This document is an excerpt from the EUR-Lex website
Document 52017BP1706
Resolution (EU) 2017/1706 of the European Parliament of 27 April 2017 with observations forming an integral part of the decision on discharge in respect of the implementation of the budget of the European Agency for Safety and Health at Work for the financial year 2015
Riżoluzzjoni (UE) 2017/1706 tal-Parlament Ewropew tas-27 ta' April 2017 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għas-Sigurtà u s-Saħħa fuq il-Post tax-Xogħol għas-sena finanzjarja 2015
Riżoluzzjoni (UE) 2017/1706 tal-Parlament Ewropew tas-27 ta' April 2017 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għas-Sigurtà u s-Saħħa fuq il-Post tax-Xogħol għas-sena finanzjarja 2015
ĠU L 252, 29.9.2017, p. 296–298
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
29.9.2017 |
MT |
Il-Ġurnal Uffiċjali tal-Unjoni Ewropea |
L 252/296 |
RIŻOLUZZJONI (UE) 2017/1706 TAL-PARLAMENT EWROPEW
tas-27 ta' April 2017
li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għas-Sigurtà u s-Saħħa fuq il-Post tax-Xogħol għas-sena finanzjarja 2015
IL-PARLAMENT EWROPEW,
— |
wara li kkunsidra d-deċiżjoni tiegħu dwar il-kwittanza għall-implimentazzjoni tal-baġit tal-Aġenzija Ewropea għas-Sigurtà u s-Saħħa fuq il-Post tax-Xogħol għas-sena finanzjarja 2015, |
— |
wara li kkunsidra l-Artikolu 94 u l-Anness IV tar-Regoli ta' Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A8-0116/2017), |
A. |
billi, skont ir-rapporti finanzjarji tagħha, il-baġit finali tal-Aġenzija Ewropea għas-Sigurtà u s-Saħħa fuq il-Post tax-Xogħol (“l-Aġenzija”) għas-sena finanzjarja 2015 kien ta' EUR 16 852 526, ammont li jirrappreżenta tnaqqis ta' 2,34 % meta mqabbel mal-2014; |
B. |
billi l-kontribuzzjoni tal-Unjoni għall-baġit tal-Aġenzija għas-sena finanzjarja 2015 kienet ta' EUR 14 732 995, ammont li jfisser żieda ta' 3,54 % meta mqabbel mal-2014; |
C. |
billi l-Qorti tal-Awdituri (il-“Qorti”), fir-rapport tagħha dwar il-kontijiet annwali tal-Aġenzija għas-sena finanzjarja 2015 (ir-“rapport tal-Qorti”), stqarret li kisbet assigurazzjonijiet raġonevoli li l-kontijiet annwali tal-Aġenzija huma affidabbli u li t-tranżazzjonijiet ta' bażi huma legali u regolari; |
D. |
billi, fil-kuntest tal-proċedura ta' kwittanza, l-awtorità ta' kwittanza tisħaq fuq l-importanza partikolari li l-leġittimità demokratika tal-istituzzjonijiet tal-Unjoni tissaħħaħ ulterjorment permezz ta' titjib fit-trasparenza u l-obbligu ta' rendikont, u l-implimentazzjoni tal-kunċett ta' bbaġitjar ibbażat fuq il-prestazzjoni u l-governanza tajba tar-riżorsi umani; |
Segwitu għall-kwittanza 2014
1. |
Jinnota li, skont ir-rapport tal-Qorti, fir-rigward ta' żewġ kummenti li saru fir-rapport 2014 tagħha, ittieħdu azzjonijiet korrettivi u issa l-azzjonijiet korrettivi għaż-żewġ kummenti huma mmarkati bħala “Mhux applikabbli” jew “Ikkompletati”; |
Ġestjoni baġitarja u finanzjarja
2. |
Jinnota li l-isforzi ta' monitoraġġ tal-baġit matul is-sena finanzjarja 2015 irriżultaw f'rata ta' implimentazzjoni tal-baġit ta' 97,5 %, li tfisser tnaqqis ta' 1,2 % meta mqabbla mal-2014, u li r-rata ta' eżekuzzjoni tal-approprjazzjonijiet ta' pagament kienet ta' 72,1 %, rata li tfisser tnaqqis ta' 3,50 %, meta mqabbla mal-2014; |
3. |
