Rikors ippreżentat fl-10 ta' Settembru 2008 — Il-Portugall vs Il-Kummisjoni
(Kawża T-378/08)
(2008/C 285/91)
Lingwa tal-kawża: Il-Portugiż
Partijiet
Rikorrenti: Ir-Repubblika Portugiża (rappreżentant: L. Inez Fernandes u J. de Oliveira, aġenti)
Konvenuta: Il-Kummisjoni tal-Komunitajiet Ewropej
Talbiet tar-rikorrenti
— |
prinċipalment, tannulla l-att ta' talba għal ħlas tad-Direttur Ġenerali tad-DĠ Suq Intern u Servizzi, permezz tal-ittra MARKT/C2/PMS/bmg D(2008) 13692, tal-15 ta' Lulju 2008, intitolata “talba għall-ħlas tal-multa obbligatorja dovuta mir-Repubblika Portugiża bis-saħħa tas-sentenza C-70/06, Il-Kummissjoni vs Ir-Repubblika Portugiża”; |
— |
sussidjarjament, tannulla l-istess att, fil-parti fejn l-effetti tagħha jmorru lil hinn mid-29 ta' Jannar 2008; |
— |
tikkundanna lill-Kummisjoni Ewropea għall-ispejjeż jew, fil-każ fejn il-Qorti tal-Prim'Istanza tnaqqas l-ammont tal-multa, tikkundanna lil kull parti għall-ispejjeż tagħhom stess. |
Motivi u argumenti prinċipali
Ir-Repubblika Portugiża tallega li hija implementat f'kollox is-sentenzi tal-Qorti tal-Ġustizzja permezz tal-Liġi 67/2007, li ħassret espliċitament id-Digriet Liġi Nru 48051.
Ir-Repubblika Portugiża tallega wkoll li d-Direttur Ġenerali tad-DĠ Suq Intern u Servizzi ma kellux kompetenza jadotta l-att ikkontestat, li ma żgurax id-drittijiet tad-difiża tar-Repubblika Portugiża, li kien nieqes mill-fondatezza u li ġie adottat bi ksur ta' rekwiżiti proċedurali essenzjali.