EUR-Lex Access to European Union law
This document is an excerpt from the EUR-Lex website
Document 32009L0034
Directive 2009/34/EC of the European Parliament and of the Council of 23 April 2009 relating to common provisions for both measuring instruments and methods of metrological control (Recast) (Text with EEA relevance)
Direttiva 2009/34/KE tal-Parlament Ewropew u tal-Kunsill tat- 23 ta’ April 2009 dwar dispożizzjonijiet komuni kemm għall-istrumenti tal-kejl kif ukoll għall-metodi ta’ kontroll metroloġiku (tfassil mill-ġdid) (Test b’relevanza għaż-ŻEE)
Direttiva 2009/34/KE tal-Parlament Ewropew u tal-Kunsill tat- 23 ta’ April 2009 dwar dispożizzjonijiet komuni kemm għall-istrumenti tal-kejl kif ukoll għall-metodi ta’ kontroll metroloġiku (tfassil mill-ġdid) (Test b’relevanza għaż-ŻEE)
ĠU L 106, 28.4.2009, p. 7–24
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force: This act has been changed. Current consolidated version: 26/07/2019
Relation | Act | Comment | Subdivision concerned | From | To |
---|---|---|---|---|---|
Modifies | 11972BN01/10/PT1A16 | Revoka parzjali | |||
Modifies | 11972BN02/8/PT1A3 | Revoka parzjali | |||
Modifies | 11972BN11/9/PT1A21 | Revoka parzjali | |||
Modifies | 11979HN01/10 | Revoka parzjali | |||
Modifies | 11985IN01/09/A | Revoka parzjali | |||
Modifies | 11994NN01/11/C7 | Revoka parzjali | |||
Modifies | 11994NN01/11/C8 | Revoka parzjali | |||
Modifies | 12003TN02/01/D | Revoka parzjali | |||
Repeal | 31971L0316 | ||||
Repeal | 31972L0427 | ||||
Modifies | 31973D0101(01) | Revoka parzjali | |||
Repeal | 31983L0575 | ||||
Modifies | 31987L0354 | Revoka parzjali | |||
Repeal | 31987L0355 | ||||
Modifies | 31988L0665 | Revoka parzjali | |||
Modifies | 32003R0807 | Revoka parzjali | |||
Modifies | 32006L0096 | Revoka parzjali | |||
Repeal | 32007L0013 |
Relation | Act | Comment | Subdivision concerned | From | To |
---|---|---|---|---|---|
Modified by | 32019R1243 | Tħassir | artikolu 5 paragrafu 3 | 26/07/2019 | |
Modified by | 32019R1243 | Sostituzzjoni | artikolu 16 | 26/07/2019 | |
Modified by | 32019R1243 | Tħassir | artikolu 17 | 26/07/2019 | |
Modified by | 32019R1243 | Żieda | artikolu 16a | 26/07/2019 |
28.4.2009 |
MT |
Il-Ġurnal Uffiċjali tal-Unjoni Ewropea |
L 106/7 |
DIRETTIVA 2009/34/KE TAL-PARLAMENT EWROPEW U TAL-KUNSILL
tat-23 ta’ April 2009
dwar dispożizzjonijiet komuni kemm għall-istrumenti tal-kejl kif ukoll għall-metodi ta’ kontroll metroloġiku
(tfassil mill-ġdid)
(Test b’relevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat li jistabbilixxi l-Komunità Ewropea, u partikolarment l-Artikolu 95 tiegħu,
Wara li kkunsidraw il-proposta mill-Kummissjoni,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Filwaqt li jaġixxu skont il-proċedura mniżżla fl-Artikolu 251 tat-Trattat (2),
Billi:
(1) |
Id-Direttiva tal-Kunsill 71/316/KEE tas-26 ta’ Lulju 1971 dwar l-approssimazzjoni tal-liġijiet tal-Istati Membri li għandhom x’jaqsmu ma’ dispożizzjonijiet komuni kemm għall-istrumenti tal-miżurazzjoni kif ukoll għall-metodi ta’ kontroll metroloġiku (3) ġiet emendata diversi drabi b’mod sostanzjali (4). Billi għandhom isiru emendi ulterjuri, għandha tiġi mfassla mill-ġdid fl-interess taċ-ċarezza. |
(2) |
F’kull Stat Membru, dispożizzjonijiet mandatorji jiddeterminaw il-karatteristiċi tekniċi tal-istrumenti tal-kejl u l-metodi tal-kontroll metroloġiku. Dawk ir-rekwiżiti jvarjaw minn Stat Membru għall-ieħor. Dawk id-differenzi jfixklu l-kummerċ u jistgħu joħolqu kondizzjonijiet mhux ugwali ta’ kompetizzjoni fi ħdan il-Komunità. |
(3) |
Wieħed mill-objettivi tal-kontrolli f’kull Stat Membru huwa li tingħata assigurazzjoni lill-konsumaturi li l-kwantitajiet imwassla jikkorrispondu għall-prezz imħallas. Konsegwentement, l-għan ta’ din id-Direttiva m’għandux ikun li jabolixxi dawk il-kontrolli iżda li telimina d-differenzi bejn ir-regoli sakemm dawn jikkostitwixxu tfixkil għall-kummerċ. |
(4) |
Dak it-tfixkil għall-funzjonament tas-suq intern jista’ jitnaqqas u jiġi eliminat jekk l-istess rekwiżiti japplikaw fl-Istati Membri, fil-bidu billi jikkompletaw id-disposizzjonijiet nazzjonali fis-seħħ u aktar tard, meta l-kondizzjoniijet meħtieġa jkunu ntlaħqu, billi jissostitwixxu dawk id-disposizzjonijiet nazzjonali. |
(5) |
Anke matul il-perjodu fejn jikkoeżistu mad-disposizzjoniet nazzjonali, ir-rekwiżiti Komunitarji jippermettu lill-kumpaniji biex jimmanifatturaw prodotti li jkollhom karatteristiċi tekniċi uniformi u jkunu għalhekk jistgħu jiġu kkummerċjlaizzati u jintużaw fil-Komunità kollha wara li jgħaddu mill-kontrolli tal-KE. |
(6) |
Ir-rekwiżiti tekniċi Komunitarji għad-disinn u t-tħaddim għandhom jiżguraw li l-istrumenti jagħtu kontinwament qisien li jkunu preċiżi biżżejjed għall-iskop maħsub tagħhom. |
