Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32010L0051

Direttiva tal-Kummissjoni 2010/51/UE tal- 11 ta’ Awwissu 2010 li temenda d-Direttiva 98/8/KE tal-Parlament Ewropew u tal-Kunsill biex l-N,N-diethyl-meta-toluamide jkun inkluż bħala sustanza attiva fl-Anness I tagħha Test b’relevanza għaż-ŻEE

ĠU L 211, 12.8.2010, p. 14–16 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 31/08/2013; Imħassar b' 32012R0528

ELI: http://data.europa.eu/eli/dir/2010/51/oj

Date of document:
11/08/2010
Date of effect:
01/09/2010; Dħul fis-seħħ Data tal-pubblikazzjoni +20 Ara Art. 3
Date of effect:
01/08/2012; Applikazzjoni Applikazzjoni Ara Art. 2
Date of transposition:
31/07/2011; L-aktar tard Ara Art. 2
Date of end of validity:
31/08/2013; Imħassar b' 32012R0528
Author:
Il-Kummissjoni Ewropea
Form:
Direttiva
Addressee:
Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
Additional information:
Id-Direttiva li temenda, Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 31998L0008 Emenda anness 1 01/09/2010
Modified by:
Relation Act Comment Subdivision concerned From To
Repealed by 32012R0528
Instruments cited:
Link

12.8.2010   

MT

Il-Ġurnal Uffiċjali tal-Unjoni Ewropea

L 211/14

DIRETTIVA TAL-KUMMISSJONI 2010/51/UE

tal-11 ta’ Awwissu 2010

li temenda d-Direttiva 98/8/KE tal-Parlament Ewropew u tal-Kunsill biex l-N,N-diethyl-meta-toluamide jkun inkluż bħala sustanza attiva fl-Anness I tagħha

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Parlament Ewropew u tal-Kunsill 98/8/KE tas-16 ta’ Frar 1998 dwar it-tqegħid fis-suq ta’ prodotti bijoċidali (1), u b’mod partikolari t-tieni subparagrafu tal-Artikolu 16(2) tagħha,

Billi:

(1)

Ir-Regolament tal-Kummissjoni (KE) Nru 1451/2007 tal-4 ta’ Diċembru 2007 dwar it-tieni fażi tal-programm ta’ ħidma ta’ 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill dwar it-tqegħid fis-suq ta’ prodotti bijoċidali (2) jistabbilixxi lista ta’ sustanzi attivi li għandhom jiġu vvalutati, bl-għan li possibbilment jiġu inklużi fl-Anness I, IA jew IB għad-Direttiva 98/8/KE. Dik il-lista tinkludi l-N,N-diethyl-meta-toluamide (minn hawn ’il quddiem imsejjaħ “DEET”).

(2)

Skont ir-Regolament (KE) Nru 1451/2007, id-DEET ġie evalwat skont l-Artikolu 11(2) tad-Direttiva 98/8/KE għall-użu fi prodotti tat-tip 19, repellanti u attrattanti, kif iddefinit fl-Anness V għal dik id-Direttiva.

(3)

L-Isvezja nħatret bħala l-Istat Membru Rapporteur u ressqet ir-rapport tal-awtorità kompetenti, flimkien ma’ rakkomandazzjoni, lill-Kummissjoni fit-30 ta’ Novembru 2007 skont l-Artikolu 14(4) u (6) tar-Regolament (KE) Nru 1451/2007.

(4)

Ir-rapport tal-awtorità kompetenti ġie analizzat mill-Istati Membri u mill-Kummissjoni. Skont l-Artikolu 15(4) tar-Regolament (KE) Nru 1451/2007, is-sejbiet tal-analiżi ġew inkorporati, fi ħdan il-Kumitat Permanenti dwar il-Prodotti Bijoċidali fit-11 ta’ Marzu 2010, f’rapport ta’ valutazzjoni.

(5)

Mill-eżamijiet li saru jidher li l-prodotti bijoċidali li jintużaw bħala sustanzi repellanti jew attrattanti u li jkun fihom id-DEET jistgħu jkunu mistennija li jissodisfaw ir-rekwiżiti stipulati fl-Artikolu 5 tad-Direttiva 98/8/KE. Għaldaqstant huwa f’loku li d-DEET jiġi inkluż fl-Anness I għal dik id-Direttiva.

(6)

Fid-dawl tas-sejbiet tar-rapport ta’ valutazzjoni, huwa f’loku li, għall-prodotti li fihom id-DEET u li jintużaw bħala repellanti jew attrattanti, ikun hemm il-ħtieġa li jittieħdu miżuri ta’ tnaqqis tar-riskju fil-livell tal-awtorizzazzjoni tal-prodotti. Prodotti maħsuba għal applikazzjoni diretta fuq il-ġilda tal-bniedem għandhom ikunu ittikkettjati b’istruzzjonijiet għall-użu li jinkludu l-ammont u l-frekwenza tal-applikazzjoni sabiex jonqos l-esponiment primarju tal-bniedem. Ġie identifikat xi tħassib waqt il-valutazzjoni tar-riskju għas-saħħa tal-bniedem, speċjalment għat-tfal. Għaldaqstant, sakemm ma tiġix ippreżentata dejta biex turi li l-prodott jissodisfa r-rekwiżiti tal-Artikolu 5 u l-Anness VI meta jintuża fuq it-tfal, prodotti li fihom id-DEET ma għandhomx jintużaw fuq tfal ta’ inqas minn sentejn, u l-użu għandu jkun ristrett fit-tfal ta’ età bejn sentejn u tnax-il sena, ħlief meta dan ikun immotivat minn riskju għas-saħħa tal-bniedem minn pereżempju epidemiji minn mard li jittieħed mill-insetti. Barra dan, il-prodotti għandu jkollhom deterrenti għall-inġestjoni.

