9.5.2013   

MT

Il-Ġurnal Uffiċjali tal-Unjoni Ewropea

L 127/17

(1)

Il-Kroazja hija mistennija li tingħaqad mal-Unjoni fl-1 ta’ Lulju 2013.

(2)

Skont it-Taqsima 4.III. tal-Anness V tal-Att tal-Adeżjoni, il-ħlas lura ta’ pagamenti diretti mogħtija lil bdiewa fil-Kroazja għas-sena kalendarja 2013 għandu jkun kundizzjonali fuq l-applikazzjoni mill-Kroazja, qabel l-adeżjoni, ta’ regoli identiċi għal dawk stabbiliti għal pagamenti diretti bħal dawn fir-Regolamenti rilevanti tal-Kunsill u tal-Kummissjoni. Il-Kroazja ddeċidiet li tapplika skema ta’ pagament uniku wara l-adeżjoni tagħha. Għalhekk, l-2013 se tkun l-ewwel sena ta’ implimentazzjoni ta’ dik l-iskema fil-Kroazja skont il-Kapitolu 3 tat-Titolu III tar-Regolament tal-Kunsill (KE) Nru 73/2009 tad-19 ta’ Jannar 2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa (1).

(3)

Fil-Kroazja, id-dispożizzjonijiet dwar iż-żamma fuq bejgħ ta’ drittijiet għall-pagamenti għandhom ikunu l-istess bħal dawk applikati minn Stati Membri oħra wara li jkunu rreġjonalizzaw l-iskema ta’ pagament uniku.

(4)

Skont l-Artikolu 57(2) tar-Regolament (KE) Nru 73/2009 flimkien mal-Artikolu 21 tar-Regolament tal-Kummissjoni (KE) Nru 1120/2009 tad-29 ta’ Ottubru 2009 li jippreskrivi regoli dettaljati għall-implimentazzjoni tal-iskema ta’ pagament uniku li hemm provvediment dwarha fit-Titolu III tar-Regolament tal-Kunsill (KE) Nru 73/2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa (2), Stati Membri ġodda li japplikaw l-iskema ta’ pagament uniku jistgħu jużaw ir-riżerva nazzjonali biex jallokaw drittijiet għal pagamenti, jew iżidu l-valur ta’ drittijiet għal pagamenti, meta l-bdiewa jkunu għamlu investimenti f’setturi suġġetti għall-integrazzjoni sħiħa jew parzjali ta’ għajnuniet akkoppjati fl-iskema ta’ pagament uniku. Il-perjodu ta’ referenza għall-kunsiderazzjoni ta' investimenti bħal dawn intrabat mas-sena tal-integrazzjoni tas-settur rilevanti kif deċiż mill-Istat Membru. L-istess dispożizzjoni dwar l-investimenti għandha tapplika għall-Kroazja, peress li l-Kroazja implimentat għajnuniet akkoppjati f’ċerti setturi li huma suġġetti għall-integrazzjoni fl-iskema ta’ pagament uniku diżakkoppjat. Għaldaqstant huwa xieraq li tiġi ffissata data ta’ skadenza sa meta għandhom jitlestew l-investimenti li għandhom jitqiesu fil-Kroazja għall-finijiet tal-Artikolu 21(1) tar-Regolament (KE) Nru 1120/2009.

(5)

Il-Kapitolu 2 tar-Regolament (KE) Nru 1120/2009 jistabbilixxi regoli ta’ implimentazzjoni tal-iskema ta’ pagament uniku fl-Istati Membri l-ġodda li jkunu applikaw l-iskema ta’ pagament uniku għaż-żona. Dak il-Kapitolu għandu japplika wkoll għall-Kroazja peress li din iddeċidiet li tapplika l-iskema ta’ pagament uniku mid-data tal-adeżjoni.

(6)

L-Anness III tar-Regolament tal-Kummissjoni (KE) Nru 1121/2009 tad-29 ta’ Ottubru 2009 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 73/2009 fir-rigward tal-iskemi ta’ appoġġ għal bdiewa previsti fit-Titoli IV u V tiegħu (3) jiddefinixxi r-reġjuni eliġibbli biex jirċievu l-primjum għall-mogħoż u l-Anness V jistabbilixxi l-produzzjoni medja tal-ħalib imsemmija fl-Artikolu 63 ta’ dak ir-Regolament. Permezz tal-ittra tal-14 ta’ Settembru 2012, il-Kroazja kkomunikat lill-Kummissjoni informazzjoni rilevanti li teħtieġ tiġi inkluża f’dawk l-Annessi.