(7) |
Il-konformità mar-rekwiżiti tekniċi tkun normalment ikkonfermata mill-Istati Membri qabel l-istrumenti tal-kejl jitqiegħdu fis-suq jew jintużaw għall-ewwel darba, u fejn ikun xieraq meta jkunu fis-servizz, konferma bħal din issir permezz ta’ proċeduri ta’ approvazzjoni tal-mudell u ta’ verifika. Biex ikun hemm moviment ħieles ta’ dawn l-istrumenti fi ħdan il-Komunità, huwa wkoll meħtieġ li jkun previst ir-rikonoxximent reċiproku tal-kontrolli fost l-Istati Membri u biex ikunu stabbiliti proċeduri xierqa ta’ approvazzjoni KE tal-mudell u ta’ verifika inizjali kif ukoll ta’ metodi KE ta’ kontroll metroloġiku skont din id-Direttiva u d-Direttivi separati rilevanti. |
(8) |
Il-preżenza, fuq strument tal-kejl jew prodott, ta’ sinjali jew marki li juru li għadda mill-kontrolli xierqa tindika li dak l-istrument jew prodott jissodisfa r-rekwiżiti tekniċi rilevanti tal-Komunità, u għalhekk li meta dak l-istrument jew prodott jiġi impurtat jew jibda jitħaddem ma jkunx meħtieġ li jkunu rripetuti l-kontrolli li jkunu diġà twettqu. |
(9) |
Ir-regoli metroloġiċi nazzjonali jkopru diversi kategoriji ta’ strumenti tal-kejl u prodotti. Din id-Direttiva tistabbilixxi d-dispożizzjonijiet ġenerali li jittrattaw, b’mod partikolari, il-proċeduri ta’ approvazzjoni tal-mudell KE u l-verifika inizjali, kif ukoll il-metodi KE ta’ kontroll metroloġiku. Id-Direttivi tal-implementazzjoni li jkopru d-diversi kategoriji ta’ strumenti u prodotti ser jistabbilixxu r-rekwiżiti tekniċi rigward id-disinn, it-tħaddim u l-preċiżjoni, il-proċeduri ta’ kontroll u, fejn xieraq, il-kondizzjonijiet li taħthom rekwiżiti tekniċi Komunitarji għandhom jissostitwixxu d-dispożizzjonijiet nazzjonali li jkunu fis-seħħ. |
(10) |
Il-miżuri meħtieġa għall-implimentazzjoni ta’ din id-Direttiva għandhom jiġu adottati skont id-Deċiżjoni tal-Kunsill 1999/468/KE tat-28 ta’ Ġunju 1999 li tipprovdi l-proċeduri għall-eżerċizzju tas-setgħat tal-implimentazzjoni konferiti fuq il-Kummissjoni (5). |
(11) |
B’mod partikolari, il-Kummissjoni għandha tingħata s-setgħa biex temenda l-Annessi I u II ta’ din id-Direttiva u l-annessi għad-Direttivi separati. Peress li dawk il-miżuri huma ta’ kamp ta’ applikazzjoni ġenerali u huma mfassla biex jemendaw elementi mhux essenzjali ta’ din id-Direttiva u tad-Direttivi separati, dawn għandhom jiġu adottati skont il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE. |
(12) |
L-elementi ġodda introdotti f’din id-Direttiva jikkonċernaw biss il-proċeduri ta’ kumitat. Għalhekk m’hemmx bżonn li jiġu trasposti mill-Istati Membri. |
(13) |
Din id-Direttiva għandha tkun bla ħsara għall-obbligi tal-Istati Membri rigward il-limiti ta’ żmien għat-traspożizzjoni fil-liġi nazzjonali tad-Direttivi mniżżla fl-Anness III, Parti B, |
ADOTTAW DIN ID-DIRETTIVA:
KAPITOLU I
PRIĊIPJI BAŻIĊI
Artikolu 1
1. Din id-Direttiva għandha tapplika għal:
(a) |
strumenti kif definiti fil-paragrafu 2; |
(b) |
l-unitajiet ta’ kejl, l-armonizzazzjoni ta’ metodi ta’ kejl u kontroll metroloġiku u, fejn xieraq, il-mezzi meħtieġa għall-applikazzjoni ta’ dawn il-metodi; |
(ċ) |
l-iffissar, il-metodi ta’ kejl, il-kontroll metroloġiku u l-immarkar ta’ kwantitajiet tal-prodotti imballati minn qabel. |
2. Għall-fini ta’ din id-Direttiva, “strumenti” għandha tfisser strumenti tal-kejl, komponenti ta’ strumenti tal-kejl, apparat addizzjonali u tagħmir tal-kejl.
3. L-ebda Stat Membru ma jista’, abbażi ta’ din id-Direttiva u d-Direttivi separati relatati magħha, jipprevjeni, jipprojbixxi jew jirrestrinġi t-tqegħid fis-suq u/jew id-dħul fis-servizz ta’ strument jew ta’ prodott deskritt fil-paragrafu 1 jekk dak l-istrument jew prodott iġib il-marki u/jew is-sinjali KE skont il-kondizzjonijiet stabbiliti f’din id-Direttiva u fid-Direttivi separati relatati mal-istrument jew prodott ikkonċernat.
4. L-Istati Membri għandhom jagħtu l-approvazzjoni tal-mudell KE u l-kontroll inizjali KE l-istess valur li jingħata lill-atti nazzjonali korrispondenti.
5. Id-Direttivi separati li jikkonċernaw il-kwistjonijiet imsemmija fil-paragrafu 1 għandhom jispeċifikaw:
— |
b’mod partikolari, il-proċeduri u l-karatteristiċi ta’ kejl ta’, u r-rekwiżiti tekniċi għal, id-disinn u t-tħaddim tagħhom, fir-rigward tal-istrumenti msemmija fil-punt (a) tal-paragrafu 1, |
— |
ir-rekwiżiti li jikkonċernaw il-punti (b) u (c) tal-paragrafu 1. |
6. Id-Direttivi separati jistgħu jiffissaw id-data li fiha d-disposizzjonijiet nazzjonali eżistenti jinbidlu mid-disposizzjonijet Kommunitarji.
KAPITOLU II
APPROVAZZJONI TAL-MUDELL KE
Artikolu 2
1. L-Istati Membri għandhom jagħtu l-approvazzjoni tal-mudell KE skont id-dispożizzjonijiet ta’ din id-Direttiva u tad-Direttivi separati rilevanti.
