Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32008R0535

Regolament tal-Kummissjoni (KE) Nru 535/2008 tat- 13 ta’ Ġunju 2008 li jistabbilixxi regoli dettaljat għall-implimentazzjoni tar-Regolament tal-Kunsill (KE) Nru 708/2007 dwar l-użu ta' speċijiet aljeni u li ma jinstabux lokalment fl-akkwakultura

ĠU L 156, 14.6.2008, p. 6–9 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/reg/2008/535/oj

Date of document:
13/06/2008
Date of effect:
04/07/2008; Dħul fis-seħħ Data tal-pubblikazzjoni + 20 Ara Art. 5
Date of effect:
04/01/2009; Applikazzjoni parzjali Ara Art. 5
Date of end of validity:
No end date
Author:
Il-Kummissjoni Ewropea
Responsible body:
Directorate-General for Maritime Affairs and Fisheries
Form:
Regolament
Treaty:
Trattat li jistabbilixxi l-Komunità Ewropea
Legal basis:
Link
Link
Link
Select all documents mentioning this document
Link

14.6.2008   

MT

Il-Ġurnal Uffiċjali ta’ l-Unjoni Ewropea

L 156/6

REGOLAMENT TAL-KUMMISSJONI (KE) Nru 535/2008

tat-13 ta’ Ġunju 2008

li jistabbilixxi regoli dettaljat għall-implimentazzjoni tar-Regolament tal-Kunsill (KE) Nru 708/2007 dwar l-użu ta' speċijiet aljeni u li ma jinstabux lokalment fl-akkwakultura

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 708/2007 tal-11 ta' Ġunju 2007 dwar l-użu ta' speċijiet aljeni u li ma jinstabux lokalment fl-akkwakultura, (1), u b’mod partikolari t-tielet paragrafu ta’ l-Artikolu 23 u 24(3) tiegħu,

Billi:

(1)

Ir-Regolament (KE) Nru 708/2007 jistabbilixxi qafas li jirregola l-prassi fl-akkwakultura fir-rigward ta' speċijiet aljeni u li ma jinstabux lokalment sabiex jiġi evalwat u mnaqqas kemm jista' jkun l-impatt possibbli tagħhom u kwalunkwe speċi assoċjata mhux fil-mira fuq il-ħabitats akkwatiċi. Jipprovdi, inter alia, li għandhom jiġu adottati regoli dettaljati li jimplimentaw il-kundizzjonijiet meħtieġa biex jiżdiedu l-ispeċijiet fl-Anness IV ta' dak ir-Regolament.

(2)

Għalhekk huwa xieraq li tiġi stabbilita proċedura trasparenti sabiex jiġu vvalutati t-talbiet magħmula mill-Istati Membri għaż-żieda ta’ l-ispeċijiet ma’ l-Anness IV tar-Regolament (KE) Nru 708/2007. B’mod partikolari, huwa meħtieġ li jiġu ċċarati aktar u ddefiniti l-kundizzjonijiet ipprovduti fl-Artikolu 24(2) tar-Regolament (KE) Nru 708/2007 u li tiġi identifikata l-informazzjoni li għandhom jipprovdu l-Istati Membri b’appoġġ għat-talbiet tagħhom biex jiżdiedu l-ispeċijiet.

(3)

Barra minn hekk, ir-Regolament (KE) Nru 708/2007 jipprovdi li tista’ tiġi żviluppata sistema speċifika ta’ l-informazzjoni biex l-Istati Membri jkunu jistgħu jaqsmu l-informazzjoni li tkun tinsab fir-reġistri u li tikkonċerna speċijiet aljeni u li ma jinstabux lokalment fl-akkwakultura.

(4)

Għalhekk huwa meħtieġ li jiġu żviluppati standards komuni ta’ l-informatika u lingwaġġ ta’ komunikazzjoni li għandhom jintużaw mill-Istati Membri sabiex ikun jista’ jsir użu komuni minn sett ta’ dejta minimu li tkun tinsab fir-reġistri nazzjonali ta’ introduzzjonijiet u traslokazzjonijiet. Għandhom jiġu stabbiliti dispożizzjonijiet b’għajnuna għall-armonizzazzjoni tas-sistemi ta’ l-informazzjoni li għandhom jiġu implimentati mill-Istati Membri.

