Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32012R0225

Regolament tal-Kummissjoni (UE) Nru 225/2012 tal- 15 ta’ Marzu 2012 li jemenda l-Anness II mar-Regolament (KE) Nru 183/2005 tal-Parlament Ewropew u tal-Kunsill dwar l-approvazzjoni tal-istabbilimenti li jqiegħdu fis-suq, għall-użu fl-għalf, prodotti li ġejjin miż-żjut veġetali u xaħmijiet imħallta u dwar ir-rekwiżiti speċifiċi għall-produzzjoni, il-ħażna, it-trasport u l-ittestjar għad-diossina taż-żjut, xaħmijiet u prodotti li ġejjin minnhom Test b’relevanza għaż-ŻEE

ĠU L 77, 16.3.2012, p. 1–5 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/reg/2012/225/oj

Date of document:
15/03/2012
Date of effect:
05/04/2012; Dħul fis-seħħ Data tal-pubblikazzjoni +20 Ara Art. 2
Date of effect:
16/09/2012; Applikazzjoni Ara Art. 2
Date of end of validity:
No end date
Author:
Il-Kummissjoni Ewropea
Responsible body:
Directorate-General for Health and Food Safety
Form:
Regolament
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32005R0183 Emenda anness II 16/09/2012
Modified by:
Relation Act Comment Subdivision concerned From To
Corrected by 32012R0225R(01) (FR)
Corrected by 32012R0225R(02) (HU)
Instruments cited:
Link

16.3.2012   

MT

Il-Ġurnal Uffiċjali tal-Unjoni Ewropea

L 77/1

REGOLAMENT TAL-KUMMISSJONI (UE) Nru 225/2012

tal-15 ta’ Marzu 2012

li jemenda l-Anness II mar-Regolament (KE) Nru 183/2005 tal-Parlament Ewropew u tal-Kunsill dwar l-approvazzjoni tal-istabbilimenti li jqiegħdu fis-suq, għall-użu fl-għalf, prodotti li ġejjin miż-żjut veġetali u xaħmijiet imħallta u dwar ir-rekwiżiti speċifiċi għall-produzzjoni, il-ħażna, it-trasport u l-ittestjar għad-diossina taż-żjut, xaħmijiet u prodotti li ġejjin minnhom

(Test b’relevanza għaż-ŻEE)

Il-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 183/2005 tal-Parlament Ewropew u tal-Kunsill tat-12 ta’ Jannar 2005 li jistabbilixxi l-ħtiġijiet għall-iġjene tal-għalf (1), u b’mod partikulari l-Artikolu 27 (b) u (f) tiegħu,

Billi:

(1)

Ir-Regolament (KE) Nru 183/2005 jistipula regoli ġenerali dwar l-iġjene tal-għalf, il-kundizzjonijiet u l-arranġamenti biex jiġi assigurat li l-kundizzjonijiet tal-ipproċessar għall-imminimizzar u l-kontroll tal-perikli potenzjali jkunu rispettati. L-istabbilimenti kummerċjali tal-għalf għandhom ikunu rreġistrati mal-awtorità kompetenti jew approvati minnha. Barra minn dan, l-operaturi kummerċjali tal-għalf li jinsabu aktar ‘l isfel fil-katina tal-għalf għandhom l-obbligu li jixtru għalf biss minn stabbilimenti li huma rreġistrati jew approvati.

(2)

Ir-Regolament (KE) Nru 767/2009 tal-Parlament Ewropew u tal-Kunsill tat-13 ta’ Lulju 2009 dwar it-tqegħid fis-suq u l-użu ta’ għalf (2) jistipula li l-għalf li jitqiegħed fis-suq għandu jkun sikur u ttikkettat b’mod ċar x’tip ta’ għalf hu. Barra minn dan, ir-Regolament tal-Kummissjoni (UE) Nru 575/2011 tas-16 ta’ Ġunju 2011 dwar il-Katalgu tal-materjali tal-għalf (3) jelenka deskrizzjonijiet għal materjali speċifiċi tal-għalf li għandhom jintużaw għal skopijiet tal-ittikkettar.

(3)

Il-mod ta’ kif dawn ir-rekwiżiti jirrelataw ma’ xulxin għandu jassigura li jkun hemm traċċabbiltà u livell għoli ta’ ħarsien tal-konsumatur fil-katina tal-għalf u tal-ikel.

