This document is an excerpt from the EUR-Lex website
Document 32019R2154
Commission Implementing Regulation (EU) 2019/2154 of 16 December 2019 opening a tariff quota for the year 2020 for the import into the Union of certain goods originating in Norway resulting from the processing of agricultural products covered by Regulation (EU) No 510/2014 of the European Parliament and of the Council
Regolament ta’ Implimentazzjoni tal-Kummissjoni (UE) 2019/2154 tas-16 ta’ Diċembru 2019 li jiftaħ il-kwota tariffarja għall-2020 għall-importazzjoni, fl-Unjoni Ewropea, ta’ ċerti oġġetti li joriġinaw min-Norveġja li ġejjin mill-ipproċessar ta’ prodotti agrikoli koperti mir-Regolament (UE) Nru 510/2014 tal-Parlament Ewropew u tal-Kunsill
Regolament ta’ Implimentazzjoni tal-Kummissjoni (UE) 2019/2154 tas-16 ta’ Diċembru 2019 li jiftaħ il-kwota tariffarja għall-2020 għall-importazzjoni, fl-Unjoni Ewropea, ta’ ċerti oġġetti li joriġinaw min-Norveġja li ġejjin mill-ipproċessar ta’ prodotti agrikoli koperti mir-Regolament (UE) Nru 510/2014 tal-Parlament Ewropew u tal-Kunsill
C/2019/8887
ĠU L 327, 17.12.2019, p. 66–69
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2020
17.12.2019 |
MT |
Il-Ġurnal Uffiċjali tal-Unjoni Ewropea |
L 327/66 |
REGOLAMENT TA’ IMPLIMENTAZZJONI TAL-KUMMISSJONI (UE) 2019/2154
tas-16 ta’ Diċembru 2019
li jiftaħ il-kwota tariffarja għall-2020 għall-importazzjoni, fl-Unjoni Ewropea, ta’ ċerti oġġetti li joriġinaw min-Norveġja li ġejjin mill-ipproċessar ta’ prodotti agrikoli koperti mir-Regolament (UE) Nru 510/2014 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 510/2014 tal-Parlament Ewropew u tal-Kunsill tas-16 ta’ April 2014 li jistabbilixxi l-arranġamenti kummerċjali applikabbli għal ċerti prodotti li jirriżultaw mill-ipproċessar tal-prodotti agrikoli u jħassar ir-Regolamenti tal-Kunsill (KE) Nru 1216/2009 u (KE) Nru 614/2009 (1), u b’mod partikolari l-Artikolu 16(1)(a) tiegħu,
Wara li kkunsidrat id-Deċiżjoni tal-Kunsill 2004/859/KE tal-25 ta’ Ottubru 2004 dwar il-konklużjoni ta’ Ftehim fl-għamla ta’ Skambju ta’ Ittri bejn il-Komunità Ewropea u r-Renju tan-Norveġja fuq il-Protokoll 2 għall-Ftehim Bilaterali dwar il-Kummerċ Ħieles bejn il-Komunità Ekonomika Ewropea u r-Renju tan-Norveġja (2), u b’mod partikolari l-Artikolu 3 tagħha,
Billi:
(1) |
Id-Deċiżjoni tal-Kumitat Konġunt taż-ŻEE Nru 140/2001 tat-23 ta’ Novembru 2001 li temenda l-Protokolli 2 u 3 għall-Ftehim taż-ŻEE, dwar prodotti proċessati u prodotti agrikoli oħrajn (3), tistabbilixxi l-arranġamenti kummerċjali bejn l-Unjoni u r-Renju tan-Norveġja għal ċerti prodotti agrikoli u prodotti agrikoli pproċessati bejn il-Partijiet Kontraenti. |
(2) |
Id-Deċiżjoni tal-Kumitat Konġunt taż-ŻEE Nru 140/2001 tipprevedi dazju b’rata żero għall-ilmijiet li jkun fihom iz-zokkor miżjud jew sustanzi oħrajn ta’ ħlewwa jew li jkollhom xi togħma miżjuda, li huma kklassifikati taħt il-kodiċi NM 2202 10 00, u xarbiet mhux alkoħoliċi oħrajn li ma fihomx prodotti tal-intestaturi 0401 sa 0404, jew xaħam miksub minn prodotti tal-intestaturi 0401 sa 0404, li huma kklassifikati taħt il-kodiċijiet NM 2202 91 00 u 2202 99. |