(5)

Il-miżuri pprovduti f'dan ir-Regolament huma konformi ma' l-opinjoni tal-Kumitat għas-Sajd u l-Akkwakultura,

ADOTTAT DAN IR-REGOLAMENT:

Artikolu 1

Dan ir-Regolament jistabbilixxi r-regoli dettaljati li jimplimentaw il-kundizzonijiet meħtieġa biex jiżdiedu l-ispeċijiet ma’ l-Anness IV tar-Regolament (KE) Nru 708/2007 u li jirrigwardaw l-iżvilupp ta’ sistema ta’ informazzjoni speċifika li tirrigwarda l-permessi għall-introduzzjonijiet u t-traslokazzjonijiet ta’ l-ispeċijiet aljeni u dawk li ma jinstabux lokalment fl-akkwakultura.

Artikolu 2

Għall-għanijiet ta' l-Artikolu 24(2) tar-Regolament (KE) Nru 708/2007:

(a)

“żmien twil (b'referenza għaċ-ċiklu tal-ħajja tiegħu)” għandha tfisser perjodu minimu ta' 10 snin wara l-ikkompletar ta' żewġ ċikli ta' produzzjoni;

(b)

“effetti negattivi” għandha tfisser każ fejn l-evidenza xjentifika turi li speċi akkwatika, wara l-introduzzjoni tagħha f’ċertu Stat Membru, tikkawża b’mod sinifikanti inter alia,

(i)

degradazzjoni tal-ħabitat;

(ii)

kompetizzjoni ma’ l-ispeċijiet lokali għall-ħabitat riproduttiv;

(iii)

ibridizzazzjoni ma' l-ispeċijiet lokali b’theddida għall-integrità ta’ l-ispeċi;

(iv)

predazzjoni fuq il-popolazzjoni ta' l-ispeċijiet lokali u b'riżultat ta' dan, tnaqqis tal-popolazzjoni tagħhom;

(v)

eżawriment tar-riżorsi lokali ta’ l-ikel;

(vi)

it-tixrid tal-mard u patoġeni ġodda f’organiżmi u ekosistemi akkwatiċi selvaġġi.

Artikolu 3

1.   L-Istati Membri għandhom iressqu talbiet lill-Kummissjoni għaż-żieda ta’ speċijiet mal-lista ta’ speċijiet imsemmija fl-Anness IV tar-Regolament (KE) Nru 708/2007.

2.   Dawk it-talbiet għandhom jittressqu lill-Kummissjoni flimkien ma’ karta ta’ fatti li tindika l-informazzjoni li ġejja:

(a)

l-isem xjentifiku ta’ l-ispeċi;

(b)

id-distribuzzjoni ġeografika;

(ċ)

il-ħabitat u l-bijoloġija;

(d)

il-produzzjoni ta’ l-akkwakultura;

(e)

l-impatt ta’ l-introduzzjonijiet;

(f)

il-fatturi li x’aktarx jinfluwenzaw it-tixrid u d-distribuzzjoni;

(g)

il-koerenza mal-kriterji pprovduti fl-Artikolu 24(2) tar-Regolament (KE) Nru 708/2007.

Artikolu 4

1.   L-Istati Membri għandhom jistabbilixxu u jżommu aġġornata sistema ta’ informazzjoni li jkun fiha d-dettalji tat-talbiet kollha għall-permessi għall-introduzzjoni ta’ speċi aljena jew għat-traslokar ta’ speċi li ma tinsabx lokalment. L-Istati Membri għal kull talba għal permess għandhom jimlew karta ta' l-informazzjoni li jkun fiha d-dejta indikata fl-Anness ta’ dan ir-Regolament, skond il-format stipulat fih.

2.   L-Istati Membri għandhom iwaqqfu Websajt sa mhux aktar tard mill-31 ta’ Diċembru 2009, li tkun aċċessibbli permezz ta' l-internet u li jkun fiha l-informazzjoni elenkata fl-Anness għal dan ir-Regolament. Il-websajt għandha ssegwi l-linji ta’ gwida ta’ l-“Inizjattiva għall-Aċċessibbiltà tal-Web”.

3.   L-Istati Membri għandhom jikkomunikaw l-indirizz ta’ l-Internet tal-Websajt lill-Kummissjoni.

Artikolu 5

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Madankollu, l-Artikolu 4 għandu japplika sitt xhur mid-data li fiha jidħol fis-seħħ ir-Regolament.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 13 ta’ Ġunju 2008.

Għall-Kummissjoni

Joe BORG

Membru tal-Kummissjoni

(1)  ĠU L 168, 28.6.2007, p. 1.