(4)

Il-kontrolli uffiċjali u l-kontrolli li twettqu mill-operaturi kummerċjali tal-għalf urew li ċerti żjut u xaħmijiet u prodotti li ġejjin minnhom li mhumiex maħsuba għall-użu fl-għalf intużaw bħala materjali tal-għalf u dan irriżulta f’għalf li qabeż il-livelli massimi tad-diossina stipulati fid-Direttiva 2002/32/KE tal-Parlament Ewropew u tal-Kunsill tas-7 ta’ Mejju 2002 dwar sustanzi mhux mixtieqa fl-għalf tal-annimali (4). B’konsegwenza ta’ dan, l-ikel li ġej mill-annimali li ngħataw għalf ikkontaminat jista’ jkun ta’ riskju għas-saħħa pubblika. Barra minn hekk, l-irtirar mis-suq tal-ikel u l-għalf ikkontaminat jista’ jwassal għal telf finanzjarju.

(5)

Biex titjieb l-iġjene tal-għalf u mingħajr ħsara għall-kompetenza tal-Istati Membri kif stipulat fl-Artikolu (10)2 tar-Regolament (KE) Nru 183/2005, l-istabbilimenti li għadhom jipproċessaw żjut veġetali mhux irfinuti, u li jimmanifatturaw prodotti li ġejjin miż-żjut ta’ oriġini veġetali u xaħmijiet imħallta, għandu jkollhom approvazzjoni b’konformità ma’ dan ir-Regolament ġaladarba dawn il-prodotti ikunu maħsuba għall-użu fl-għalf.

(6)

Għandu jkun hemm rekwiżiti speċifiċi għall-produzzjoni, l-ittikkettar, il-ħażna u t-trasport ta’ dawn il-materjali tal-għalf sabiex titqies l-esperjenza miksuba mill-applikazzjoni tas-sistemi bbażati fuq l-Analiżi tal-Perikli u l-Punti Kritiċi ta’ Kontroll (HACCP).

(7)

Monitoraġġ riinfurzat tad-diossina jiffaċilita d-detezzjoni ta’ nuqqasijiet ta’ konformità u l-infurzar tal-liġi dwar l-għalf. Huwa neċessarju li l-operaturi kummerċjali tal-għalf ikunu obbligati li jittestjaw ix-xaħmijiet, iż-żjut u l-prodotti li ġejjin minnhom għad-diossina u PCBs li jixbhu lid-diossina sabiex jitnaqqas ir-riskju li prodotti kkontaminati jibdew jagħmlu parti mill-katina tal-ikel, u b’hekk jappoġġaw l-istrateġija biex jitnaqqas l-esponiment taċ-ċittadini tal-UE għad-diossina. Ir-riskju ta’ kontaminazzjoni tad-diossina għandu jkun ir-raġuni li abbażi tagħha jitwaqqaf pjan ta’ monitoraġġ. Ir-responsabbiltà li fis-suq jitqiegħed għalf sikur hija tal-operaturi kummerċjali tal-għalf. Għaldaqstant, huma għandhom iġarrbu l-ispejjeż kollha għall-analiżi. Id-dispożizzjonijiet dettaljati dwar it-teħid ta’ kampjuni u l-analiżi li ma jinsabux f’dan ir-Regolament għandhom jibqgħu fi ħdan il-kompetenza tal-Istati Membri. Barra minn dan, l-Istati Membri huma mħeġġa jiffokaw fuq il-kontrolli tal-operaturi kummerċjali tal-għalf li ma jagħmlux parti mill-kamp tal-applikazzjoni tal-monitoraġġ tad-diossina imma li jiksbu l-prodotti msemmija hawn fuq.

(8)

Is-sistema tal-monitoraġġ ibbażata fuq ir-riskju obbligatorju ma għandhiex taffettwa l-obbligu tal-operatur kummerċjali tal-għalf li jikkonforma mar-rekwiżiti tal-leġiżlazzjoni tal-Unjoni dwar l-iġjene tal-għalf. Din għandha tkun integrata fi prassi tajbin dwar l-iġjene u s-sistema bbażata fuq l-HACCP. Dan għandu jiġi vverifikat mill-awtorità kompetenti fil-kuntest tal-approvazzjoni tal-operatur kummerċjali tal-għalf. Ir-reviżjoni regolari tal-operatur tal-istima ta’ riskju tiegħu stess għandha tikkunsidra s-sejbiet tal-monitoraġġ tad-diossina.