Jirrikonoxxi l-fatt li l-approċċ għall-ibbaġitjar tal-Aġenzija bbażat fuq l-attività, pilotat fl-2014, ġie implimentat bis-sħiħ fl-2015, u dan ippermetta lill-Aġenzija tippjana aktar bil-quddiem kif ukoll tenfasizza aktar il-kollaborazzjoni u l-ħidma f'tim fi ħdan l-organizzazzjoni; jirrikonoxxi, barra minn hekk, li l-Aġenzija għamlet ħafna progress fl-iżvilupp ta' għodda elettronika għal ġestjoni u bbaġitjar ibbażati fuq l-attività, li kellha tiġi implimentata fl-2016; jistieden lill-Aġenzija tinforma lill-awtorità ta' kwittanza dwar l-effetti li se jkollha l-implimentazzjoni tal-għodda elettronika fuq l-organizzazzjoni tagħha; |
Impenji u riporti
4. |
Jinnota li l-baġit allokat taħt it-Titolu II (nefqa amministrattiva) ġie implimentat għal-livell ta' 97,4 %; jinnota li, skont ir-rapport tal-Qorti, il-livell ta' approprjazzjonijiet impenjati għat-Titolu II kien jammonta għal 25,56 %, l-aktar minħabba s-servizzi b'kuntratt li jkopri sentejn kalendarji, kif ukoll minħabba servizzi tal-IT li kienu għadhom ma twasslux jew ma ġewx fatturati kompletament sa tmiem l-2015; |
5. |
Jinnota, barra minn hekk, li l-baġit allokat taħt it-Titolu III (nefqa operattiva) ġie implimentat għal-livell ta' 98,36 %; jinnota mir-rapport tal-Qorti li l-livell ta' approprjazzjonijiet impenjati għat-Titolu III kien jammonta għal 40,80 %, l-aktar minħabba proġetti ta' riċerka fuq skala kbira b'tul ta' żmien ta' aktar minn sena, u minħabba laqgħa tal-bord li saret f'Jannar 2016 u li suppost kellha tiġi organizzata fl-aħħar kwart tal-2015; |
6. |
Jinnota li r-riporti ħafna drabi jistgħu jkunu parzjalment jew għalkollox ġustifikabbli min-natura pluriennali tal-programmi operattivi tal-aġenziji, li mhux neċessarjament jindikaw dgħufijiet fl-ippjanar u fl-implimentazzjoni tal-baġit, u mhux dejjem imorru kontra l-prinċipju baġitarju tal-annwalità, b'mod partikolari jekk ikunu ppjanati minn qabel mill-Aġenzija u kkomunikati lill-Qorti; |
Trasferimenti
7. |
Jinnota li matul is-sena finanzjarja 2015 twettqu 10 trasferimenti baġitarji li jammontaw għal EUR 723 300, sabiex jiġu allokati mill-ġdid riżorsi minn oqsma fejn ġie identifikat iffrankar baġitarju lejn oqsma b'riżorsi skarsi, u b'hekk jiġi żgurat li jintlaħqu l-objettivi tas-sena; jinnota b'sodisfazzjon li, skont ir-rapport ta' attività annwali, il-livell u n-natura tat-trasferimenti fl-2015 baqgħu fi ħdan il-limiti tar-regoli finanzjarji; |
Proċeduri ta' akkwist u ta' reklutaġġ
8. |
Jinnota li fl-2015 l-Aġenzija kkuntrattat oġġetti u servizzi għal ammont totali ta' EUR 7 926 184; jinnota, barra minn hekk, li 16,64 % tal-ammont tal-akkwist ġie aġġudikat permezz ta' erba' proċeduri miftuħa u 11,41 % permezz ta' 77 proċedura negozjata; jinnota li 64,73 % tal-ammont tal-akkwist ġie impenjat permezz ta' 170 kuntratt speċifiku jew ordni ta' xiri skont kuntratti qafas, u 7,22 % permezz ta' ftehimiet dwar il-livell ta' servizz u kuntratti qafas tal-Kummissjoni; |
9. |
Josserva li fl-2015 l-Aġenzija għamlet progress sinifikanti rigward l-implimentazzjoni tar-Regolamenti tal-Persunal tal-2013, filwaqt li żgurat li r-regoli u l-proċeduri interni tagħha kienu allinjati; jinnota li tnieda proċess ta' akkwist pubbliku għal konsulenti esterni biex jagħtu parir dwar l-istruttura u l-organizzazzjoni tal-ħidma tal-Aġenzija u biex jidentifikaw l-għażliet biex jiġu mmassimizzati r-riżorsi umani u finanzjarji permezz ta' titjib fl-effiċjenza u l-effikaċja, u b'hekk jintlaħqu bl-aħjar mod l-objettivi stabbiliti fil-programm strateġiku pluriennali tal-Aġenzija 2014-2020; jinnota li l-Aġenzija mliet sitt postijiet battala matul l-2015 filwaqt li kellhom jitlestew żewġ proċeduri ta' reklutaġġ fl-2016; |
