Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32009D0566

2009/566/KE: Deċiżjoni tal-Kummissjoni tas- 27 ta' Lulju 2009 li temenda d-Deċiżjoni 2008/721/KE fir-rigward tal-indennizzi mħallsa lill-membri tal-Kumitati Xjentifiċi u l-esperti fl-oqsma tas-sigurtà tal-konsumatur, tas-saħħa pubblika u tal-ambjent (notifikata bid-dokument numru C(2009) 5767)

ĠU L 196, 28.7.2009, p. 61–62 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 19/06/2024; Impliċitament imħassar minn 32024D1514

ELI: http://data.europa.eu/eli/dec/2009/566/oj

Date of document:
27/07/2009
Date of effect:
28/07/2009; Jidħol fis-seħħ Data tan-notifika
Date of notification:
28/07/2009; L-att ġie nnotifikat iżda d-data tan-notifika mhix disponibbli fil-EUR-Lex – minflok hi użata d-data tal-pubblikazzjoni
Date of end of validity:
19/06/2024; Impliċitament imħassar minn 32024D1514
Author:
Il-Kummissjoni Ewropea
Form:
Deċiżjoni
Treaty:
Trattat li jistabbilixxi l-Komunità Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32008D0721 Sostituzzjoni anness 3 DATNOT
Modified by:
Relation Act Comment Subdivision concerned From To
Implicitly repealed by 32024D1514 20/06/2024
Instruments cited:
Link

28.7.2009   

MT

Il-Ġurnal Uffiċjali tal-Unjoni Ewropea

L 196/61

DEĊIŻJONI TAL-KUMMISSJONI

tas-27 ta' Lulju 2009

li temenda d-Deċiżjoni 2008/721/KE fir-rigward tal-indennizzi mħallsa lill-membri tal-Kumitati Xjentifiċi u l-esperti fl-oqsma tas-sigurtà tal-konsumatur, tas-saħħa pubblika u tal-ambjent

(notifikata bid-dokument numru C(2009) 5767)

(2009/566/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea, u b’mod partikolari l-Artikoli 152 u 153 tiegħu,

Billi:

(1)

L-Artikolu 19 tad-Deċiżjoni tal-Kummissjoni 2008/721/KE tal-5 ta’ Settembru 2008 li twaqqaf Struttura Konsultattiva ta’ Kumitati Xjentifiċi u esperti fil-qasam tas-sigurtà tal-konsumatur, is-saħħa pubblika u l-ambjent u li tirrevoka d-Deċiżjoni 2004/210/KE (1) tistipula li membri tal-Kumitati Xjentifiċi, il-konsultenti xjentifiċi mill-Grupp u l-esperti esterni għandhom ikunu intitolati għal indennizz għall-parteċipazzjoni tagħhom fil-laqgħat tal-Kumitati, laqgħat ta’ ħidma tematiċi, gruppi ta’ ħidma u laqgħat u avvenimenti oħrajn organizzati mill-Kummissjoni, u talli jservu ta’ Relaturi dwar xi mistoqsija speċifika.

(2)

L-Anness III tad-Direttiva 2008/721/KE jiffissal-indennizz għal kull ġurnata sħiħa ta’ parteċipazzjoni għal EUR 300, l-indennizz għall-parteċipazzjoni f’laqgħa filgħodu jew wara nofsinhar għal EUR 150, u l-indennizz għal Relatur għal EUR 300. Fejn ikun iġġustifikat bis-sħiħ u jekk il-baġit jippermetti, din is-somma tista’ tiżdied għal EUR 600 għal kwistjonijiet li jkunu partikolarment impenjattivi f’termini ta’ ammont ta’ xogħol.

(3)

L-Anness jistipula wkoll li l-Kummissjoni se tistma b’mod regolari l-ħtieġa li jiġu adattati dawn l-indennizzi fid-dawl tal-indiċi tal-prezzijiet, l-evalwazzjoni ta’ indennizzi mħallsa lill-esperti f’istituzzjonijiet Ewropej oħrajn u l-esperjenza għall-ammont ta’ xogħol tal-membri, membri msieħba, konsulenti xjentifiċi oħrajn u esperti esterni. L-ewwel stima se sseħħ fl-2009.

(4)

Il-livell kurrenti tal-indennizzi kien stipulat fl-1997 għall-membri u l-esperti tal-predeċessuri tal-Kumitati Xjentifiċi kkonċernati u ma kienx rivalutat minn dakinhar. L-indennizz aġġornat għal kull ġurnata b’kunsiderazzjoni għaż-żieda fil-prezzijiet tal-konsumatur fil-perjodu 1997-2008 skont l-Indiċi tal-Prezzijiet tal-Konsumatur tal-Eurostat se jkun ta’ EUR 381,50. Dan l-ammont għandu jkun ta’ EUR 385 għad-dritt.

(5)

Id-distinzjoni bejn laqgħat ta’ ġurnata jew ta’ nofstanhar għandha tkun eliminata biex il-ħin tal-ivvjaġġar u tat-trasport ikun ikkunsidrat.