(9)

Il-laboratorji li jwettqu analiżi tad-diossina għandhom ikunu obbligati li jirrappurtaw ir-riżultati li jaqbżu l-limiti massimi permessi stipulati fid-Direttiva 2002/32/KE mhux biss lill-operatur kummerċjali tal-għalf imma wkoll lill-awtorità kompetenti sabiex titjieb it-trasparenza; dan l-obbligu ma jeżentax lill-operatur kummerċjali tal-għalf mill-obbligu tiegħu li jinforma lill-awtorità kompetenti.

(10)

Għandha ssir reviżjoni wara sentejn sabiex tiġi vverifikata l-effettività tad-dispożizzjonijiet dwar il-monitoraġġ obbligatorju tad-diossina u l-integrazzjoni tiegħu fis-sistema tal-HACCP tal-operaturi kummerċjali tal-għalf.

(11)

Għandu jkun hemm biżżejjed żmien biex l-awtoritajiet kompetenti u l-operaturi kummerċjali tal-għalf ikollhom il-possibbiltà li jadattaw irwieħhom għad-dispożizzjonijiet ta’ dan ir-Regolament.

(12)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom,

ADOTTAT DAN IR-REGOLAMENT:

Artikolu 1

L-Anness II mar-Regolament (KE) Nru 183/2005 huwa emendat skont l-Anness ma’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan għandu japplika mis-16 ta' Settembru 2012.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta’ Marzu 2012.

Għall-Kummissjoni

Il-President

José Manuel BARROSO

(1)  ĠU L 35, 8.2.2005, p. 1.

(2)  ĠU L 229, 1.9.2009, p. 1.

(3)  ĠU L 159, 17.6.2011, p. 25.

(4)  ĠU L 140, 30.5.2002, p. 10.

ANNESS

L-Anness II mar-Regolament (KE) Nru 183/2005 huwa emendat kif ġej:

(1)

Din it-taqsima li ġejja qiegħda tiddaħħal wara t-titolu tal-Anness II:

“DEFINIZZJONIJIET

Għall-iskopijiet ta’ dan l-Anness, għandhom japplikaw id-definizzjonijiet li ġejjin:

(a)

‘lott’ tfisser kwantità identifikabbli ta’ għalf li ġiet iddikjarata li għandha karatteristiċi komuni, bħal ma huma l-oriġini, il-varjetà, it-tip ta’ mballaġġ, minn ippakkjaha, il-konsenjatur jew l-ittikkettar, u fil-każ ta’ proċess tal-produzzjoni, unità ta’ produzzjoni minn impjant wieħed bl-użu ta’ parametri tal-produzzjoni uniformi jew numru ta’ tali unitajiet, meta jkunu prodotti f’ordni kontinwu u maħżuna flimkien;

(b)

‘prodotti li ġejjin minn żjut veġetali’ tfisser kull prodott li ġej minn żjut veġetali mhux irfinuti jew irkuprati permezz tal-ipproċessar oleokimiku jew biodiżil jew distillazzjoni, irfinar kimiku jew fiżiku, minbarra ż-żejt irfinat;

(c)

‘taħlit tax-xaħmijiet’ tfisser it-taħlit taż-żjut mhux irfinuti, żjut irfinuti, xaħmijiet tal-annimali, żjut irkuprati mill-industrija tal-ikel u/jew prodotti li ġejjin minnhom biex jipproduċu żejt jew xaħam imħallat, bl-eċċezzjoni biss tal-ħażna ta’ lottijiet konsekuttivi.”

(2)

Il-punt li ġej qed jiżdied fit-taqsima “FAĊILITAJIET U TAGĦMIR”:

“10.

L-istabbilimenti li jwettqu waħda jew aktar mill-attivitajiet li ġejjin biex iqiegħdu fis-suq il-prodotti għall-użu fl-għalf għandhom ikunu soġġetti għall-approvazzjoni b’konformità mal-Artikolu 10(3):

(a)

l-ipproċessar taż-żejt veġetali mhux irfinat ħlief dawk li jagħmlu parti mill-kamp tal-applikazzjoni tar-Regolament (KE) Nru 852/2004;

(b)

l-immanifatturar oleokimiku tal-aċidi xaħmija;

(c)

l-immanifatturar tal-biodiżil;

(d)

it-taħlit tax-xaħmijiet.”

(3)

Il-punti li ġejjin qegħdin jiżdiedu fit-taqsima “PRODUZZJONI”:

“7.

