This document is an excerpt from the EUR-Lex website
Document 32019R0446
Commission Implementing Regulation (EU) 2019/446 of 19 March 2019 amending and correcting Regulation (EC) No 1235/2008 laying down detailed rules for implementation of Council Regulation (EC) No 834/2007 as regards the arrangements for imports of organic products from third countries (Text with EEA relevance.)
Regolament ta' Implimentazzjoni tal-Kummissjoni (UE) 2019/446 tad-19 ta' Marzu 2019 li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi (Test b'rilevanza għaż-ŻEE.)
Regolament ta' Implimentazzjoni tal-Kummissjoni (UE) 2019/446 tad-19 ta' Marzu 2019 li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi (Test b'rilevanza għaż-ŻEE.)
C/2019/1992
ĠU L 77, 20.3.2019, p. 67–72
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2021; Impliċitament imħassar minn 32021R2306
- Date of document:
- 19/03/2019; Data ta' adozzjoni
- Date of effect:
- 31/01/2019; Applikazzjoni Applikazzjoni parzjali Ara Art. 2
- Date of effect:
- 09/04/2019; Dħul fis-seħħ Data tal-pubblikazzjoni +20 Ara Art. 2
- Date of end of validity:
- 31/12/2021; Impliċitament imħassar minn 32021R2306
- Author:
- Il-Kummissjoni Ewropea, Id-Direttorat Ġenerali għall-Agrikoltura u l-Iżvilupp Rurali
- Responsible body:
- AGRI
- Form:
- Regolament implimentattiv
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32007R0834 - A33P2 32007R0834 - A33P3 32007R0834 - A38PTD)
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32008R1235 Tħassir anness IV 31/01/2019 Modifies 32008R1235 Emenda anness III 09/04/2019 Modifies 32008R1235 Emenda anness IV 09/04/2019 Modifies 32008R1235 Sostituzzjoni artikolu 13 paragrafu 2 paragrafu mhux numerat 2 09/04/2019
No data available in the table
- Modified by:
-
Relation Act Comment Subdivision concerned From To Implicitly repealed by 32021R2306 01/01/2022 - Affected by case:
-
- artikolu 1 paragrafu 3 Partial annulment requested by 62019TN0306
- Instruments cited:
- Link
- EUROVOC descriptor:
- Subject matter:
- Directory code:
-
- 15.20.40.00 Ambjent, konsumaturi u saħħa / Konsumaturi / Protezzjoni tal-interessi ekonomiċi
- 15.30.00.00 Ambjent, konsumaturi u saħħa / Protezzjoni tas-saħħa
|
20.3.2019 |
MT |
Il-Ġurnal Uffiċjali tal-Unjoni Ewropea |
L 77/67 |
REGOLAMENT TA' IMPLIMENTAZZJONI TAL-KUMMISSJONI (UE) 2019/446
tad-19 ta' Marzu 2019
li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 834/2007 tat-28 ta' Ġunju 2007 dwar il-produzzjoni organika u t-tikkettar ta' prodotti organiċi u li jħassar ir-Regolament (KEE) Nru 2092/91 (1), u b'mod partikolari l-Artikolu 33(2) u (3) u l-Artikolu 38(d) tiegħu,
Billi:
|
(1) |
Il-prodotti importati minn pajjiż terz jistgħu jitqiegħdu fis-suq tal-Unjoni bħala prodotti organiċi jekk ikunu koperti minn ċertifikat ta' spezzjoni maħruġ mill-awtoritajiet kompetenti, mill-awtoritajiet tal-kontroll jew mill-korpi tal-kontroll ta' pajjiż terz rikonoxxut jew minn awtorità tal-kontroll rikonoxxuta jew minn korp tal-kontroll rikonoxxut. B'konformità mal-Azzjoni 12 tal-Pjan ta' Azzjoni għall-Produzzjoni Organika tal-Unjoni Ewropea fiż-żmien li ġej (2), il-Kummissjoni żviluppat sistema ta' ċertifikazzjoni elettronika għall-importazzjonijiet tal-prodotti organiċi, bħala modulu integrat fis-sistema elettronika TRACES (Trade Control and Expert System) stabbilita bid-Deċiżjoni tal-Kummissjoni 2003/24/KE (3). Sabiex jittejjeb il-funzjonament tas-sistema taċ-ċertifikazzjoni elettronika, għall-finijiet tar-Regolament tal-Kummissjoni (KE) Nru 1235/2008 (4) jixraq li fit-TRACES jintuża s-siġill elettroniku kwalifikat għall-approvazzjoni taċ-ċertifikati ta' spezzjoni. |
