This document is an excerpt from the EUR-Lex website
Document 32007R1040
Commission Regulation (EC) No 1040/2007 of 10 September 2007 approving minor amendments to the specification for a name entered in the register of protected designations of origin and protected geographical indications (Melon du Quercy (PGI))
Regolament tal-Kummissjoni (KE) Nru 1040/2007 ta’ l- 10 ta’ Settembru 2007 li japprova emendi minuri lill-ispeċifikazzjonijiet ta’ denominazzjoni elenkata fir-reġistru tad-denominazzjonijiet protetti ta’ oriġini u ta’ l-indikazzjonijiet ġeografiċi protetti
Regolament tal-Kummissjoni (KE) Nru 1040/2007 ta’ l- 10 ta’ Settembru 2007 li japprova emendi minuri lill-ispeċifikazzjonijiet ta’ denominazzjoni elenkata fir-reġistru tad-denominazzjonijiet protetti ta’ oriġini u ta’ l-indikazzjonijiet ġeografiċi protetti
ĠU L 238, 11.9.2007, p. 29–33
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
11.9.2007 |
MT |
Il-Ġurnal Uffiċjali ta’ l-Unjoni Ewropea |
L 238/29 |
REGOLAMENT TAL-KUMMISSJONI (KE) Nru 1040/2007
ta’ l-10 ta’ Settembru 2007
li japprova emendi minuri lill-ispeċifikazzjonijiet ta’ denominazzjoni elenkata fir-reġistru tad-denominazzjonijiet protetti ta’ oriġini u ta’ l-indikazzjonijiet ġeografiċi protetti
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 510/2006 ta’ l-20 ta’ Marzu 2006 dwar il-protezzjoni ta’ l-indikazzjonijiet ġeografiċi u tad-denominazzjonijiet ta’ l-oriġini tal-prodotti agrikoli u l-prodotti ta’ l-ikel (1), u b’mod partikolari t-tieni sentenza ta’ l-Artikolu 9(2) tiegħu,
Billi:
(1) |
Skond l-ewwel subparagrafu ta’ Artikolu 9(1) tar-Regolament (KE) Nru 510/2006 u fid-dawl ta’ l-Artikolu 17(2) ta’ l-istess Regolament, il-Kummissjoni eżaminat it-talba ta’ Franza biex jiġu approvati emendi lill-ispeċifikazzjonijiet tad-denominazzjoni protetta ta’ oriġini “Melon du Quercy”, irreġistrata bir-Regolament tal-Kummissjoni (KE) Nru 1165/2004 (2). |
(2) |
L-għan ta’ din it-talba huwa li temenda l-ispeċifikazzjonijiet li jirrigwardaw l-ismijiet tal-komuni inklużi fiż-żona ġeografika tal-“Melon du Quercy”, peress li ħames komuni tħallew barra bi żball mil-lista meta l-ismijiet tal-cantons [distretti awtonomi] u l-komuni ġew traskritti mill-mappa. |
(3) |
Il-Kummissjoni eżaminat l-emenda kkonċernata u kkonkludiet li hija ġġustifikata. Billi din hija emenda minuri skond l-Artikolu 9 tar-Regolament (KE) Nru 510/2006, il-Kummissjoni tista’ tapprovaha mingħajr rikors għall-proċedura stipulata fl-Artikoli 5, 6 u 7 ta’ l-istess Regolament, |
ADOTTAT DAN IR-REGOLAMENT:
Artikolu 1
L-ispeċifikazzjonijiet ta’ l-indikazzjoni ġeografika protetta “Melon du Quercy” huma b’dan emendati skond l-Anness I ta’ dan ir-Regolament.
Artikolu 2
Sintesi ta’ l-elementi ewlenin ta’ l-ispeċifikazzjonijiet tinsab fl-Anness II ta’ dan ir-Regolament.
Artikolu 3
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 10 ta’ Settembru 2007.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 93, 31.3.2006, p. 12. Ir-Regolament kif emendat bir-Regolament tal-Kummissjoni (KE) Nru 952/2007 (ĠU L 210, 10.8.2007, p. 26).