2. L-approvazzjoni tal-mudell KE ta’ strumenti għandha tikkostitwixxi d-dħul tagħhom fil-verifika inizjali KE u, fejn dan tal-aħħar ma jkunx meħtieġ, l-awtorizzazzjoni li jitqiegħdu fis-suq u/jew idaħħluhom fis-servizz. Jekk id-Direttiva/i separata/i applikabbli għal kategorija ta’ strumenti teżenta/jeżentaw dik il-kategorija mill-approvazzjoni tal-mudell KE, l-istrumenti f’dik il-kategorija għandhom ikunu mdaħħlin direttament għall-kontroll inizjali tal-KE.
3. Jekk it-tagħmir ta’ spezzjoni tagħhom hekk jippermetti, l-Istati Membri għandhom jagħtu l-approvazzjoni tal-mudell KE għal kull strument li jissodisfa r-rekwiżiti stabbiliti f’din id-Direttiva u d-Direttivi separati relatati mal-istrument ikkonċernat.
4. Applikazzjoni għall-approvazzjoni tal-mudell KE tista’ ssir biss mill-fabbrikant jew ir-rappreżentant tiegħu stabbilit ġewwa l-Komunità. Għall-istess strument partikolari, tista’ ssir applikazzjoni fi Stat Membru wieħed biss.
5. Stat Membru li jkun ta approvazzjoni tal-mudell KE għandu jieħu l-passi meħtieġa biex jiżgura li jinżamm infurmat b’kull modifika ta’ jew żieda għall-mudell approvat. Huwa għandu jinforma lill-Istati Membri l-oħra b’dawn it-tibdiliet.
Il-modifiki ta’ jew iż-żidiet għall-mudell approvat għandhom jirċievu approvazzjoni KE addizzjonali tal-mudell mill-Istat Membru li jkun ta l-approvazzjoni tal-mudell KE, fejn dawn il-bidliet jinfluwenzaw jew jistgħu jinfluwenzaw ir-riżultati tal-kejl jew il-kondizzjonijiet stipulati għall-użu tal-istrument.
Madankollu, fil-każ ta’ mudell modifikat, għandha tingħata approvazzjoni ta’ mudell KE ġdida minflok żieda għaċ-ċertifikat oriġinali tal-approvazzjoni tal-mudell KE, jekk il-mudell jiġi modifikat wara li jkunu ġew modifikati jew adattati d-dispożizzjonijiet ta’ din id-Direttiva jew tad-Direttiva rilevanti separata b’mod li l-mudell modifikat jista’ jiġi approvat biss bis-saħħa tad-dispożizzjonijiet il-ġodda.
Artikolu 3
Meta l-approvazzjoni tal-mudell KE tingħata għal tagħmir anċillari, l-approvazzjoni għandha tispeċifika:
(a) |
il-mudelli ta’ strument li miegħu dan it-tagħmir jista’ jitwaħħal jew li jista’ jkun inkorporat fih; |
(b) |
il-kondizzjonijiet ġenerali għat-tħaddim ġenerali tal-istrumenti li għalihom ġie approvat. |
Artikolu 4
Meta strument ikun temm b’suċċess l-eżami tal-approvazzjoni tal-mudell KE stabbilit f’din id-Direttiva u f’Direttivi separati relatati ma’ dak l-istrument, l-Istat Membru li jkun għamel dak l-eżami għandu jħejji ċertifikat tal-approvazzjoni tal-mudell KE.
Dak l-Istat Membru għandu jibgħat dak iċ-ċertifikat lill-applikant.
Fil-każijiet previsti fl-Artikolu 11 ta’ din id-Direttiva jew f’Direttiva separata, l-applikant għandu, u fil-każijiet kollha l-oħra jista’, jwaħħal jew jara li jitwaħħal fuq kull strument li jikkonforma mal-mudell approvat is-sinjal ta’ approvazzjoni tal-KE muri fiċ-ċertifikat.
Artikolu 5
1. L-approvazzjoni tal-mudell KE għandha tkun valida għal 10 snin. Din tista’ tiġi estiża għall-perjodi suċċessivi ta’ 10 snin. In-numru ta’ strumenti li jistgħu jiġu manifatturati skont il-mudell approvat m’għandux ikun limitat.
L-approvazzjonijiet tal-mudelli KE mogħtija abbażi tad-dispożizzjonijiet ta’ din id-Direttiva u ta’ Direttiva separata ma jistgħux jiġu estiżi wara d-data tad-dħul fis-seħħ ta’ xi emenda lil, jew adattament ta’, dawk id-dispożizzjonijiet Komunitarji, fil-każijiet fejn dawn l-approvazzjonijiet tal-mudell KE ma setgħux ingħataw abbażi tad-dispożizzjonijiet il-ġodda.
Meta l-approvazzjoni tal-mudell KE ma tiġix estiża, din l-approvazzjoni għandha madankollu tkompli tapplika għall-istrumenti li diġà fis-servizz.
2. Fejn isir użu ta’ tekniċi ġodda mhux previsti f’Direttiva separata, tista’ tingħata l-approvazzjoni tal-mudell KE b’effett limitat, wara konsultazzjonijiet minn qabel mal-Istati Membri l-oħra.
Din tista’ tinkludi r-restrizzjonijiet li ġejjin:
(a) |
limitu fuq in-numru ta’ strumenti li jistgħu jkunu koperti bl-approvazzjoni; |
(b) |
obbligu għan-notifika lill-awtoritajiet kompetenti tal-postijiet ta’ installazzjoni; |
(ċ) |
restrizzjonijiet fuq l-użu; |
(d) |
restrizzjonijiet speċjali dwar it-teknika użata. |
Madankollu, din tista’ ma tingħatax ħlief jekk:
(a) |
id-Direttiva separata għal dik il-kategorija ta’ strumenti tkun daħlet fis-seħħ; |
(b) |
l-ebda deroga ma tkun saret mill-massimu ta’ żbalji permissibbli stabbiliti fid-Direttivi separati. |
Il-perjodu ta’ validità ta’ din l-approvazzjoni m’għandux jaqbeż is-sentejn. Dan jista’ jiġi estiż sa tliet snin.
3. L-Istat Membru li jkun ta l-approvazzjoni limitata tal-mudell KE msemmi fil-paragrafu 2 għandu japplika għall-aġġustament għall-progress tekniku tal-Annessi I u II ta’ din id-Direttiva, fejn xieraq, u tad-Direttivi separati, skont il-proċedura msemmija fl-Artikolu 17(2), hekk kif jikkunsidra li teknika ġdida uriet li kienet sodisfaċenti.