ANNESS

Il-karta ta’ informazzjoni msemmija fl-Artikolu 4(1)

Il-karta ta’ l-informazzjoni għandha timtela għal moviment singolu/multiplu (1) (introduzzjoni/trażlokazzjoni) ta' speċi aljena/li ma tinstabx lokalment

1.   Informazzjoni ġenerali

1.1   Numru jew referenza ta’ l-applikazzjoni għal permess:

1.2   L-ewwel applikazzjoni: IVA/LE, jekk LE: referenza ta' l-applikazzjoni preċedenti għal permess

1.3   Data ta’ l-applikazzjoni għal permess: jj/xx/ssss

1.4   Dejta dwar l-ispeċi:

1.4.1   Kodiċi tal-FAO:

1.4.2   Isem komuni:

1.4.3   Isem xjentifiku:

1.4.4   Sottospeċi (jekk relevanti):

1.4.5   Informazzjoni addizzjonali:

Tetraplojdi:

IVA/LE

Ibridu artifiċjalment fertili:

IVA/LE

1.4.5.3   Jekk IVA, il-kodiċi tal-FAO u l-isem ta’ l-ispeċi ġenitur:

1.5   Sors:

1.5.1   Pajjiż:

1.5.2   Post (isem u indirizz tas-sors):

1.5.3   Tip ta’ sors (mafqas/farm tat-tkabbir/naturali):

1.6   Faċilità ta’ l-akkwakultura li tirċievi:

1.6.1   Post (isem u indirizz tas-sors):

1.6.2   Metodu tat-trobbija: Sistema Magħluqa/Miftuħa (2)

1.7   Għadd ta’ organiżmi u l-istadju tal-ħajja (bajd, larvi, żgħar, adulti):

1.8   Għan (konsum mill-bniedem, trobbija għal stokkjar ulterjuri, riċerka, eċċ.):

1.9   Għadd ta’ movimenti previsti:

2.   Skrining u valutazzjoni tar-riskji

2.1   Tip ta’ moviment

Introduzzjoni jew trażlokazzjoni ta’ rutina:

IVA/LE

Approvazzjoni tal-permess:

IVA/LE

Data tal-ħruġ tal-permess:

jj/xx/ssss

2.1.1.3   L-Awtorità li ħarġet il-permess (indirizz sħiħ):

Perjodu effettiv tal-permess:

X snin XX xhur

2.1.1.5   Jekk suġġett għall-kundizzjonijiet:

Kwarantina:

IVA/LE

Rilaxx bi prova:

IVA/LE

Introduzzjoni jew trażlokazzjoni mhux ta’ rutina:

IVA/LE

2.1.2.1   Tip ta’ riskju:

2.1.2.1.1   Baxx

2.1.2.1.2   Medju

2.1.2.1.3   Għoli

2.1.2.2   Rapport fil-qosor tal-valutazzjoni tar-riskju ambjentali kumplessiv (ftit linji u dokument PDF) u wkoll fit-tieni lingwa Komunitarja (ftit linji)

Approvazzjoni tal-permess:

IVA/LE

Data tal-ħruġ tal-permess:

jj/xx/ssss

2.1.2.5   L-Awtorità li ħarġet il-permess:

Perjodu effettiv tal-permess:

X snin XX xhur

2.1.2.7   Jekk soġġett għall-kundizzjonijiet:

Kwarantina:

IVA/LE

Rilaxxi bi prova:

IVA/LE

3.   Il-monitoraġġ

3.1   Tul tal-programm ta’ monitoraġġ: XX xhur

3.2   Sinteżi tar-riżultati ta’ l-evalwazzjoni tal-programm ta’ monitoraġġ (ftit linji u dokument PDF) u wkoll fit-tieni lingwa Komunitarja (ftit linji)

Pjanijiet ta’ kontinġenza applikati:

IVA/LE

Irtirar tal-permess (jekk applikabbli):

IVA/LE

3.4.1   Jekk IVA: Temporanjament/għal dejjem

3.4.2   Data: jj/xx/ssss

3.4.3   Raġunijiet għall-irtirar (ftit linji) ukoll fit-tieni linja Komunitarja (ftit linji):

(1)  Jistgħu jitressqu applikazzjonijiet għal ċaqliq multiplu li għandu jseħħ fuq perjodu ta’ mhux aktar minn 7 snin (Artikolu 6(1) tar-Regolament (KE) Nru 708/2007).

(2)  Kif definit fl-Artikolu 3(2) u (3) tar-Regolament (KE) Nru 708/2007.

Top