“ANNESS VII

KONTABBILTÀ TAL-ENERĠIJA RINNOVABBLI UŻATA GĦAT-TISĦIN U T-TKESSIĦ

PARTI A: KONTABBILTÀ TAL-ENERĠIJA RINNOVABBLI MILL-POMPI TAS-SĦANA UŻATI GĦAT-TISĦIN

L-ammont tal-enerġija aerotermali, ġeotermali jew idrotermali maqbuda mill-pompi tas-sħana li għandu jiġi kkunsidrat bħala enerġija rinnovabbli għall-finijiet ta’ din id-Direttiva, ERES, għandu jiġi kkalkolat skont il-formola li ġejja:

ERES = Qusable * (1 – 1/SPF)

fejn

—	Qusable	=	is-sħana totali utilizzabbli stmata pprovduta mill-pompi tas-sħana li jissodisfaw il-kriterji msemmija fl-Artikolu 7(4), implimentati kif ġej: Għandhom jittieħdu inkunsiderazzjoni biss il-pompi tas-sħana li għalihom SPF > 1,15 * 1/η,
—	SPF	=	il-fattur tal-prestazzjoni staġunali medja stmata għal dawk il-pompi tas-sħana,
—	η	=	il-proporzjon bejn il-produzzjoni grossa totali ta’ elettriku u l-konsum ta’ enerġija primarja għall-produzzjoni tal-elettriku u għandha tiġi kkalkulata bħala medja tal-UE bbażata fuq id-data tal-Eurostat.

PARTI B: KONTABBILTÀ TAL-ENERĠIJA RINNOVABBLI UŻATA GĦAT-TKESSIĦ

1.   DEFINIZZJONIJIET

Meta tiġi kkalkolata l-enerġija rinnovabbli użata għat-tkessiħ, għandhom japplikaw id-definizzjonijiet li ġejjin:

(1)

“tkessiħ” tfisser l-estrazzjoni tas-sħana minn spazju magħluq jew fuq ġewwa (applikazzjoni ta’ kumdità) jew minn proċess sabiex it-temperatura tal-ispazju jew tal-proċess titnaqqas jew tinżamm f’temperatura speċifikata (punt stabbilit); għas-sistemi tat-tkessiħ, is-sħana estratta tiġi mormija u assorbita mill-arja ambjentali, mill-ilma ambjentali jew mill-art, fejn l-ambjent (l-arja, l-art, u l-ilma) jipprovdi bir għas-sħana estratta u għalhekk jaħdem bħala sors kiesaħ;

(2)

“sistema tat-tkessiħ” tfisser assemblaġġ ta’ komponenti li jikkonsistu f’sistema ta’ estrazzjoni tas-sħana, apparat tat-tkessiħ wieħed jew aktar u sistema ta’ rimi tas-sħana, ikkumplimentati fil-każ tat-tkessiħ attiv b’mezz tat-tkessiħ fil-forma ta’ fluwidu, li jaħdmu flimkien biex jiġġeneraw trasferiment tas-sħana speċifikat u, b’hekk, jiżguraw temperatura meħtieġa; (a) għat-tkessiħ tal-ispazju, is-sistema tat-tkessiħ tista’ tkun sistema tat-tkessiħ liberu jew sistema tat-tkessiħ li tinkorpora ġeneratur tat-tkessiħ, u li għaliha t-tkessiħ huwa waħda mill-funzjonijiet primarji; (b) għat-tkessiħ tal-proċess, is-sistema tat-tkessiħ qed tinkorpora ġeneratur tat-tkessiħ, u li t-tkessiħ tiegħu huwa waħda mill-funzjonijiet primarji;

(3)	“tkessiħ liberu” tfisser sistema tat-tkessiħ li tuża sors tat-tkessiħ naturali sabiex toħroġ is-sħana mill-ispazju jew mill-proċess li għandha titkessaħ permezz ta’ trasportazzjoni ta’ fluwidu(i) b’pompa(i) u/jew fann(ijiet) u li ma teħtieġx l-użu ta’ ġeneratur tat-tkessiħ;

(4)

“ġeneratur tat-tkessiħ” tfisser il-parti ta’ sistema tat-tkessiħ li tiġġenera differenza fit-temperatura li tippermetti l-estrazzjoni tas-sħana mill-ispazju jew mill-proċess li jrid jiġi mkessaħ, bl-użu ta’ ċiklu ta’ kompressjoni tal-fwar, ċiklu ta’ sorbiment jew potenzjat minn ċiklu termodinamiku ieħor, użat meta s-sors kiesaħ ikun indisponibbli jew insuffiċjenti;