10. |
Jirrikonoxxi l-fatt li, billi kkanċellat żewġ karigi ta' aġenti temporanji fil-grad AST fl-2015, l-Aġenzija naqqset l-għadd ta' membri tal-persunal tagħha b'5 %, f'konformità mal-prinċipji ġenerali stabbiliti fil-Ftehim Interistituzzjonali dwar id-dixxiplina baġitarja (1); jinnota li l-Kummissjoni kklassifikat lill-Aġenzija bħala “aġenzija li qiegħda taħdem b'mod stabbli”, u dan jimplika tnaqqis addizzjonali ta' 5 % u l-kanċellazzjoni ta' kariga waħda fil-grad AST fl-2016; jistieden lill-Kummissjoni tiżgura li miżuri ulterjuri ta' ffrankar potenzjali ma jxekklux l-abbiltà tal-Aġenzija li twettaq il-mandat tagħha; |
Prevenzjoni u ġestjoni tal-kunflitti ta' interess u t-trasparenza
11. |
Jirrikonoxxi li l-bord tat-tmexxija tal-Aġenzija adotta strateġija kontra l-frodi abbażi tal-linji gwida maħruġa mill-Uffiċċju Ewropew Kontra l-Frodi (OLAF) għall-aġenziji tal-Unjoni; jinnota li l-objettivi tal-istrateġija kontra l-frodi, li tkopri mill-2015-2018, saru operattivi permezz ta' pjan ta' azzjoni dettaljat u li l-implimentazzjoni tagħha qed tiġi mmonitorjata mill-Bureau tal-Aġenzija; jinnota b'sodisfazzjon li matul l-2015 ma tressaq l-ebda każ quddiem l-OLAF u li l-OLAF ma ta bidu għall-ebda każ li jikkonċerna l-attività tal-Aġenzija fuq il-bażi ta' sorsi oħra ta' informazzjoni; |
12. |
Jinnota li l-Aġenzija għad trid timplimenta regoli interni dwar l-iżvelar ta' informazzjoni protetta; jinnota li l-Aġenzija qed tistenna linji gwida mill-Kummissjoni; jistieden lill-Aġenzija tadotta regoli li se jippermettu li l-politika interna tagħha dwar l-iżvelar ta' informazzjoni protetta trawwem kultura ta' trasparenza u obbligu ta' rendikont fuq il-post tax-xogħol, tinforma u tħarreġ fuq bażi regolari lill-impjegati dwar dmirijiethom u drittijiethom fir-rigward ta' dik il-politika, tiżgura l-protezzjoni tal-informaturi minn rappreżalja, tagħti segwitu f'waqtu dwar is-sustanza tat-twissijiet tal-informaturi u tistabbilixxi mezz għal rappurtar intern anonimu; jitlob lill-Aġenzija tippubblika rapporti annwali dwar l-għadd ta' każijiet ta' żvelar ta' informazzjoni protetta u dwar is-segwitu tagħhom u biex tipprovdi dawk ir-rapporti lill-awtorità ta' kwittanza, jitlob lill-Aġenzija tirrapporta lill-awtorita' ta' kwittanza meta r-regoli tagħha dwar l-iżvelar ta' informazzjoni protetta jkunu ġew stabbiliti u implimentati; |
13. |
Jinnota bi tħassib li l-politika tal-Aġenzija dwar il-prevenzjoni u l-ġestjoni tal-kunflitti ta' interess ma tqisx lill-membri tal-persunal estern, il-persunal interim u l-esperti nazzjonali sekondati; jistieden lill-Aġenzija taġġorna l-politika tagħha biex tinkludi lill-membri esterni tal-persunal, il-persunal interim u l-esperti nazzjonali sekondati u tirrapporta lill-awtorità ta' kwittanza; |
14. |
Jinnota li s-sit web tal-Aġenzija tfassal mill-ġdid kompletament u tnieda mill-ġdid fl-2015, huwa disponibbli b'25 lingwa, u ġie kkomplementat minn “wiki tal-OSH”, li jipprovdi informazzjoni dettaljata fuq firxa wiesgħa ta' suġġetti dwar is-sigurtà u s-saħħa; jinnota b'sodisfazzjon li, bħala parti mill-proġett, l-Aġenzija ħadmet maċ-Ċentru tat-Traduzzjoni biex tiżviluppa funzjonalità ġdida fil-back office tas-sit web li tiffaċilita bil-kbir il-ġestjoni tat-traduzzjonijiet, u li din il-funzjonalità issa qed issir disponibbli għal aġenziji u korpi oħrajn; |