|
(2) |
L-Anness III tar-Regolament tal-Kummissjoni (KE) Nru 1235/2008 jistabbilixxi l-lista ta' pajjiżi terzi li s-sistemi tal-produzzjoni u l-miżuri tal-kontroll tagħhom għall-produzzjoni organika tal-prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007. |
|
(3) |
Skont l-informazzjoni pprovduta mill-Awstralja, l-indirizz tal-Internet tal-awtorità kompetenti tagħha nbidel. Barra minn hekk, inbidlu l-ismijiet tal-korpi tal-kontroll “Australian Certified Organic Pty. Ltd” u “NASAA Certified Organic (NCO)”. |
|
(4) |
Skont l-informazzjoni pprovduta miċ-Ċilì, “ARGENCERT” mhuwiex rikonoxxut mill-awtoritajiet Ċileni bħala korp tal-kontroll u għalhekk jenħtieġ li jitħassar mil-lista. L-isem ta' “BIO CERTIFICADORA SERVICIOS LIMITADA” inbidel. |
|
(5) |
L-Anness IV tar-Regolament (KE) Nru 1235/2008 jistabbilixxi l-lista tal-awtoritajiet tal-kontroll u tal-korpi tal-kontroll li għandhom il-kompetenza jwettqu kontrolli u joħorġu ċertifikati f'pajjiżi terzi għall-fini tal-ekwivalenza. |
|
(6) |
“BAȘAK Ekolojik Ürünler Kontrol ve Sertifikasyon Hizmetleri Tic. Ltd.” innotifika lill-Kummissjoni li l-indirizz tiegħu nbidel. |
|
(7) |
Il-Kummissjoni rċeviet u eżaminat talba mingħand “CCPB Srl” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jitwessa' l-ambitu ġeografiku tar-rikonoxximent ta' dan il-korp għall-kategorija tal-prodotti A għall-Benin, għall-Kosta tal-Avorju u għat-Togo, għall-kategorija tal-prodotti D għall-Vjetnam u għall-kategoriji tal-prodotti D u E għas-Seychelles u għal Hong Kong. |
|
(8) |
Il-Kummissjoni wettqet investigazzjonijiet dwar suspetti ta' irregolaritajiet fir-rigward ta' diversi lottijiet ta' prodotti mill-Każakistan, mill-Moldova, mir-Russja, mit-Turkija u mill-Emirati Għarab Magħquda li kienu ċċertifikati bħala organiċi minn “Control Union Certifications”. “Control Union Certifications” ma pprovdiex tweġibiet konklużivi u f'waqthom għad-diversi talbiet għall-informazzjoni li għamlet il-Kummissjoni. Barra minn hekk, “Control Union Certifications” naqas milli juri t-traċċabilità u l-istatus organiku ta' dawk il-prodotti. Minbarra dan, “Control Union Certifications” ħareġ ċertifikat ta' spezzjoni għal prodotti li l-istatus tagħhom qabel kien tbaxxa għal status konvenzjonali mill-awtoritajiet kompetenti ta' Stat Membru minħabba r-residwi tal-pestiċidi. Għalhekk, il-Kummissjoni ddeċidiet li tirtira r-rikonoxximent ta' “Control Union Certifications” skont il-punti (c), (d) u (f) tal-ewwel subparagrafu tal-Artikolu 12(2) tar-Regolament (KE) Nru 1235/2008 għall-kategoriji tal-prodotti kollha fir-rigward tal-Każakistan, tal-Moldova, tar-Russja, tat-Turkija u tal-Emirati Għarab Magħquda. B'konsegwenza ta' dan, jenħtieġ li l-annotazzjonijiet relatati ma' dawk il-pajjiżi jitħassru mil-lista tal-korpi tal-kontroll u tal-awtoritajiet tal-kontroll rikonoxxuti fl-Anness IV tar-Regolament (KE) Nru 1235/2008 għal “Control Union Certifications”. |
|
(9) |
Il-Kummissjoni rċeviet u eżaminat talba mingħand “Ecocert SA” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jitwessa' l-ambitu ġeografiku tar-rikonoxximent ta' dan il-korp għall-kategorija tal-prodotti D għall-Kosovo. |
|
(10) |