(5)	“tkessiħ attiv” tfisser it-tneħħija tas-sħana minn spazju jew minn proċess, li għalih ikun meħtieġ input ta’ enerġija biex tiġi ssodisfata d-domanda għat-tkessiħ, użata meta l-fluss naturali tal-enerġija ikun indisponibbli jew insuffiċjenti u jista’ jseħħ b’ġeneratur tat-tkessiħ jew mingħajru;

(6)

“tkessiħ passiv” tfisser it-tneħħija tas-sħana permezz tal-fluss naturali tal-enerġija permezz ta’ trażmissjoni, konvezzjoni, radjazzjoni jew trasferiment tal-massa mingħajr il-ħtieġa li fluwidu tat-tkessiħ jiġi ttrasportat sabiex tiġi estratta u mormija s-sħana jew sabiex tiġi ġġenerata temperatura aktar baxxa b’ġeneratur tat-tkessiħ, inkluż it-tnaqqis tal-ħtieġa għat-tkessiħ permezz ta’ karatteristiċi tad-disinn tal-bini, bħall-iżolament tal-bini, is-soqfa ħodor, il-ħitan veġetali, il-ġenerazzjoni tad-dell jew iż-żieda fil-massa tal-binja, bil-ventilazzjoni jew bl-użu ta’ fannijiet għall-użu personali;

(7)	“ventilazzjoni” tfisser il-moviment naturali jew sfurzat tal-arja biex tiġi introdotta l-arja ambjentali fi spazju bl-għan li tiġi żgurata kwalità xierqa tal-arja ta’ ġewwa, inkluża t-temperatura;

(8)	“fann għall-użu personali” tfisser prodott li jinkludi assemblaġġ ta’ fann u mutur elettriku biex iċaqlaq l-arja u jipprovdi kumdità fis-sajf billi jżid il-veloċità tal-arja madwar il-ġisem tal-bniedem u jagħti sensazzjoni termali tat-tkessiħ;

(9)	“kwantità ta’ enerġija rinnovabbli għat-tkessiħ” tfisser il-provvista tat-tkessiħ li tkun ġiet iġġenerata b’effiċjenza enerġetika speċifikata espressa bħala Fattur ta’ Prestazzjoni Staġunali kkalkolat fl-enerġija primarja;

(10)	“bir tas-sħana” jew “sors kiesaħ” tfisser bir naturali estern li fih tiġi ttrasferita s-sħana estratta mill-ispazju jew mill-proċess; tista’ tkun arja ambjentali, ilma ambjentali fil-forma ta’ korpi tal-ilma naturali jew artifiċjali u formazzjonijiet ġeotermali taħt il-wiċċ ta’ art solida;

(11)	“sistema ta’ estrazzjoni tas-sħana” tfisser apparat li jneħħi s-sħana mill-ispazju jew mill-proċess li għandu jitkessaħ, bħal evaporatur f’ċiklu ta’ kompressjoni tal-fwar;

(12)	“apparat tat-tkessiħ” tfisser apparat iddisinjat biex iwettaq tkessiħ attiv;

(13)	“sistema ta’ rifjut tas-sħana” tfisser l-apparat fejn iseħħ it-trasferiment finali tas-sħana mill-mezz tat-tkessiħ għall-bir tas-sħana, bħall-kondensatur tal-arja għar-refriġerant f’ċiklu ta’ kompressjoni tal-fwar imkessaħ bl-arja;

(14)	“input tal-enerġija” tfisser l-enerġija meħtieġa għat-trasport tal-fluwidu (tkessiħ liberu), jew l-enerġija meħtieġa għat-trasport tal-fluwidu u għat-tħaddim tal-ġeneratur tat-tkessiħ (tkessiħ attiv b’ġeneratur tat-tkessiħ);

(15)	“tkessiħ distrettwali” tfisser id-distribuzzjoni tal-enerġija termali fil-forma ta’ likwidi mkessħa, minn sorsi ċentrali jew deċentralizzati ta’ produzzjoni permezz ta’ network għal diversi binjiet jew siti, għall-użu tat-tkessiħ ta’ spazju jew proċess;

(16)	“fattur ta’ prestazzjoni staġunali primarja” tfisser metrika tal-effiċjenza tal-konverżjoni tal-enerġija primarja tas-sistema tat-tkessiħ;

(17)	“sigħat ekwivalenti ta’ tagħbija sħiħa” tfisser l-għadd ta’ sigħat li sistema tat-tkessiħ taħdem b’tagħbija sħiħa biex tipproduċi l-ammont tat-tkessiħ li fil-fatt tipproduċi matul sena iżda b’tagħbijiet li jvarjaw;

(18)	“Jiem ta’ Gradi ta’ Tkessiħ” tfisser il-valuri klimatiċi kkalkolati b’bażi ta’ 18 °C użati bħala input biex jiġu ddeterminati sigħat ekwivalenti ta’ tagħbija sħiħa.