(7)

Huwa importanti li d-dispożizzjonijiet ta’ din id-Direttiva jkunu applikati b’mod simultanju fl-Istati Membri kollha sabiex jiġi żgurat trattament ugwali tal-prodotti bijoċidali fis-suq li fihom is-sustanza attiva DEET u wkoll biex jiġi ffaċilitat l-operat kif suppost tas-suq tal-prodotti bijoċidali b’mod ġenerali.

(8)

Għandu jitħalla jgħaddi perjodu raġonevoli qabel ma sustanza attiva tiġi inkluża fl-Anness I sabiex jippermetti lill-Istati Membri u lill-partijiet interessati jħejju rwieħhom biex jissodisfaw ir-rekwiżiti l-ġodda involuti, u biex jiġi żgurat li l-applikanti li jkunu ħejjew id-dossiers ikunu jistgħu jibbenefikaw bis-sħiħ mill-perjodu ta’ 10 snin ta’ protezzjoni tad-dejta, li skont l-Artikolu 12(1)(c)(ii) tad-Direttiva 98/8/KE jibda mid-data tal-inklużjoni.

(9)

Wara l-inklużjoni, l-Istati Membri għandhom jingħataw perjodu raġonevoli biex jimplimentaw l-Artikolu 16(3) tad-Direttiva 98/8/KE.

(10)

Id-Direttiva 98/8/KE għandha għalhekk tiġi emendata skont dan.

(11)

Il-miżuri stipulati f’din id-Direttiva huma skont l-opinjoni tal-Kumitat Permanenti dwar il-Prodotti Bijoċidali,

ADOTTAT DIN ID-DIRETTIVA:

Artikolu 1

L-Anness I għad-Direttiva 98/8/KE huwa emendat skont l-Anness għal din id-Direttiva.

Artikolu 2

Traspożizzjoni

1.   L-Istati Membri għandhom jadottaw u jippubblikaw il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva, sa mhux aktar tard mill-31 ta’ Lulju 2011.

Għandhom japplikaw dawk id-dispożizzjonijiet mill-1 ta’ Awwissu 2012.

Meta l-Istati Membri jadottaw dawk id-dispożizzjonijiet, dawn għandhom jinkludu referenza għal din id-Direttiva jew għandhom ikunu akkumpanjati b’tali referenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-referenza.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.

Artikolu 3

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 4

Din id-Direttiva hija indirizzata lill-Istati Membri.

Magħmul fi Brussell, il-11 ta’ Awwissu 2010.

Għall-Kummissjoni

Il-President

José Manuel BARROSO

(1)  ĠU L 123, 24.4.1998, p. 1.

(2)  ĠU L 325, 11.12.2007, p. 3.

ANNESS

Fl-Anness I għad-Direttiva 98/8/KE, għandha tiżdied l-annotazzjoni li ġejja għall-N,N-diethyl-meta-toluamide:

Nru

Isem Komuni

Isem tal-IUPAC

Numri tal-Identifikazzjoni

Purezza minima tas-sustanza attiva fil-prodott bijoċidali kif jitqiegħed fis-suq

Data tal-inklużjoni

Skadenza sa meta għandu jkun hemm konformità mal-Artikolu 16(3)

(ħlief għall-prodotti li fihom iktar minn sustanza attiva waħda, li għalihom id-data ta’ skadenza għall-konformità mal-Artikolu 16(3) għandha tkun dik stipulata fl-aħħar deċiżjoni minn dawk dwar l-inklużjoni marbuta mas-sustanzi attivi tagħhom)

Data ta’ skadenza tal-inklużjoni

Tip ta’ prodott

Dispożizzjonijiet speċifiċi (*)

“35

N,N-diethyl-meta-toluamide

N,N-diethyl-m-toluamide

Nru tal-KE: 205-149-7

Nru tal-CAS: 134-62-3

970 gm/kg

1 ta’ Awwissu 2012

31 ta’ Lulju 2014

31 ta’ Lulju 2022

19

L-Istati Membri għandhom jiżguraw li l-awtorizzazzjonijiet ikunu soġġetti għall-kundizzjonijiet li ġejjin:

(1)

L-esponiment primarju tal-bniedem għandu jonqos permezz ta’ kunsiderazzjoni u applikazzjoni ta’ miżuri li jtaffu r-riskju, inklużi fejn applikabbli, struzzjonijiet għall-ammont u l-frekwenza tal-applikazzjoni tal-prodott fuq il-ġilda tal-bniedem;

(2)

Tikketti fuq prodotti maħsuba għall-użu fuq il-ġilda, ix-xagħar jew ħwejjeġ tal-bniedem għandhom jindikaw li l-prodott huwa maħsub għal użu ristrett fuq tfal bejn sentejn u tnax-il sena, u li mhuwiex maħsub għall-użu fuq tfal ta’ inqas minn sentejn, sakemm ma jintweriex fl-applikazzjoni għall-awtorizzazzjoni tal-prodott li l-prodott se jissodisfa r-rekwiżiti tal-Artikolu 5 u l-Anness VI mingħajr tali miżuri;

(3)

Il-prodotti għandhom jinkludu deterrenti għall-inġestjoni.”

(*)  Għall-implimentazzjoni tal-prinċipji komuni tal-Anness VI, il-kontenut u l-konklużjonijiet tar-rapporti ta’ valutazzjoni huma disponibbli fuq il-websajt tal-Kummissjoni: http://ec.europa.eu/comm/environment/biocides/index.htm

Top