Artikolu 6
Meta l-approvazzjoni tad-disinn KE ma tkunx meħtieġa għal kategorija ta’ strumenti li tissodisfa r-rekwiżiti ta’ Direttiva separata, il-manifattur jista’, bir-responsabbiltà tiegħu stess, iwaħħal fuq l-istrumenti f’din il-kategorija is-sinjal speċjali deskritt fil-punt 3.3 tal-Anness I.
Artikolu 7
1. L-Istat Membru li jkun ta l-approvazzjoni tad-disinn KE jista’ jirtiraha:
(a) |
jekk l-istrumenti li għalihom tkun ingħatat din l-approvazzjoni ma jkunux konformi mad-disinn approvat jew mad-disposizzjonijieti tad-Direttiva separata rilevanti; |
(b) |
jekk ir-rekwiżiti metroloġiċi speċifikati fiċ-ċertifikat tal-approvazzjoni jew jekk id-dispożizzjonijiet tal-Artikolu 5(2) ma jiġux sodisfatti; |
(ċ) |
jekk jaċċerta li l-approvazzjoni ngħatat b’mod mhux adatt. |
2. L-Istat Membru li jkun ta l-approvazzjoni tad-disinn KE għandu jirtirah jekk l-istrumenti mibnija skont disinn approvat juru fis-servizz difett ta’ natura ġenerali li ma jagħmluhomx xierqa għall-użu maħsub tagħhom.
3. Jekk l-Istat Membru li jkun ta l-approvazzjoni KE tal-mudell jkun infurmat minn Stat Membru ieħor bl-okkorrenza ta’ wieħed mill-każijiet koperti mil-paragrafi 1 u 2, għandu wkoll jieħu il-miżuri previsti f’dawk il-paragrafi, wara li jikkonsulta ma’ dak l-Istat Membru l-ieħor.
4. L-Istat Membru li jiddikjara li l-każ msemmi fil-paragrafu 2 ikun seħħ jista’ jissospendi t-tqegħid fis-suq u fis-servizz tal-istrumenti konċernati sakemm joħroġ avviż ieħor.
Dan għandu jinforma immedjatament lill-Istati Membri l-oħra u lill-Kummissjoni, billi jagħti r-raġunijiet li fuqhom tkun ibbażata din id-deċiżjoni.
L-istess proċedura għandha tapplika fil-każijiet msemmija fil-paragrafu 1, fir-rigward tal-istrumenti li jkun ġew eżentati mill-kontrolli inizjali KE, jekk il-manifattur, wara twissija debita, ma jġibx l-istrumenti f’konformità mad-disinn approvat jew mar-rekwiżiti tad-Direttiva separata rilevanti.
5. Jekk l-Istat Membru li jkun ta l-approvazzjoni KE tal-mudell jargumenta li l-każ imsemmi fil-paragrafu 2 li bih kien infurmat ikun seħħ, jew jargumenta li l-miżuri meħuda skont il-paragrafu 4 huma ġġustifikati, l-Istati Membri kkonċernati għandhom jagħmlu sforz biex isolvu dik il-kwistjoni.
Il-Kummissjoni għandha tinżamm infurmata. Hija għandha, meta jkun meħtieġ, tlaqqa’ konsultazzjoni xierqa bil-għan li tinstab soluzzjoni.
KAPITOLU III
VERIFIKA INIZJALI
Artikolu 8
1. Il-verifika inizjali tal-KE tikkostitwixxi l-eżami ta’ strument ġdid jew rikondizzjonat u l-konferma li jikkonforma mal-mudell approvat u/jew mar-rekwiżiti ta’ din id-Direttiva u d-Direttivi separati relatati mal-istrument ikkonċernat. Din tkun iċċertifikata bil-marka inizjali tal-KE.
2. Il-kontroll inizjali tal-KE tal-istrumenti tista’ ssir b’metodu ieħor minbarra l-kontroll tal-unità fil-każijiet speċifikati fid-Direttivi separati u skont il-proċeduri adottati.
3. Jekk it-tagħmir tagħhom jippermetti, l-Istati Membri għandhom iwettqu l-kontrolli inizjali KE tal-strumenti ppreżentati bħala li għandhom il-karatteristiċi tal-kejl u li jissodissfaw ir-rekwiżiti tekniċi ta’ kostruzzjoni u funzjonament stabbiliti mid-Direttivi separati relatati ma’ dik il-kategorija ta’ strumenti.
4. Fil-każ ta’ strumenti li jkollhom il-marka tal-kontroll inizjali KE, l-obbligu impost fuq l-Istati Membri skont l-Artikolu 1(3) għandu jibqa’ sal-aħħar tas-sena ta’ wara dik li fiha tkun twaħħlet il-marka tal-kontroll inizjali KE, sakemm Direttivi separati ma jipprovdux perjodu itwal.
Artikolu 9
1. Meta strument jintbagħat għall-kontroll inizjali tal-KE, l-Istat Membru li jwettaq l-eżami għandu jiddetermina:
(a) |
jekk l-istrument ikunx ta’ kategorija eżenti mill-approvazzjoni tal-mudell KE u, jekk dan ikun il-każ, jekk jissodisfax ir-rekwiżiti tal-kostruzzjoni teknika u t-tħaddim stabbiliti b’Direttivi separati fir-rigward ta’ dak l-istrument; |
(b) |
jekk l-istrument irċeviex l-approvazzjoni tal-mudell KE u, jekk dan ikun il-każ, jekk jikkonformax mal-mudell approvat, u mad-Direttivi separati fir-rigward ta’ dak l-istrument, fis-seħħ fid-data tal-ħruġ ta’ dik l-approvazzjoni tal-mudell KE. |
2. L-eżami mwettaq fil-verifika inizjali tal-KE jirrigwarda partikolament, skont id-Direttivi separati:
(a) |
il-karatteristiċi metroloġiċi; |
(b) |
l-iżbalji massimi permissibbli; |
(ċ) |
il-bini, safejn dan jiggarantixxi li l-karatteristiċi tal-kejl x’aktarx mhumiex ser jiddeterjoraw bil-kbir taħt kondizzjonijiet normali tal-użu; |
(d) |
il-preżenza ta’ iskrizzjonijiet stipulati u lastri tal-istampar jew dispożizzjonijiet għall-kontroll KE tal-immarkar inizjali. |
Artikolu 10
Meta strument ikun għadda b’suċċess minn verifika inizjali tal-KE, skont ir-rekwiżiti ta’ din id-Direttiva u tad-Direttivi separati, il-marki ta’ kontroll parzjali jew finali tal-KE mfissra fl-Anness II, punt (3) għandhom jitwaħħlu ma’ dak l-istrument taħt ir-responsabiltà tal-Istat Membru konċernat skont ir-regoli stabbiliti f’dak il-Punt.
