2.7.2013   

MT

Il-Ġurnal Uffiċjali tal-Unjoni Ewropea

L 183/13

(1)

Id-Direttiva 92/66/KEE tistipula l-miżuri ta’ kontroll tal-Unjoni li għandhom jiġu applikati fil-każ ta’ tifqigħa tal-marda ta’ Newcastle. Id-Direttiva 92/66/KEE tipprevedi, inter alia, li kull Stat Membru għandu jħejji pjan ta’ kontinġenza li jispeċifika l-miżuri nazzjonali li għandhom jiġu implimentati f’każ ta’ tifqigħa ta’ dik il-marda.

(2)

Id-Direttiva 2001/89/KE tistipula l-miżuri minimi tal-Unjoni għall-kontroll tal-marda tal-infafet vesikolari (deni klassiku) tal-ħnieżer, Id-Direttiva 2001/89/KE tipprovdi, inter alia, li kull Stat Membru għandu jħejji pjan ta’ kontinġenza li jispeċifika l-miżuri nazzjonali li għandhom jiġu implimentati f’każ ta’ tifqigħa ta’ dik il-marda.

(3)

Id-Direttiva 2003/85/KE tistipula l-miżuri minimi ta’ kontroll li għandhom jiġu applikati fil-każ ta’ tifqigħa tal-marda tal-ilsien u d-dwiefer ta’ kwalunkwe tip ta’ vajrus. Dik id-Direttiva tistipula wkoll ċerti miżuri preventivi bl-għan li żżid is-sensibilizzazzjoni u l-preparazzjoni tal-awtoritajiet kompetenti u tal-komunità agrikola għall-marda tal-ilsien u d-dwiefer. Id-Direttiva 2003/85/KE tipprevedi, inter alia, li l-Istati Membri jridu jagħmlu pjanijiet ta’ kontinġenza speċifikati fil-miżuri nazzjonali meħtieġa sabiex imantnu livel għoli ta’ sensibilizzazzjoni u preparazzjoni, u protezzjoni ambjentali u li għandhom jiġu implimentati fl-eventwalità ta’ tifqigħa tal-marda tal-ilsien u d-dwiefer.

(4)

Id-Direttiva 2005/94/KE tistipula ċerti miżuri preventivi marbuta mas-sorveljanza u s-sejba bikrija tal-influwenza avjarja u li jżidu l-livell ta’ sensibilizzazzjoni min-naħa tal-awtoritajiet kompetenti u tal-komunità agrikola u tal-preparazzjoni għar-riskji ta’ din il-marda. Id-Direttiva tistipula wkoll il-miżuri minimi ta’ kontroll li għandhom jiġu applikati fil-każ ta’ tfaqqigħa tal-influwenza avjarja fi tjur u għasafar oħra miżmuma fil-magħluq u s-sejba bikrija ta’ tixrid possibbli tal-vajrusis tal-influwenza tat-tjur għal mammiferi. Id-Direttiva 2005/94/KE tipprovdi, inter alia, li l-Istati Membri għandhom iħejju pjan ta’ kontinġenza fi qbil mal-Anness X tagħha, li jispeċifika l-miżuri nazzjonali li għandhom jiġu implimentati f’każ ta’ tifqigħa tal-influwenza avjarja.

(5)

Ir-Regolament tal-Kunsill (KE) Nru 1099/2009 tal-24 ta’ Settembru 2009 dwar il-protezzjoni tal-annimali waqt il-qatla (5) jistabbilixxi regoli għall-qtil ta’ annimali mrobbija jew miżmuma għall-produzzjoni tal-ikel, is-suf, il-ġilda, il-pil jew prodotti oħra kif ukoll il-qtil ta’ annimali għall-iskopijiet ta’ depopolazzjoni u għal operazzjonijiet relatati. Ir-Regolament (KE) Nru 1099/2009 jistipula, inter alia, li l-metodi ta’ sturdament u ta’ qtil ippjanati u l-proċeduri operattivi standard korrispondenti sabiex tiġi żgurata l-konformità ma’ dan ir-Regolament, għandhom jiġu inklużi fil-pjanijiet ta’ kontinġenza meħtieġa skont il-liġi tal-Unjoni dwar is-saħħa tal-annimali, abbażi tal-ipoteżi stabbilita fil-pjan ta’ kontinġenza dwar id-daqs u l-post ta’ fejn suppost faqqgħu l-mard.

(6)

Fid-dawl tas-sbuħija tagħha mal-Unjoni fl-1 ta’ Lulju 2013, il-Kroazja ssottomettiet lill-Kummissjoni l-pjanijiet ta’ kontinġenza tagħha għall-marda ta’ Newcastle, id-deni klassiku tal-ħnieżer, il-marda tal-ilsien u d-dwiefer u l-influwenza avjarja sabiex jiġu eżaminati u approvati.

(7)

Dawk il-pjanijiet, kif emendati mill-Kroazja wara s-suġġerimenti li saru mill-Kummissjoni matul l-eżami tagħhom, jikkonformaw mal-kriterji stipulati fid-Direttivi 92/66/KEE, 2001/89/KE, 2003/85/KE u 2005/94/KE rispettivament. Barra minn hekk, dawn jinkludu l-elementi neċessarji sabiex jikkonformaw mar-rekwiżiti tar-Regolament (KE) Nru 1099/2009. Il-pjanijiet jippermettu, soġġetti għal implimentazzjoni effettiva u aġġornament regolari, li jintlaħqu l-għanijiet tad-Direttivi 92/66/KEE, 2001/89/KE, 2003/85/KE u 2005/94/KE u tar-Regolament (KE) Nru 1099/2009. Għaldaqstant huwa xieraq li jdawk il-pjanijiet jiġu approvati permezz ta’ din id-Deċiżjoni.

(8)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(a)

il-pjan ta’ kontinġenza li jispeċifika l-miżuri nazzjonali li jridu jiġu implimentati f’każ ta’ tifqigħa tal-marda ta’ Newcastle, kif stipulat fl-Artikolu 21(1) tad-Direttiva 92/66/KEE;

(b)

il-pjan ta’ kontinġenza li jispeċifika l-miżuri nazzjonali li jridu jiġu implimentati f’każ ta’ tifqigħa tal-marda tad-deni klassiku tal-ħnieżer, kif stipulat fl-Artikolu 22(1) tad-Direttiva 2001/89/KE;

(c)

il-pjan ta’ kontinġenza li jispeċifika l-miżuri nazzjonali meħtieġa sabiex imantnu livel għoli ta’ sensibilizzazzjoni u ta’ preparazzjoni għall-marda tal-ilsien u d-dwiefer, u l-protezzjoni ambjentali u li għandhom jiġu implimentati f’każ ta’ tifqigħa tal-marda tal-ilsien u d-dwiefer, kif stipulat fl-Artikolu 72(1) tad-Direttiva 2003/85/KE;

(d)

il-pjan ta’ kontinġenza li jispeċifika l-miżuri nazzjonali li jridu jiġu implimentati f’każ ta’ tifqigħa tal-marda avjarja, kif stipulat fl-Artikolu 62(1) tad-Direttiva 2005/94/KE.