Awditu intern
15. |
Jinnota li l-Aġenzija ma kellhiex rakkomandazzjonijiet “kritiċi” jew “importanti ħafna” miftuħa mill-awditi mwettqa mis-servizz ta' awditjar intern tal-Kummissjoni (IAS) fi tmiem l-2015; jirrikonoxxi l-fatt li l-aħħar rakkomandazzjoni miftuħa mmarkata bħala “importanti ħafna” u li rriżultat mill-awditu tal-IAS tal-2013 dwar “ir-rappurtar u l-elementi kostitwenti ta' assigurazzjoni” ġiet immarkata bħala “magħluqa” mill-IAS f'Ġunju 2015; jinnota, barra minn hekk, li l-Aġenzija ħadet passi dwar l-aħħar rakkomandazzjonijiet miftuħa mill-awditi tal-IAS tal-2012 u l-2013, li ġew ippreżentati lill-IAS għal rieżami; |
Prestazzjoni
16. |
Jirrikonoxxi li l-pjan ta' kontinwità tan-negozju tal-Aġenzija ġie kompletament rivedut u ttestjat, u li l-verżjoni finali ġiet adottata; jinnota li t-tim tal-ICT tal-Aġenzija daħal f'kollaborazzjoni mal-Iskwadra ta' Rispons għal Inċidenti relatati mas-Sigurtà tal-Kompjuters tal-Unjoni biex titjieb is-sigurtà tal-IT; josserva li l-Aġenzija implimentat l-għodda tagħha stess biex tirreġistra kwistjonijiet relatati mas-softwer, u b'hekk għamlet il-fornituri aktar responsabbli u ppermettiet li l-istorja ta' kwistjoni tiġi aċċessata b'aktar faċilità; |
Kummenti oħra
17. |
Jirrikonoxxi r-rwol li l-Aġenzija qed taqdi fl-implimentazzjoni tal-Qafas Strateġiku tal-UE dwar is-Saħħa u s-Sikurezza Okkupazzjonali 2014-2020; jinnota l-valur tal-ħidma tal-Aġenzija f'dan ir-rigward, kif ukoll il-ħidma mwettqa mill-Kumitat Xjentifiku għal-Limiti tal-Espożizzjoni għal Sustanzi Kimiċi fuq ix-Xogħol u l-Kumitat ta' Konsulenza dwar is-Sigurtà u s-Saħħa fuq il-Post tax-Xogħol fil-kuntest tal-limiti vinkolanti tal-espożizzjoni għal karċinoġeni u mutaġeni fuq ix-xogħol fid-Direttiva 2004/37/KE (2); |
18. |
Japprezza l-kontribut tal-Aġenzija għall-promozzjoni tas-saħħa u s-sigurtà fuq il-postijiet tax-xogħol madwar l-Unjoni u lil hinn minnha; jinnota l-progress li sar fl-implimentazzjoni tal-Programm Strateġiku Pluriennali tagħha, b'mod partikolari l-proġett pilota dwar “Aktar saħħa u sigurtà fuq il-post tax-xogħol f'kull età” u l-għodda interattiva għall-valutazzjoni tar-riskju online (OiRA); |
19. |
Jistieden lill-Aġenzija tkompli tissorvelja mill-qrib, tanalizza u tirrapporta dwar il-kundizzjonijiet tas-saħħa u s-sigurtà fuq il-post tax-xogħol u toħroġ b'inizjattivi sabiex ittejjibhom; |
20. |
Jirreferi, fir-rigward tal-kummenti l-oħrajn li jakkumpanjaw id-deċiżjoni tiegħu dwar il-kwittanza, li huma ta' natura orizzontali, għar-riżoluzzjoni tiegħu tas-27 ta' April 2017 (3) dwar il-prestazzjoni, il-ġestjoni finanzjarja u l-kontroll tal-aġenziji. |
(1) Il-Ftehim Interistituzzjonali tat-2 ta' Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f'materji ta' baġit u dwar ġestjoni finanzjarja tajba (ĠU C 373, 20.12.2013, p. 1).
(2) Id-Direttiva 2004/37/KE tal-Parlament ewropew u l-kunsill tad-29 ta' April 2004 dwar il-protezzjoni tal-ħaddiema minn riskji relatati mal-esposizzjoni għal karċinoġeni jew mutaġeni fuq il-post tax-xogħol (Sitt Direttiva individwali fis-sens tal-Artikolu 16(1) tad-Direttiva tal-Kunsill 89/391/KEE) (ĠU L 158, 30.4.2004, p. 50).
(3) Testi adottati ta' dik id-data, P8_TA(2017)0155 (ara l-paġna 372 ta' dan il-Ġurnal Uffiċjali).