(7)

L-Artikolu 3 tar-Regolament tal-Kummissjoni (KE) Nru 1122/2009 tat-30 ta’ Novembru 2009 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 73/2009 fir-rigward tal-kundizzjonalità, il-modulazzjoni u s-sistema integrata ta’ amministrazzjoni u kontroll, skont l-iskemi ta’ appoġġ għall-bdiewa previsti għal dak ir-Regolament, kif ukoll għall-implimentazzjoni tar-Regolament tal-Kunsill (KE) Nru 1234/2007 fir-rigward tal-kundizzjonalità skont l-iskema ta’ appoġġ prevista għas-settur tal-inbid (4), jiddefinixxi kif il-proporzjon ta’ referenza għall-manutenzjoni ta’ art ikklassifikata bħal mergħa permanenti fil-livell tal-Istat Membru għandha tiġi stabbilita għall-finijiet tal-Artikolu 6(2) tar-Regolament (KE) Nru 73/2009. Huwa xieraq li titqies l-adeżjoni tal-Kroazja f’dak il-kuntest.

(8)

Skont l-Artikolu 57a tar-Regolament (KE) Nru 73/2009, il-Kroazja trid toħloq riżerva speċjali nazzjonali għat-tneħħija tal-mini li minnha jiġu allokati drittijiet għall-pagamenti għat-tneħħija ta' mini. Ir-regoli stabbiliti fir-Regolament (KE) Nru 1122/2009 dwar l-identifikazzjoni u r-reġistrazzjoni ta’ drittijiet għall-pagamenti kif ukoll dawk li jikkonċernaw l-applikazzjonijiet għall-allokazzjoni tad-drittijiet għall-pagamenti għandhom ikopru wkoll drittijiet għall-pagamenti għal żoni fejn ikunu tneħħew il-mini.

(9)

Ir-Regolamenti (KE) Nru 1120/2009, (KE) Nru 1121/2009 u (KE) Nru 1122/2009 għaldaqstant għandhom jiġu emendati skont dan,

(1)

Fl-Artikolu 16(3), jiżdied is-subparagrafu li ġej:

"Għall-Kroazja, il-perċentwali tat-tnaqqis stipulat fil-paragrafi 1 u 2 ta’ dan l-Artikolu għandhom japplikaw wara t-tnaqqis mill-valur tad-drittijiet għall-pagamenti ta' franchise li jkun daqs il-valur tal-unità kkalkulat skont l-Artikolu 59(1) tar-Regolament (KE) Nru 73/2009."

(2)

Fl-Artikolu 21, għandu jiżdied il-paragrafu 3 li ġej:

"3.   Għall-Kroazja, il-paragrafu 1 għandu japplika mutatis mutandis fir-rigward ta’ investimenti magħmula f’dawk is-setturi suġġett għall-integrazzjoni fl-iskema ta’ pagament uniku kif applikat mill-Kroazja mill-2013. Għandhom jiġu kkunsidrati biss investimenti li tlestew qabel l-1 ta’ Jannar 2013."

(3)

It-titlu tal-Kapitolu 2 tat-Titolu III jinbidel b'dan li ġej:

" L-implimentazzjoni tal-iskema ta' pagament uniku fl-Istati Membri l-ġodda li applikaw l-iskema ta' pagament uniku għaż-żona u fil-Kroazja "

(4)

Fl-Artikolu 28, il-paragrafu 1 jinbidel b'dan li ġej:

"1.   Għajr jekk stipulat mod ieħor f'dan il-Kapitolu, dan ir-Regolament għandu japplika għall-Istati Membri l-ġodda li applikaw l-iskema ta' pagament uniku għaż-żona u għall-Kroazja."

(1)

L-Anness III jinbidel b’dan li ġej:

(2)

Fl-Anness V, tiddaħħal ir-ringiela li ġejja wara “Franza”:

(1)

Fl-Artikolu 3, għandu jiddaħħal il-paragrafu 7a li ġej:

"7a.   Għall-Kroazja, il-proporzjon ta’ referenza għandu jiġi stabbilit kif ġej:

(2)

Fl-Artikolu 7(1), il-punt (f) jinbidel b’dan li ġej:

(3)

Fl-Artikolu 15, il-paragrafu 1 jinbidel b'dan li ġej:

"1.   L-applikazzjonijiet għal allokazzjoni jew, fejn xieraq, għal żieda ta' drittijiet għall-pagamenti skont l-iskema ta' pagament uniku għandhom jiġu ppreżentati sad-data li għandha tiġi ffissata mill-Istati Membri iżda li ma tkunx aktar tard mill-15 ta' Mejju fl-ewwel sena tal-implimentazzjoni tal-iskema ta' pagament uniku, ta’ integrazzjoni tal-appoġġ akkoppjat, tal-applikazzjoni tal-Artikoli 46, 47 u 48 tar-Regolament (KE) Nru 73/2009, jew fis-snin tal-applikazzjoni tal-Artikoli 41, 57, 57a jew 68(1)(c) ta' dak ir-Regolament. Madankollu, l-Estonja, il-Latvja, il-Litwanja, il-Finlandja u l-Isvezja jistgħu jiffissaw data aktar tard li ma għandhiex tkun aktar tard mill-15 ta' Ġunju."