Il-Kummissjoni rċeviet talba mingħand “Florida Certified Organic Growers and Consumers, Inc. (FOG), DBA as Quality Certification Services (QCS)” biex tibdel l-indirizz tiegħu. |
|
(11) |
Il-Kummissjoni rċeviet u eżaminat talba mingħand “IBD Certificações Ltda” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jitwessa' l-ambitu ġeografiku tar-rikonoxximent ta' dan il-korp għall-kategoriji tal-prodotti A u D għall-Kolombja, għall-Ekwador u għall-Perù. |
|
(12) |
Il-Kummissjoni rċeviet u eżaminat talba mingħand “Organización Internacional Agropecuaria” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jitwessa' l-ambitu ġeografiku tar-rikonoxximent ta' dan il-korp għall-kategoriji tal-prodotti A u D għar-Russja u għall-kategorija tal-prodotti E għall-Arġentina. |
|
(13) |
“Organska Kontrola” u “Quality Assurance International” innotifikaw lill-Kummissjoni li l-indirizzi tagħhom inbidlu. |
|
(14) |
L-Anness IV tar-Regolament (KE) Nru 1235/2008 kif emendat bir-Regolament ta' Implimentazzjoni (UE) 2019/39 (5) jirreferi b'mod żbaljat għal “Letis S.A.” bħala korp tal-kontroll rikonoxxut għall-kategorija tal-prodotti B fir-rigward tal-Belize, tal-Brażil, tal-Kolombja, tal-Costa Rica, tar-Repubblika Dominicana, tal-Gwatemala, tal-Honduras, tal-Panama u ta' El Salvador. Jeħtieġ li dak l-iżball jiġi kkoreġut. |
|
(15) |
L-Anness IV tar-Regolament (KE) Nru 1235/2008 kif emendat bir-Regolament ta' Implimentazzjoni (UE) 2019/39 jirreferi wkoll b'mod żbaljat għal “Organic Control System” bħala korp tal-kontroll rikonoxxut għall-kategorija tal-prodotti E fir-rigward tar-Repubblika tal-Maċedonja ta' Fuq. Jeħtieġ li dak l-iżball ukoll jiġi kkoreġut. |
|
(16) |
Għalhekk, jenħtieġ li r-Regolament (KE) Nru 1235/2008 jiġi emendat u kkoreġut skont dan. |
|
(17) |
Jenħtieġ li t-tħassir tar-rikonoxximent ta' “Letis S.A.” għall-kategorija tal-prodotti B fir-rigward tal-Belize, tal-Brażil, tal-Kolombja, tal-Costa Rica, tar-Repubblika Dominicana, tal-Gwatemala, tal-Honduras, tal-Panama u ta' El Salvador, u t-tħassir tar-rikonoxximent ta' “Organic Control System” għall-kategorija tal-prodotti E fir-rigward tar-Repubblika tal-Maċedonja ta' Fuq japplikaw b'mod retroattiv mid-data tad-dħul fis-seħħ tar-Regolament ta' Implimentazzjoni (UE) 2019/39. |
|
(18) |
Il-miżuri previsti f'dan ir-Regolament huma skont l-opinjoni tal-Kumitat dwar il-produzzjoni organika, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 1235/2008 huwa emendat u kkoreġut kif ġej:
|
(1) |
it-tieni subparagrafu tal-Artikolu 13(2) huwa sostitwit b'dan li ġej: “Iċ-ċertifikat oriġinali ta' spezzjoni għandu jkun kopja stampata u ffirmata bl-idejn taċ-ċertifikat elettroniku komplut fit-TRACES jew, alternattivament, ċertifikat ta' spezzjoni ffirmat fit-TRACES b'siġill elettroniku kwalifikat skont it-tifsira tal-Artikolu 3(27) tar-Regolament (UE) Nru 910/2014 tal-Parlament Ewropew u tal-Kunsill (*1). (*1) Ir-Regolament (UE) Nru 910/2014 tal-Parlament Ewropew u tal-Kunsill tat-23 ta' Lulju 2014 dwar l-identifikazzjoni elettronika u s-servizzi fiduċjarji għal transazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73).”;" |
|
(2) |
l-Anness III huwa emendat skont l-Anness I ta' dan ir-Regolament; |
|
(3) |
l-Anness IV huwa emendat u kkoreġut skont l-Anness II ta' dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Il-punti (7) u (8) tal-Anness II għandhom japplikaw mill-31 ta' Jannar 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta' Marzu 2019.
