EUR-Lex Access to European Union law
This document is an excerpt from the EUR-Lex website
Document 32022R1619
Commission Implementing Regulation (EU) 2022/1619 of 19 September 2022 amending Annex XIII to Implementing Regulation (EU) 2021/404 as regards the entry for Botswana in the list of third countries authorised for the entry into the Union of consignments of fresh meat of certain ungulates (Text with EEA relevance)
Regolament ta’ Implimentazzjoni tal-Kummissjoni (UE) 2022/1619 tad-19 ta’ Settembru 2022 li jemenda l-Anness XIII tar-Regolament ta’ Implimentazzjoni (UE) 2021/404 fir-rigward tal-entrata għall-Botswana fil-lista ta’ pajjiżi terzi awtorizzati għad-dħul fl-Unjoni ta’ konsenji ta’ laħam frisk ta’ ċerti ungulati (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2022/1619 tad-19 ta’ Settembru 2022 li jemenda l-Anness XIII tar-Regolament ta’ Implimentazzjoni (UE) 2021/404 fir-rigward tal-entrata għall-Botswana fil-lista ta’ pajjiżi terzi awtorizzati għad-dħul fl-Unjoni ta’ konsenji ta’ laħam frisk ta’ ċerti ungulati (Test b’rilevanza għaż-ŻEE)
C/2022/6789
ĠU L 243, 20.9.2022, p. 141–143
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32021R0404 | Żieda | anness XIII parti 1 Test | 21/09/2022 | |
Modifies | 32021R0404 | Żieda | anness XIII parti 2 Test | 21/09/2022 | |
Modifies | 32021R0404 | Sostituzzjoni | anness XIII parti 2 Test | 21/09/2022 |
20.9.2022 |
MT |
Il-Ġurnal Uffiċjali tal-Unjoni Ewropea |
L 243/141 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/1619
tad-19 ta’ Settembru 2022
li jemenda l-Anness XIII tar-Regolament ta’ Implimentazzjoni (UE) 2021/404 fir-rigward tal-entrata għall-Botswana fil-lista ta’ pajjiżi terzi awtorizzati għad-dħul fl-Unjoni ta’ konsenji ta’ laħam frisk ta’ ċerti ungulati
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikolu 230(1) tiegħu,
Billi:
(1) |
Ir-Regolament (UE) 2016/429 jistabbilixxi, fost l-oħrajn, ir-rekwiżiti tas-saħħa tal-annimali għad-dħul fl-Unjoni ta’ konsenji ta’ annimali, ta’ prodotti ġerminali u ta’ prodotti li joriġinaw mill-annimali, u japplika mill-21 ta’ April 2021. Wieħed minn dawk ir-rekwiżiti tas-saħħa tal-annimali hu li dawk il-konsenji jridu jkunu ġejjin minn pajjiż terz jew territorju, żona jew kompartiment tiegħu, kif elenkat f’konformità mal-Artikolu 230(1) ta’ dak ir-Regolament. |
(2) |
Ir-Regolament Delegat tal-Kummissjoni (UE) 2020/692 (2) jissupplimenta r-Regolament (UE) 2016/429 fir-rigward tar-rekwiżiti tas-saħħa tal-annimali għad-dħul fl-Unjoni ta’ konsenji ta’ ċerti speċijiet u kategoriji ta’ annimali, prodotti ġerminali u prodotti li joriġinaw mill-annimali minn pajjiżi terzi jew territorji jew żoni tagħhom, jew minn kompartimenti tagħhom fil-każ ta’ annimali tal-akkwakultura. Ir-Regolament Delegat (UE) 2020/692 jipprevedi li konsenji ta’ annimali, ta’ prodotti ġerminali u ta’ prodotti li joriġinaw mill-annimali li jaqgħu fil-kamp ta’ applikazzjoni tiegħu jistgħu jitħallew jidħlu fl-Unjoni biss jekk ikunu ġejjin minn pajjiż terz jew territorju, jew żona jew kompartiment tiegħu, kif elenkat għall-ispeċijiet u l-kategoriji partikolari tal-annimali, tal-prodotti ġerminali u tal-prodotti li joriġinaw mill-annimali f’konformità mar-rekwiżiti tas-saħħa tal-annimali stabbiliti f’dak ir-Regolament Delegat. |
(3) |
