Artikolu 1

Suġġett

Dan ir-Regolament jistabbilixxi l-arranġamenti għall-implimentazzjoni tal-iskema komuni Ewropea għall-klassifikazzjoni tar-riskji (“ERCS”) stabbilita fir-Regolament Delegat (UE) 2020/2034.

Artikolu 2

Definizzjonijiet

Għall-finijiet ta’ dan ir-Regolament, japplikaw id-definizzjonijiet fl-Artikolu 2 tar-Regolament Delegat (UE) 2020/2034.

Japplikaw ukoll id-definizzjonijiet li ġejjin:

(1)	“Metodoloġija tal-ARMS-ERC” tfisser il-metodoloġija żviluppata mill-grupp ta’ ħidma tal-industrija “Soluzzjonijiet ta’ Ġestjoni tar-Riskji tal-Linji tal-Ajru” (ARMS) għall-valutazzjoni tar-riskji operazzjonali;

(2)	“ATM” tfisser ġestjoni tat-traffiku tal-ajru kif definit fl-Artikolu 2(10) tar-Regolament (KE) Nru 549/2004 tal-Parlament Ewropew u tal-Kunsill (4);

(3)	“Punteġġ tas-severità ATM fl-Ajru” tfisser il-parti tal-metodoloġija tal-RAT li tivvaluta l-prestazzjoni tal-operazzjoni fl-ajru tal-okkorrenza;

(4)	“Punteġġ tas-severità ATM fuq l-Art” tfisser il-parti tal-metodoloġija tal-RAT li tivvaluta l-prestazzjoni tas-sistema (proċeduri, tagħmir u element uman) tas-sistema tal-ATM;

(5)	“Punteġġ tas-severità ATM Ġenerali” tfisser il-punteġġ tas-severità ATM fuq l-Art u l-punteġġ tas-severità ATM fl-Ajru ikkombinati f’punteġġ wieħed;

(6)	“Metodoloġija tal-RAT” tfisser il-metodoloġija tal-Għodda għall-Analiżi tar-Riskji żviluppata mill-Eurocontrol li tintuża għall-klassifikazzjoni tal-okkorrenzi relatati mas-sikurezza fil-qasam tal-ATM;

(7)	“Eurocontrol” hija l-Organizzazzjoni Ewropea għas-Sikurezza tan-Navigazzjoni bl-Ajru mwaqqfa bil-Konvenzjoni Internazzjonali tat-13 ta’ Diċembru 1960 dwar il-Koperazzjoni għas-Sikurezza tan-Navigazzjoni bl-Ajru (5).

Artikolu 3

Rieżami, emendar u approvazzjoni tal-klassifikazzjoni tar-riskju tas-sikurezza

Artikolu 4

Monitoraġġ u titjib tal-ERCS

Artikolu 5

Monitoraġġ tal-kompatibbiltà ma’ skemi oħra għall-klassifikazzjoni tar-riskji

Artikolu 6

Dħul fis-seħħ

Dan ir-Regolament għandu jidħol fis-seħħ fl-1 ta’ Jannar 2023.

ANNESS

Il-proċeduri ta’ konverżjoni mill-Għodda għall-Analiżi tar-Riskji (RAT) u s-Soluzzjonijiet ta’ Ġestjoni tar-Riskji tal-Avjazzjoni – Punteġġi tal-Klassifikazzjoni tar-Riskji tal-Avvenimenti (ARMS-ERC) lejn l-Iskema Komuni Ewropea għall-Klassifikazzjoni tar-Riskji (ERCS).

Dan l-Anness jistabbilixxi proċeduri ta’ konverżjoni mill-punteġġi tal-RAT u tal-ARMS ERC lejn il-punteġġ tal-ERCS (1) definit fil-Pass 2 tal-Anness tar-Regolament Delegat tal-Kummissjoni (UE) 2020/2034.

Il-proċeduri ta’ konverżjoni li ġejjin jipprovdu konverżjoni diretta jew manwali biex tinkiseb klassifikazzjoni tal-ERCS ekwivalenti għall-punteġġi tal-RAT u/jew tal-ARMS ERC f’konformità mal-Artikolu 3 ta’ dan ir-Regolament.

