This document is an excerpt from the EUR-Lex website
Document 32009D0765
2009/765/EC: Commission Decision of 15 October 2009 concerning a request for exemption from the vehicle tax rules submitted by France pursuant to Article 6(2)(b) of Directive 1999/62/EC of the European Parliament and of the Council on the charging of heavy goods vehicles for the use of certain infrastructures (notified under document C(2009) 7761) (Text with EEA relevance)
2009/765/KE: Deċiżjoni tal-Kummissjoni tal- 15 ta’ Ottubru 2009 dwar talba għal eżenzjoni mir-regoli tat-taxxa fuq il-vetturi mressqa minn Franza skont l-Artikolu 6(2)(b) tad-Direttiva 1999/62/KE tal-Parlament Ewropew u tal-Kunsill dwar il-ħlas li jrid isir minn vetturi ta’ merkanzija tqila għall-użu ta’ ċerti infrastrutturi (notifikata bid-dokument numru C(2009) 7761) (Test b’relevanza għaż-ŻEE)
2009/765/KE: Deċiżjoni tal-Kummissjoni tal- 15 ta’ Ottubru 2009 dwar talba għal eżenzjoni mir-regoli tat-taxxa fuq il-vetturi mressqa minn Franza skont l-Artikolu 6(2)(b) tad-Direttiva 1999/62/KE tal-Parlament Ewropew u tal-Kunsill dwar il-ħlas li jrid isir minn vetturi ta’ merkanzija tqila għall-użu ta’ ċerti infrastrutturi (notifikata bid-dokument numru C(2009) 7761) (Test b’relevanza għaż-ŻEE)
ĠU L 274, 20.10.2009, p. 30–31
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 15/10/2009
- Date of effect:
- 16/10/2009; Jidħol fis-seħħ Data tan-notifika
- Date of notification:
- 16/10/2009
- Date of end of validity:
- No end date
- Author:
- Il-Kummissjoni Ewropea
- Responsible body:
- Directorate-General for Mobility and Transport
- Form:
- Deċiżjoni
- Addressee:
- Franza
- Additional information:
- Rilevanza għaż-ŻEE
- Authentic language:
- Franċiż
- Treaty:
- Trattat li jistabbilixxi l-Komunità Ewropea
- Legal basis:
-
- 31999L0062 - A06
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
-
- 07.10.30.00 Politika tat-trasport / Infrastruttura tat-trasport / Tariffi tal-utent
|
20.10.2009 |
MT |
Il-Ġurnal Uffiċjali tal-Unjoni Ewropea |
L 274/30 |
DEĊIŻJONI TAL-KUMMISSJONI
tal-15 ta’ Ottubru 2009
dwar talba għal eżenzjoni mir-regoli tat-taxxa fuq il-vetturi mressqa minn Franza skont l-Artikolu 6(2)(b) tad-Direttiva 1999/62/KE tal-Parlament Ewropew u tal-Kunsill dwar il-ħlas li jrid isir minn vetturi ta’ merkanzija tqila għall-użu ta’ ċerti infrastrutturi
(notifikata bid-dokument numru C(2009) 7761)
(It-test bil-Franċiż biss huwa awtentiku)
(Test b’relevanza għaż-ŻEE)
(2009/765/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat d-Direttiva 1999/62/KE tal-Parlament Ewropew u tal-Kunsill tas-17 ta’ Ġunju 1999 dwar il-ħlas li jrid isir minn vetturi ta’ merkanzija tqila għall-użu ta’ ċerti infrastrutturi (1), u b’mod partikolari l-Artikolu 6 tagħha,
Billi:
|
(1) |
