This document is an excerpt from the EUR-Lex website
Document 32015D1855
Council Decision (EU) 2015/1855 of 13 October 2015 establishing the position to be taken on behalf of the European Union within the Council for Trade-Related Aspects of Intellectual Property Rights and the General Council of the World Trade Organisation as regards the request from least-developed country Members for an extension of the transitional period under paragraph 1 of Article 66 of the Agreement on Trade-Related Aspects of Intellectual Property Rights concerning certain obligations related to pharmaceutical products, and for a waiver of the obligations under paragraphs 8 and 9 of Article 70 of that Agreement
Deċiżjoni tal-Kunsill (UE) 2015/1855 tat-13 ta' Ottubru 2015 li tistabbilixxi l-pożizzjoni li għandha tittieħed f'isem l-Unjoni Ewropea fi ħdan il-Kunsill dwar l-aspetti tad-Drititjiet ta' Proprjetà Intellettwali relatati mal-Kummerċu l-Kunsill Ġenerali tal-Organizzazzjoni Dinjija tal-Kummerċ fir-rigward tat-talba mingħand Membri li jkunu pajjiżi l-inqas żviluppati għal estensjoni tal-perjodu ta' tranżizzjoni skont il-paragrafu 1 tal-Artikolu 66 tal-Ftehim dwar aspetti tad-Drititjiet ta' Proprjetà Intellettwali relatati mal-Kummerċ fir-rigward ta' ċerti obbligi marbuta ma' prodotti farmaċewtiċi u għal eżenzjoni mill-obbligi skont il-paragrafi 8 u 9 tal-Artikolu 70 ta' dak il-Ftehim
Deċiżjoni tal-Kunsill (UE) 2015/1855 tat-13 ta' Ottubru 2015 li tistabbilixxi l-pożizzjoni li għandha tittieħed f'isem l-Unjoni Ewropea fi ħdan il-Kunsill dwar l-aspetti tad-Drititjiet ta' Proprjetà Intellettwali relatati mal-Kummerċu l-Kunsill Ġenerali tal-Organizzazzjoni Dinjija tal-Kummerċ fir-rigward tat-talba mingħand Membri li jkunu pajjiżi l-inqas żviluppati għal estensjoni tal-perjodu ta' tranżizzjoni skont il-paragrafu 1 tal-Artikolu 66 tal-Ftehim dwar aspetti tad-Drititjiet ta' Proprjetà Intellettwali relatati mal-Kummerċ fir-rigward ta' ċerti obbligi marbuta ma' prodotti farmaċewtiċi u għal eżenzjoni mill-obbligi skont il-paragrafi 8 u 9 tal-Artikolu 70 ta' dak il-Ftehim
ĠU L 271, 16.10.2015, p. 33–34
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
16.10.2015 |
MT |
Il-Ġurnal Uffiċjali tal-Unjoni Ewropea |
L 271/33 |
DEĊIŻJONI TAL-KUNSILL (UE) 2015/1855
tat-13 ta' Ottubru 2015
li tistabbilixxi l-pożizzjoni li għandha tittieħed f'isem l-Unjoni Ewropea fi ħdan il-Kunsill dwar l-aspetti tad-Drititjiet ta' Proprjetà Intellettwali relatati mal-Kummerċu l-Kunsill Ġenerali tal-Organizzazzjoni Dinjija tal-Kummerċ fir-rigward tat-talba mingħand Membri li jkunu pajjiżi l-inqas żviluppati għal estensjoni tal-perjodu ta' tranżizzjoni skont il-paragrafu 1 tal-Artikolu 66 tal-Ftehim dwar aspetti tad-Drititjiet ta' Proprjetà Intellettwali relatati mal-Kummerċ fir-rigward ta' ċerti obbligi marbuta ma' prodotti farmaċewtiċi u għal eżenzjoni mill-obbligi skont il-paragrafi 8 u 9 tal-Artikolu 70 ta' dak il-Ftehim