2.   AMBITU

1.	Meta jikkalkulaw l-ammont ta’ enerġija rinnovabbli użata għat-tkessiħ, l-Istati Membri għandhom jgħoddu t-tkessiħ attiv, inkluż it-tkessiħ distrettwali, irrispettivament minn jekk jintużax tkessiħ liberu jew ġeneratur tat-tkessiħ.

2.

L-Istati Membri ma għandhomx jgħoddu: (a) it-tkessiħ passiv, għalkemm fejn l-arja tal-ventilazzjoni tintuża bħala mezz għat-trasport tas-sħana għat-tkessiħ, il-provvista korrispondenti tat-tkessiħ, li tista’ tiġi pprovduta jew minn ġeneratur tat-tkessiħ jew bi tkessiħ liberu hija parti mill-kalkolu tat-tkessiħ rinnovabbli. (b) it-teknoloġiji jew il-proċessi tat-tkessiħ li ġejjin: (i) it-tkessiħ f’mezzi ta’ trasport (1); (ii) is-sistemi tat-tkessiħ li l-funzjoni primarja tagħhom hija li jipproduċu jew jaħżnu materjali li jitħassru f’temperaturi speċifikati (refriġerazzjoni u ffriżar); (iii) is-sistemi tat-tkessiħ b’punti stabbiliti tat-temperatura tat-tkessiħ tal-ispazju jew tal-proċess inqas minn 2 °C; (iv) is-sistemi tat-tkessiħ b’punti stabbiliti tat-temperatura tat-tkessiħ tal-ispazju jew tal-proċess ogħla minn 30 °C; (v) it-tkessiħ tas-sħana mormija li tirriżulta mill-ġenerazzjoni tal-enerġija, mill-proċessi industrijali u mis-settur terzjarju (sħana mormija) (2). (c) l-enerġija użata għat-tkessiħ fl-impjanti tal-ġenerazzjoni tal-enerġija; il-manifattura tas-siment, tal-ħadid u tal-azzar; l-impjanti għat-trattament tal-ilma mormi; il-faċilitajiet tat-teknoloġija tal-informazzjoni (bħaċ-ċentri tad-data); il-faċilitajiet għat-trażmissjoni u d-distribuzzjoni tal-enerġija; u l-infrastrutturi tat-trasport.

L-Istati Membri jistgħu jeskludu aktar kategoriji ta’ sistemi tat-tkessiħ mill-kalkolu tal-enerġija rinnovabbli użata għat-tkessiħ sabiex jippreżervaw is-sorsi ta’ kesħa naturali f’żoni ġeografiċi speċifiċi għal raġunijiet ta’ protezzjoni ambjentali. Xi eżempji jinkludu l-protezzjoni tax-xmajjar jew tal-lagi mir-riskju ta’ tisħin żejjed.

3.   METODOLOĠIJA GĦALL-KONTABBILTÀ TAL-ENERĠIJA RINNOVABBLI GĦAT-TKESSIĦ INDIVIDWALI U DISTRETTWALI

Is-sistemi tat-tkessiħ li joperaw ’il fuq mir-rekwiżit ta’ effiċjenza minima espress bħala Fattur ta’ Prestazzjoni Staġunali primarju (SPFp) fit-tieni paragrafu tat-Taqsima 3.2 biss għandhom jitqiesu li jipproduċu l-enerġija rinnovabbli.

3.1.   Kwantità tal-enerġija rinnovabbli għat-tkessiħ

Il-kwantità tal-enerġija rinnovabbli għat-tkessiħ (ERES-C) għandha tiġi kkalkolata bil-formula li ġejja:

fejn:

hija l-ammont ta’ sħana rilaxxat fl-arja ambjentali, fl-ilma ambjentali jew fl-art mis-sistema tat-tkessiħ (3);

EINPUT hija l-konsum tal-enerġija tas-sistema tat-tkessiħ, inkluż il-konsum tal-enerġija tas-sistemi awżiljarji għal sistemi mkejla, bħat-tkessiħ distrettwali;

hija l-enerġija tat-tkessiħ ipprovduta mis-sistema tat-tkessiħ (4);

huwa ddefinit fil-livell tas-sistema tat-tkessiħ bħala s-sehem tal-provvista tat-tkessiħ li jista’ jitqies bħala rinnovabbli skont ir-rekwiżiti ta’ SPF, espress bħala perċentwal. SPF huwa stabbilit mingħajr ma jiġi kontabilizzat it-telf mid-distribuzzjoni. Għat-tkessiħ distrettwali, dan ifisser li SPF jiġi stabbilit għal kull ġeneratur tat-tkessiħ, jew fil-livell tas-sistema tat-tkessiħ liberu. Għas-sistemi tat-tkessiħ fejn jista’ japplika SPF standard, il-koeffiċjenti F(1) u F(2) skont ir-Regolament tal-Kummissjoni (UE) 2016/2281 (5) u l-Komunikazzjoni tal-Kummissjoni (6) relatata ma jintużawx bħala fatturi ta’ korrezzjoni.