Artikolu 11
Meta verifika inizjali tal-KE ma tkunx meħtieġa għal kategorija ta’ strumenti li tissodisfa r-rekwiżiti ta’ Direttiva separata, il-manifattur għandu, bir-responsabiltà tiegħu stess, iwaħħal fuq l-istrumenti f’dik il-kategorija is-simbolu speċjali deskritt fil-punt 3.4 tal-Anness I.
KAPITOLU IV
DISPOŻIZZJONIJIET KOMUNI GĦALL-APPROVAZZJONI TAL-MUDELL KE U KEMM GĦALL-VERIFIKA INIZJALI TAL-KE
Artikolu 12
L-Istati Membri għandhom jieħdu l-miżuri kollha meħtieġa biex jimpedixxu l-użu fuq strumenti ta’ marki jew iskrizzjonijiet li jistgħu joħolqu konfużjoni mas-sinjali jew il-marki tal-KE.
Artikolu 13
Kull Stat Membru għandu jinnotifika lill-Istati Membri l-oħra u lill-Kummissjoni tas-servizzi, l-aġenziji u l-istituti li huma debitament awtorizzati li jwettqu eżamijiet previsti f’din id-Direttiva u fid-Direttivi separati, biex joħorġu ċertifikati ta’ approvazzjoni tal-mudell tal-KE u biex iwaħħlu l-marki ta’ verifika inizjali tal-KE.
Artikolu 14
L-Istati Membri jistgħu jitolbu li l-iskrizzjonijiet preskritti jsiru fil-lingwa jew fil-lingwi uffiċjali tagħhom.
KAPITOLU V
KONTROLL TA’ STRUMENTI FIS-SERVIZZ
Artikolu 15
Id-Direttivi separati għandhom jispeċifikaw ir-rekwiżiti ta’ kontroll għall-istrumenti fis-servizz li jkollhom sinjali jew marki tal-KE u partikolarment l-iżbalji massimi permissibbli fis-servizz. Jekk dispożizzjonijiet nazzjonali rigward strumenti li ma jkollhomx sinjali jew marki tal-KE jistipulaw rekwiżiti anqas ibsin, dawn tal-aħħar jistgħu jservu bħala kriterji għall-kontrolli.
KAPITOLU VI
AĠĠUSTAMENT TAD-DIRETTIVI GĦALL-PROGRESS TEKNIKU
Artikolu 16
L-emendi meħtieġa għall-aġġustament għall-progress tekniku tal-Annessi I u II ta’ din id-Direttiva u l-annessi għad-Direttivi separati msemmija fl-Artikolu 1 għandhom jiġu adottati mill-Kummissjoni. Dawk il-miżuri, imfassla biex jemendaw elementi mhux essenzjali ta’ din id-Direttiva u d-Direttivi separati, għandhom jiġu adottati skont il-proċedura regolatorja bi skrutinju msemmija fl-Artikolu 17(2).
Madankollu, din il-proċedura m’għandhiex tapplika la għall-kapitolu dwar l-unitajiet tal-kejl imperjali tal-anness għad-Direttiva dwar l-unitajiet ta’ kejl u lanqas għall-annessi, dwar il-meded ta’ kwantità għall-kwantitajiet ta’ prodotti imballati minn qabel, għad-Direttivi dwar prodotti imballati minn qabel.
Artikolu 17
1. Il-Kummissjoni għandha tkun assistita mill-Kumitat tal-Aġġustament għall-Progress Tekniku tad-Direttivi msemmija fl-Artikolu 16.
2. Fejn issir referenza għal dan il-paragrafu, għandhom japplikaw l-Artikolu 5a(1) sa (4) u l-Artikolu 7 tad-Deċiżjoni 1999/468/KE, skont id-disposizzjonijiet tal-Artikolu 8 tagħha.
KAPITOLU VII
DISPOŻIZZJONIJIET FINALI
Artikolu 18
Id-deċiżjonijiet kollha meħuda skont il-dispożizzjonijiet adottati fl-implimentazzjoni ta’ din id-Direttiva u tad-Direttivi separati dwar l-istrumenti kkonċernati u li jirrifjutaw li jagħtu jew li jestendu l-approvazzjoni tal-mudell KE, li jirtiraw din l-approvazzjoni, li jirrifjutaw li jagħmlu kontroll inizjali tal-KE jew li jipprojbixxi t-tqegħid fis-suq jew dħul fis-servizz għandhom jagħtu r-raġunijiet li fuqhom ikunu ġew ibbażati. Rifjut, irtirar jew projbizzjoni bħal din għandhom jiġu nnotifikati lill-parti kkonċernata, li għandha fl-istess ħin tkun infurmata bir-rimedji disponibbli għaliha taħt il-liġijiet fis-seħħ fl-Istati Membri u bil-limiti ta’ żmien permessi għall-eżerċizzju ta’ rimedji bħal dawn.
Artikolu 19
L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi nazzjonali li jadottaw fil-qasam kopert minn din id-Direttiva.
Artikolu 20
Id-Direttiva 71/316/KEE, kif emendata mill-atti elenkati fl-Anness III, Parti A, hi mħassra, bla ħsara għall-obbligi tal-Istati Membri relatati mal-limiti ta’ żmien għat-traspożizzjoni fil-liġi nazzjonali tad-Direttivi stabbiliti fl-Anness III, Parti B.
Ir-referenzi għad-Direttiva mħassra għandhom jinftiehmu bħala referenzi għal din id-Direttiva u għandhom jinqraw skont it-tabella ta’ korrelazzjoni fl-Anness IV.
Artikolu 21
Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 22
Din id-Direttiva hija indirizzata lill-Istati Membri.
Magħmula fi Strasburgu, 23 ta’ April 2009.