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikulari l-ewwel subparagrafu tal-Artikolu 207(4) flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Skont il-paragarafu 1 tal-Artikolu 66 tal-Ftehim dwar aspetti tad-Drititjiet ta' Proprjetà Intellettwali relatati mal-Kummerċ (il-“Ftehim TRIPS”), il-Kunsill dwar l-aspetti tad-Drititjiet ta' Proprjetà Intellettwali relatati mal-Kummerċ (“Kunsill għat-TRIPS”), wara li jirċievi talba motivata kif dovut mingħand Membru li jkun pajjiż l-inqas żviluppat,(“LDC”) jikkonċedi estensjonijiet ta' dan il-perjodu tranżitorju. |
(2) |
Fl-14 ta' Novembru 2001, il-Konferenza Ministerjali tal-Organizzazzjoni Dinjija tal-Kummerċ (WTO) f'Doha adottat id-Dikjarazzjoni dwar il-“Ftehim TRIPS” u s-saħħa pubblika (“Dikjarazzjoni ta' Doha”). Stqarret li l-estensjoni tal-perjodu tranżitorju kif previst fl-Artikolu 66 tal-Ftehim TRIPS kienet bla preġudizzju għad-dritt tal-Membri LDC li jitolbu estensjonijiet oħra. |
(3) |
Skont il-paragrafu 7 tad-Dikjarazzjoni ta' Doha u l-paragrafu 1 tal-Artikolu 66 tal-Ftehim TRIPS, il-Kunsill għat-TRIPS, permezz tad-deċiżjoni tat-27 ta' Ġunju 2002, estenda sal-1 ta' Jannar 2016 il-perjodu tranżitorju li matulu l-pajjiżi LDCi mhumiex obbligati jipprovdu protezzjoni ta' privattivi għal prodotti farmaċewtiċi. |
(4) |
Fit-8 ta' Lulju 2002, il-Kunsill Ġenerali tad-WTO adotta deċiżjoni relatata mill-qrib, li teżenta lill-Membri tal-grupp ta' pajjiżi LDC milli jagħtu drittijiet esklussivi tat-tqegħid fis-suq skontil-paragrafu 9 ta l-Artikolu 70 tal-Ftehim TRIPS. L-eżenzjoni tapplika sal-1 ta' Jannar 2016. |
(5) |
Il-Bangladexx, fit-23 ta' Frar 2015, f'isem il-membri tal-grupp LDC, talab għal estensjoni indefinita tal-perjodu tranżitorju skont il-paragrafu 1 tal-Artikolu 66 tal-Ftehim TRIPS kif ukoll eżenzjoni indefinita tal-obbligi skont il-paragrafi 8 u 9 tal-Artikolu 70 ta' dak il-Ftehim dment li kull Membru LDC jibqa' LDC. |
(6) |
Peress li kien hemm eżenzjoni separata għad-drittijiet ta' proprjetà intellettwali relatati ma' prodotti farmaċewtiċi sa mill-2002, huwa xieraq li l-Unjoni taqbel mal-estensjoni tal-perjodu tranżitorju sabiex ma ttellifx lil Membri LDC milli jkollhom aċċess għal prodotti farmaċewtiċi. |
(7) |
Bosta Membri tad-WTO jidhru lesti li jagħtu l-estensjoni indefinita u l-eżenzjoni indefinita, u għalhekk l-Unjoni għandha tissieħeb fil-kunsens, f'konformità mal-appoġġ kontinwu tagħha għad-Dikjarazzjoni ta' Doha. Madankollu, jekk il-Membri tad-WTO min-naħa l-oħra jaqblu dwar estensjoni temporanja ulterjuri u dwar eżenzjoni temporanja, l-Unjoni għandha taqbel ukoll ma' tali soluzzjoni. |
(8) |
Huwa għalhekk xieraq li tiġi stabbilita l-pożizzjoni li għandha tittieħed f'isem l-Unjoni fi ħdan il-Kunsill għat-TRIPS u fil-Kunsill Ġenerali tad-WTO fir-rigward tat-talba mingħand Membri LDC għal estensjoni tal-perjodu tranżitorju skont il-paragrafu 1 tal-Artikolu 66 tal-Ftehim TRIPS dwar ċerti obbligi fir-rigward ta' prodotti farmaċewtiċi u għal eżenzjoni mill-obbligi skont il-paragrafi 8 u 9 tal-Artikolu 70 ta' dak il-Ftehim, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f'isem l-Unjoni Ewropea fi ħdan il-Kunsill dwar l-Aspetti tad-Drititjiet ta' Proprjetà Intellettwali relatati mal-Kummerċ u fil-Kunsill Ġenerali tal-Organizzazzjoni Dinjija tal-Kummerċ (WTO) għandha tkun kif ġej:
(a) |
li taqbel li:
|
(b) |
li taqbel ma' waħda milli ġejjin:
|
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, it-13 ta' Ottubru 2015.
Għall-Kunsill
Il-President
J. ASSELBORN