8.1.2008   

MT

Il-Ġurnal Uffiċjali ta’ l-Unjoni Ewropea

101

(1)

Fl-20 ta' Frar 2006, il-Kunsill adotta l-Azzjoni Konġunta 2006/122/PESK li testendi l-mandat tar-Rappreżentant Speċjali ta' l-Unjoni Ewropea għar-Reġjun Afrikan tal-Lagi Kbar sat-28 ta' Frar 2007 (1).

(2)

Fis-7 ta' Ġunju 2006, il-Kunsill approva l-politika ta' l-Unjoni Ewropea dwar is-sigurtà ta' persunal skjerat barra l-Unjoni Ewropea f'kapaċità operattiva taħt it-Titlu V tat-Trattat dwar l-Unjoni Ewropea.

(3)

Abbażi ta' reviżjoni ta' l-Azzjoni Konġunta 2006/122/PESK, il-mandat tar-Rappreżentant Speċjali ta' l-Unjoni Ewropea (RSUE) għandu jiġi emendat u estiż għal perijodu ta' 12-il xahar.

(4)

Is-Sur Aldo Ajello informa lis-Segretarju Ġenerali/Rappreżentant Għoli (SĠ/RGħ) bl-intenzjoni tiegħu li jirreżenja fl-aħħar ta' Frar 2007. Għandu għalhekk jinħatar RSUE ġdid mill-1 ta' Marzu 2007.

(5)

Fil-31 ta' Jannar 2007, is-SĠ/RGħ irrakkomanda li s-Sur Roeland VAN DE GEER jiġi maħtur bħala r-RSUE l-ġdid għar-Reġjun Afrikan tal-Lagi Kbar.

(6)

Ir-RSUE ser jimplementa l-mandat tiegħu fil-kuntest ta' sitwazzjoni li tista' tiddeterjora u li tista' tagħmel ħsara lill-objettivi tal-Politika Estera u ta' Sigurtà Komuni stabbiliti fl-Artikolu 11 tat-Trattat,

(a)

il-kontribut attiv u effettiv għal politika konsistenti, sostenibbli u responsabbli ta' l-Unjoni Ewropea fir-Reġjun Afrikan tal-Lagi Kbar, bil-promozzjoni ta' approċċ ġenerali koerenti ta' l-Unjoni Ewropea fir-reġjun. Ir-RSUE għandu jappoġġa l-ħidma tas-Segretarju Ġenerali/Rappreżentant Għoli (SĠ/RGħ) fir-reġjun;

(b)

l-iżgurar ta' impenn kontinwu ta' l-Unjoni Ewropea għall-proċessi ta' stabbilizzazzjoni u ta' rikostruzzjoni fir-reġjun, permezz ta' preżenza attiva fuq il-post u f'fora internazzjonali rilevanti, filwaqt li jinżamm kuntatt ma' atturi prinċipali u b'kontribuzzjoni għall-maniġġar ta' kriżijiet;

(ċ)

il-kontribut għall-fażi ta' wara t-transizzjoni fir-Repubblika Demokratika tal-Kongo (RDK), b'mod partikolari fir-rigward tal-proċess politiku tal-konsolidazzjoni ta' l-istituzzjonijiet il-ġodda u d-definizzjoni tal-qafas internazzjonali usa' għall-konsultazzjoni u l-koordinazzjoni politiċi mal-gvern il-ġdid;

(d)

il-kontribut, f'kooperazzjoni mill-qrib man-Nazzjonijiet Uniti/MONUC, għall-isforzi internazzjonali ta' appoġġ biex tinkiseb Riforma komprensiva tas-Settur tas-Sigurtà fir-RDK, b'mod partikolari minħabba r-rwol ta' koordinazzjoni li l-Unjoni Ewropea hija lesta li tassumi f'dan il-kuntest;

(e)

il-kontribut għall-miżuri adatti ta' segwitu għall-Konferenza Internazzjonali tar-Reġjun tal-Lagi Kbar, b'mod partikolari permezz ta' l-istabbiliment ta' kuntatti mill-qrib mas-Segretarjat tal-Lagi Kbar u s-Segretarju Eżekuttiv tiegħu kif ukoll mat-Trojka tal-mekkaniżmu ta' segwitu u permezz tal-promozzjoni ta' relazzjonijiet tajba bejn il-ġirien fir-reġjun;

(f)

l-indirizzar tal-problema li għadha konsiderevoli ta' gruppi armati li qed joperaw fuq il-fruntieri bir-riskju li jiddistabbilizzaw il-pajjiżi fir-reġjun u jaggravaw il-problemi interni tagħhom;

(g)

il-kontribut għall-istabbilizzazzjoni ta' wara l-kunflitt f'Buruni, ir-Rwanda u l-Uganda, b'mod partikolari billi n-negozjati għall-paċi jiġu akkumpanjat minn gruppi armati bħall-FNL u l-LRA.