1.   KONVERŻJONI DIRETTA

Il-proċedura ta’ konverżjoni mandatorja tikkonsisti miż-żewġ flussi tax-xogħol li ġejjin:

—	Il-fluss tax-xogħol 1 — jipprovdi konverżjoni diretta biex jinkiseb il-punteġġ tas-severità tal-ERCS.

—	Il-fluss tax-xogħol 2 — jipprovdi konverżjoni diretta biex jinkiseb il-punteġġ tal-probabbiltà tal-ERCS.

L-Illustrazzjoni 1 tipprovdi ħarsa ġenerali tal-proċeduri. Il-punt tat-tluq tal-proċess huwa l-kaxxa “Rapport tal-Okkorrenza Ippreżentat”, u l-output huwa l-kaxxa “Punteġġ ERCS Ekwivalenti”. Il-linji bit-tikek fl-Illustrazzjoni 1 jindikaw li huwa meħtieġ sors wieħed biss għal kull riżultat tal-proċess.

1.1.    FLUSS TAX-XOGĦOL 1 — punteġġ tas-severità tal-ERCS

a.   Informazzjoni tal-“Kategorija tal-okkorrenza” u tal-“Grupp tal-massa”

—	Jekk ir-rapport tal-okkorrenza jkun fih informazzjoni dwar il-“kategorija tal-okkorrenza” tal-okkorrenza u l-“grupp tal-massa”, dawn jistgħu jiġu kkonvertiti lejn il-punteġġ tal-ERCS “Severità tal-eżitu potenzjali tal-aċċident”. Il-pass li jmiss huwa (b) tal-Illustrazzjoni 1.

—

Jekk ir-rapport tal-okkorrenza ma jkun fih l-ebda informazzjoni dwar il-“kategorija tal-okkorrenza” jew il-“grupp tal-massa”, jew it-tnejn, il-konverżjoni diretta ma tkunx possibbli. Jekk tintuża l-konverżjoni manwali deskritta fil-punt 2 ta’ dan l-Anness, il-pass li jmiss huwa (D) tal-Illustrazzjonijiet 1 u 5.

b.   Konverżjoni tal-“kategorija tal-okkorrenza” u tal-Qasam ta’ Riskju Ewlieni (KRA) tal-ERCS

—	Jekk il-“kategorija tal-okkorrenza” tar-rapport tal-okkorrenza tikkorrispondi direttament ma’ waħda mill-Oqsma ta’ Riskju Ewlenin tal-ERCS definiti fil-punt 1.2 tal-Anness tar-Regolament Delegat (UE) 2020/2034, il-pass li jmiss huwa (c) tal-Illustrazzjoni 1.

—	Għal rapporti tal-okkorrenzi b’“kategoriji tal-okkorrenza” differenti mill-Oqsma ta’ Riskju Ewlenin tal-ERCS, ma jkunx hemm konverżjoni diretta. Jekk tintuża l-konverżjoni manwali deskritta fil-punt 2 ta’ dan l-Anness, il-pass li jmiss huwa (D) tal-Illustrazzjonijiet 1 u 5.

c.   Punteġġ tal-ERCS “Severità tal-eżitu potenzjali tal-aċċident” — konverżjoni diretta

—

Jekk ir-rapport tal-okkorrenza jkun fih informazzjoni dwar il-“kategorija tal-okkorrenza” u l-“grupp tal-massa”, il-punteġġ tas-severità jiġi kkonvertit direttament lejn punteġġ xieraq tal-ERCS “Severità tal-eżitu potenzjali tal-aċċident. Ir-riżultat huwa (k), li jagħti l-ewwel ċifra li tikkorrispondi għall-valur alfabetiku li jirriżulta mill-kalkolu tas-severità tal-okkorrenza (punteġġ tas-severità A sa X).

1.2.    FLUSS TAX-XOGĦOL 2 — punteġġ tal-probabbiltà tal-ERCS

e.   Rapport tal-okkorrenzi mogħti punteġġ bl-użu tal-RAT

Jekk ir-rapport tal-okkorrenzi jkun ingħata punteġġ bl-użu tal-metodoloġija tal-RAT (2):

—	Ir-rapporti dwar l-okkorrenzi li jkollhom klassifikazzjoni tal-punteġġ tas-severità tal-RAT “ATM Ġenerali” jistgħu jiġu mmappjati direttament fil-kolonni tal-probabbiltà tal-ERCS kif spjegat fl-istadju (g) tal-Illustrazzjoni 2.