Għall-Parlament Ewropew
Il-President
H.-G. PÖTTERING
Għall-Kunsill
Il-President
P. NEČAS
(1) Opinjoni tat-22 ta’ Ottubru 2008 (għadha ma ġietx ippubblikata fil-Ġurnal Uffiċjali).
(2) Opinjoni tal-Parlament Ewropew tal-4 ta’ Diċembru 2008 (għadha ma ġietx ippubblikata fil-Ġurnal Uffiċjali) u d-Deċiżjoni tal-Kunsill tat-23 ta’ Marzu 2009.
(4) Ara l-Anness III, Parti A.
(5) ĠU L 184, 17.7.1999, p. 23.
ANNESS I
APPROVAZZJONI TAL-MUDELL KE
1. Applikazzjoni għall-approvazzjoni KE
1.1. |
L-applikazzjoni u l-korrispondenza relatata magħha għandha ssir fil-lingwa uffiċjali skont il-liġijiet tal-Istat fejn issir l-applikazzjoni. L-Istat Membru għandu d-dritt li jitlob li d-dokumenti annessi jkunu wkoll miktuba bl-istess lingwa uffiċjali. L-applikant għandu jibgħat fl-istess ħin lill-Istati Membri kollha kopja tal-applikazzjoni tiegħu. |
1.2. |
L-applikazzjoni għandha tkun fiha l-informazzjoni li ġejja:
|
1.3. |
L-applikazzjoni għandha tkun akkumpanjata mid-dokumenti meħtieġa għall-evalwazzjoni tagħha, f’żewġ kopji, u b’mod partikolari:
|
1.4. |
L-applikazzjoni għandha tkun akkumpanjata, fejn xieraq, minn dokumenti rilevanti għall-approvazzjonijiet nazzjonali li jkunu diġà ngħataw. |
2. Eżami għall-approvazzjoni KE
2.1. |
L-eżami għandu jinkludi:
|
2.2. |
L-eżami għandu jkopri l-prestazzjoni sħiħa tal-istrument f’kondizzjonijiet normali tal-użu. F’kondizzjonijiet bħal dawn, dak l-istrument għandu jżomm il-karatteristiċi ta’ kejl meħtieġa. |
2.3. |
In-natura u l-iskop tal-eżami msemmi fil-punt 2.1 tista’ tkun speċifikata b’Direttivi separati. |
2.4. |
Is-servizz metroloġiku jista’ jitlob lill-applikant biex ipoġġi għad-dispożizzjoni tiegħu l-istandards u l-mezzi xierqa f’termini ta’ materjal u personal li jassisti għall-prestazzjoni tat-testijiet tal-approvazzjoni. |
3. Ċertifikat u sinjal tal-approvazzjoni KE
3.1. |
Iċ-ċertifikat għandu jagħti r-riżultati tal-eżami tal-mudell u għandu jispeċifika r-rekwiżiti l-oħra li jenħtieġ li jkun hemm konformità magħhom. Dan għandu jkun akkumpanjat b’deskrizzjonijiet, b’disinnji u b’dijagrammi meħtieġa biex ikun identifikat il-mudell u biex ikun spejgat it-tħaddim tiegħu. Is-sinjal tal-approvazzjoni previst fl-Artikolu 4 għandu jkun ittra stilizzata ε li jkollha:
Eżempju ta’ dan is-sinjal tal-approvazzjoni jidher fil-punt 6.1. |
3.2. |
Fil-każ tal-approvazzjoni limitata KE, l-ittra P, bl-istess qisien tal-ittra stilizzata ε, għandha titpoġġa quddiem din l-ittra. Eżempju ta’ dan is-sinjal tal-approvazzjoni limitata jidher fil-punt 6.2. |
3.3. |
Is-sinjal imsemmi fl-Artikolu 6 huwa l-istess bħas-sinjal tal-approvazzjoni KE, ħlief li l-ittra stilizzata ε hija maqluba simetrikament fuq assi vertikali u ma jkollu ebda indikazzjoni oħra ħlief jekk id-Direttivi separati jistipulaw mod ieħor. Eżempju ta’ dan is-sinjal qed jintwera fil-punt 6.3. |
3.4. |
Is-sinjal imsemmi fl-Artikolu 11 huwa l-istess bħas-sinjal approvat KE f’exagonu. Eżempju ta’ dan is-sinjal jidher fil-punt 6.4. |
3.5. |
Is-sinjali msemmija fil-punti 3.1 sa 3.4 u mwaħħla mill-manifattur skont id-dispożizzjonijiet ta’ din id-Direttiva għandhom jitwaħħlu f’punt viżibbli ta’ kull strument u t-tagħmir anċillari kollu ppreżentat għall-verifika, u għandhom ikunu jistgħu jinqraw u li ma jitħassrux. Jekk it-twaħħil tagħhom joħloq diffikultajiet tekniċi, jistgħu jsiru xi eċċezzjonijiet f’Direttivi separati jew ikunu aċċettati wara li jintlaħaq qbil bejn is-servizzi metroloġiċi tal-Istati Membri. |
4. Id-depositu ta’ strument kampjun
Fil-każijiet msemmija mid-Direttivi separati, is-servizz li jkun ta l-approvazzjoni jista’, jekk jikkunsidrah meħtieġ, jitlob id-deposizzjoni tal-istrument kampjun li għalih tkun ingħatat l-approvazzjoni. Minflok dak l-istrument kampjun, is-servizz jista’ jawtorizza d-depositu ta’ partijiet tal-istrument, ta’ mudelli magħmula fi skala mnaqqsa, jew ta’ disinnji, u għandu jsemmi dan fuq iċ-ċertifikat tal-approvazzjoni KE.