Ir-Regolament ta’ Implimentazzjoni tal-Kummissjoni (UE) 2021/404 (3) jistabbilixxi l-listi ta’ pajjiżi terzi, territorji jew żoni jew kompartimenti tagħhom, li minnhom hu permess id-dħul fl-Unjoni ta’ dawk l-ispeċijiet u l-kategoriji tal-annimali, tal-prodotti ġerminali u tal-prodotti li joriġinaw mill-annimali li jaqgħu fil-kamp ta’ applikazzjoni tar-Regolament Delegat (UE) 2020/692. |
(4) |
B’mod partikolari, l-Anness XIII tar-Regolament ta’ Implimentazzjoni (UE) 2021/404 jistabbilixxi l-lista ta’ pajjiżi terzi, territorji jew żoni tagħhom awtorizzati għad-dħul fl-Unjoni ta’ konsenji ta’ laħam frisk ta’ ċerti ungulati. |
(5) |
Fit-30 ta’ Awwissu 2022, il-Botswana nnotifikat lill-Kummissjoni dwar tifqigħa tal-marda tal-ilsien u d-dwiefer (FMD). It-tifqigħa tinsab fiż-Żona ta’ Butale, fir-Reġjun tal-Grigal ta’ dak il-pajjiż terz u fiż-żona ta’ kontroll tal-mard 6b deżinjata mill-awtoritajiet kompetenti tal-Botswana, u ġiet ikkonfermata fis-27 ta’ Awwissu 2022 permezz ta’ analiżi tal-laboratorju (RT-PCR). |
(6) |
Il-lista ta’ pajjiżi terzi, territorji jew żoni tagħhom stabbilita fl-Anness XIII tar-Regolament (UE) 2021/404 tispeċifika li huwa awtorizzat id-dħul fl-Unjoni ta’ konsenji ta’ laħam frisk ta’ ċerti ungulati miż-żona BW-5 fil-Botswana, li tikkonsisti miż-żoni ta’ kontroll tal-mard 6a u 6b. |
(7) |
Minħabba r-riskju ta’ introduzzjoni tal-FMD fl-Unjoni marbut mad-dħul ta’ konsenji ta’ laħam frisk ta’ ċerti ungulati miż-żona ta’ kontroll tal-mard 6b fil-Botswana, jenħtieġ li ma jibqax jiġi awtorizzat id-dħul fl-Unjoni ta’ dawn il-konsenji. |
(8) |
Għalhekk, l-entrata għall-Botswana fil-lista ta’ pajjiżi terzi, territorji jew żoni tagħhom stabbilita fl-Anness XIII tar-Regolament ta’ Implimentazzjoni (UE) 2021/404 jenħtieġ li tiġi emendata biex titqies is-sitwazzjoni epidemjoloġika attwali f’dak il-pajjiż terz. |
(9) |
Għaldaqstant jenħtieġ li l-Anness XIII tar-Regolament ta’ Implimentazzjoni tal-Kummissjoni (UE) 2021/404 jiġi emendat kif xieraq. |
(10) |
Filwaqt li titqies is-sitwazzjoni epidemjoloġika attwali fil-Botswana fir-rigward tal-FMD, l-emendi li jridu jsiru fir-Regolament ta’ Implimentazzjoni (UE) 2021/404 b’dan ir-Regolament jenħtieġ li jsiru effettivi b’urġenza. |
(11) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness XIII tar-Regolament ta’ Implimentazzjoni (UE) 2021/404 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta’ Settembru 2022.
Għall-Kummissjoni
Il-President
Ursula VON DER LEYEN
(2) Ir-Regolament Delegat tal-Kummissjoni (UE) 2020/692 tat-30 ta’ Jannar 2020 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għad-dħul fl-Unjoni, u l-moviment u l-immaniġġjar wara d-dħul ta’ konsenji ta’ ċerti annimali, prodotti ġerminali u prodotti li joriġinaw mill-annimali (ĠU L 174, 3.6.2020, p. 379).
(3) Ir-Regolament ta’ Implimentazzjoni tal-Kummissjoni (UE) 2021/404 tal-24 ta’ Marzu 2021 li jistabbilixxi l-listi ta’ pajjiżi terzi, territorji jew żoni tagħhom li minnhom huwa permess id-dħul fl-Unjoni ta’ annimali, prodotti ġerminali u prodotti li joriġinaw mill-annimali f’konformità mar-Regolament (UE) 2016/429 tal-Parlament Ewropew u tal-Kunsill (ĠU L 114, 31.3.2021, p. 1).
ANNESS
L-Anness XIII tar-Regolament ta’ Implimentazzjoni (UE) 2021/404 huwa emendat kif ġej:
(1) |
Fil-Parti 1, tiddaħħal l-entrata li ġejja għaż-żona BW-6 fil-Botswana bejn l-entrata għaż-żona BW-5 fil-Botswana u l-entrata għaż-żona BZ-0 fil-Belize:
|
(2) |
Fil-Parti 2, l-entrata għall-Botswana hija emendata kif ġej:
|