Għal 100 % tkessiħ rinnovabbli potenzjat mis-sħana (assorbiment u assorbiment) it-tkessiħ ikkonsenjat jenħtieġ li jitqies kompletament rinnovabbli.

Il-passi tal-kalkolu meħtieġa għal

u

huma spjegati fit-Taqsimiet 3.2 sa 3.4.

3.2.   Kalkolu tas-sehem tal-Fattur ta’ Prestazzjoni Staġunali li jikkwalifika bħala enerġija rinnovabbli –

SSPF hija s-sehem tal-provvista tat-tkessiħ li jista’ jitqies bħala rinnovabbli.

jiżdied billi jiżdiedu l-valuri ta’ SPFp. SPFp  (7) huwa ddefinit kif deskritt fir-Regolament tal-Kummissjoni (UE) 2016/2281 u fir-Regolament tal-Kummissjoni (UE) Nru 206/2012 (8), ħlief li l-fattur prestabbilit tal-enerġija primarja għall-elettriku ġie aġġornat għal 2,1 fid-Direttiva 2012/27/UE (kif emendata mid-Direttiva (UE) 2018/2002 (9)) tal-Parlament Ewropew u tal-Kunsill. Għandhom jintużaw kundizzjonijiet tal-konfini mill-istandard EN14511.

Ir-rekwiżit tal-effiċjenza minima tas-sistema tat-tkessiħ espress bħala fattur ta’ prestazzjoni staġunali primarju għandu jkun tal-anqas 1,4 (SPFpLOW ). Sabiex

ikun 100 %, ir-rekwiżit ta’ effiċjenza minima tas-sistema tat-tkessiħ għandu jkun tal-anqas 6 (SPFpHIGH ). Għas-sistemi tat-tkessiħ l-oħra kollha għandu jiġi applikat il-kalkolu li ġej:

SPFP hija l-effiċjenza tas-sistema tat-tkessiħ espressa bħala fattur primarju tal-prestazzjoni staġunali;

hija l-fattur minimu tal-prestazzjoni staġunali espress fl-enerġija primarja u bbażat fuq l-effiċjenza ta’ sistemi standard tat-tkessiħ (rekwiżiti minimi tal-ekodisinn);

hija s-soll massimu għall-fattur ta’ prestazzjoni staġunali espress fl-enerġija primarja u bbażat fuq l-aħjar prattiki għat-tkessiħ liberu użat fit-tkessiħ distrettwali (10).

3.3.   Kalkolu tal-kwantità ta’ enerġija rinnovabbli għat-tkessiħ bl-użu ta’ SPFp standard u mkejjel

SPF standard u mkejjel

Il-valuri standardizzati ta’ SPF huma disponibbli għall-ġeneraturi tat-tkessiħ tal-kompressjoni tal-fwar tal-elettriku u għall-ġeneratur tat-tkessiħ tal-kompressjoni tal-fwar tal-magna tal-kombustjoni minħabba r-rekwiżiti tal-Ekodisinn fir-Regolament (UE) Nru 206/2012 u (UE) 2016/2281. Il-valuri huma disponibbli għal dawn il-ġeneraturi tat-tkessiħ sa 2 MW għat-tkessiħ tal-kumdità u sa 1,5 MW għat-tkessiħ tal-proċess. Għal teknoloġiji u skali ta’ kapaċità oħrajn, il-valuri standard mhumiex disponibbli. Fir-rigward tat-tkessiħ distrettwali, il-valuri standard mhumiex disponibbli iżda l-kejl jintuża u huwa disponibbli; dawn jippermettu li jiġu kkalkolati l-valuri ta’ SPF mill-inqas fuq bażi annwali.

Sabiex tiġi kkalkolata l-kwantità tat-tkessiħ rinnovabbli, jistgħu jintużaw valuri standard ta’ SPF fejn disponibbli. Meta l-valuri standard ma jkunux disponibbli jew il-kejl ikun prattika standard, għandhom jintużaw il-valuri mkejla ta’ SPF, separati mis-sollijiet tal-kapaċità tat-tkessiħ. Għal ġeneraturi tat-tkessiħ b’kapaċità tat-tkessiħ ta’ anqas minn 1,5 MW, jista’ jintuża SPF standard, filwaqt li SPF imkejjel għandu jintuża għat-tkessiħ distrettwali, għal ġeneraturi tat-tkessiħ b’kapaċitajiet tat-tkessiħ ogħla minn jew ekwivalenti għal 1,5 MW u ġeneraturi tat-tkessiħ li għalihom mhumiex disponibbli valuri standard.