Skont l-Artikolu 6(2)(b) tad-Direttiva 1999/62/KE tas-17 Ġunju 1999, l-Istati Membri jistgħu japplikaw rati mnaqqsa jew eżenzjonijiet għal vetturi li jużaw okkażjonalment biss it-toroq pubbliċi tal-Istat Membru ta’ reġistrazzjoni u li jintużaw minn persuni naturali jew legali li l-okkupazzjoni prinċipali tagħhom mhix it-trasport ta’ merkanzija, sakemm l-operazzjonijiet ta’ trasport imwettqa minn dawn il-vetturi ma jikkawżawx tgħawwiġ fil-kompetizzjoni. Dan it-tnaqqis jew l-eżenzjoni huma soġġetti għall-approvazzjoni tal-Kummissjoni. |
|
(2) |
Franza talbet lill-Kummissjoni biex iġġedded sal-31 ta’ Diċembru 2014 l-approvazzjoni tagħha għall-eżenzjoni mit-taxxa fuq il-vetturi ta’ 12-il tunnellata jew aktar li jintużaw esklussivament b’rabta ma’ xogħlijiet pubbliċi u industrijali fi Franza u pprovduta mid-Deċiżjoni tal-Kummissjoni 2005/449/KE (2) skont id-Direttiva 1999/62/KE. |
|
(3) |
Il-kundizzjonijiet previsti fl-Artikolu 6(2)(b) tad-Direttiva 1999/62/KE huma rispettati, peress li dawn il-vetturi ma jużawx it-toroq pubbliċi b’mod permanenti, ma jintużawx biex iġorru merkanzija u aktar minn hekk peress li l-eżenzjoni ta’ dawn il-vetturi mit-taxxa fuq il-vetturi ma toħloqx tgħawwiġ fil-kompetizzjoni għax ma jistgħux jintużaw għall-ġarr ta’ ebda oġġett ħlief għal dik li hija armata b’mod permanenti fuq il-vettura u użata għall-attività tagħhom stess. |
|
(4) |
Sabiex tippermetti lill-Kummissjoni teżamina l-eżenzjoni mir-regoli tat-taxxa fuq il-vetturi, l-approvazzjoni għandha tingħata għal żmien limitat. |
|
(5) |
L-eżenzjoni mitluba minn Franza għandha għalhekk tiġi approvata, |
ADOTTAT DIN ID-DEĊIŻJONI:
Artikolu 1
Il-Kummissjoni b’hekk tagħti l-approvazzjoni tagħha li, skont l-Artikolu 6(2)(b) tad-Direttiva 1999/62/KE, jiġu eżentati mit-taxxa, sal-31 ta’ Diċembru 2014, dawn il-vetturi ta’ 12-il tunnellata jew aktar li jintużaw esklussivament għall-ġarr ta’ tagħmir armat b’mod permanenti għal xogħolijiet pubbliċi u industrijali fi Franza:
|
(1) |
Tagħmir ta’ rfigħ u ġarr li jaħdem b’mod awtonomu (krejnijiet armati fuq xażi tat-triq); |
|
(2) |
Pompi mobbli ta’ jew stazzjonijiet għall-ippompjar armati fuq xażi tat-triq; |
|
(3) |
Settijiet ta’ kumpressuri bil-magna armati b’mod permanenti fuq xażi tat-triq; |
|
(4) |
Miksers tal-konkos u pompi armati b’mod permanenti fuq xażi tat-triq (ħlief għal vetturi bil-bajla għall-ġarr tal-konkos); |
|
(5) |
Settijiet mobbli tal-ġenerazzjoni armati b’mod permanenti fuq xażi tat-triq; |
|
(6) |
Magni mobbli tat-titqib armati b’mod permanenti fuq xażi tat-triq. |
Artikolu 2
Din id-Deċiżjoni hija indirizzata lir-Repubblika Franċiża.
Magħmul fi Brussell, il-15 ta’ Ottubru 2009.
Għall-Kummissjoni
Antonio TAJANI
Viċi President
(1) ĠU L 187, 20.7.1999, p. 42.
(2) ĠU L 158, 21.6.2005, p. 23.