—

Ir-rapporti tal-okkorrenzi li għandhom biss punteġġ tas-severità (3) tal-RAT “ATM fuq l-Art” iridu jiġu kkonvertiti manwalment biex jiġi pprovdut il-punteġġ tal-probabbiltà tal-ERCS. Jekk tintuża l-konverżjoni manwali deskritta fil-punt 2 ta’ dan l-Anness, il-pass li jmiss huwa (L) tal-Illustrazzjoni 5.

—	Fil-każ ta’ rapporti tal-okkorrenzi kodifikati bħala “okkorrenza speċifika għall-ATM”, il-konverżjoni bejn il-punteġġi tal-RAT u tal-ERCS mhijiex possibbli.

f.   Punteġġ tas-severità tal-RAT “ATM Ġenerali”

—	Jekk rapport tal-okkorrenzi jkun fih il-punteġġ tas-severità “ATM ġenerali”, il-pass li jmiss huwa (g) tal-Illustrazzjoni 1.

g.   Il-kolonna tal-ERCS “Probabbiltà tal-eżitu potenzjali tal-aċċident” konvertita mill-valur tal-RAT “ATM Ġenerali” (rilevanti biss għall-valuri A, B, C, E)

Għar-rapporti tal-okkorrenzi bi klassifikazzjoni tas-severità “ATM Ġenerali” (A, B, C, E), tapplika l-konverżjoni diretta li ġejja lejn kategoriji ta’ probabbiltà tal-ERCS:

h.   Rapporti tal-okkorrenzi kklassifikati bl-użu tal-metodoloġija tal-ARMS-ERC

—	Għar-rapporti tal-okkorrenzi li ngħataw punteġġ skont l-ARMS-ERC, il-pass li jmiss huwa (i) tal-Illustrazzjoni 1.

—	Għar-rapporti tal-okkorrenzi li ma ġewx ivvalutati skont il-metodoloġija tal-ARMS-ERC, il-pass li jmiss huwa (M) tal-Illustrazzjoni 5.

i.   Matriċi standard 4x4 ARMS-ERC

Jekk il-matriċi 4x4 ARMS-ERC murija fl-Illustrazzjoni 3 tintuża għall-għoti ta’ punteġġ lir-rapport tal-okkorrenzi, il-pass li jmiss huwa (j) tal-Illustrazzjoni 1.

j.   Punteġġ tal-ERCS “Probabbiltà tal-eżitu potenzjali tal-aċċident” — konverżjoni diretta

Jekk ir-rapport tal-okkorrenzi jkun fih klassifikazzjoni tal-ARMS “Effettività tal-ilqugħ”, biex jiġi ddeterminat il-punteġġ tal-ERCS “Probabbiltà tal-eżitu potenzjali tal-aċċident” tintuża konverżjoni diretta suċċessiva lejn il-matriċi tal-ERCS.

k.   Punteġġ tal-ERCS ekwivalenti

Il-kombinament tal-punteġġi tal-ERCS “Severità tal-eżitu potenzjali tal-aċċident” u “Probabbiltà tal-eżitu potenzjali tal-aċċident” huma kkombinati fil-matriċi tal-ERCS biex jiġi ġġenerat punteġġ ekwivalenti tal-ERCS kif stabbilit fil-Pass 2 tal-Anness tar-Regolament Delegat (UE) 2020/2034.

2.   KONVERŻJONI MANWALI

Din il-konverżjoni manwali tikkonsisti miż-żewġ flussi tax-xogħol li ġejjin:

—	Il-fluss tax-xogħol 1 — jipprovdi konverżjoni manwali biex jinkiseb il-punteġġ tas-severità tal-ERCS;

—	Il-fluss tax-xogħol 2 — jipprovdi konverżjoni manwali biex jinkiseb il-punteġġ tal-probabbiltà tal-ERCS.