L-istabbilimenti li jħalltu x-xaħmijiet u li jqiegħdu fis-suq prodotti maħsuba għall-għalf għandhom jisseparaw fiżikament il-prodotti kollha maħsuba għall-għalf mill-prodotti maħsuba għal skopijiet oħra sakemm dawn il-prodotti tal-aħħar ma jkunux konformi:

—

mar-rekwiżiti ta’ dan ir-Regolament jew mal-Artikolu 4(2) tar-Regolament (KE) Nru 852/2004 u

—

mal-Anness I mad-Direttiva 2002/32/KE tal-Parlament Ewropew u tal-Kunsill (*).

8.

L-ittikkettar tal-prodotti għandu jindika b’mod ċar jekk dawn humiex maħsuba għall-għalf jew għal skopijiet oħra. Jekk il-produttur jiddikjara li lott partikolari ta’ prodott mhuwiex maħsub għall-użu fl-għalf jew fl-ikel, din id-dikjarazzjoni ma tkunx tista’ tinbidel sussegwentament minn operatur fi stadju aktar tard tal-katina.

(*)  ĠU L 140, 30.5.2002, p. 10.”"

(4)

It-taqsima li ġejja qiegħda tiżdied wara t-taqsima “KONTROLL TAL-KWALITÀ”:

“MONITORAĠĠ TAD-DIOSSINA

1.

L-operaturi kummerċjali tal-għalf li jqiegħdu fis-suq xaħmijiet, żjut jew prodotti li ġejjin minnhom maħsuba għall-użu fl-għalf, inkluż l-għalf kompost, għandhom janalizzaw dawn il-prodotti f’laboratorji akkreditati għat-total tad-diossina u l-PCBs li jixbhu lid-diossina b’konformità mar-Regolament tal-Kummissjoni (KE) Nru 152/2009 (**).

2.

Biex jissupplimentaw is-sistema ta’ HACCP tal-operatur kummerċjali tal-għalf, l-analiżi msemmija f’punt 1. għandhom jitwettqu minn tal-inqas bil-frekwenzi li ġejjin:

(a)

Il-proċessuri ta’ żjut veġetali mhux irfinuti:

(i)

għandhom jiġu analizzati 100 % tal-lottijiet ta’ żjut tal-ġewż tal-indi mhux irfinuti. Lott jista’ jkun magħmul minn massimu ta’ 1 000 tunnellata ta’ dawn il-prodotti;

(ii)

għandhom jiġu analizzati 100 % tal-lottijiet tal-prodotti li ġejjin minn żjut veġetali minbarra l-gliċerol, il-leċitina u l-gomom maħsuba għall-għalf. Lott jista’ jkun magħmul minn massimu ta’ 1 000 tunnellata ta’ dawn il-prodotti;

(b)

il-produtturi tax-xaħam tal-annimali:

analiżi rappreżentattiva waħda għal kull 2 000 tunnellata ta’ xaħam tal-annimali u prodotti li ġejjin minnhom li jagħmlu parti mill-kategorija 3, kif stipulat fl-Artikolu 10 tar-Regolament (KE) Nru 1069/2009 tal-Parlament Ewropew u tal-Kunsill (***);

(c)

l-operaturi taż-żejt tal-ħut:

(i)

għandhom jiġu analizzati 100 % tal-lottijiet taż-żejt tal-ħut jekk dan ikun prodott minn

—

prodotti li ġejjin minn żejt tal-ħut mhux irfinat minbarra ż-żejt tal-ħut irfinat;

—

setturi tas-sajt bl-ebda storja ta’ monitoraġġ, ta’ oriġini mhux speċifikata jew mill-Baħar Baltiku;

—

prodotti li ġejjin mill-ħut u magħmula minn stabbilimenti li jimmanifatturaw il-ħut għall-konsum mill-bniedem, liema stabbilimenti mhumiex approvati mill-UE;

—

stokkafixx jew menhaden;

lott jista’ jkun magħmul minn massimu ta’ 1 000 tunnellata ta’ żejt tal-ħut.

(ii)

għandhom jiġu analizzati 100 % tal-lottijiet ta’ prodotti li jkunu ħerġin u li ġejjin minn żejt tal-ħut mhux irfinat minbarra żejt tal-ħut irfinat. Lott jista’ jkun magħmul minn massimu ta’ 1 000 tunnellata ta’ dawn il-prodotti.