Barra minn hekk, għas-sistemi kollha tat-tkessiħ mingħajr SPF standard, li jinkludi s-soluzzjonijiet kollha tat-tkessiħ liberu u l-ġeneraturi tat-tkessiħ attivati bis-sħana, għandu jiġi stabbilit SPF imkejjel sabiex jittieħed vantaġġ mill-metodoloġija tal-kalkolu għat-tkessiħ rinnovabbli.

Definizzjoni ta’ valuri ta’ SPF standard

Il-valuri ta’ SPF huma espressi f’termini tal-effiċjenza enerġetika primarja kkalkolata bl-użu ta’ fatturi tal-enerġija primarja skont ir-Regolament (UE) 2016/2281 biex tiġi ddeterminata l-effiċjenza tat-tkessiħ tal-ispazju għat-tipi differenti ta’ ġeneraturi tat-tkessiħ (11). Il-fattur tal-enerġija primarja fir-Regolament (UE) 2016/2281 għandu jiġi kkalkolat bħala 1/η, fejn η huwa l-proporzjon medju tal-produzzjoni grossa totali tal-elettriku għall-konsum tal-enerġija primarja għall-produzzjoni tal-elettriku fl-UE kollha. Bl-emenda tal-fattur tal-enerġija primarja prestabbilita għall-elettriku, imsejjaħ koeffiċjent fil-punt (1) tal-Anness tad-Direttiva (UE) 2018/2002 li temenda n-nota tal-qiegħ (3) tal-Anness IV tad-Direttiva 2021/27/UE, il-fattur tal-enerġija primarja ta’ 2,5 fir-Regolament (UE) 2016/2281 għandu jiġi sostitwit b’2,1 meta jiġu kkalkolati l-valuri tal-SPF.

Meta t-trasportaturi tal-enerġija primarja, bħas-sħana jew il-gass jintużaw bħala input tal-enerġija biex jitħaddem il-ġeneratur tat-tkessiħ, il-fattur tal-enerġija primarja prestabbilita (1/η) huwa ta’ 1, li jirrifletti n-nuqqas ta’ trasformazzjoni tal-enerġija η = 1.

Il-kundizzjonijiet operattivi standard u l-parametri l-oħra meħtieġa għad-determinazzjoni ta’ SPF huma definiti fir-Regolament (UE) 2016/2281 u fir-Regolament (UE) Nru 206/2012, skont il-kategorija tal-ġeneratur tat-tkessiħ. Il-kundizzjonijiet tal-konfini huma dawk iddefiniti fl-istandard EN14511.

Għall-ġeneraturi tat-tkessiħ riversibbli (pompi tas-sħana riversibbli), li huma esklużi mill-kamp ta’ applikazzjoni tar-Regolament (UE) 2016/2281 minħabba li l-funzjoni tat-tisħin tagħhom hija koperta mir-Regolament tal-Kummissjoni (UE) Nru 813/2013 (12) fir-rigward tar-rekwiżiti tal-Ekodisinn għall-ħiters tal-post u għall-ħiters ikkombinati, għandu jintuża l-istess kalkolu ta’ SPF li huwa definit għal ġeneraturi tat-tkessiħ simili mhux riversibbli fir-Regolament (UE) 2016/2281.

Pereżempju, għall-ġeneraturi tat-tkessiħ tal-kompressjoni tal-fwar elettriku, SPFp għandu jiġi ddefinit kif ġej (l-indiċi p jintuża biex jiġi ċċarat li SPF huwa definit f’termini ta’ enerġija primarja):

—	Għat-tkessiħ ta’ spazju:

—	Għat-tkessiħ ta’ proċess:

Fejn:

—

SEER u SEPR huma fatturi ta’ prestazzjoni staġunali (13) (SEER jirrappreżenta l-“Proporzjon tal-Effiċjenza Enerġetika Staġunali”, SEPR jirrappreżenta l-“Proporzjon tal-Prestazzjoni Enerġetika Staġunali”) fl-enerġija finali ddefinita skont ir-Regolament (UE) 2016/2281 u r-Regolament (UE) Nru 206/2012;

—	η hija l-proporzjon medju tal-produzzjoni grossa totali tal-elettriku għall-konsum tal-enerġija primarja għall-produzzjoni tal-elettriku fl-UE (η = 0,475 u 1/η = 2,1).