2.1.    FLUSS TAX-XOGĦOL 1

D.   Punteġġ tal-ERCS “Severità tal-eżitu potenzjali tal-aċċident” — konverżjoni manwali

—

Jekk ir-rapport tal-okkorrenza ma jkun fih l-ebda informazzjoni dwar il-“kategorija tal-okkorrenza” jew il-“grupp tal-massa”, jew it-tnejn li huma, il-metodoloġija tal-ERCS definita fl-Anness tar-Regolament Delegat (UE) 2020/2034 tapplika biex jiġi ddeterminat l-“Eżitu Potenzjali tal-Aċċident” jew il-Qasam ta’ Riskju Ewlieni. Ir-riżultat finali huwa (k), li jagħti l-ewwel ċifra li tikkorrispondi għall-valur alfabetiku li jirriżulta mill-kalkolu tas-severità tal-okkorrenza (punteġġ tas-severità A sa X).

2.2.    FLUSS TAX-XOGĦOL 2

L.   Il-kolonna tal-ERCS “Probabbiltà tal-eżitu potenzjali tal-aċċident” — proċedura manwali

—	Għar-rapporti tal-okkorrenzi li ma fihom l-ebda severità “ATM Ġenerali”, ma hemm l-ebda konverżjoni diretta lejn il-punteġġ tal-ERCS “Probabbiltà tal-eżitu potenzjali tal-aċċident”.

Madankollu, is-severità “ATM fuq l-Art” tista’ tipprevedi konverżjoni parzjali permezz tal-immappjar tal-valutazzjoni tal-ilqugħ “ATM fuq l-Art” u tal-proċess tal-valutazzjoni tal-ilqugħ tal-ERCS definit fil-punt 2.1.3 tal-Anness tar-Regolament Delegat (UE) 2020/2034.

M.   Punteġġ tal-ERCS “Probabbiltà tal-eżitu potenzjali tal-aċċident” — proċess manwali

Jekk ir-rapporti tal-okkorrenzi ma jużawx il-matriċi 4x4 ARMS-ERC biex jingħata punteġġ lill-okkorrenza, biex jiġi ġġenerat punteġġ tal-ERCS “Probabbiltà tal-eżitu potenzjali tal-aċċident”, il-valur tal-valutazzjoni tal-ilqugħ tal-ARMS-ERC jiġi kkonvertit lejn il-valutazzjoni tal-ilqugħ tal-ERCS stabbilita fil-punt 2.1.3 tal-Anness tar-Regolament Delegat (UE) 2020/2034.

k.   Punteġġ tal-ERCS ekwivalenti

Il-kombinament tal-punteġġi tal-ERCS “Severità tal-eżitu potenzjali tal-aċċident” u “Probabbiltà tal-eżitu potenzjali tal-aċċident” huma kkombinati fil-matriċi tal-ERCS biex jiġi ġġenerat punteġġ ekwivalenti tal-ERCS kif stabbilit fil-Pass 2 tal-Anness tar-Regolament Delegat (UE) 2020/2034.

---

(1)  Il-punteġġ tal-ERCS huwa valur ta’ żewġ ċifri li l-ewwel ċifra tiegħu tikkorrispondi għall-valur alfabetiku li jirriżulta mill-kalkolu tas-severità tal-okkorrenza (punteġġ tas-severità A sa X), filwaqt li t-tieni ċifra tiegħu tirrappreżenta l-valur numeriku mill-kalkolu tal-punteġġ korrispondenti tal-okkorrenza (probabbiltà).

(2)  Il-metodoloġija tal-RAT tikklassifika okkorrenzi relatati mal-Ġestjoni tat-Traffiku tal-Ajru. Il-metodoloġija tal-RAT ma tagħtix punteġġ lill-aċċidenti, peress li tkejjel biss kemm l-okkorrenza tal-ATM waslet viċin li ssir aċċident. Il-metodoloġija tal-RAT hija maqsuma f’diversi elementi ewlenin (jiġifieri “ATM fuq l-Art”, “ATM fl-Ajru”), li fihom kull wieħed jagħti parti mill-input għall-punteġġ finali tas-severità tal-RAT “ATM Ġenerali”. Sabiex jinkiseb il-punteġġ tas-severità “ATM Ġenerali”, iridu jkunu disponibbli kemm il-punteġġ tas-severità “ATM fuq l-Art” kif ukoll il-punteġġ tas-severità “ATM fl-Ajru”.

(3)  Is-“severità” skont il-metodoloġija tal-RAT tindika kemm kienet ħażina l-okkorrenza attwali meta mqabbla ma’ okkorrenzi oħra. Il-metodoloġija tal-RAT tiddetermina s-“severità” permezz ta’ valutazzjoni tad-difiżi/tal-ilqugħ.