(a)

jistabbilixxi u jżomm kuntatt mill-qrib mal-pajjiżi tar-Reġjun tal-Lagi Kbar, in-Nazzjonijiet Uniti, l-Unjoni Afrikana, pajjiżi Afrikani prinċipali u msieħba prinċipali tar-RDK u l-Unjoni Ewropea, kif ukoll ma' organizzazzjonijiet Afrikani reġjonali u sub-reġjonali, pajjiżi terzi rilevanti oħra u mexxejja reġjonali prinċipali oħra;

(b)

jipprovdi pariri u jirrapporta dwar il-possibbiltajiet biex l-Unjoni Ewropea tappoġġa l-proċess ta' stabbilizzazzjoni u konsolidazzjoni u dwar kif l-inizjattivi ta' l-Unjoni Ewropea jistgħu jiġu mwettqa l-aħjar;

(ċ)

jiżgura koerenza bejn l-atturi tal-PESK/PESD u għal dan il-għan, jipprovdi pariri u assistenza għar-riforma tas-settur tas-sigurtà fir-RDK u, b'mod partikolari, jagħti gwida politika lokali lill-Kapijiet tal-Missjoni tal-Pulizija ta' l-Unjoni Ewropea (EUPOL Kinshasa) u tal-Missjoni ta' l-Unjoni Ewropea filwaqt li jipprovdi pariri u jassisti lill-awtoritajiet Kongoliżi fir-riforma tas-settur tas-sigurtà (EUSEC RD Kongo), sabiex iwettqu d-doveri tagħhom fil-livell lokali;

(d)

jikkontribwixxi għas-segwitu għall-Konferenza Internazzjonali tar-Reġjun tal-Lagi Kbar, b'mod partikolari billi jappoġġa l-linji politiċi definiti fir-reġjun li jippruvaw jilħqu l-objettivi ta' non-vjolenza u ta' difiża reċiproka fir-riżoluzzjoni ta' kunflitti kif ukoll, fir-rigward tal-kooperazzjoni reġjonali, bil-promozzjoni tad-drittijiet tal-bniedem u d-demokratizzazzjoni, it-tmexxija tajba, il-ġlieda kontra l-impunità, il-kooperazzjoni ġudizzjarja, u l-ġlieda kontra l-isfruttament illegali ta' riżorsi naturali;

(e)

jikkontribwixxi għal komprensjoni aħjar tar-rwol ta' l-Unjoni Ewropea fost dawk fuq quddiem fil-ħolqien ta' l-opinjoni fir-reġjun;

(f)

jikkontribwixxi, meta jkun mitlub, għan-negozjati u l-implimentazzjoni ta' ftehim ta' paċi u ta' waqfien mill-ġlied bejn il-partijiet u jimpenja ruħu magħhom diplomatikament fil-każ ta' nuqqas ta' konformità mat-termini ta' dawn il-ftehim; fil-kuntest tan-negozjati ta' l-LRA attwali, tali attivitajiet għandhom jiġu segwiti f'koordinazzjoni mill-qrib mar-RSUE għas-Sudan;

(g)

jikkontribwixxi għall-implimentazzjoni tal-politika tad-drittijiet tal-bniedem ta' l-Unjoni Ewropea u l-Linji Gwida ta' l-Unjoni Ewropea dwar id-drittijiet tal-bniedem, b'mod partikolari l-Linji Gwida ta' l-Unjoni Ewropea dwar it-Tfal u l-Kunflitt Armat, u l-politika ta' l-Unjoni Ewropea dwar ir-Riżoluzzjoni tal-Kunsill tas-Sigurtà 1325 dwar in-Nisa, il-Paċi u s-Sigurtà, inkluż permezz tal-monitoraġġ u r-rappurtar dwar l-iżviluppi f'dan ir-rigward.

(a)

jistabbilixxi pjan ta' sigurtà speċifiku għall-missjoni bbażat fuq il-gwida tas-Segretarjat Ġenerali tal-Kunsill, li jkun jinkludi miżuri ta' sigurtà fiżiċi, organizzattivi u proċedurali speċifiċi għall-missjoni, li jirregola l-ġestjoni tal-moviment mingħajr periklu ta' persunal lejn iż-żona tal-missjoni u ġo fiha, il-ġestjoni ta' inċidenti ta' sigurtà u pjan ta' kontinġenza u ta' evakwazzjoni tal-missjoni;

(b)

jiżgura li l-persunal kollu skjerat barra l-Unjoni Ewropea jkun kopert b'assigurazzjoni għal riskju għoli skond ma jkun mitlub mill-kondizzjonijiet fiż-żona tal-missjoni;

(ċ)

jiżgura li l-membri kollha tal-grupp tiegħu li jkun se jiġu skjerati barra l-Unjoni Ewropea, inkluż persunal ikkuntrattat lokalment, ikunu irċevew taħriġ adatt ta' sigurtà qabel ma jasal fiż-żona tal-missjoni jew kif jasal, abbażi ta' klassifikazzjonijiet tar-riskju assenjati liż-żona tal-missjoni mis-Segretarjat Ġenerali tal-Kunsill;

(d)

jiżgura li r-rakkomandazzjonijiet kollha miftehma magħmula wara valutazzjonijiet regolari tas-sigurtà jkunu implimentati u jipprovdi lis-SĠ/RGħ, lill-Kunsill u lill-Kummissjoni rapporti bil-miktub dwar l-implimentazzjoni tagħhom u dwar kwistjonijiet oħra ta' sigurtà fil-qafas tar-rapporti ta' nofs it-term u ta' l-implimentazzjoni tal-mandat;

(e)

jiżgura, skond ma jkun meħtieġ u fi ħdan ir-responsabbiltajiet tiegħu bħala parti mill-katina ta' kmand, li jittieħed approċċ koerenti fir-rigward tas-sigurtà tal-persunal fl-elementi kollha ta' l-Unjoni Ewropea preżenti f'operazzjoni ta' maniġġar ta' kriżi jew f'operazzjonijiet fiż-żona ġeografika ta' responsabbiltà tiegħu.