Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32012R0134

Regolament tal-Kunsill (UE) Nru 134/2012 tat- 23 ta’ Jannar 2012 dwar l-allokazzjoni ta' opportunitajiet tas-sajd skont il-Protokoll għall-Ftehim ta' Sħubija dwar is-Sajd bejn il-Komunità Ewropea u r-Repubblika tal-Możambik

ĠU L 46, 17.2.2012, p. 1–2 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/reg/2012/134/oj

Date of document:
23/01/2012
Date of effect:
01/02/2012; Applikazzjoni Ara Art. 2
Date of effect:
18/02/2012; Dħul fis-seħħ Data tal-pubblikazzjoni + 1 Ara Art. 2
Date of end of validity:
No end date
Author:
Il-Kunsill tal-Unjoni Ewropea
Responsible body:
Directorate-General for Maritime Affairs and Fisheries
Form:
Regolament
Additional information:
NLE 2011/0376
Treaty:
Trattat dwar il-Funzjonament tal-Unjoni Ewropea
Legal basis:
Proposal:
Link
Link
Link
Link
Link
Select all documents mentioning this document
Instruments cited:
Link

17.2.2012   

MT

Il-Ġurnal Uffiċjali tal-Unjoni Ewropea

L 46/1

REGOLAMENT TAL-KUNSILL (UE) Nru 134/2012

tat-23 ta’ Jannar 2012

dwar l-allokazzjoni ta' opportunitajiet tas-sajd skont il-Protokoll għall-Ftehim ta' Sħubija dwar is-Sajd bejn il-Komunità Ewropea u r-Repubblika tal-Możambik

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 43(3) tiegħu,

Wara li kkunsidra l-proposta mill-Kummissjoni Ewropea,

Billi:

(1)

Fit-22 ta' Novembru 2007, il-Kunsill adotta r-Regolament (KE) Nru 1446/2007 dwar il-konklużjoni tal-Ftehim ta’ Sħubija dwar is-Sajd bejn il-Komunità Ewropea u r-Repubblika tal-Możambik (1) (il-Ftehim). Ġie anness miegħu Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim (2). Dak il-Protokoll skada fil-31 ta' Diċembru 2011.

(2)

Fit-2 ta' Ġunju 2011 ġie inizjalat Protokoll ġdid, li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn l-Komunità Ewropea u r-Repubblika tal-Możambik ("il-Protokoll") li jagħti opportunitajiet tas-sajd lill-bastimenti tal-UE fl-ilmijiet li fihom il-Możambik għandu s-sovranità jew il-ġuriżdizzjoni fir-rigward tas-sajd.

(3)

Fit-23 ta’ Jannar 2012 il-Kunsill adotta d-Deċiżjoni 2012/91/UE (3) dwar l-iffirmar, f'isem l-Unjoni Ewropea, u l-applikazzjoni provviżorja tal-Protokoll,

(4)

Il-mod li bih jiġu allokati l-opportunitajiet tas-sajd bejn l-Istati Membri għandu jiġi ddefinit għal tul iż-żmien tal-Protokoll.

(5)

Skont l-Artikolu 10(1) tar-Regolament tal-Kunsill (KE) Nru 1006/2008 tad-29 ta’ Settembru 2008 dwar l-awtorizzazzjonijiet għall-attivitajiet tas-sajd tal-bastimenti tas-sajd tal-Komunità barra mill-ilmijiet tal-Komunità u l-aċċess ta’ bastimenti ta’ pajjiżi terzi għall-ilmijiet tal-Komunità, (4) f’każ li l-opportunitajiet tas-sajd allokati lill-Unjoni skont Ftehim ta’ Sħubija dwar is-Sajd ma jkunux qed jintużaw għal kollox, il-Kummissjoni għandha tinforma lill-Istati Membri kkonċernati dwar dan. In-nuqqas ta' tweġiba sad-dati ta' skadenzi li jiġu ffissati mill-Kunsill għandu jitqies bħala konferma li l-bastimenti tal-Istat Membru kkonċernat mhux qed jagħmlu użu sħiħ mill-opportunitajiet tas-sajd tagħhom fil-perjodu speċifikat. Huwa importanti li dawn l-iskadenzi jiġu ffissati.

(6)

Peress li l-Protokoll għall-Ftehim, skada fil-31 ta’ Diċembru 2011, dan ir-Regolament għandu japplika mill-1 ta’ Frar 2012,

ADOTTA DAN IR-REGOLAMENT:

Artikolu 1

1.   L-opportunitajiet tas-sajd stabbiliti mill-Protokoll għandu jitqassam kif ġej bejn l-Istati Membri:

(a)

sajd b'bastimenti bit-tartarun għat-tonn:

Spanja

22 bastiment

Franza

20 bastiment

L-Italja

bastiment wieħed (1)

Total

43 bastiment

(b)

sajd b'bastimenti bil-konz tal-wiċċ:

Spanja

16-il bastiment

Franza

8 bastimenti

Il-Portugall

7 bastimenti

Ir-Renju Unit

bastiment wieħed (1)

Total

32 bastiment

2.   Ir-Regolament (KE) Nru 1006/2008 għandu japplika bla ħsara għal-Ftehim u l-Protokoll.

3.   Jekk l-applikazzjonijiet għall-awtorizzazzjoni tas-sajd mill-Istati Membri msemmija fil-paragrafu 1 ma jkoprux l-opportunitajiet kollha tas-sajd stabbiliti bil-Protokoll, il-Kummissjoni għandha tikkunsidra t-talbiet għall-awtorizzazzjoni tas-sajd minn kwalunkwe Stat Membru ieħor skont l-Artikolu 10 tar-Regolament (KE) Nru 1006/2008.

4.   Id-data tal-iskadenza li fiha l-Istati Membri għandhon jikkonfermaw li ma jużawx b’mod sħiħ l-opportunitajiet tas-sajd allokati skont il-Ftehim, kif imsemmi fl-Artikolu 10(1) tar-Regolament (KE) Nru 1006/2008, għandha tkun stabbilita għal għaxart (10) ijiem tax-xogħol mill-jum li fih il-Kummissjoni tinforma lill-Istati Membri li l-opportunitajiet tas-sajd ma ġewx eżawriti.

Artikolu 2

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Ir-Regolament għandu japplika mill-1 ta’ Frar 2012

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-23 ta’ Jannar 2012.

Għall-Kunsill

Il-President

M. GJERSKOV

(1)  ĠU L 331, 17.12.2007, p. 1.

(2)  ĠU L 331, 17.12.2007, p. 39.

(3)  Ara l-paġna 3 ta’ dan il-Ġurnal Uffiċjali.

(4)  ĠU L 286, 29.10.2008, p. 33.

Top