(3) |
Id-dazju tal-Unjoni b’rata żero għal dawk l-ilmijiet u għal dawk ix-xarbiet oħrajn ġie sospiż temporanjament għan-Norveġja għal perjodu ta’ żmien mhux determinat, permezz tal-Ftehim fl-għamla ta’ Skambju ta’ Ittri bejn il-Komunità Ewropea u r-Renju tan-Norveġja fuq il-Protokoll 2 għall-Ftehim Bilaterali dwar il-Kummerċ Ħieles bejn il-Komunità Ekonomika Ewropea u r-Renju tan-Norveġjaa (4) (“il-Ftehim fl-għamla ta’ Skambju ta’ Ittri”). Skont il-Ftehim fl-għamla ta’ Skambju ta’ Ittri, l-importazzjonijiet bla dazju ta’ oġġetti li jaqgħu taħt il-kodiċijiet NM 2202 10 00, ex 2202 91 00 u ex 2202 99 li joriġinaw min-Norveġja jeħtieġ li jiġu permessi biss fil-limiti ta’ kwota bla dazju. Jeħtieġ li jitħallas dazju fuq l-importazzjonijiet li jaqbżu l-kwota bla dazju. |
(4) |
Ir-Regolament ta’ Implimentazzjoni tal-Kummissjoni (UE) 2018/1968 (5) li jiftaħ il-kwota tariffarja għall-2019 għall-importazzjoni fl-Unjoni ta’ ċerti oġġetti li joriġinaw min-Norveġja li ġejjin mill-ipproċessar ta’ prodotti agrikoli koperti mir-Regolament (UE) Nru 510/2014 fetaħ kwota tariffarja għas-sena 2019 għall-importazzjoni fl-Unjoni ta’ oġġetti li joriġinaw min-Norveġja u li huma kklassifikati taħt il-kodiċijiet NM 2202 10 00, ex 2202 91 00 u ex 2202 99. |
(5) |
Il-Ftehim fil-forma ta’ Skambju ta’ Ittri jeħtieġ li jekk il-kwota tariffarja stabbilita fir-Regolament ta’ Implimentazzjoni (UE) 2018/1968 tkun ġiet eżawrita sal-31 ta’ Ottubru 2019, il-kwota tariffarja applikabbli mill-1 ta’ Jannar tas-sena ta’ wara trid tiżdied b’10 %. |
(6) |
Il-kwota tariffarja annwali għall-2019 għall-ilmijiet u x-xarbiet ikkonċernati, miftuħa bir-Regolament ta’ Implimentazzjoni (UE) 2018/1968, u li kienet ta’ volum ta’ 20,936 miljun litru, ġiet eżawrita fl-4 ta’ Settembru 2019. Għalhekk, jenħtieġ li tinfetaħ kwota tariffarja miżjuda għall-ilmijiet u x-xarbiet ikkonċernati mill-1 ta’ Jannar sal-31 ta’ Diċembru 2020. Għalhekk f’konformità mal-Ftehim fil-forma ta’ Skambju ta’ Ittri, il-kwota għall-2020, jenħtieġ li tinfetaħ għal volum ogħla b’10 %, li huwa ta’ 23,029 miljun litru. |
(7) |
Il-kwota tariffarja miftuħa b’dan ir-Regolament jenħtieġ li tiġi ġestita skont ir-regoli rilevanti stabbiliti fir-Regolament ta’ Implimentazzjoni tal-Kummissjoni (UE) 2015/2447 (6). |
(8) |
Il-miżuri previsti f’dan ir-Regolament huma skont l-opinjoni tal-Kumitat għall-kwistjonijiet orizzontali dwar il-kummerċ ta’ prodotti agrikoli pproċessati li mhumiex elenkati fl-Anness I, |
ADOTTAT DAN IR-REGOLAMENT:
Artikolu 1
1. Mill-1 ta’ Jannar sal-31 ta’ Diċembru 2020, il-kwota tariffarja bla dazju stipulata fl-Anness se tkun miftuħa għall-oġġetti li joriġinaw min-Norveġja li huma elenkati f’dak l-Anness, skont il-kundizzjonijiet speċifikati fih.