(iii)

għandha titwettaq analiżi rappreżentattiva għal kull 2 000 tunnellata, fir-rigward taż-żejt tal-ħut mhux imsemmi f’punt (i);

(iv)

iż-żejt tal-ħut dekontaminat minn trattament uffiċjalment approvat għandu jiġi analizzat skont il-prinċipji tal-HACCP b’konformità mal-Artikolu 6.

(d)

l-industrija oleokima u biodiżil:

(i)

għandhom jiġu analizzati 100 % tal-lottijiet li deħlin ta’ żjut tal-ġewż tal-indi u prodotti li ġejjin minn żjut veġetali minbarra l-gliċerol, il-leċitina u l-gomom, xaħmijiet tal-annimali mhux koperti minn (b), żejt tal-ħut mhux kopert minn (c), żjut irkuprati mill-industrija tal-ikel u xaħmijiet imħallta maħsuba għall-għalf. Lott jista’ jkun magħmul minn massimu ta’ 1 000 tunnellata ta’ dawn il-prodotti;

(ii)

għandhom jiġu analizzati 100 % tal-lottijiet ta’ prodotti li ġejjin mill-ipproċessar tal-prodotti msemmija f’(i) minbarra l-gliċerol, il-leċitina u l-gomom.

(e)

stabbilimenti li jħalltu x-xaħam:

(i)

għandhom jiġu analizzati 100 % tal-lottijiet li deħlin ta’ żjut tal-ġewż tal-indi u prodotti li ġejjin minn żjut veġetali minbarra l-gliċerol, il-leċitina u l-gomom, xaħmijiet tal-annimali mhux koperti minn (b), żejt tal-ħut mhux kopert minn (c), żjut irkuprati mill-industrija tal-ikel u xaħmijiet imħallta maħsuba għall-għalf. Lott jista’ jkun magħmul minn massimu ta’ 1 000 tunnellata ta’ dawn il-prodotti;

jew

(ii)

għandhom jiġu analizzati 100 % tal-lottijiet ta’ xaħmijiet imħallta maħsuba għall-għalf. Lott jista’ jkun magħmul minn massimu ta’ 1 000 tunnellata ta’ dawn il-prodotti;

L-operatur kummerċjali tal-għalf għandu jiddikjara lill-awtorità kompetenti fil-kuntest tal-istima tar-riskju tiegħu liema alternattiva se jagħżel.

(f)

il-produtturi tal-għalf kompost għall-annimali li jipproduċu l-ikel minbarra dawk imsemmija fil-punt (e):

(i)

għandhom jiġu analizzati 100 % tal-lottijiet li deħlin ta’ żjut tal-ġewż tal-indi u prodotti li ġejjin minn żjut veġetali minbarra l-gliċerol, il-leċitina u l-gomom, xaħmijiet tal-annimali mhux koperti minn (b), żejt tal-ħut mhux kopert minn (c), żjut irkuprati mill-industrija tal-ikel u xaħmijiet imħallta maħsuba għall-għalf. Lott jista’ jkun magħmul minn massimu ta’ 1 000 tunnellata ta’ dawn il-prodotti;

(ii)

għandu jkun hemm teħid ta’ kampjuni b’frekwenza ta’ 1 % tal-lottijiet fir-rigward tal-għalf kompost immanifatturat li jinkludi fih prodotti msemmija f’(i).

3.

Jekk ikun jista’ jintwera li konsinna omoġenja hija akbar mid-daqs massimu ta’ lott skont il-punt 2. u li din itteħdilha kampjun b’mod rappreżentattiv, allura r-riżultati tal-analiżi tal-kampjun li ttieħed u ġie ssiġillat b’mod xieraq se jiġi kkunsidrat aċċettabbli.

4.

Fejn operatur kummerċjali tal-għalf juri li lott ta’ prodott jew il-komponenti kollha ta’ lott kif imsemmi fil-punt 2., li jkun(u) wasal/waslu għandu jkun(u) diġà ġie/ġew analizzat(i) fi stadju aktar bikri tal-produzzjoni, proċessar jew distribuzzjoni, jew hu(ma) f’konformità mar-rekwiżiti tal-punti 2. (b) jew (c)(iii) l-operatur kummerċjali tal-għalf ma għandux jibqa’ marbut bl-obbligu li janalizza dan il-lott and għandu janalizzah skont il-prinċipji ġenerali tal-HACCP f’konformità mal-Artikolu 6.

5.