5. Tħabbir tal-approvazzjoni
5.1. |
Fl-istess ħin meta il-parti kkonċernata tkun innotifikata, kopji taċ-ċertifikat tal-approvazzjoni KE għandhom jintbagħtu lill-Kummissjoni u lill-Istati Membri l-oħra; dawn tal-aħħar jistgħu jiksbu wkoll kopji tar-rapporti tal-eżamijiet metroloġiċi, jekk hekk jixtiequ. |
5.2. |
L-irtirar tal-approvazzjoni ta’ mudell KE u l-komunikazzjonijiet l-oħra li jikkonċernaw l-estensjoni u l-validità tad-disinn approvat KE għandhom ikunu suġġetti wkoll għall-proċedura ta’ tħabbir imsemmija fil-punt 5.1. |
5.3. |
Stat Membru li jirrifjuta li jagħti l-approvazzjoni ta’ mudell KE għandu jinforma lill-Istati Membri l-oħra u lill-Kummissjoni bid-deċiżjoni tiegħu. |
6. Sinjali relattivi għall-approvazzjoni tal-mudell KE
6.1. |
Sinjal tal-approvazzjoni tal-mudell KE
|
6.2. |
Sinjal tal-approvazzjoni limitata tal-mudell KE (ara l-punt 3.2)
|
6.3. |
Sinjal ta’ eżenzjoni mill-approvazzjoni tal-mudell KE (ara l-punt 3.3)
|
6.4. |
Sinjal tal-approvazzjoni tal-mudell KE għall-istrumenti eżentati mill-verifika inizjali KE (ara l-punt 3.4)
|
ANNESS II
VERIFIKA INIZJALI KE
1. Punti Ġenerali
1.1. |
Il-verifika inizjali KE tista’ ssir f’wieħed jew iktar stadji (normalment tnejn). |
1.2. |
Suġġett għad-dispożizzjonijiet tad-Direttivi separati:
|
2. Post tal-verifika inizjali KE
2.1. |
Jekk id-Direttivi separati ma jispeċifikawx il-post fejn għandha ssir il-verifika, l-istrumenti li għandhom jiġu vverifikati fi stadju wieħed biss għandhom jiġu vverifikati fil-post magħżul mis-servizz metroloġiku kkonċernat. |
2.2. |
L-istrumenti li għandhom jiġu vverifikati f’żewġ stadji jew aktar għandhom jiġu vverifikati mis-servizz metroloġiku territorjalment kompetenti.
|
2.3. |
B’mod partikolari, meta l-verifika ssir barra mill-uffiċċju ta’ verifika, is-servizz metroloġiku li jwettaq il-verifika jista’ jitlob lill-applikant:
|
3. Marki ta’ verifika inizjali KE
3.1. Deskrizzjoni tal-marki ta’ verifika inizjali KE.
3.1.1. |
Suġġetti għad-dispożizzjonijiet ta’ Direttivi separati, marki ta’ verifika inizjali KE li jitwaħħlu skont il-punt 3.3 għandhom ikunu kif ġej:
|
3.2. Għamla u qisien tal-marki
3.2.1. |
Id-disinji mehmuża juru l-għamla, il-qisien u l-kontorni tal-ittri u n-numri tal-marki tal-verifika inizjali KE kif stabiliti fil-punt 3.1; l-ewwel żewġ disinji juru l-partijiet varji tat-timbru u t-tielet huwa eżempju ta’ timbru. Il-qisien mogħtija fid-disinji huma valuri relattivi; dawn huma funzjoni tad-dijametru taċ-ċirku deskritt madwar l-ittra żgħira “e” u madwar il-medda tal-exagonu. Id-dijametri reali taċ-ċrieki deskritti madwar il-marki huma 1.6 mm, 3.2 mm, 6.3 mm, 12.5 mm. |
3.2.2. |
Is-servizzi metroloġiċi tal-Istati Membri għandhom jgħamlu skambju bejniethom tad-disinji oriġinali tal-marki ta’ verifika inizjali KE, li jkunu konformi mal-mudelli fid-disinji annessi. |
3.3. Twaħħil tal-marki
3.3.1. |
Il-marka tal-verifika finali KE għandha titwaħħal fil-post allokat fuq l-istrument meta dan tal-aħħar ikun ġie kompletament ivverifikat u jkun rikonoxxut li jkun konformi mar-rekwiżiti tal-KE. |
3.3.2. |
Il-marka tal-verifika parzjali KE għandha titwaħħal:
|
ANNESS III
PARTI A
Direttiva mħassra flimkien ma’ lista tal-emendi suċċessivi tagħha
(imsemmija fl-Artikolu 20)
Direttiva tal-Kunsill 71/316/KEE |
|
Att ta’ Adeżjoni tal-1972, Anness I, Punt X.12 |
|
Direttiva tal-Kunsill 72/427/KEE |
|
Att ta’ Adeżjoni tal-1979, Anness I, punt X.A |
|
Direttiva tal-Kunsill 83/575/KEE |
|
Att ta’ Adeżjoni tal-1985, Anness I, punt IX.A.7 |
|
Direttiva tal-Kunsill 87/354/KEE |
Biss għal dak li għandu x’jaqsam mar-referenzi magħmula għad-Direttiva 71/316/KEE fl-Artikolu 1 u l-Anness, punt 4 |
Direttiva tal-Kunsill 87/355/KEE |
|
Direttiva tal-Kunsill 88/665/KEE |
L-Artikolu 1(1) biss |
Att ta’ Adeżjoni tal-1994, Anness I, Punt XI.C.VII.1 |
|
Regolament tal-Kunsill (KE) Nru 807/2003 |
L-Anness III, punt 5 biss |
Att ta’ Adeżjoni tal-2003, Anness II, Punt I.D.1 |
|
Direttiva tal-Kunsill 2006/96/KE |
Biss għal dak li għandu x’jaqsam mar-referenzi magħmula għad-Direttiva 71/316/KEE fl-Artikolu 1 u l-Anness punt B.1 |
Direttiva tal-Kummissjoni 2007/13/KE |
|
PARTI B
Limiti ta’ żmien għat-traspożizzjoni fil-liġi nazzjonali
(imsemmija fl-Artikolu 20)
Direttiva |
Limitu ta’ żmien għat-traspożizzjoni |
71/316/KEE |
fit-30 ta’ Jannar 1973. |
83/575/KEE |
fl-1 ta’ Jannar 1985. |
87/354/KEE |