2. Ir-regoli tal-oriġini stabbiliti fil-Protokoll 3 għall-Ftehim Ftehim Bilaterali dwar il-Kummerċ Ħieles bejn il-Komunità Ekonomika Ewropea u r-Renju tan-Norveġja għandhom japplikaw għall-oġġetti elenkati fl-Anness ta’ dan ir-Regolament.
3. Għall-kwantitajiet importati li jaqbżu l-volum tal-kwota stabbilit fl-Anness, għandu japplika dazju preferenzjali ta’ EUR 0,047 għal kull litru.
Artikolu 2
Il-kwota tariffarja bla dazju msemmija fl-Artikolu 1(1) għandha tiġi ġestita mill-Kummissjoni skont l-Artikoli 49 sa 54 tar-Regolament ta’ Implimentazzjoni (UE) 2015/2447.
Artikolu 3
Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2020.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta’ Diċembru 2019.
Għall-Kummissjoni
Il-President
Ursula VON DER LEYEN
(1) ĠU L 150, 20.5.2014, p. 1.
(2) ĠU L 370, 17.12.2004, p. 70.
(3) ĠU L 22, 24.1.2002, p. 34.
(4) ĠU L 370, 17.12.2004, p. 72.
(5) Ir-Regolament ta’ Implimentazzjoni tal-Kummissjoni (UE) 2018/1968 tat-12 ta’ Diċembru 2018 li jiftaħ il-kwota tariffarja għas-sena 2019 għall-importazzjoni fl-Unjoni Ewropea, ta’ ċerti oġġetti li joriġinaw min-Norveġja li ġejjin mill-ipproċessar ta’ prodotti agrikoli koperti mir-Regolament (UE) Nru 510/2014 tal-Parlament Ewropew u tal-Kunsill (ĠU L 316, 13.12.2018, p. 9).
(6) Ir-Regolament ta’ Implimentazzjoni tal-Kummissjoni (UE) 2015/2447 tal-24 ta’ Novembru 2015 li jistabbilixxi regoli dettaljati għall-implimentazzjoni ta’ ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni (ĠU L 343, 29.12.2015, p. 558).
ANNESS
Kwota tariffarja bla dazju għall-2020 applikabbli għall-importazzjonijiet fl-Unjoni fuq ċerti oġġetti li joriġinaw min-Norveġja
Nru tal-Ordni |
Kodiċi NM |
Kodiċi TARIC |
Deskrizzjoni tal-oġġetti |
Volum tal-Kwota |
09.0709 |
2202 10 00 |
|
— Ilmijiet, inkluż ilma minerali u ilma effervexxenti, li jkun fihom iz-zokkor miżjud jew sustanzi oħrajn ta’ ħlewwa jew li jkollhom xi togħma miżjuda |
23,029 miljun litru |
ex 2202 91 00 |
10 |
— Birra mhux alkoħolika li fiha z-zokkor |
||
ex 2202 99 11 |
11 19 |
— Xarbiet ibbażati fuq is-sojja b’kontenut ta’ proteina ta’ 2,8 % jew aktar skont il-piż, li fihom iz-zokkor (is-sukrożju jew iz-zokkor invertit) |
||
ex 2202 99 15 |
11 19 |
— Xarbiet ibbażati fuq is-sojja b’kontenut ta’ proteina inqas minn 2,8 % skont il-piż; xarbiet ibbażati fuq il-ġewż tal-Kapitolu 8 tal-Kodiċi Doganali tal-Unjoni, fuq iċ-ċereali tal-Kapitolu 10 tal-Kodiċi Doganali tal-Unjoni jew fuq iż-żerriegħa tal-Kapitolu 12 tal-Kodiċi Doganali tal-Unjoni li fihom iz-zokkor (is-sukrożju jew iz-zokkor invertit) |
||
ex 2202 99 19 |
11 19 |
— Xarbiet mhux alkoħoliċi oħrajn li fihom iz-zokkor (is-sukrożju jew iz-zokkor invertit) |