F(1) u F(2) huma fatturi ta’ korrezzjoni skont ir-Regolament (UE) 2016/2281 u l-Komunikazzjoni tal-Kummissjoni relatata. Dawn il-koeffiċjenti ma japplikawx għat-tkessiħ tal-proċess fir-Regolament (UE) 2016/2281 peress li l-metrika finali tal-enerġija ta’ SEPR tintuża direttament. Fin-nuqqas ta’ valuri adattati, għandhom jintużaw l-istess valuri użati għall-konverżjoni ta’ SEER għall-konverżjoni ta’ SEPR.

Kundizzjonijiet tal-konfini SPF

Għad-definizzjoni ta’ SPF tal-ġeneratur tat-tkessiħ, għandhom jintużaw il-kundizzjonijiet tal-konfini ta’ SPF iddefiniti fir-Regolament (UE) 2016/2281 u fir-Regolament (UE) Nru 206/2012. Fil-każ ta’ ġeneraturi tat-tkessiħ mill-ilma għall-arja u mill-ilma għall-ilma, l-input tal-enerġija meħtieġ biex is-sors kiesaħ ikun disponibbli huwa inkluż permezz tal-fattur ta’ korrezzjoni F(2). Il-kundizzjonijiet tal-konfini ta’ SPF huma murija fil-Figura 1. Dawn il-kundizzjonijiet tal-konfini għandhom japplikaw għas-sistemi kollha tat-tkessiħ, jew għas-sistemi tat-tkessiħ ħieles jew għas-sistemi li jkun fihom ġeneraturi tat-tkessiħ.

Dawn il-kundizzjonijiet tal-konfini huma simili għal dawk għall-pompi tas-sħana (użati fil-modalità tat-tisħin) fid-Deċiżjoni tal-Kummissjoni 2013/114/UE. (14) Id-differenza hija li għall-pompi tas-sħana, il-konsum tal-elettriku li jikkorrispondi għall-konsum tal-enerġija awżiljarja (modalità bit-termostat mitfi, modalità standby, modalità mitfi, apparat tat-tisħin tal-kaxxa tal-krank) ma jiġix ikkunsidrat sabiex jiġi evalwat ’ SPF. Madankollu, bħal fil-każ tat-tkessiħ, kemm il-valuri ta’ SPF standard kif ukoll ta’ SPF imkejjel se jintużaw, u minħabba l-fatt li fil-konsum awżiljarju mkejjel ta’ SPF jitqies, huwa meħtieġ li jiġi inkluż il-konsum tal-enerġija awżiljarja fiż-żewġ sitwazzjonijiet.

Għat-tkessiħ distrettwali, it-telf fil-kesħa tad-distribuzzjoni u l-konsum elettriku tal-pompa tad-distribuzzjoni bejn l-impjant tat-tkessiħ u s-substazzjon tal-klijent ma għandhomx jiġu inklużi fl-istima ta’ SPF.

Fil-każ ta’ sistemi tat-tkessiħ ibbażati fuq l-arja li jiżguraw ukoll il-funzjoni tal-ventilazzjoni, il-provvista tat-tkessiħ minħabba l-fluss tal-arja tal-ventilazzjoni ma għandhiex tiġi kkunsidrata. Il-potenza tal-fann minħabba l-ventilazzjoni għandha tiġi skontata wkoll proporzjonalment mal-proporzjon tal-fluss tal-arja tal-ventilazzjoni mal-fluss tal-arja tat-tkessiħ.

Figura 1 Illustrazzjoni tal-kundizzjonijiet tal-konfini ta’ SPF għall-ġeneratur tat-tkessiħ bl-użu ta’ SPF standard u t-tkessiħ distrettwali (u sistemi kbar oħra tat-tkessiħ bl-użu ta’ SPF imkejjel), fejn EINPUT_AUX huwa l-input tal-enerġija għall-fann u/jew għall-pompa u EINPUT_CG l-input tal-enerġija għall-ġeneratur tat-tkessiħ

Fil-każ ta’ sistemi tat-tkessiħ ibbażati fuq l-arja mgħammra b’irkupru intern tal-ksieħ, ma għandhiex titqies il-provvista tat-tkessiħ minħabba l-irkupru tal-kesħa. Il-potenza tal-fann minħabba l-iskambjatur tas-sħana għall-irkupru tal-kesħa għandha tiġi skontata proporzjonalment mal-proporzjon tat-telf tal-pressjoni minħabba l-iskambjatur tas-sħana għall-irkupru tal-kesħa mat-telf totali tal-pressjoni tas-sistema tat-tkessiħ ibbażata fuq l-arja.

3.4.   Kalkolu bl-użu ta’ valuri standard

Jista’ jintuża metodu ssimplifikat għal sistemi tat-tkessiħ individwali b’kapaċità ta’ inqas minn 1,5 MW, li għalihom hemm disponibbli valur ta’ SPF standard, biex tiġi stmata l-enerġija totali tat-tkessiħ ipprovduta.