(6)

Fid-dawl tal-esperjenza, il-volum ta’ xogħol għar-Relaturi jiddependi b’mod sostanzjali mill-kumplessità u mit-tul tal-attivitajiet li hemm bżonn biex tkun kompluta l-opinjoni, b’kunsiderazzjoni għall-kumplessità tal-kwistjoni, id-disponibilità u l-aċċessibilità tad-dejta, l-ammont ta’ letteratura li trid tkun eżaminata, il-bżonn għal kollaborazzjoni ma’ korpi oħrajn u l-ammont u l-kumplessità ta’ konsultazzjonijiet li jkun hemm bżonn mal-partijiet interessati u mal-pubbliku. Iż-żewġ livelli kurrenti għall-indennizz tar-Relatur ma jirriflettux il-firxa attwali tas-sitwazzjonijiet u għaldaqstant hemm bżonn li tiddaħħal modulazzjoni usa’ tal-indennizz tar-Relatur,

IDDEĊIDIET KIF ĠEJ:

Artikolu uniku

L-Anness III tad-Deċiżjoni 2008/721/KE huwa sostitwit bit-test fl-Anness ta’ din id-Deċiżjoni.

Magħmul fi Brussell, is-27 ta’ Lulju 2009.

Għall-Kummissjoni

Androulla VASSILIOU

Membru tal-Kummissjoni

(1)  ĠU L 241, 10.9.2008, p. 21

ANNESS

“ANNESS III

INDENNIZZI

Il-Membri tal-Kumitati Xjentifiċi, konsulenti xjentifiċi mill-Grupp u l-esperti esterni għandhom ikunu intitolati għal indennizzi marbuta mal-parteċipazzjoni tagħhom fl-attivitajiet tal-kumitati xjentifiċi kif ġej:

Għall-parteċipazzjoni f’laqgħat tal-Kumitati, laqgħat ta’ ħidma, gruppi ta’ ħidma u laqgħat u avvenimenti oħrajn organizzati mill-Kummissjoni:

—

EUR 385 għal kull ġurnata li matulha saret il-laqgħa li għaliha kien hemm attendenza.

Għar-responsabbiltà ta’ Relatur:

—

L-indennizz huwa differenti, skont l-ammont ta’ xogħol relatat mal-kumplessità tal-kwistjoni, it-tul tal-perjodu li hemm bżonn biex tkun kompletata l-opinjoni, l-ammont u l-aċċessibilità tad-dejta u tal-letteratura xjentifika u l-informazzjoni li trid tinġabar u tkun ipproċessata u l-ammont u l-kumplessità ta’ konsultazzjonijiet pubbliċi u mal-partijiet interessati u kuntatti ma’ korpi oħrajn, fid-dawl tal-kriterji indikattivi li ġejjin:

Ammont

Kriterji indikattivi

EUR 385

—

Kwistjoni sempliċi u ta’ rutina

—

Opinjoni bbażata fuq l-eżaminar tal-fajl, b’tiftix minimu ta’ dejta u eżaminar minimu ta’ letteratura

—

L-ebda konsultazzjoni pubblika

—

Mhux aktar minn ħames xhur bejn l-ewwel u l-aħħar laqgħa

EUR 770

—

Kwistjoni kumplessa

—

Opinjoni bbażata fuq ammont sinifikanti ta’ dejta u tiftix u eżaminar ta’ letteratura

—

Konsultazzjoni mal-partijiet interessati u/jew pubblika b’ammont ta’ xogħol limitat ta’ eżaminar tar-risposti

—

Minn ħamsa sa disa’ xhur bejn l-ewwel u l-aħħar laqgħa

EUR 1 155

—

Kwistjoni kumplessa ħafna

—

Bżonn ta’ tiftix u analiżi intensivi ħafna ta’ dejta u letteratura

—

Konsultazzjonijiet intensivi u kumplessi mal-partijiet interessati, mal-pubbliku u ma’ korpi xjentifiċi oħrajn, b’eżaminar importanti tar-risposti

—

Aktar minn disa’ xhur bejn l-ewwel u l-aħħar laqgħa

—

F’kull każ speċifiku, abbażi tal-kriterji msemmija hawn fuq, il-Kummissjoni għandha tindika fit-talba għal opinjoni liema ammont ta’ indennizz għal Relatur japplika. L-għażla tal-ammont applikabbli jista’ jkun mibdul mill-Kummissjoni matul ix-xogħol preparatorju għall-opinjoni mitluba jekk dan ikun iġġustifikat minn tibdil mhux previst fir-rigward tal-kriterji rilevanti.

—

Il-Kummissjoni se tqis b’mod regolari l-ħtieġa li jiġu adattati dawn l-indennizzi fid-dawl tal-indiċi tal-prezzijiet, l-evalwazzjoni ta’ indennizzi mħallsa lill-esperti f’istituzzjonijiet Ewropej oħrajn u l-esperjenza għall-ammont ta’ xogħol tal-membri, membri msieħba, konsulenti xjentifiċi oħrajn u esperti esterni.”
Top