Kull kunsinna ta’ prodotti kif imsemmi fil-punti 2. (d)(i), (e)(i) u (f)(i) għandha tkun akkumpanjata minn evidenza li dawn il-prodotti jew il-komponenti kollha tagħhom ġew analizzati jew huma konformi mar-rekwiżiti tal-punti 2. (b) jew (c)(iii).

6.

Jekk il-lottijiet kollha li deħlin ta’ prodotti msemmija fil-punti 2. (d)(i), (e)(i) u (f)(i) li jaslu għall-proċess ta’ produzzjoni jkunu ġew analizzati skont ir-rekwiżiti ta’ dan ir-Regolament u jekk ikun jista’ jiġi assigurat li l-proċess ta’ produzzjoni, immaniġġar u ħażna ma jżidx il-kontaminazzjoni tad-diossina, l-operatur kummerċjali tal-għalf ma għandux jibqa’ marbut bl-obbligu li janalizza l-prodott finali u għandu janalizzah skont il-prinċipji ġenerali tal-HACCP b’konformità mal-Artikolu 6.

7.

Fejn operatur kummerċjali tal-għalf iqabbad laboratorju biex iwettaq analiżi, kif imsemmi fil-punt 1. hu għandu jagħti struzzjonijiet lil-laboratorju biex dan jikkomunika r-riżultati ta’ dik l-analiżi lill-awtorità kompetenti fil-każ li l-limiti tad-diossina stipulati fil-punti 1 u 2 tat-Taqsima V tal-Anness I mad-Direttiva 2002/32/KE jkunu nqabżu.

Fejn operatur kummerċjali tal-għalf iqabbad laboratorju li jinsab fi Stat Membru ieħor li huwa differenti minn dak tal-operatur kummerċjali tal-għalf li qiegħed jordna l-analiżi, hu għandu jagħti struzzjonijiet lil-laboratorju biex dan jirrapporta lill-awtorità kompetenti, li min-naħa tagħha għandha tinforma lill-awtorità kompetenti tal-Istat Membru fejn jinsab l-operatur kummerċjali tal-għalf.

Jekk l-operaturi kummerċjali tal-għalf iqabbdu laboratorju li jinsab f’pajjiż terz, huma għandhom jinfurmaw b’dan lill-awtorità kompetenti tal-Istat Membru fejn jinsabu. Għandha tiġi pprovduta evidenza li l-laboratorju jwettaq l-analiżi b’konformità mar-Regolament (KE) Nru 152/2009.

8.

Ir-rekwiżiti għall-ittestjar tad-diossina għandhom jiġu riveduti mis-16 ta' Marzu 2014.

(**)  ĠU L 54, 26.2.2009, p. 1."

(***)  ĠU L 300, 14.11.2009, p. 1.”"

(5)

Il-punt li ġej qed jiżdied fit-taqsima “ĦAŻNA U TRASPORT”:

“7.

Il-kontenituri li se jintużaw għall-ħażna jew għat-trasport ta’ xaħmijiet imħallta, żjut ta’ oriġini veġetali jew prodotti li ġejjin minnhom maħsuba għall-użu fl-għalf ma għandhom jintużaw għat-trasport jew għall-ħażna ta’ prodotti oħrajn minbarra dawn sakemm il-prodotti ma jkunux konformi mar-rekwiżiti ta’

—

dan ir-Regolament jew l-Artikolu 4(2) tar-Regolament (KE) Nru 852/2004, u

—

l-Anness I mad-Direttiva 2002/32/KE.

Huma għandhom jinżammu separati minn kwalunkwe merkanzija oħra fejn hemm ir-riskju ta’ kontaminazzjoni.

Fejn dan l-użu separat mhux possibbli, il-kontenituri għandhom jitnaddfu sew sabiex titneħħa kull traċċa tal-prodott jekk dawn il-kontenituri ntużaw qabel għal prodotti li ma jissodisfawx ir-rekwiżiti ta’

—

dan ir-Regolament jew l-Artikolu 4(2) tar-Regolament (KE) Nru 852/2004, u

—

l-Anness I mad-Direttiva 2002/32/KE.

Ix-xaħmijiet tal-annimali tal-kategorija 3, kif stipulat fl-Artikolu 10 tar-Regolament (KE) Nru 1069/2009, maħsuba għall-użu fl-għalf għandhom jinħażnu u jiġu trasportati b’konformità ma’ dan ir-Regolament.”
Top