Għall-Kummissjoni
Il-President
Jean-Claude JUNCKER
(1) ĠU L 189, 20.7.2007, p. 1.
(2) COM(2014) 179 final.
(3) Id-Deċiżjoni tal-Kummissjoni 2003/24/KE tat-30 ta' Diċembru 2002 li tirrigwarda l-iżvilupp ta' sistema veterinarja integrata u komputerizzata (ĠU L 8, 14.1.2003, p. 44).
(4) Ir-Regolament tal-Kummissjoni (KE) Nru 1235/2008 tat-8 ta' Diċembru 2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi (ĠU L 334, 12.12.2008, p. 25).
(5) Ir-Regolament ta' Implimentazzjoni tal-Kummissjoni (UE) 2019/39 tal-10 ta' Jannar 2019 li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi (ĠU L 9, 11.1.2019, p. 106).
ANNESS I
L-Anness III tar-Regolament (KE) Nru 1235/2008 huwa emendat kif ġej:
|
(1) |
l-annotazzjoni għall-Awstralja hija emendata kif ġej:
|
|
(2) |
fl-annotazzjoni għac-Ċilì, il-punt 5 huwa emendat kif ġej:
|
ANNESS II
L-Anness IV tar-Regolament (KE) Nru 1235/2008 huwa emendat u kkoreġut kif ġej:
|
(1) |
fl-annotazzjoni għal “Bașak Ekolojik Ürünler Kontrol ve Sertifikasyon Hizmetleri Tic. Ltd”, il-punt 1 huwa sostitwit b'dan li ġej:
|
|
(2) |
fl-annotazzjoni għal “CCPB Srl”, fil-punt 3 jiddaħħlu r-ringieli li ġejjin skont l-ordni tan-numri tal kodiċi:
|
|
(3) |
fl-annotazzjoni għal “Control Union Certifications”, fil-punt 3 jitħassru r-ringieli li ġejjin:
|
|
(4) |
fl-annotazzjoni għal “Ecocert SA”, fil-punt 3 tiddaħħal ir-ringiela li ġejja skont l-ordni tan-numri tal kodiċi:
|
|
(5) |
fl-annotazzjoni għal “Florida Certified Organic Growers and Consumers, Inc. (FOG), DBA as Quality Certification Services (QCS)”, il-punt 1 huwa sostitwit b'dan li ġej:
|
|
(6) |
fl-annotazzjoni għal “IBD Certificações Ltda”, fil-punt 3 jiddaħħlu r-ringieli li ġejjin skont l-ordni tan-numri tal kodiċi:
|
|
(7) |
fl-annotazzjoni għal “Letis S.A.”, fil-punt 3, fir-ringieli għall-Belize, għall-Brażil, għall-Kolombja, għall-Costa Rica, għar-Repubblika Dominicana, għall-Gwatemala, għall-Honduras, għall-Panama u għal El Salvador jitħassar is-salib fil-kolonna B; |
|
(8) |
fl-annotazzjoni għal “Organic Control System”, fil-punt 3, fir-ringiela għar-Repubblika tal-Maċedonja ta' Fuq jitħassar is-salib fil-kolonna E; |
|
(9) |
fl-annotazzjoni għal “Organización Internacional Agropecuaria”, il-punt 3 huwa emendat kif ġej:
|
|
(10) |
fl-annotazzjoni għal “Organska Kontrola”, il-punt 1 huwa sostitwit b'dan li ġej:
|
|
(11) |
fl-annotazzjoni għal “Quality Assurance International”, il-punt 1 huwa sostitwit b'dan li ġej:
|