(2) ĠU L 224, 25.6.2004, p. 16.
ANNESS I
B’dan huma approvati l-emendi li ġejjin għall-ispeċifikazzjonijiet ta’ l-indikazzjoni ġeografika protetta “Melon du Quercy” (Franza):
“Żona ġeografika”:
Fil-paragrafu li jibda “Il-komuni tal-cantons li ġejjin”
— |
taħt l-ewwel inċiż “Fi Tarn et Garonne”, it-tieni subinċiż
|
— |
taħt it-tieni inċiż, “F’Lot”, jiżdied ir-raba’ subinċiż bl-ismijiet tal-komuni li ġejjin:
|
— |
taħt it-tieni inċiż, “F’Lot”,
|
ANNESS II
SINTEŻI
IR-REGOLAMENT TAL-KUNSILL (KE) Nru 510/2006 dwar il-protezzjoni ta’ l-indikazzjonijiet ġeografiċi u tad-denominazzjonijiet ta’ l-oriġini tal-prodotti agrikoli u l-prodotti ta’ l-ikel
“MELON DU QUERCY”
Nru tal-KE: FR/IGP/105/0086//30.12.2005
DOP ( ) IĠP (X)
Din is-sinteżi tagħti l-elementi ewlenin ta’ l-ispeċifikazzjonijiet tal-prodott b’għan informattiv.
1. Dipartiment responsabbli fl-Istat Membru:
Isem |
: |
Institut national des appellations d’origine |
Indirizz |
: |
51, rue d’Anjou — F-75008 Paris |
Tel. |
: |
(33) 153 89 80 00 |
Feks |
: |
(33) 142 25 57 97 |
Posta elettronika |
: |
info@inao.gouv.fr |
2. Grupp:
Isem |
: |
Syndicat Interprofessionnel du Melon du Quercy |
Indirizz |
: |
29, avenue du Général de Gaulle – F-46170 CASTELNAU-MONTRATIER |
Tel. |
: |
(33) (0) 565 21 96 83 |
Feks |
: |
(33) (0) 565 21 88 15 |
Posta elettronika |
: |
melon-du-quercy@wanadoo.fr |
Kompożizzjoni |
: |
Produtturi/proċessuri (X) Oħrajn ( ) |
3. Tip ta’ prodott:
Klassi 1.6 |
– |
Frott, ħaxix u ċereali fl-istat oriġinali jew ipproċessati |
4. Speċifikazzjonijiet
(sinteżi tar-rekwiżiti skond l-Artikolu 4(2) tar-Regolament (KE) Nru 510/2006)
4.1. Isem:
“Melon du Quercy”
4.2. Deskrizzjoni:
Bettieħ bil-qoxra lixxa jew minsuġa, lewn aħdar/griż jagħti fl-isfar, bil-laħam oranġjo, u b’piż ta’ bejn 450 g u 1 300 g jew aktar.
4.3. Żona ġeografika:
Iż-żona ta’ IĠP “Melon du Quercy” tinkludi:
|
Il-cantons li ġejjin:
|
|
Il-komuni tal-cantons li ġejjin:
|
4.4. Prova ta’ l-oriġini:
Il-bettieħa ta’ Quercy ilha titkabbar fir-reġjun ta’ Quercy mis-seklu sittax. Fl-1930, il-produzzjoni tal-bettieħ ħadet spinta bis-saħħa, partikolarment, taż-żieda fil-medda ta’ artijiet imħawla bih u d-dehra tiegħu fis-swieq lokali. Din il-produzzjoni baqgħet tiżdied fis-snin 1940-45, u mill-1960 ’il quddiem ħadet spinta oħra permezz tat-trasport.
Illum il-ġurnata, il-bettieħa ta’ Quercy tgawdi minn reputazzjoni mseddqa, u l-għadd ta’ marki użati minnu nnifsu juri l-importanza tar-rabta bejn il-bettieħa u r-reġjun ta’ Quercy.