Skont il-metodu ssimplifikat, l-enerġija tat-tkessiħ ipprovduta mis-sistema tat-tkessiħ (QCsupply) hija l-kapaċità nominali tat-tkessiħ (PC) immultiplikata bin-numru ta’ sigħat ekwivalenti ta’ tagħbija sħiħa (EFLH). Jista’ jintuża valur wieħed tal-jiem ta’ gradi tat-tkessiħ (CDD) għal pajjiż sħiħ, jew valuri distinti għal żoni klimatiċi differenti sakemm il-kapaċitajiet nominali u SPFs ikunu disponibbli għal dawn iż-żoni klimatiċi.

Il-metodi standard li ġejjin jistgħu jintużaw għall-komputazzjoni ta’ EFLH:

—	għat-tkessiħ tal-ispazju fis-settur residenzjali: EFLH = 96 + 0.85 * CDD

—	għat-tkessiħ tal-ispazju fis-settur terzjarju: EFLH = 475 + 0.49 * CDD

—	għat-tkessiħ tal-proċess: EFLH = τs * (7300 + 0.32 * CDD)

Fejn:

τs huwa fattur ta’ attività li jqis il-ħin tat-tħaddim tal-proċessi speċifiċi (eż. tul is-sena kollha τs = 1, mhux fuq tmiem il-ġimgħa τs = 5/7). Ma hemm l-ebda valur standard.

3.4.1.   Kalkolu bl-użu ta’ valuri mkejla

Is-sistemi li għalihom ma jeżisti l-ebda valur standard, kif ukoll is-sistemi tat-tkessiħ akbar mill-kapaċità ta’ 1,5 MW u s-sistemi tat-tkessiħ distrettwali, għandhom jikkalkulaw it-tkessiħ rinnovabbli tagħhom abbażi tal-kejl li ġej:

Input ta’ enerġija mkejjel: L-input tal-enerġija mkejjel jinkludi s-sorsi kollha tal-enerġija għas-sistema tat-tkessiħ, inkluż kwalunkwe ġeneratur tat-tkessiħ, jiġifieri l-elettriku, il-gass, is-sħana eċċ. Dan jinkludi wkoll pompi u fannijiet awżiljarji għas-sistema tat-tkessiħ iżda mhux għad-distribuzzjoni tat-tkessiħ għal binja jew għal proċess. Fil-każ tat-tkessiħ ibbażat fuq l-arja bil-funzjoni ta’ ventilazzjoni, l-input ta’ enerġija addizzjonali biss minħabba t-tkessiħ għandu jiġi inkluż fl-input ta’ enerġija tas-sistema tat-tkessiħ.

Provvista mkejla tal-enerġija tat-tkessiħ: Il-provvista tal-enerġija tat-tkessiħ għandha titkejjel bħala l-output mis-sistema tat-tkessiħ u għandu jitnaqqas kwalunkwe telf ta’ kesħa sabiex tiġi stmata l-provvista netta tal-enerġija tat-tkessiħ għall-binja jew għall-proċess li huwa l-utent finali tat-tkessiħ. It-telf fil-kesħa jinkludi t-telf f’sistema tat-tkessiħ distrettwali u fis-sistema ta’ distribuzzjoni tat-tkessiħ f’binja jew f’sit industrijali. Fil-każ tat-tkessiħ ibbażat fuq l-arja bil-funzjoni ta’ ventilazzjoni, il-provvista tal-enerġija tat-tkessiħ għandha tkun netta mill-effett tal-introduzzjoni tal-arja friska għal finijiet ta’ ventilazzjoni.

Il-kejl jeħtieġ li jitwettaq għas-sena speċifika li għandha tiġi rrapportata, jiġifieri l-input kollu tal-enerġija u l-provvista kollha tal-enerġija tat-tkessiħ għas-sena kollha.

3.4.2.   Tkessiħ distrettwali: rekwiżiti addizzjonali

Għas-sistemi tat-tkessiħ distrettwali, għandu jittieħed kont tal-provvista netta tat-tkessiħ fil-livell tal-konsumatur meta tiġi ddefinita l-provvista netta tat-tkessiħ, immarkata bħala QC_Supply_net . It-telf termali li jseħħ fin-network ta’ distribuzzjoni (QC_LOSS) għandu jitnaqqas mill-provvista grossa tat-tkessiħ (QC_Supply_gross) kif ġej:

QC_Supply_net = QC_Supply_gross – QC_LOSS

3.4.2.1.    Diviżjoni fis-subsistemi

Is-sistemi tat-tkessiħ distrettwali jistgħu jinqasmu f’subsistemi, li jinkludu mill-inqas ġeneratur tat-tkessiħ wieħed jew sistema tat-tkessiħ ħieles. Dan jeħtieġ il-kejl tal-provvista tal-enerġija tat-tkessiħ u tal-input tal-enerġija għal kull subsistema kif ukoll l-allokazzjoni tat-telf fil-kesħa għal kull subsistema kif ġej:

3.4.2.2.    Awżiljari

Meta sistema tat-tkessiħ tiġi diviża f’subsistemi, l-awżiljarji (eż. kontrolli, pompi u fannijiet) tal-ġeneratur(i) tat-tkessiħ u/jew tas-sistema/i tat-tkessiħ ħieles għandhom jiġu inklużi fl-istess subsistema/i. L-enerġija awżiljarja li tikkorrispondi għad-distribuzzjoni tat-tkessiħ fil-binja, eż. pompi sekondarji u unitajiet terminali (eż. kojls tal-fann, fannijiet ta’ unitajiet li jimmaniġġaw l-arja) ma tiġix ikkunsidrata.

Għal awżiljarji li ma jistgħux jiġu allokati għal subsistema speċifika, pereżempju pompi tan-network tat-tkessiħ distrettwali li jwasslu l-enerġija tat-tkessiħ ipprovduta mill-ġeneraturi kollha tat-tkessiħ, il-konsum tal-enerġija primarja tagħhom għandu jiġi allokat għal kull subsistema tat-tkessiħ fil-proporzjon tal-enerġija tat-tkessiħ ipprovduta mill-ġeneraturi tat-tkessiħ u/jew mis-sistemi tat-tkessiħ ħieles ta’ kull subsistema bl-istess mod bħal b’telf fil-kesħa fin-network kif ġej

fejn:

EINPUT_AUX1_i huwa l-konsum tal-enerġija awżiljarja tas-subsistema “i”;

EINPUT_AUX2 huwa l-konsum tal-enerġija awżiljarja tas-sistema kollha tat-tkessiħ, li ma jistax jiġi allokat għal subsistema speċifika tat-tkessiħ.

3.5.   Kalkolu tal-kwantità tal-enerġija rinnovabbli għat-tkessiħ għall-ishma rinnovabbli ġenerali u għall-ishma tal-enerġija rinnovabbli għat-tisħin u t-tkessiħ

Għall-kalkolu tal-ishma globali tal-enerġija rinnovabbli, il-kwantità tal-enerġija rinnovabbli għat-tkessiħ għandha tiżdied kemm man-numeratur “konsum finali gross tal-enerġija minn sorsi rinnovabbli” kif ukoll mad-denominatur “konsum finali gross tal-enerġija”.

Għall-kalkolu tal-ishma tal-enerġija rinnovabbli tat-tisħin u tat-tkessiħ, il-kwantità tal-enerġija rinnovabbli għat-tkessiħ għandha tiżdied kemm man-numeratur “konsum finali gross tal-enerġija minn sorsi rinnovabbli għat-tisħin u t-tkessiħ” kif ukoll mad-denominatur “konsum finali gross tal-enerġija għat-tisħin u t-tkessiħ”.

3.6.   Gwida dwar l-iżvilupp ta’ metodoloġiji u kalkoli aktar akkurati

L-Istati Membri huma mistennija u mħeġġa jwettqu l-istimi tagħhom stess, kemm għall-fattur SPF kif ukoll għal HHP. Kwalunkwe approċċ nazzjonali/reġjonali bħal dan jenħtieġ li jkun ibbażat fuq suppożizzjonijiet akkurati, kampjuni rappreżentattivi ta’ daqs suffiċjenti, li jirriżultaw fi stima mtejba konsiderevolment tal-enerġija rinnovabbli meta mqabbla ma’ dik miksuba bl-użu tal-metodoloġija stabbilita f’dan l-Att Delegat. Dawn il-metodoloġiji mtejba jistgħu jkunu bbażati fuq kalkolu dettaljat li juża data teknika li tqis, fost fatturi oħra, is-sena tal-installazzjoni, il-kwalità tal-installazzjoni, it-tip tal-kompressur, il-mod operatorju, is-sistema ta’ distribuzzjoni tas-sħana, il-kaskar tal-ġeneraturi u l-klima reġjonali. L-Istati Membri li jużaw metodoloġiji u/jew valuri alternattivi għandhom jissottomettuhom lill-Kummissjoni flimkien ma’ rapport li jiddeskrivi l-metodu u d-data użati. Jekk ikun meħtieġ, il-Kummissjoni tittraduċi d-dokumenti u tippubblikahom fuq il-pjattaforma ta’ trasparenza tagħha.