fil-31 ta’ Diċembru 1987. |
87/355/KEE |
fil-31 ta’ Diċembru 1987. |
2006/96/KE |
fl-1 ta’ Jannar 2007. |
2007/13/KE |
fid-9 ta’ Marzu 2008. |
ANNESS IV
TABELLA TA’ KORRELAZZJONI
Direttiva 71/316/KEE |
Din id-Direttiva |
Artikolu 1(1)(a) |
Artikolu 1(1) punt (a) u Artikolu 1(2) |
Artikolu 1(1)(b) |
Artikolu 1(1) punt (b) |
Artikolu 1(1)(c) |
Artikolu 1(1) punt (c) |
Artikolu 1(2) |
Artikolu 1(3) |
Artikolu 1(3) |
Artikolu 1(4) |
Artikolu 1(4), l-ewwel subparagrafu |
Artikolu 1(5) |
Artikolu 1(4) it-tieni subparagrafu |
Artikolu 1(6) |
Artikolu 2(1) |
Artikolu 2(2) |
Artikolu 2(2) |
Artikolu 2(3) |
Artikolu 2(3) |
Artikolu 2(4) |
Artikolu 2(4) |
Artikolu 2(5) |
Artikolu 2(5) |
Artikolu 2(1) |
Artikolu 3, formulazzjoni introduttiva |
Artikolu 3, formulazzjoni introduttiva |
Artikolu 3, l-ewwel inċiż |
Artikolu 3 punt (a) |
Artikolu 3 it-tieni inċiż |
Artikolu 3 punt (b) |
Artikolu 4, l-ewwel sentenza |
Artikolu 4, l-ewwel u t-tieni subparagrafu |
Artikolu 4, it-tieni sentenza |
Artikolu 4, it-tielet subparagrafu |
Artikolu 5(1) |
Artikolu 5(1) |
Artikolu 5(2), l-ewwel subparagrafu |
Artikolu 5(2), l-ewwel subparagrafu |
Artikolu 5(2), it-tieni subparagrafu, formulazzjoni introduttiva |
Artikolu 5(2), it-tieni subparagrafu, formulazzjoni introduttiva |
Artikolu 5(2), it-tieni subparagrafu, l-ewwel inċiż |
Artikolu 5(2), it-tieni subparagrafu, punt (a) |
Artikolu 5(2) it-tieni subparagrafu, it-tieni inċiż |
Artikolu 5(2), it-tieni subparagrafu, punt (b) |
Artikolu 5(2) it-tieni subparagrafu, it-tielet inċiż |
Artikolu 5(2), it-tieni subparagrafu, punt (c) |
Artikolu 5(2), it-tieni subparagrafu, ir-raba’ inċiż |
Artikolu 5(2), it-tieni subparagrafu, punt (d) |
Artikolu 5(2), it-tielet subparagrafu, formulazzjoni introduttorja |
Artikolu 5(2), it-tielet subparagrafu, formulazzjoni introduttorja |
Artikolu 5(2), it-tielet subparagrafu, l-ewwel inċiż |
Artikolu 5(2), it-tielet subparagrafu, punt (a) |
Artikolu 5(2), it-tielet subparagrafu, it-tieni inċiż |
Artikolu 5(2), it-tielet subparagrafu, punt (b) |
Artikolu 5(2), ir-raba’ subparagrafu |
Artikolu 5(2), ir-raba’ subparagrafu |
Artikolu 5(3) |
Artikolu 5(3) |
Artikolu 6 |
Artikolu 6 |
Artikolu 7(1), (2) u (3) |
Artikolu 7(1), (2) u (3) |
Artikolu 7(4), l-ewwel sentenza |
Artikolu 7(4), l-ewwel subparagrafu |
Artikolu 7(4), it-tieni sentenza |
Artikolu 7(4), it-tieni subparagrafu |
Artikolu 7(4), it-tielet sentenza |
Artikolu 7(4), it-tielet subparagrafu |
Artikolu 7(5) |
Artikolu 7(5) |
Artikolu 8(1), punt (a) |
Artikolu 8(1) |
Artikolu 8(1), punt (b) |
Artikolu 8(2) |
Artikolu 8(2) |
Artikolu 8(3) |
Artikolu 8(3) |
Artikolu 8(4) |
Artikolu 9(1) |
Artikolu 9(1) |
Artikolu 9(2), formulazzjoni introduttiva |
Artikolu 9(2), formulazzjoni introduttiva |
Artikolu 9(2), l-ewwel inċiż |
Artikolu 9(2), punt (a) |
Artikolu 9(2), it-tieni inċiż |
Artikolu 9(2), punt (b) |
Artikolu 9(2), it-tielet inċiż |
Artikolu 9(2), punt (c) |
Artikolu 9(2), ir-raba’ inċiż |
Artikolu 9(2), punt (d) |
Artikoli 10 u 11 |
Artikoli 10 u 11 |
Artikoli 12, 13 u 14 |
Artikoli 12, 13 u 14 |
Artikolu 15 |
Artikolu 15 |
Artikolu 16, l-ewwel sentenza |
Artikolu 16, l-ewwel paragrafu |
Artikolu 16, it-tieni sentenza |
Artikolu 16, it-tieni paragrafu |
Artikolu 17 |
— |
Artikolu 18(1) |
Artikolu 17(1) |
Artikolu 18(2) l-ewwel subparagrafu |
Artikolu 17(2) |
Artikolu 18(2) it-tieni subparagrafu |
— |
Artikolu 18(3) |
— |
Artikolu 19 |
Artikolu 18 |
Artikolu 20(1) |
— |
Artikolu 20(2) |
Artikolu 19 |
— |
Artikoli 20 u 21 |
Artikolu 21 |
Artikolu 22 |
Anness I |
Anness I |
Punti 1 u 1.1 |
Punti 1 u 1.1 |
Punt 1.2, formulazzjoni introduttiva |
Punti 1.2, formulazzjoni introduttiva |
Punt 1.2, l-ewwel inċiż |
Punt 1.2(a) |
Punt 1.2, it-tieni inċiż |
Punt 1.2(b) |
Punt 1.2, it-tielet inċiż |
Punt 1.2(c) |
Punt 1.2, ir-raba’ inċiż |
Punt 1.2(d) |
Punt 1.2, il-ħames inċiż |
Punt 1.2(e) |
Punt 1.3 |
Punt 1.3 |
Punt 1.3.1, formulazzjoni introduttiva |
Punt 1.3.1, formulazzjoni introduttiva |
Punt 1.3.1, l-ewwel inċiż |
Punt 1.3.1(a) |
Punt 1.3.1, it-tieni inċiż |
Punt 1.3.1(b) |
Punt 1.3.1, it-tielet inċiż |
Punt 1.3.1(c) |
Punt 1.3.1, ir-raba’ inċiż |
Punt 1.3.1(d) |
Punt 1.3.2 sa Punt 5 |
Punt 1.3.2 sa Punt 5 |
Punt 5.2 |
Punt 5.1 |
Punt 5.3 |
Punt 5.2 |
Punt 5.4 |
Punt 5.3 |
Punt 6 sa Punt 6.4 |
Punt 6 sa Punt 6.4 |
Anness II |
Anness II |
— |
Anness III |
— |
Anness IV |