Fil-bidu ta’ kull sena tas-suq, il-ġonot tar-raba’ ta’ kull produttur jiġu approvati mill-esperti awtorizzati mill-korp ta’ ċertifikazzjoni, skond iż-żona ġeografika u l-art eliġibbli. Kull ġonta raba’ titniżżel fir-reġistru tal-kultivazzjonijiet tal-Melon du Quercy: il-komun, is-sezzjoni, in-numri ta’ referenza fir-reġistru ta’ l-artijiet, u l-erja f’mijiet ta’ metri kwadri (ares).
Kopja ta’ din l-informazzjoni tinżamm fir-reġistru tal-kultivazzjonijiet tal-produttur, kopja oħra tintbagħat lill-impjant ta’ l-ippakkjar, u kopja oħra tinbagħat lis-Syndicat Interprofessionnel du Melon du Quercy.
B’hekk jiġu identifikati u rreġistrati isem il-produttur, il-varjetà u l-ġonot tar-raba’ li jikkorrispondu għal kull lott li jitwassal sa l-impjant ta’ l-ippakkjar. Dan l-impjant jiġbor flimkien il-lottijiet ta’ diversi produtturi. Il-lottijiet iċċertifikati jiġu sseparati mil-lottijiet mhux iċċertifikati malli jidħlu fl-impjant ta’ l-ippakkjar, biex imbagħad jiġu ppakkjati, tikkettati u kkummerċjalizzati separatament.
4.5. Metodu ta’ produzzjoni:
Il-bettieħ ta’ Quercy jitkabbar minn varjetajiet magħżula. Il-ħsad isir meta jkun misjur għal kollox, u jekk possibbli, kuljum qabel is-13:00. Il-bettieħ jitqiegħed minnufih f’kontenituri ta’ l-injam jew kaxxi tal-plastik, f’saff wieħed biss, wieħed ħdejn l-ieħor iżda mingħajr ma jitgeddes iżżejjed.
Wara l-ħsad, il-bettieħ jitqiegħed f’post fejn ikun protett mix-xemx u mill-maltemp. It-trasport sa l-impjant ta’ l-ippakkjar isir dakinhar stess tal-ħsad. Il-bettieħ imbagħad jiġi ċċekkjat u approvat skond id-dehra u l-kontenut ta’ zokkor tiegħu. Jiġi kklassifikat, iggradat u mbagħad ippakkjat f’kontenitur ċellulari u/jew imġeżwer fil-karta, skond il-piż u l-kulur.
4.6. Rabta:
Il-vantaġġ kbir tar-reġjun tal-Quercy għall-produzzjoni tal-bettieħ jinsab fil-ħamrija u fil-klima tiegħu. Il-karatteristiċi tal-klima, daqqa b’influwenzi mill-oċean (temp frisk u umdu) u daqqa mill-Mediterran (temp sħun u niexef), iġibu magħhom abitwalment varjazzjonijiet kbar fit-temperatura, u b’hekk jiżguraw l-kundizzjonijiet ideali għat-tkabbir tal-bettieħ f’termini ta’ temperatura u umdità.
Fattur ieħor huwa l-ħamrija bil-kontenut tagħha ta’ ġir u ta’ tafal. It-tafal huwa essenzjalment magħmul mill-illite u l-montmorillonite, li jippreservaw il-potassju. B’hekk, il-ħamrija tirregola n-nutriment tal-pjanta b’dan il-mineral. Dan jagħti lill-bettieħa l-fwieħa partikolari ta’ l-art. Barra minn hekk, il-ħamrija għandha kapaċità tajba biex iżżomm l-ilma, u b’hekk tiżgura li l-pjanta tirċievi provvista regolari.
4.7. Organu ta’ spezzjoni:
Isem |
: |
QUALISUD |
Indirizz |
: |
15, avenue de Bayonne, 40500 Saint Sever |
Tel. |
: |
(33) (0) 558 06 53 30 |
Feks |
: |
(33) (0) 562 88 13 91 |
Posta elettronika |
: |
qualisud@wanadoo.fr |
4.8. Tikkettar:
— |
Isem il-prodott: Melon du Quercy. |
— |
Karatteristiċi ċċertifikati: Imkabbar fir-reġjun ta’ Quercy, maħsud meta misjur għal kollox. |